我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“大人氣放題燒肉!”
安平燒肉的評論

安平燒肉
香港排名第1,615 (共15,375家餐廳)
周圍地區: 旺角
餐廳詳細資料
周圍地區: 旺角
4 週前評論 透過行動裝置

之前晚市來過幾次都排長龍,而且都派完飛食唔到。今次難得中午有時間,就同朋友決定食中午,希望可以成功食到。難得夾到時間又食到,當然就食最貴果個澳洲M5和牛120分鐘吃到飽套餐,2個鐘可以慢慢嘆。

呢個Set有一客牛舌芯送,厚切既牛舌真係無得輸,可惜得一客呢。好彩仲有薄切牛舌任食,而且都唔會切得好薄,可以食到牛舌脆爽既感覺。

最貴既放題套餐除可以食到澳洲M5和牛外,仲可以食下面兩個level既牛肉,雖然其他兩個餐價錢較平,但有幾款既牛肉質素都唔鐘,值得一試。例如SRF極黑牛肩胛肉,安格斯牛小排等! M5和牛質較為嫩滑多汁,而SRF牛肉等就再多一份咬口同肉味,和牛雖然好食但食得多到會膩,所以間中轉換下仲可以食多點。

海鮮有燒帆立貝、虎蝦等,全部都好大隻同新鮮! 特別係有燒帆立貝好大隻,加埋牛油燒完真係好香好好食,我地每人食左不少於4隻呢。

除左燒物,仲有幾款台灣小食可以即叫即食,炸蚵卷、花枝排和鴨舌等,當然仲有我好鍾意的雞泡魚干,食物款式真係好多,岩晒我呢種鍾意樣樣都試既人。

飲品方面除左佢地好出名既自家冷泡茶外,仲有好多罐裝紙包飲品,其中最特別係來自台灣的麥仔茶,未試過既一定要試下,因為唔係咁易有得飲。

自助區仲有其他配料選擇,例如鳯梨、台灣腸、蔬菜,飯類等。

最後食埋個甜品,又係滿足的一餐。

不得不讚下一店員既體貼同細心,一般燒肉店都要叫店員先會有人幫你換網,但今日店員係見到我地個網燒到黑黑地,已經主動幫換網,而且唔係一個店員,係有兩個店員都咁做,真係非常細心。

造訪日期: 2021年4月
感謝 KikiNg1800
該評論乃TripAdvisor會員主觀個人意見,不代表TripAdvisor LLC公司。
發表評論評論 (16)
旅客評等
旅客類型
月份
語言

7 - 11 則評論,共 17

4 週前評論 透過行動裝置

安平燒肉 - 牛魔王再現

上次和朋友光顧了在旺角的安平燒肉後,無論在環境、服務、食物種類、質素都很有水準,完全成為了安平燒肉的擁躉,今天和朋友再次成為牛魔王!

這次選擇的套餐一樣是澳洲M5和牛120分鐘吃到飽,貪佢所有肉類也可以點,和包括所有海鮮、燒烤、小食。

燒肉類當然要狂點澳洲M5和牛,雪花靚,輕輕一燒後油份溢出;另外SRF極黑牛也是好推介,牛味濃郁,有牛肉眼、一口牛、牛肩胛三種選擇。

除左牛肉外,豬肉和雞肉也有很多款式,照顧不同需要的朋友。

海鮮就要試試鮮甜的帆立貝和爽彈虎蝦。

還有很多自家製的飲品,款款都有特色。

造訪日期: 2021年5月
感謝 justforshan
該評論乃TripAdvisor會員主觀個人意見,不代表TripAdvisor LLC公司。
2021年4月30日 透過行動裝置

