我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“甚少出城的我今日難得”

尚膳養顏滋補鍋
餐廳訂位
香港排名第3,729 (共15,296家餐廳)
周圍地區: 旺角
餐廳詳細資料
周圍地區: 旺角
4 週前評論 透過行動裝置

甚少出城的我今日難得來到旺角,就食好啲啦✌️揀咗✨尚膳養顏滋補鍋✨店舖係用二維碼落單的,非常方便✌️✌️食物種類好多
滋補椰子雞鍋(半隻)~沒有添加任何味精/調味料水滾後將雞放入鍋開大火等4分鐘就食得,4分鐘過去了,食得,湯底清甜,雞嫩滑
新鮮本地牛頸脊~脂肪分布平均,色澤鮮明,肉質軟林,非常香濃的牛味
桂花蚌~爽口鮮甜
黑松露蝦丸~黑松露味道濃郁,蝦丸爽口彈牙
手打墨魚滑~超爽口彈牙
鳳城水餃、豬肉韭菜餃各半份~有原隻彈牙大蝦和豬肉等,餃皮又薄
炸魚皮~大件又香脆,十足份量
最後還有生果盤送

造訪日期: 2021年4月
感謝 Ann_nn_Lam
該評論乃TripAdvisor會員主觀個人意見,不代表TripAdvisor LLC公司。
發表評論評論 (6)
旅客評等
旅客類型
月份
語言

1 - 5 則評論,共 6

2021年3月26日 透過行動裝置

辛苦工作過後有時都想食下好西襯住仲有少少涼意就打下邊爐先~
.
尚膳養顏滋補鍋
.
滋補椰子雞鍋 ($168/半隻) - 店員會提供計時器⏳煲滾4分鐘就可以飲湯啦~個湯好清甜好香椰子味好好飲啊雞肉可以點青檸乾葱豉油黎食,食法幾特別

蟹棒響鈴($58) - 新鮮即炸~上枱仲係少少熱浸一浸湯就食得!脆卜卜架~

龍躉片 ($168) - 大大盤好新鮮!鍾意食魚嘅‍♀️食得好滋味~最鍾意啲魚皮勁有骨膠原嘅感覺

韓國梅花豬($168) - 唔會太肥嘅豬肉片~色澤都幾新鮮!

美國桶蠔 ($168) - 隻隻都好肥美鮮甜喎!

豬肉韮菜餃 ($42/半份) - 每次打邊爐都會試自家製手工餃~韮菜勁多好香好味呀~

四色手工丸拼盤 ($88) - 有黑松露蝦丸、黃金墨魚丸、芝心牛肉丸同梅菜豬肉丸各2粒~粒粒都彈牙又足料

唐生菜 ($48)、皇帝菜 ($48) - 打邊爐又點少得菜~份量都幾多用呢個椰子雞湯底淥啲菜好甜好正

杞子圓肉菊花露($68) - 分到2杯嘅份量~打邊爐咁熱氣飲返杯菊花露就啱哂又唔會太甜又解渴!

造訪日期: 2021年3月
1  感謝 littlefoodie_hk
該評論乃TripAdvisor會員主觀個人意見,不代表TripAdvisor LLC公司。
2021年3月7日 透過行動裝置

必吃養生火鍋

平時去打便爐,加湯都是加水或上湯,但呢間就唔同啦,係加返我哋原本選擇嘅湯底,保持原汁原味,唔會越加越淡味。

位於旺角的「尚膳養顏滋補鍋」,餐廳環境幾寬敞舒適,無限時,想同朋友傾幾耐都得。

讚好餐廳Facebook仲送咗杯「杞子圓肉菊花露」,幾大杯幾好飲,清甜滋潤。

點餐用QR code 掃一掃就可以落單,好多款湯底都好吸引,但係得一款湯底可以鴛鴦鍋,所以我哋選咗「尚膳養顏美人鍋」同「滋潤魚雲靜心鍋」,雙併湯底仲要不用額外收費,讚。

「尚膳養顏美人鍋」用料十足
藥材:淮山、北耆、黨參、杞子、圓肉、龍眼干、紅及黑棗
湯料:竹絲雞、桃膠
湯底淡淡清甜滋補,飲完一碗又一碗
太好飲了
用來灼肉和菜就最適合

「滋潤魚雲靜心鍋」
藥材:天麻、川芎、白芷、淮山、圓肉、當歸、
鍋料:魚頭、竹絲雞、白胡椒粒、玫瑰露
湯底藥材味甚濃,我們都超鍾意藥膳,覺得超正,又飲咗幾碗
用來灼丸類、麵條會更入味

