我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“沙田罕有抵食之選”
越好的評論

越好
使用外送服務
香港排名第2,183 (共15,461家餐廳)
周圍地區: 新界
餐廳詳細資料
周圍地區: 新界
2021年5月24日 透過行動裝置

沙田罕有抵食之
咗沙田咁耐,一向都知道新城市廣場嘅餐廳都係行高檔路線,有時想食得平民少少都冇乜選擇。但竟然係連城廣場入邊有呢一間價錢超值,食物質素高嘅平民餐廳,以後又可以做飯堂

我哋點左一人套餐再散叫,一份都只係$86 ,有主菜有小食有嘢飲,特飲仲唔使加錢,淨係講價錢已經好吸引。但係佢哋並唔將貨就價,嘢食真係幾好食,雖然選擇唔算好多,但係我哋兩個餐嘅所有嘢都係唔錯。

生牛肉湯檬
湯底係濃牛肉湯,有點洋蔥清香,食得出冇味精,因為食完完全唔會口渴。生牛肉非常嫩口,肉質嫩滑牛肉薄切,滿滿牛肉香味,入口完全無筋。份量好大,男士都夠飽。

越好湯檬配豬扒
煎香左嘅豬扒另外上碟,配上花生碎蔥花,非常惹味。調味剛剛好,唔需要點醬汁都已經好夠味。肉質有咬口,唔會一咬就散,亦都唔會軔到咬唔開。

炸春卷
推介!春卷炸得香脆得來又唔會有太多嘅油份,非常脆口,食多幾件都唔會覺得Heavy

泡菜仙爪
開頭以為泡菜係韓式泡菜,原來係用醋醃咗嘅菜同埋蘿蔔;而仙爪就係鳳爪。同傳統嘅白雲鳳爪好類似,鳳爪醃得夠入味,醃菜亦都好開胃

造訪日期: 2021年4月
感謝 Foodie_mami_hk
該評論乃TripAdvisor會員主觀個人意見,不代表TripAdvisor LLC公司。
發表評論評論 (11)
旅客評等
旅客類型
月份
語言

2 - 6 則評論,共 11

2021年5月18日 透過行動裝置

今日同老公行新城市連城廣場,去咗啲樓上舖行街街之 後,行落嚟嗰時發覺有一間越南餐廳,唔知係咪新開, 但未見過,但見啲嘢食幾平,就拉咗老公入去坐低試下。入到去見到依幅壁畫得幾靚,令到成間有裝修好好睇好舒服。雖然鋪頭細細,但係都有唔少選擇,基本越南餐廳有嘅佢都有,最重要係佢地既價錢非常經濟實惠。

越南豬扒撈檬︰開頭以為咁平,都應該唔會好大碗,點 知嚟到塊豬扒仲大過我塊面,檬粉都好多,豬扒好多肉 汁,而且好入味,檬粉個汁都剛剛好,唔會太甜亦唔會太酸。

越好四寶湯河︰包括有生牛肉/牛腸/牛腩/牛丸,生牛 肉淥得剛剛好,唔會太熟亦唔會太生,好新鮮好有牛肉 味,牛展同牛腩都好好食唔會太韌,最值得一讚就係佢 個湯,超級甜冇味精。

蝦醬雞中翼:見到有個幾特別嘅小食,梗係叫嚟試下, 估唔到蝦醬配雞翼,出奇地夾。

越式春卷︰價錢相宜,而且份量都好足,配埋佢個秘製醬汁,超級好食。

越南香茅茶:一杯好特別嘅飲品,但飲落又唔會好怪,消暑解渴一流。

恐龍美祿︰好濃嘅美祿味,上面仲加埋個cream,簡直好邪惡嘅享受。最後當然會幫佢地影張全家幅先。

造訪日期: 2021年5月
感謝 Navigate26344259518
該評論乃TripAdvisor會員主觀個人意見,不代表TripAdvisor LLC公司。
2021年4月28日 透過行動裝置