{值得食最貴個餐嗎?}
#kong_girl_foodie出街食
#安平燒肉
.
相信大家對呢間餐廳唔陌生,佢就係牛大人嘅燒肉版佢有幾個等級可以揀,由於我朋友今日生日所以豪啲食最貴個級!叫做澳洲M5和牛級!佢最大嘅賣點就係牛肉種類多好多例如澳洲M5和牛,安格斯牛小排,SRF極黑霜降牛肉眼,一口牛,牛舌等等!
.
必食食物✨✨
.
❣️澳洲M5和牛
雖然佢賣點唔係多雪花脂肪,但牛味絕對足夠!可以滿足食牛味嘅你!❤️
.
❣️安格斯牛小排
我自己就最鍾意一款,因為我好鍾意食有油脂分布平均,而且好香油脂嘅牛,睇相會見到佢個樣好靚仔!我食左好多好多!
.
❣️牛舌
佢有兩款味道,一款係鹽燒,第二款係黑椒洋蔥。兩款都好味,第一款就可以話係原味,第二款就會fresh啲!
.
❣️紫菜飯
自助區有白飯,紫菜,調味料等等。俾你自製自家口味嘅紫菜飯,本人食燒肉一定要配飯!所以就攞咗一大碗飯加紫菜,再配上枱面原有嘅燒肉汁!一啖肉一啖飯!
.
❣️飲品區
我試咗桂花烏龍茶!味道非常唔錯,好重桂花同烏龍味,食燒肉飲茶絕對可以消滯,飲完俾你食多幾舊牛添!
.
可以試✨✨
.
❣️烤帆立貝
辛辣杯好大隻,配上牛油好難唔好食!不過整住自己火候,我覺得煮得啱啱好係好難
.
❣️絲瓜煮蜆
一小碟有三隻,配上絲瓜,薑絲,清酒!好少可以食到咁fresh嘅蜆,鍾意食蜆嘅絕對值得一試!
.
❣️懷念鹽酥雞
放題餐廳炸物類黎講味道算唔錯,我會攞嚟送飯食添✨
.
總結
我哋食5:30果場, 7:30走嘅話會平過正常時間$40左右。環境闊落,我哋兩個人可能早到所以有卡位坐,而且員工服務態度都好好,好快幫我哋收碟,仲主動問我哋需唔需要換燒烤網!總結來講,如果主要食牛嘅話我非常建議大家食最高級嗰個套餐,始終最高級嗰個牛類種類好多,而且質素真係唔錯,出面餐廳單點一碟和牛都要200左右!所以!絕對值得!
.
❣️食完俾分時間❣️
食物: 8/10
環境: 7.5/10
服務: 7.5/10
打卡: 8/10
推介: 8/10
.
安平燒肉
旺角彌敦道593-601號創興廣場9樓

#香港 #香港美食 #美食分享 #香港吃貨 #hkfoodie #hkfood #hongkong #hkig #旺角美食 #旺角

造訪日期: 2021年4月
感謝 winglam00000
該評論乃TripAdvisor會員主觀個人意見,不代表TripAdvisor LLC公司。
2021年4月20日

安平燒肉 @
旺角彌敦道593-601號創興廣場9樓
-
近排好HIT嘅火鍋店牛大人,同集團嘅佢仲有燒肉店,既然火鍋店咁出色,今次就同朋友黎食下佢嘅燒肉放題先得佢分左4個價位,當然愈高價錢就愈多高質素嘅食物可以叫,今次我地就叫左 澳洲M5和牛120分鐘吃到飽(7點半前離座:$358/每位)一共有成81款野食可以ORDER,咁先食得夠盡興

內裡環境夠乾淨企理同幾闊寬,坐得都夠舒服

呢到掃QR CODE用手機落單,簡單方便易用

出面仲有自助飲品區,除左罐裝飲品之外,仲有自家製茶類飲品等,選擇夠晒多自助蔬菜區、仲有飯類湯類可以自己出面拎

台灣櫻花蝦伴飯:跟住佢個教學步驟自己整嘅,又整得幾好味

食燒肉調味醬都好緊要,可以提升本身食物嘅味道,佢仲有建議唔同食物點唔同醬料

藍莓果茶、桂花烏龍:味道幾清新,食燒肉飲返D茶可以解渴消滯

第一ROUND食物陸續送上由於太多野食,所以簡單介紹下

澎湖花枝排、涼拌小黃瓜:除左燒肉,仲有地道台式小食,花枝排彈牙香口,涼拌小黃瓜幾清爽開胃

嚴選牛舌芯:澳洲M5和牛吃到飽會每人送上2件嚴選牛舌芯,幾有口感,如果想再食可以加錢追加ORDER都得

SRF極黑牛肩胛肉、澳洲M5和牛肩胛肉、安格斯牛小排:最貴嘅SET一定要叫返主角黎食先得和牛水準非常高,夠薄身,輕輕燒一燒就食得,食落牛味好香濃點埋佢自家製嘅安平黃金醬更加惹味

