我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“新田海鮮”
醉辣鮮的評論

醉辣鮮
餐廳訂位
香港排名第3,720 (共14,630家餐廳)
周圍地區: 元朗
餐廳詳細資料
周圍地區: 元朗
3 週前評論 透過行動裝置

最近聽朋友講新田有蒸海鮮食,所以今日忍唔住嚟試吓先,我哋叫咗個$198嘅套餐,有老火湯、溫泉蛋、元貝、鮑魚、聖子、本地生蠔、青口、沙白、花甲、蜆,粥,仲可以任食蔬菜同埋有糖水送添
今日是日靚湯就係五指毛桃海底椰,秋涼嘅時候飲就啱晒啦,好鬼滋潤足底嘅材料就有南瓜、芋頭、鹹豬骨,等啲海鮮蒸完之後,啲汁就可以流返晒落個粥底入邊,咁就真係名副其實嘅海鮮粥

造訪日期: 2020年11月
感謝 cofi_foodie
該評論乃TripAdvisor會員主觀個人意見,不代表TripAdvisor LLC公司。
發表評論評論 (6)
旅客評等
旅客類型
月份
語言

2 - 6 則評論,共 6

4 週前評論 透過行動裝置

我哋今次經Openrice以優惠價價$238 (1位)(原價$368) order 咗個《人氣龍蝦海鮮套餐》,材料非常豐富, 連加一及醬油費, 人均消費都不足$300,咁就可以嘆足10 款時令海鮮,真係抵食之選!

首先送上是日靚湯和溫泉蛋, 靚湯落足湯料,味道濃郁。 我哋開始入直路,首先我哋蒸了《紅棗杞子蟲草花蒸雞》,加上紅棗,雞味特別濃郁惹味,鮮甜嫩滑。

之後主色出場, 海鮮包括有生猛龍蝦和肉蟹各半隻、元貝、聖子、鮑魚、本地生蠔,海中蝦,沙白,花甲和蜆。而且我最喜愛就係活捉爆膏龍蝦,十分超厚肉, 龍蝦啖啖肉, 口感爽口彈牙,鮮味十足。仲有清蒸鮑魚, 鮑魚彈牙而不韌。 蟶子鮮嫩無比,海中蝦大大隻, 非常鮮甜, 非常爽囗, 其實樣樣海鮮都好鮮甜, 正呀!

除了海鮮,仲有蔬菜自助區, 有多㹏選擇,包括有翠玉瓜,生菜,金菇、粟米& 冬菇等等。

最後梗係要試個海鮮豬骨粥底,海鮮精華融為一體粥底 ,鮮味難以形容, 太美味了。

仲有腐竹薏米糖水, 性價比超高, 下次再試其他套餐, 今日食咗個定食《人氣龍蝦海鮮套餐》, 店員介紹下次可以試吓個任食《肉蟹放題2.0》,肉蟹任捉任食。

醉辣鮮 (元朗)
元朗新田村路300號新田購物城地下F7號舖
電話:6133 3882

造訪日期: 2020年11月
感謝 leenice008
該評論乃TripAdvisor會員主觀個人意見,不代表TripAdvisor LLC公司。
2020年10月14日 透過行動裝置

今次嚟到呢間地店 比較偏僻,
唔係朋友介紹都唔知有咁正嘅海鮮蒸氣鍋

一入去就見到好大個海鮮缸,入面養住新鮮生猛嘅龍蝦、 鮑魚、蜆呀等等,確保食嘅都係新鮮海鮮
即叫即撈!

海鮮餐分唔同價錢,因應個人需要而選擇!
想食海鮮放題都係$338,仲要自己撈海鮮,好玩又食到新鮮海鮮

今次選擇$198
有元貝、 鮑魚、蟶子、蜆、沙白、花甲、本地生蠔同海中蝦

蔬菜係任食, 有生菜、菇類、粟米等
值得一讚呢間嘅粟米真係無比鮮甜!!嚟食嘅朋友記得要食

未開始蒸海鮮就即上老火糖同温泉蛋開胃先

鍋底係粥底,可以一邊蒸海鮮一邊煲粥

客人因應自己鐘意食邊樣先都得,而且有曬指引教你蒸幾耐

蟲草雞件:睇到好多人介紹,要咗一份試
真係好入味蒸完啲雞好嫩滑、鮮甜!真係唔錯!
海中蝦:夠曬大隻同新鮮,肉質夠彈牙
花甲:份量都幾多,而且隻隻都大大隻~蒸完好鮮甜
本地蠔:都幾大隻,而且夠新鮮~無腥味
鮑魚:厚肉爽身,甜味明顯
蟹:一睇就見到蟹膏極多~用蒸嘅方法,啲蟹肉勁嫩滑

其間仲不停蒸蔬菜~真係好正

食埋個粥底
粥底吸滿海鮮嘅鮮味 ,食唔停!
最尾仲有碗 白果腐竹糖水做結尾~大滿足咗返屋企啦!!!

