我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“踏上這無盡……旅途✈”
火鍋隨意門的評論

火鍋隨意門
餐廳訂位
香港排名第900 (共15,451家餐廳)
價位: US$26 - US$51
更多餐廳詳細資料
餐廳詳細資料
周圍地區: 灣仔/銅鑼灣
描述: 銅鑼灣新派火鍋;異國遊打卡好地方✨ 火鍋.隨意門隨時隨意地帶你走進古色古香嘅紫禁宮唯美絕色嘅日本浪漫醉人嘅法國風格迥異嘅土耳其
2021年6月8日 透過行動裝置

今晚同朋友係銅鑼灣行完街之後, 朋友話帶小妹去特色地方打邊爐, 小妹當然話好! 餐廳環境幾大, 帶有強烈土耳其氣息, 周圍都掛上馬賽克吊燈, 枱櫈都用左民族風格嘅座墊!
特色卜卜蜆湯鍋
卜卜蜆鍋有大量!係大量!!嘅卜卜蜆, 錨極都仲有, 仲要唔係殼, 粒粒都有肉, 味道鮮甜無沙!
蘋果木煙燻手切牛頸脊
煙燻過嘅牛頸脊入口好重煙燻味, 少少似煙肉果種, 食落口感超級柔嫩肉汁多, 牛嘅味道隨後慢慢出嚟, 非常有層次!
手打蟹子蝦滑
蝦滑足料鮮味, 入面有好多蝦肉粒, 爽口彈牙!
鹹蛋黃炸響鈴
小妹中意食較脆口感所以淥兩秒就會錨番上嚟, 一咬落去鹹蛋味好香, 蛋黃嘅油份隨即係口腔內爆出嚟!
日本蟹柳
味道正常發揮
蔬菜拼盤
蔬菜拼盤種類幾多, 整體都算幾新鮮, 粟米同蕃茄都十分鮮甜!
薯粉
煮完蜆嘅湯汁鮮甜味美, 薯粉吸收哂d湯汁, 煙韌幾鮮味!

造訪日期: 2021年5月
感謝 Kchelseapy
該評論乃TripAdvisor會員主觀個人意見,不代表TripAdvisor LLC公司。
發表評論評論 (21)
旅客評等
旅客類型
月份
語言

14 - 18 則評論,共 22

2021年5月19日

一道隨意門帶你離開香港,飛到土耳其
火鍋隨意門都算係我食過咁多間火鍋店入面最有特色嘅一間。店舖裝修好靚,喺門口就有充滿土耳其特色嘅角落俾我哋打卡

呢度唔係剩係得外表靚,食物一樣充滿質素。
首先有精緻嘅九宮格醬料,最右上角就蒜油真係超好味,勁香口。

湯底有超足料嘅麻辣鴨血

蘋果木煙燻手切牛頸脊
依款肉真係誠意推介,師傅會喺你面前直接用蘋果目煙燻,視覺效果一流。經過煙燻嘅牛頸脊有淡淡的蘋果木味道,同牛肉味相交,一流

花雕雞件
蟹皇豚肉餃
黑松露墨魚丸
鹿兒島日本黑豚肉
厚切即炸午餐肉
薏米水
呢個波波薏米水好得意

火鍋隨意門唔單止照顧到舌頭上嘅享受,視覺上都令人非常之滿足,真係一間幾有誠意嘅餐廳。

造訪日期: 2021年5月
感謝 Ho Yan Y
該評論乃TripAdvisor會員主觀個人意見,不代表TripAdvisor LLC公司。
2021年5月17日 透過行動裝置

好耐無出銅鑼灣行街,行到攰攰地打返個靚邊爐嘆下先。

醬料用九宮格上檯,排場一流,主要嘅醬料有六款,另外有三款係飯前小食。

湯底揀咗麻辣鴨血湯鍋,湯底幾濃味道唔算太辣。第一次見湯底都咁足料,鴨血厚切嫩滑多汁,有成八至十舊,好好味。湯料仲有豆卜同芽菜等,十分抵食。

手切牛頸脊上檯時先用一個玻璃罩住,跟住侍應駁喉灌輸蘋果木煙去煙燻牛肉,成個畫面好似仙境咁特別。本身牛肉肥瘦均勻,肉質好腍又嫩滑,牛味又重,再加上煙燻完更添一陣清香味。

水蓮菜喺香港比較少見,上檯時係一大束卷成一圈,可以按自己喜好用鉸剪剪斷唔同長度。每條同米線差唔多粗幼,咬落好爽脆,好有口感。

鮮蝦雲吞包得好結實,餡料用蝦肉整成,爽口彈牙好好食!

