我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“好sweet嘅黑糖珍珠雞翼”
雞翼山的評論

雞翼山
香港排名第5,395 (共15,239家餐廳)
周圍地區: 新界
餐廳詳細資料
周圍地區: 新界
2021年3月1日 透過行動裝置

第一次黎葵芳分店嘅呢間雞翼山 環境裝修光猛,有個靚靚打卡牆 仲有座位可以坐係度嘆雞翼

12隻雞翼(可以揀三種味)+一杯飲品 $118

香茅黑糖珍珠瑜伽雞翼
甜蜜蜜嘅雞翼最好味 雞翼表面充滿黑糖味,外皮黏黏稠稠嘅口感,咬開裏面嘅肉質滑嫩,食多十隻都得

鼠尾草鹹蛋黃哥雞翼
香濃美味嘅鹹蛋黃醬汁佈滿雞翼表面,望到都流晒口水呢隻味同上面個隻出埋今個月炸,要趁佢仲有食多幾次先得

港式避風塘蒜香雞翼
超多炸蒜同辣椒啊 不過冇咩辣味。食落香脆可口,相比之下雞翼肉就冇咁滑,但就脆卜卜口感好好

山楂蘋果茶
裹面有蘋果溶,飲落有少少口感,味道清新解膩,感覺飲完feel到幾健康

造訪日期: 2021年3月
1  感謝 Nancyyung
該評論乃TripAdvisor會員主觀個人意見,不代表TripAdvisor LLC公司。
發表評論評論 (4)
旅客評等
旅客類型
月份
語言
2020年12月8日 透過行動裝置

我地成家都係雞翼控,每次食雞翼每人都要食5至6隻先夠喉,之前去左葵芳新都會廣場果邊整野,難得成家一齊出動,整完野,都有入新都會行下,順手入定貨準備換季,就俾我地見到間專食雞翼既小食店《雞翼山》,我地一家咁鐘意人雞翼緊係要入去試下喇。

本來以為其實雞翼款式來來去去應該都係得幾隻,入到去見到張菜單都好多款式,好多口味真係估佢唔到。

今次第一次黎食就叫左:
02原味脆香雞翼; 原味雞翼,食落有蒜香味,又勁juice ,咬落去肉汁噴出黎,勁好味。
08港呢D友情萬歲檸茶雞翼; 冇諗過檸茶香港人咁鐘意飲都可以拎黎整雞翼,味道酸酸甜甜咁真係好開胃,好好味。
10香茅黑糖珍珠瑜伽雞翼;黑糖珍珠奶茶就飲得多,拎黎醃肉真係諗都冇諗過,個感覺係點呢?一定要試下,黑糖味好重,令到個香茅味就冇咁出,不過個黑糖味真係好香好好味,加埋真係有珍珠係面個口感好得意。

雞翼山既雞翼真係估唔到咁特別,等疫情過去要黎試埋其他味道先得

造訪日期: 2020年11月
2  感謝 Icewinglam
該評論乃TripAdvisor會員主觀個人意見,不代表TripAdvisor LLC公司。
2020年12月6日 透過行動裝置

眾所周知葵涌廣場有不少小食,但原來新都會廣場都有間專賣雞翼嘅小食店,佢哋嘅雞翼有多款創新口味,更選用成本較高嘅波蘭無激素優質雞翼,確保食物品質

12件雞翼套餐 + 飲品($118)
咸檸七雞翼
雞翼用咗鹹檸檬、蜜糖及七喜汽水,外表似蜜糖雞翼咁滿佈蜜糖,但味道食得出除咗有蜜糖味外,仲有好出嘅咸檸七味,鹹鹹甜甜咁都幾好食

新加坡明哥脆香雞翼
呢款雞翼加咗魚露調製,外皮炸得香脆乾身,食落juicy之餘仲辣辣地,味道真係幾惹味,我覺得4款當中呢款係最好食

鼠尾草鹹蛋黃哥雞翼
賣相好吸引,雞翼外表佈滿流沙鹹蛋黃,真係香氣四溢食落真係有勁濃鹹蛋黃味,但又唔會覺得膩,真係越食越滋味店員話呢款雞翼味道比較香濃,所以建議最後先食!

柳橙冰綠茶
特意要咗少冰,味道唔會好甜,飲落有少少橙味,但又唔會蓋過咗綠茶味,清清哋幾解渴

香茅黑糖珍珠瑜伽雞翼
店員多做咗一份,所以送咗2隻俾我哋試吓,真係勁好人☺️呢款雞翼同麥記嘅熱香餅配楓糖漿味道好似而且配珍珠係幾特別,但對我來講太甜啦

小店嘅雞翼係即落單即製,所以保證新鮮熱辣又惹味,即使等候需時都覺得值得

造訪日期: 2020年12月
1  感謝 dyiongw
該評論乃TripAdvisor會員主觀個人意見,不代表TripAdvisor LLC公司。
2020年9月25日 透過行動裝置

店鋪:雞翼山 (葵芳)
地址:葵芳興芳路223號新都會廣場1樓180號舖

前排去咗葵芳廣場到行街,中間經過新都會廣場,見到呢間位於1樓嘅雞翼山,之前成日都聽到唔少人去食呢間雞翼店,今次一於打鐵襯熱去試下佢地嘅雞翼先

雞翼最少買4隻,所有雞翼都係即叫即炸,仲可以自選雞中翼或者雞鎚,而我今次就試咗3款雞翼同埋一杯山楂蘋果茶

文青風玫瑰雞翼
非常優雅文青嘅雞翼,真係啱晒打卡,食落有清新玫瑰花香,幾特別

咸檸七雞翼
一開頭食落有啲似中藥味,但慢慢就食得出係咸檸七嘅味道,新奇有趣

香茅黑糖珍珠瑜珈雞翼
唔好以為黑糖珍珠一定係飲珍珠奶茶先有,原來食雞翼都可以見到佢哋!估唔到香茅同黑糖珍珠再放喺雞翼度又幾match,值得一試

依家買任何嘢加$28,仲可以換購原價$38嘅香辣避風塘蒜炒雞翼尖一客(15隻),夜晚買嚟做餸都唔錯

造訪日期: 2020年9月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。

去過雞翼山嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。