放假去左果欄買生果，一場出到來就順便揾下有咩特式餐廳，見到油麻地白加士街有間mamaday stuido一於去試下~坐低抖下食個afternoon tea~

飲品當然要叫最愛的凍古力啦，個樽好得意好像香水樽咁~另外就叫左杯hot cappuccino! ☕

試左個因為被紫色所吸引的芝士紫薯蛋糕香濃芝士味配埋紫薯，兩者味道幾夾唔錯:yummy:
另外就叫左個bagel 配芝士醬!
平時好少會食bagel ~試落都幾特別

Mamaday不嬲都係行開玩味既路線，之前同朋友去過尖沙咀店。今次就同好閨密黎到油麻地店，三層的唐樓，每一個位置設計到好適合打卡，我明點解叫Studio喔可以係度影半日

係自肋形式，係樓下買定飲品同caĸe就行樓梯上去，有2層的，我剩係去左2樓呢層，露台位置就有2張枱，去到嘅時候有人坐緊所以食飽之後行去影相

73.5% Dark Chocolate $42
我係朱古力控呢杯73.5% Dark chocolate 好香濃呀！雖然係73.5%但唔係太苦，味道戴點點微甜飲到幸福嘅味道啊

Latte $40
Latte 畫上了拉花，喜歡這圖案好靚呀～
首先聞一聞先，味道好甘香☕️

布朗尼$42
呢個Brownie有手掌咁大呀聽店員介紹嘅時候先知道原來係佢哋自家製㗎！外面烤得幾脆，會有啲鬆軟香濃朱古力味但唔太甜，仲有啲堅果係入面
店員仲附送左佢哋新研發嘅”布朗尼曲奇”，質感就扎實脆口啲。

薯仔撻 $68
薯仔撻整得好精緻，薯蓉食得出放咗啲忌廉入去一齊打蓉，薯蓉還有薯仔粒

從來未發現原來香港有一間本地風格濃厚別具特色嘅Cafe！唔講以為自己置身於時代博物館，相信Cafe嘅老闆係一班非常喜愛香港本地文化特色嘅一班年輕人，而且一定對藝術有一定嘅追求。喺counter落完order之後要自己拎食物上一層樓梯，餐廳環境非常舒適，仲設有outdoor座位！露台位置擺放咗各式各樣嘅花草植物，得閒同朋友過嚟飲杯咖啡食件蛋糕chill下真係一大樂事!

欣賞咗間cafe咁耐，終於可以開餐喇！我地點左抹茶牛奶同埋招牌豆腐咖啡。抹茶牛奶嘅綠茶味好香濃；但講到特別，一定係呢個唔係每個地方都飲到嘅豆腐咖啡！冰凍嘅咖啡內加入左一粒粒口感類似布甸嘅豆腐粒粒，仲有一大球大有清香豆腐味嘅雪糕，雪糕嘅甜味岩岩好中和左咖啡嘅苦味。

呢個Bagel內有一粒粒煙肉，用焗爐焗過之後口感香軟，再配上軟滑嘅cream cheese，好好味！

伯爵茶蘋果蛋糕，味道偏甜，但伯爵茶味都幾香濃！作為下午茶小點份量啱啱好。

之前一直聽過Mamaday在油麻地的新店玩味十足，原來這邊比較近佐敦出口，也很容易找，點完餐要走樓梯上去，所以跟行動不方便的人要注意呢！

豆腐豆腐咖啡（$48）是凍的但是味道很容易入口，有點豆腐也有點豆腐雪糕，口感挺豐富的！

73.5%朱古力（$42）無論口感還是味道都比較濃厚，不會太甜，是他們自己做的，是很不錯。

鹹蛋蛋糕（$48）外面是Oreo，整體是mousse cake，帶有鹹蛋香，不太甜，很不錯喔。

蕃茄乾貝果圈（$38）味道也是不錯，有點蕃茄鹹鹹的味道更好吃！

三層唐樓處處打卡點
自助形式想留幾耐都得

不嬲都好鍾意呢個mamaday嘅餐廳，fusion菜做得好之餘，餐廳處處有打卡位。今次嚟到呢一間油麻地嘅分店，係一間Cafe嚟㗎，冇主食供應，主要係小食咖啡同埋甜品。

為咗配合我嘅Green January

綠茶芝士蛋糕
菠菜批
☕️熱latte
So dirty

我比較喜歡佢嘅飲品多於佢嘅食物 ，始終都係咖啡店，飲品較好喝是正常吧！

兩杯咖啡都香濃幼滑，菠菜批味道比較淡，批皮夠香脆，綠茶芝士蛋糕也是比較清新，適合不喜歡重口味的朋友。

建議大家人少的時候來慢慢享受。

Mamaday Studio
油麻地白加士街105號地舖