我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“性價比不俗的火鍋店”
牛之鍋的評論

牛之鍋
香港排名第2,549 (共15,536家餐廳)
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
2021年3月16日 透過行動裝置


湯底
款式幾多而且部份都幾有特色,推介蕃茄薯仔牛粒湯, 煲到最後啲薯仔粒溶晒超好味!

肉類(美國極上牛肉,紐西蘭羊肩片)
美國極上牛肉切得相當平均,雪花唔太多,牛味不太濃。紐西蘭羊肩片食落羶味唔多,較牛肉片多一份油脂,薄薄地一片,唔會話太飽肚。

配菜類
餐廳嘅蔬菜,飲品都係自助形式,而丸類就要落單紙。特別推介牛筋丸,牛味幾重幾爽口!

刺身類
全部冰鎮,而且都相當厚切,鮮味算唔錯!而且想讚下佢啲壽司,細細粒但係配料多多(連海膽都幾新鮮)

海鮮類
廣島蠔超級大粒,海蝦好大隻,亦好爽口。貝殼類亦都冇沙冇多餘嘅殼碎。

甜品類
宇治抹茶芭菲,抹茶雪糕非常之濃郁,唔會太甜,而且入邊仲有朱古力脆脆,增加左個口感!仙草芋圓,打完邊爐緊係要食下仙草下火,芋圓細細粒幾好咬口,配上冰涼嘅滑嫩仙草,真係完美!

造訪日期: 2021年3月
感謝 Daycationhk
該評論乃Tripadvisor會員主觀個人意見,不代表TripAdvisor LLC公司。
發表評論評論 (10)
旅客評等
旅客類型
月份
語言

5 - 9 則評論,共 10

2021年3月12日 透過行動裝置

平時打邊爐都是一個煲一大班人滾滾下,但疫情下大家的衛生意識都提高了,而今次這間牛之鍋更有一人一鍋,乾淨衛生。
麻辣鍋真係幾辣下,幸好有任飲生啤搭救一下。
火鍋就主攻牛肉,美國極上牛肉切得很薄,碌一碌就食得,肉味尚可,而且夠腍。
海鮮都是蝦、蠔,蜆及魚等,蠔肉鮮甜。
刺生及壽司很多款,三文魚雖然不算肥,但味道鮮甜,還有海膽壽司等。
天婦羅炸得香脆,炸雞翼更是外脆內juicy,放題質素真係有驚喜。
甜品都是放題中重要一環,窩夫雪糕香脆,拍得住外面甜品店質素,奶凍茶味濃又夠滑。

造訪日期: 2021年3月
感謝 michaelchu4935
該評論乃Tripadvisor會員主觀個人意見,不代表TripAdvisor LLC公司。
2021年3月10日 透過行動裝置

來到牛之鍋,以為只有打邊爐,原來仲有放題!☺️

火鍋配料紙主要3 張,數10 款。應有盡有。有丸類,海鮮,精緻食品等,湯底選擇也不少。我覺得火鍋一定要雙拼,有辣有吾辣。任君選擇。個人就選了麻辣和胡椒豬肚湯底。

打邊爐的精髓除了食材新鮮,湯底就係靈魂。 湯底一滾就即刻嚐下湯底, 係足料湯底, 好味道。 湯底可以選擇一人鍋or 大鍋。疫情間如果擔心衛生就可以選擇一人鍋。想法周到。除了填紙外面有配菜和醬料選擇。

除左有蝦,蜆,青口,元貝等等海鮮之外,仲可以選擇極上美國牛,油脂分布平均,值得一讚!

有麻辣湯底就一定要選擇蘿蔔,竽絲,䈑筍,薯粉等可以盡吸湯底味道的食材。意料之外的是蘿蘿蔔,沒有蘿蔔絲所以好爽,好甜。夠水份。

放題食物就有6張紙,包括熟食,壽司,刺身,甜品等等。

刺身新鮮,可以食得出爽口,完全沒有腥味,顏色都是鮮艷,絕對不是存放已久的貨色。而且種類多,一定會適合你。

熟食方面亦有非常多選擇,叫了芝士燒蟹蓋,大大個蟹蓋,裏面真的有很多蟹肉,食幾個已經可以回本!仲有串燒等等,都係即叫即燒,新鮮熱辣!