老虎雞翼:本身已經醃好左,調得味道幾香口

絲瓜煮蜆、燒帆立貝、爽彈虎蝦:除左燒肉之外,呢到D海鮮都好高質!大大隻,食落好新鮮彈牙,夠晒鮮甜

食到咁上下就再點定野食,呢到第二ROUND

冬瓜茶、百香果綠茶:自家製飲品,2杯都夠冰凍清涼甜甜地

出面拎左D蔬菜,用生菜夾住D燒肉黎食,咁就冇咁膩同感覺健康D

麻辣一口鮮貝、蕃茄一口鮮貝:一兜兜直接放上去燒就得,麻辣真係幾辣下蕃茄口味就鮮甜D

燒魷魚鬚、雞泡魚干:呢2樣都可以話係必食之選,夠香口惹味,相信好多人都中意食,送啤酒一流

秘制牛肋條、烤金錢牛肚:牛肋條口感唔錯,燒金錢牛肚真係第一次試,都幾好味

澳洲M5和牛肩胛肉、安格斯牛小排、爽彈虎蝦:既然咁正,當然再ENCORE食多轉

最後半個鐘LAST ORDER仲有張Haagen dazs雪糕紙揀口味,食埋夠晒滿足

120分鐘絕對夠時間食到飽一飽,食物種類選擇多之餘,最緊要都係夠晒高質素食物落完ORDER好快就已經送到黎,效率夠快唔會拖住野食好遲先出同埋燒到一段時間個網開始燶,職員主動幫我地更換個網,夠細心值得一讚同埋留意返,因為真係好多人去食,記得要早D去拎定位呀
-

造訪日期: 2021年4月
    • 划算度
    • 服務
    • 食物
感謝 foodiechow928
該評論乃TripAdvisor會員主觀個人意見,不代表TripAdvisor LLC公司。
2021年4月17日 透過行動裝置

♥️平時食開牛大人,今次試下副線安平燒肉先。
食物選擇豐富,升級左食澳洲M5和牛。 除咗普遍食開嘅雞肉豬肉,特別在有大大隻海鮮同多款台式小食。仲可以喺自助區任拎飲品同蔬菜等等。

♥️每張桌子上面都有幾款調味料,醬油碟有四格,分別擺放黃金醬、檸檬汁、辣椒漿同特別醬油,附上建議搭配食法,係幾貼心。

♥️每位附送限量厚牛舌芯,非常軟腍。
QR code用電話落單,上食物速度都快同埋無漏單。今次食牛同海鮮為主,M5和牛肉質鮮嫩,虎蝦幾大隻,蝦頭超多膏,爽口彈牙。烤帆立貝同樣大大隻,幾新鮮。

櫻花蝦乾拌麵大大碗,非常惹味,可以2-3 個人分享。如果肚餓 可以叫住台灣即食小吃先。
炸花技餅、鹽酥雞等不過不失。

♥️得意推介 台灣小枕頭(麻糬) 經燒烤後會由簿片漲起成小枕頭形狀 點煉奶 口感煙韌。安平炸蚵卷亦比較少有。

除咗汽水,仲有唔少台式飲料,如蘋果西打,自家製嘅綠茶紅茶,當中推介藍苺果茶,幾開胃亦唔會太酸。

♥️每位可以揀Häagen-Dazs雪糕或自家製嘅檸檬愛玉。雪糕仲可以選期間限定口味,愛玉清新解膩。

造訪日期: 2021年4月
感謝 hker_chillcheese
該評論乃TripAdvisor會員主觀個人意見,不代表TripAdvisor LLC公司。

去過安平燒肉嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。