我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“元朗高質新開Omakase”
舍利鮨的評論

舍利鮨
香港排名第320 (共14,738家餐廳)
周圍地區: 元朗
餐廳詳細資料
周圍地區: 元朗
4 週前評論 透過行動裝置


差唔多成年都冇去過日本呀,好想去旅行,未去得住唯有喺香港食日本嘢止下癮先,最近同朋友經過元朗發現有間新開嘅日本餐廳,又門口睇入去已經覺得好有特色,今次就趁放假決定去試吓佢哋嘅Omakase,估唔到味道有驚喜,店員服務都唔錯,整體用餐體驗良好
_
海膽 (拍賣級海膽)
食落去非常鮮甜,果然配得住佢嘅質素

壽司方面,師傅亦都有同我哋介紹每一款壽司嘅特點同食法,壽司飯嘅質感啱啱好,食材新鮮
大拖羅
鰤魚腩
香箱蟹(蟹膏+蟹肉+蟹子)
赤貝

三文魚子海膽飯
有冇朋友仔都同我一樣好鍾意食三文魚子呢?
食落去唔會有腥味,份量充足值得一試

造訪日期: 2020年12月
感謝 Yyn L
該評論乃TripAdvisor會員主觀個人意見,不代表TripAdvisor LLC公司。
發表評論評論 (35)
旅客評等
旅客類型
月份
語言

16 - 20 則評論,共 35

2020年12月19日 透過行動裝置

已經好耐冇去過日本了,但係又好想食日本級數嘅壽司,所以近近地喺新界區裏面搵咗一間比較新一啲嘅omakase日本餐廳。

元朗呢間舍利鮨聽聞呢度嘅師傅係首席級數,想試佢嘅手勢好耐。環境好新淨簡約,用上淺白色嘅木材做主調,氣氛比人一種好和諧感覺係會食得好舒服嘅晚餐。

夜晚嘅Omakase有2個價錢,分別係15品嘅$1300,同20品嘅$1600,今次就揀左$1300,有前菜,刺身,料理,壽司,湯品同甜品。

特別想講有幾款令我印象深刻嘅壽司,牡丹蝦,用匀成隻蝦每一滴精華造就呢一件壽司,蝦肉飽滿鮮甜帶黏,混合埋蝦膏食更香!

中拖同大拖接住上,中拖油脂比較少,但鮪魚味好突出,再食埋件大拖羅,油脂同魚油香完全喺口腔入面爆發,好好食

秋冬先食到嘅季節性香箱蟹係今晚嘅MVP,香箱蟹,即係雌性嘅松葉蟹,蟹籽比平時見到嘅深色但非常飽滿!十分香濃,好想一口接住一口食蟹肉,蟹膏同蟹籽一齊食嗰種鮮味完全釋放出來,難忘!

造訪日期: 2020年12月
感謝 eat97nei
該評論乃TripAdvisor會員主觀個人意見,不代表TripAdvisor LLC公司。
2020年12月16日 透過行動裝置

入元朗搵朋友,佢帶我搵食,仲話自己最近升職,請我食飯我梗係話食日本野啦

去咗食omakase,以下幾款令我好深印象。

首先係my fav拖羅,肉質非常鮮美,入口即化,世界級享受

日本刺身點少得海膽,呢個仲係拍賣級海膽黎!食落去鮮甜無比好幸福!

鰤魚腩又係好肥美,我朋友都大讚,仲encore左

最後呢個係香箱蟹,有蟹膏+蟹肉+蟹子,蟹味十足,極為滿足!

舍利鮨 Sushi Shari
地址:元朗安寧路38號世宙商場地下6號舖

造訪日期: 2020年12月
感謝 Sharing F
該評論乃TripAdvisor會員主觀個人意見,不代表TripAdvisor LLC公司。
2020年12月16日 透過行動裝置

FB彈出之前去日本旅行既靚相相,我呢個旅遊精好想去日本呀。

無得去旅行,唯有搵間好啲嘅日本餐廳止下癮,朋友就帶我去元朗既舍利鮨,店內裝修以簡約和風設計,好別緻,出面街外又見唔到餐廳入面,唔會好似比人眼望望甘。

我地坐壽司吧枱,咁樣可以望住壽司師傅用心整壽司,師傅又可以簡單介紹佢既出品。

海膽壽司,呢度既海膽係拍賣級數,食落真係鮮甜,真係落重本。

剝皮魚+魚肝醬,都係高級野。由其係魚肝醬,非常香同埋肥美。

深海池魚,新鮮,魚脂平均。

呢度食材係日本魚市場每日直送到香港,質素有一定保證!

造訪日期: 2020年12月
感謝 foodiecatcat
該評論乃TripAdvisor會員主觀個人意見,不代表TripAdvisor LLC公司。
2020年12月15日 透過行動裝置

好耐未食過Omakase,知道啊元朗開咗間新嘅,就晏晝走去試吓。晏晝食無夜晚咁貴又其實都冇乜大分別,所以搵左日晏晝同個朋友去試試。

叫得廚師發辦就係廚師拎當日最新鮮嘅食材出嚟,今日就試咗個海膽,白子,赤貝,松葉蟹肉+蟹膏同埋三文魚子海膽飯

首先見到廚師拎左個勁大板嘅海膽出嚟,聽師傅話呢一個海膽係日本拍賣級嘅級數!由日本直送嘅海膽食落真係特別正,而家冇得去旅行唯有喺香港繼續食住等!

之後試咗一個比較特別嘅白子,食完我搵一搵原來白子係魚類的生殖腺!但係食落去嗰下完全唔知道,因為好鮮甜,而且好滑口。呢個白子刺身真係唔錯

食完刺身就食壽司,第一件係食赤貝壽司。一個新鮮爽口嘅赤貝真係好正。個赤貝外層爽脆,食落就有好濃厚嘅鮮味同埋海水味!師傅仲同我哋講,顏色愈紅的赤貝就愈高級。唔怪之得咁好味。

第二款食嘅壽司係松葉蟹肉+蟹膏,從業牌一直都係我心目中好喜歡食嘅蟹。呢個壽司睇得出師傅用咗好多心機拆蟹肉加埋啲蟹膏。個壽司鮮味極濃,蟹肉鮮甜好食,食完仲想食多舊

每次食Omakase,都會有以下呢一個三文魚子海膽飯。兩種都咁正嘅食材加埋一齊係會有加乘嘅作用嘅。頭先講過呢度嘅海膽係拍賣級,但唔止呢度嘅海膽得,三文魚子都一樣唔錯。最驚食嗰啲三文魚子先係腥既,呢間餐廳就唔會發生呢個情況,正!

造訪日期: 2020年12月
感謝 bornforgoodfood
該評論乃TripAdvisor會員主觀個人意見,不代表TripAdvisor LLC公司。

去過舍利鮨嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。