靜係湯底已經令到我地好滿意

「手切牛肉」細 $188
雪花紋均勻,入口嫩滑肉味濃

「蟹籽墨魚丸」$78
濃郁墨魚味,手打彈牙有口感

「海鮮拼盤」$288
有聖子、大蝦、鯇魚、象拔蚌、蜆
象拔蚌尤其新鮮,鮮味鮮甜
鯇魚又大又厚肉,相當新鮮彈牙

「蟹棒響鈴」$58
見個名幾得意,貪得意試吓,加咗蟹棒一齊食又幾好味喎

「冰菜」$48
唔係間間都有得食冰菜,梗係要叫你食
有水珠在菜面上真係好得意,好爽口

「寬粉條」$48
呢個都好好食,估唔到咁大碟

埋單$1030值
我地飲湯飲到好滿足

尚膳養顏滋補鍋 (旺角)
旺角彌敦道607號新興大廈1樓106-112號舖

造訪日期: 2021年3月
2  感謝 Lovecathcath
該評論乃TripAdvisor會員主觀個人意見,不代表TripAdvisor LLC公司。
2021年3月6日 透過行動裝置

餐廳:尚膳養顏滋補鍋 (旺角)
地址:旺角彌敦道607號新興大廈1樓106-112號舖

有冇人好鍾意打邊爐,但係又怕熱氣唔敢食太多呢?最近去咗旺角呢間尚膳養顏滋補鍋,佢哋專門熬製唔同嘅滋補火鍋湯底,俾你係食火鍋嘅同時都可以補一補,食都食得冇咁大罪惡咁

餐廳開左唔夠半年,裝修典雅堂皇,充滿中式古代特色,仲有唔少間隔位同獨立房,有足夠私人空間傾偈之外仲可以包房,佢哋喺掃QR Code落單,方便得嚟又可以一清二楚睇到點咗嘅食物同價錢

今次同朋友兩個人就叫咗呢啲食物:
尚膳養顏美人鍋雙拼滋潤魚雲靜心鍋 $188
手切牛肉(細) $188
四色餃子拼盤 $82
四色手工丸拼盤 $88
即炸響鈴 $48
農場滑雞片 $88
什菜籃 $68
寬粉條 $48
蘆薈小麥草 $68

$188就有兩個足料滋補靚湯底,尚膳養顏美人鍋用咗半隻烏雞、紅棗、枸杞、黨參等去熬製,飲落濃郁清甜,而金華火腿令湯底變得鹹香;滋潤魚雲靜心鍋用咗烏雞、魚頭、老薑、白胡椒等去整,店員話可以調理偏頭痛、頭風、經期等問題,飲落以鮮魚香為主,同時帶有微微嘅中藥味,打邊爐打到一半可以食埋入味嘅烏雞同魚頭

手切牛肉紋理同色澤都好吸引,每塊大小都好均等,放入熱鍋入面滾10至15秒就食得,雖然唔喺入口即溶,但喺牛肉味都算濃郁,亦唔會太肥膩

手工丸有黑松露蝦丸、黃金墨魚丸、芝心牛肉丸同梅菜豬肉丸各兩粒;餃子就有鮮蝦菜肉餃、豬肉韭菜餃、鮮蝦雲吞同埋鳳城水餃各兩粒,所以我哋兩個人食就啱啱好每樣都可以試晒。呢度啲餃子都幾薄皮,煮熟之後餃子通透,睇到入面嘅餡料;手工丸都幾有特式,唔喺普通嘅牛丸墨魚丸,而最有驚喜就喺芝心牛肉丸,一咬就爆到成個口都喺芝士,熱死朕,大家食嘅時候要小心

最值得一讚嘅係響鈴,一份有6件,估唔到喺即叫即炸,上到枱嘅時候仲喺出煙熱辣辣♨️,放入窩3秒即刻拎起嚟食,外層沾滿湯汁,內層香脆可口,簡直喺打邊爐嘅最大享受,嚟呢到一定一定要叫!

食完仲有生果盤同埋朱古力送,唔係間間火鍋店都會有,唔錯唔錯

造訪日期: 2021年3月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2021年2月25日

今日又可以同朋友去行街食飯,去咗一間高質素嘅火鍋店打邊爐,地方又大又古色古香,坐得又舒服;如果你同成大班朋友一齊去,有幾間不同大細嘅房間方便一齊坐(座位約16-30人)

任你選擇嘅自助醬料區;有檸檬水;有小食:涼拌大豆芽、五香毛豆及蕎頭

我哋點咗個鴛鴦鍋滋潤魚雲靜心鍋 + 酸菜白肉鍋,淨係個鍋,已經勁多配料,勁正;滋潤魚雲靜心鍋有魚頭又有四分一隻烏雞,加埋其他藥材配料,湯底鮮甜好飲,味道仲好濃郁,夠哂滋潤;另一款酸菜白肉鍋,有薯粉又爽又好味,酸菜 + 白肉,仲有好多配料,真係好正

火鍋配料就揀咗:
手切牛肉、牧場羊肉片、韓國梅花豬、
嫩滑鴨血、四色餃子拼盤
什菜籃、稻庭烏冬(2個)

值得推介嘅小食:鬼馬雙星,用墨魚及蝦釀落油炸鬼整成,香口又脆卜卜,好好食

仲有兩杯滋潤飲品
杞子圓肉菊花露 及 寧神洛神花茶

尚膳養顏滋補鍋
旺角彌敦道607號新興大廈1樓106-112號舖

造訪日期: 2021年2月
1  感謝 SukiYeung
該評論乃TripAdvisor會員主觀個人意見,不代表TripAdvisor LLC公司。

去過尚膳養顏滋補鍋嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。