而甜品全部都係即叫即製,雖然要等,但確保新鮮!叫了榴連班戟,上枱外皮還是熱的!最愛甜品的我,一次過叫了抹茶雪糕,芒果布甸,涼粉,榴連西米等等,大大舊榴連肉,真擔心老闆會蝕本。

造訪日期: 2021年3月
1  感謝 supplement815
該評論乃Tripadvisor會員主觀個人意見,不代表TripAdvisor LLC公司。
2021年3月10日 透過行動裝置

這間位於銅鑼灣鵝頸橋的牛之鍋,主要以日式放題為主,可選擇日本料理+火鍋及甜品或只選火鍋及甜品,兩者價錢相差數十元。
刺身款式十多款,其中劍魚腩及三文魚都很鮮甜。
天婦羅的粉漿都算算薄,炸至金黃香脆。
醬汁牛舌彈牙、金菇牛肉卷夠腍。
燒菠蘿香甜無渣。
火鍋方面有多款海鮮任食,包括了海蝦、廣島蠔及鯇魚腩等,非常新鮮,海蝦彈牙,魚腩鮮甜嫩滑。
牛肉方面有兩款,肉質嫩腍亦不算太肥,另外還有羊肉及豚肉,味道不錯,不會有騷味。
其他配料主要是丸類、餃子及蔬菜等等,味道不過不失。
女士們最愛的主角甜品有廿多款,但眼闊肚窄,只能揀了幾款品嚐一下。
抹茶芭菲綠茶味濃,有奶香味,出面食一杯都要$5-60。
伯爵茶奶凍有淡淡茶香,奶味出眾。
整體款式甚多,價錢合理,絕對是人多聚會之選。

造訪日期: 2021年3月
感謝 fishfish85
該評論乃Tripadvisor會員主觀個人意見,不代表TripAdvisor LLC公司。
2021年1月21日

好友快將生日,想同佢食餐飯慶祝,朋友出名係個「邊爐精」,吃火鍋就最適合不過,既暖胃又暖心。

揀咗銅鑼灣堅拿道西呢間日式火鍋店「牛之鍋」,餐廳最近推出咗個午市兩小時火鍋任食放題,成人每位只是 $118,就可以任食多款肉類、火鍋配料、蔬菜、甜品及飲品,如果 +$56 仲有刺身海鮮任食,CP 值超高。一場嚟到,當然唔可以錯過。

湯底可以揀一人一鍋,我點咗九州豬骨湯,而友人就選了蕃茄薯仔牛粒湯。兩款湯底味道都唔錯,豬骨湯湯色金黃,入口帶濃郁豬骨鮮味;而薯仔牛粒湯亦茄香突出,鍋內不少薯仔和牛肉粒,絕對真材實料。

任食嘅肉類有 5 款,當中包括有:美國肥牛、美國極上牛肉、紐西蘭羊肩肉、特選豚肉及五香鮮雞件。美國肥牛質感嫩滑軟熟,咬落不會滿口韌筋同肉渣;而極上牛肉嘅肉質就相對較瘦,牛味亦較濃郁。

羊肩肉同豚肉,食味亦不俗,羊肩肉嘅羊羶味雖然都幾重,但肉質好柔嫩,肉味濃郁並帶有油香;而薄切的豚肉,油脂質素亦上佳,入口甘香不膩。

配料方面,蔬菜、菇類同麵食就全部放咗喺自助吧檯,客人可以自行外出拿取。行咗一圈,有 6 款蔬菜、 蕃茄、南瓜、粟米、金菇......等等,選擇都幾豐富。

另外丸類、餃類、刺身、海鮮同甜品,就以剔紙仔形式點選, 我哋每樣都點咗一啲試下。麻吉燒外皮滑嫩,咬落煙韌 Q 彈,口感超正。粟米餃味道清甜,入口 Juicy 有肉汁;而風琴豆腐亦很好吃,吸滿了湯底的精華,夠晒入味。

刺身方面,選擇雖然唔算好多,只有 8 款,不過整體嘅質素都唔錯,三文魚切得唔會太薄,夠肥美又鮮甜。鮑片賣相唔錯,食落有咬口;而甜蝦嘅質素亦甚佳,入口鮮甜黏爽。

海鮮配料方面,點咗海蝦、廣島蠔、鮑片、牛柏葉同台灣鴨血。海蝦十分新鮮,肉質結實彈牙。廣島蠔夠晒大隻,就算唔小心淥耐咗都仲啖啖肉!牛柏葉很爽口,滾一會便可夾上來吃。鴨血非常腍滑,既大塊又厚身。

甜品方面,款式有榴槤班戟、朱古力慕絲、伯爵茶奶凍、芒果布甸、冰糖雪耳燉木瓜、香草綠豆沙、軟雪糕等。奶凍有好濃嘅伯爵茶味,口感很滑。木瓜嘅味道好清甜,加上爽口的雪耳,簡直是絕配。綠茶雪糕茶味回甘,但又唔會太嗆,質感幼滑,如果想口感更豐富,仲可以加啲雪糕配料上面。

另外飲品櫃入面就放咗好多罐裝同紙盒裝嘅飲料,全部都係任飲。以呢個價錢可以食到咁有質素嘅任食火鍋,真係超值。

造訪日期: 2021年1月
    • 划算度
    • 服務
    • 食物
感謝 mjqueen7e
該評論乃Tripadvisor會員主觀個人意見,不代表TripAdvisor LLC公司。

去過牛之鍋嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。