造訪日期: 2020年10月
感謝 Ctyingz
該評論乃TripAdvisor會員主觀個人意見,不代表TripAdvisor LLC公司。
2020年10月12日 透過行動裝置

真鮮味,一家大細揸車去到元朗嚐鮮,好期待好興奮呀
仔仔見到好多新鮮生猛海鮮,又可以自己捉,真係有得食又有得玩。
新田依度泊車又免費,老公表示好滿意
原來星期日有live band ,真係要揾次同friends再嚟過me time吓先至得✌
我哋叫咗人氣龍蝦海鮮餐,勁多嘢食,份量十足
溫泉蛋,流心滑嘟嘟,醬汁味道調配得好好
❤️龍蝦,新鮮捉上嚟你話好唔好食丫
❤️元貝,好嫩口
❤️肉蟹,爆膏爆膏爆膏,肉質超級鮮甜
❤️聖子,好好食,好鮮甜爽口
❤️鮑魚,好淋唔un
❤️本地生蠔,好美肥呀
紅棗杞子蟲草花蒸雞,真係好好食,我追加咗個烏冬一齊蒸,仔仔食到舔舔脷
❤️海中蝦,爽口彈牙
❤️花甲,鮮甜無比
❤️海皇粥底,加入南瓜芋頭而且吸收曬海鮮嘅精華,完美無瑕
追加咗小籠包皮薄多肉汁
✅重點係啲海鮮洗得好乾淨,牆上面貼有每一款食物要蒸幾耐,好細心值得一讚,咁就大家食得安心又放心

造訪日期: 2020年10月
感謝 wingchengmakeup
該評論乃TripAdvisor會員主觀個人意見,不代表TripAdvisor LLC公司。
2020年10月11日 透過行動裝置

今日新界自駕一日遊 去咗好多香港嘅郊區玩樂 玩咗一日超級肚餓 夜晚決定去新田購物城醫肚 貪呢到泊車方便 憑食肆嘅單據 即可享有免費泊車

醉辣鮮係一間食海鮮粥底火鍋嘅專門店 餐廳提供多種套餐選擇 價錢由$118至$368不等 視乎套餐內所提供的海鮮, 今日我同朋友揀咗有八款海鮮料嘅超值海鮮餐$198

蒸海鮮之前職員先為我們準備粥底的材料 有粟米/有芋頭/有排骨 相信最後個粥底一定會好鮮甜

海鮮拼盤 有大元貝/鮑魚/本地生蠔/蟶子/海中蝦/沙白/花甲/蜆 相當豐盛 全部海鮮還是活活的 超級新鮮 海蝦還在跳 鮑魚還在轉動

整體全部海鮮清洗得非常乾淨 蟶子啖啖肉 一粒沙都食唔到 鮑魚擦到白雪雪 扇貝已經去除多餘內臟

各式各樣嘅貝類 海水味十足 隻隻飽滿肥美 原汁原味 新鮮嘅海鮮實在鮮味無窮

套餐還包括了老火靚湯 落足料 味道很濃很鮮 沒有丁點味精 飲完個喉嚨勁舒服 又唔口渴

餐廳內設有三個大魚缸 部分海鮮即捕即劏 自助活捉 生猛程度爆錶

時令蔬菜是自助形式 無限量添加 有粟米/蕃薯/翠玉瓜/生菜/金菇/各式各樣的菌類, 建議可與海鮮一同蒸 可節省時間

吃過海鮮後 便是我最期待嘅粥底了 粥底非常嫩滑 不需要任何調味 已經好鮮甜 全部海鮮嘅精華都落在粥底之中 加點蔥花更美味

最後仲有腐竹薏米糖水送

造訪日期: 2020年10月
感謝 carmentsui
該評論乃TripAdvisor會員主觀個人意見,不代表TripAdvisor LLC公司。

去過醉辣鮮嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2020 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。