最近天氣濕濕熱熱咁,唔知點解就想食下東南亞嘢食,同朋友經過見到佢叫越好,一於試試佢。

我哋叫咗兩份小食,然後不約而同地揀咗食撈檬。

越式炸春卷
春卷炸得恰到好處,好脆口而且一啲都唔油膩,入面嘅餡味道亦唔錯。

炸蝦餅
好味!佢係我暫時食過嘅炸蝦餅top 3之一,完全食到咩叫外脆內軟,可能我本身唔鐘意好硬好實個種口感,呢個蝦餅啱晒我口味,而且佢亦唔厚粉,新鮮炸起熱辣辣真係一流。

雞絲扎肉撈檬
好足料!佢個扎肉好香好味,而且份量比起平時出面食較多;雞絲亦唔錯,其他配菜都食得出好新鮮,配埋撈檬酸汁夠晒開胃。

越南豬扒撈檬
一食塊豬扒,即時覺得好「越南」呀!豬扒好林好香,口感好好,同平時越南餐廳個種醃香茅豬扒味道唔同,好正。

最後我哋叫咗杯美祿同埋檸水,大滿足嘅一餐。

造訪日期: 2021年4月
感謝 annaHKer
該評論乃TripAdvisor會員主觀個人意見,不代表TripAdvisor LLC公司。
2021年4月23日 透過行動裝置

咖央多士
多士有塊厚厚牛油,甜甜的咖央醬,好好味

炸蝦餅
蝦肉頗彈牙,炸得很香脆,十分邪惡的小食。

雙寶飯
豬扒加雞扒!雙拼!切到細細件,好貼心!不會好厚,所以好易咀嚼!啲肉醃製過,好入味~
滿足曬食肉獸!

蝦醬雞中翼飯
蝦醬雞翼超香!濃濃的蝦醬真係加不少分。佢啲雞翼不會好油膩。4隻雞翼都好大隻。

兩個飯都有隻太陽蛋,好治癒。仲有少少配菜酸蘿蔔幾開胃清新~

店舖以黃色為主,colour 好sharp,令人食得特別開心

造訪日期: 2021年4月
1  感謝 sajeh_enjoylife
該評論乃TripAdvisor會員主觀個人意見,不代表TripAdvisor LLC公司。
2021年4月14日 透過行動裝置

今晚收工之後專登入咗沙田搵個朋友食飯,佢收七點我過到去就岩岩好

佢話呢度有間黎自馬拉既海外首間分店正宗越南菜想試,我當然有興趣啦!

朋友叫咗生牛肉湯河同咸檸七,我叫左豬扒撈檬扣底同熱菊花薑蜜,另外加左碟清湯蛙蛙菜share~

生牛肉河湯底非常濃郁,飲得出係真材實料淆制好多個鐘而成配埋嫰滑既牛肉一齊食,滿滿既牛味超正

我既撈檬有超多配料 包括醃製過既紅蘿蔔同白蘿蔔,青瓜,生菜,芽菜,酸菜,樣樣都好爽口令人特別開胃
豬扒煎到金黃色好靚仔 完全唔會覺得油膩,肉質偏瘦但一啲都唔鞋口,食落帶啲香料香味,調味適中
呢度撈檬既汁比起連鎖越式餐廳更濃郁,連鎖果種係無乜料偏酸,但呢度係偏多蒜同辣椒,所以食落會更加香辣惹味

清湯蛙蛙菜水準正常份量合理~

熱菊花薑蜜既薑味比較突出但唔會話太辣,加左蜜糖同帶啲菊花香味就更加易入口

除左檬粉同河粉呢度仲有飯類提供,我見附近幾檯都有唔少男士叫飯食,賣相仲幾吸引,下次可以再試

造訪日期: 2021年4月
感謝 vikolau730
該評論乃TripAdvisor會員主觀個人意見,不代表TripAdvisor LLC公司。

去過越好嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。