午餐肉厚切食落有口感,先炸過令外層香脆之餘更迫出油香味,更加好食。

翡翠螺每隻都大過手指公,螺肉煙韌好有嚼口。食落味道好鮮甜,大大粒啖啖肉好正!

造訪日期: 2021年4月
感謝 strawberry_bigsis
該評論乃TripAdvisor會員主觀個人意見,不代表TripAdvisor LLC公司。
2021年5月11日 透過行動裝置

有得打卡又可以享受美食嘅好地方
.
好閨蜜熱愛影相,次次一見到靚靚餐廳就捉住我陪佢黎。佢話上網見到呢一間火鍋店嘅背景好有特色,所以收工就dress up曬逼我黎陪佢影港女相。
.
對影相毫無興趣嘅我,淨係對食物有興趣,雖然餐廳好靚,但係我嘅Focus從來只有食物。好在呢度嘅食物質素幾有驚喜,總算不枉我收工好攰過嚟陪佢影相。
.
特色卜卜蜆湯鍋 $198
這個湯底一送上檯便令我們垂涎欲滴,一大個鍋滿滿都是蜆,非常吸睛,看著卜卜蜆越開越大,我們的筷子亦ready好曬,數十隻蜆,三五兩下便被我們掃過清光。滾完蜆之後湯底非常鮮甜,加上薯粉($32),索盡湯汁就最適合不過。
.
煙蘋果木煙燻手切本地牛頸脊
牛食得多,牛頸脊真係比較少食,但上網見到好多人都叫就跟住叫咗一個,結果真係冇失望,牛頸脊位於牛頸與肩胛之間,係牛運動量比較多的部位,低脂肪,肉質爽口,肉味濃得黎,食落感覺都比較健康。加上蘋果木煙熏過,令牛味多咗一份獨特香氣,使整體更為吸引。
.
新鮮菜苗帶子餃 六粒 $108
飽滿大粒嘅帶子餃,皮薄餡鮮。帶子彈牙,菜苗翠綠,食落清新飽肚,雖然價錢唔平,但一分錢一分貨,確實係幾高質,偶爾對自己好啲都唔係好過分啫。
.
PS:醬油茶介 每位$25

造訪日期: 2021年5月
感謝 Swallowhongkong
該評論乃TripAdvisor會員主觀個人意見,不代表TripAdvisor LLC公司。
2021年4月14日

無意之間發現了這家充滿異國風情的火鍋店,這家餐廳名為火鍋隨意門,就如隨意門般帶我們到了土耳其,一入餐廳就被其土耳其風格的裝潢所吸引,而且環境既舒服又衛生,可以好好地跟朋友放鬆一下。

餐廳會先送上醬汁配料,醬料每位$25,配料非常多選擇,而且有涼拌青瓜及木耳作前菜提供,酸酸辣辣的,好開胃。

餐廳的配料選擇非常豐富!而且湯底的款式都幾特別,我們就點了花膠雞湯鍋!

湯底包半隻雞及大量花膠,職員先幫我們把花膠剪成小塊,放入預先煲好的雞湯,我們可以先飲湯和吃花膠,再放雞件煮~

奶黃色的雞湯非常濃郁!味道清甜而不油膩。花膠亦處理得宜,沒有半點腥味~雞件上菜時已經是半熟狀態,所以很快就可以食了,雞肉非常嫩滑!

然後就可以食配料嚕~

黃金雙拼
必點~有黃金響鈴和黃金炸魚皮,即叫即炸,口感香脆,而且鹹蛋黃的鹹香非常惹味!

瑤柱乾貝滑
份量好多,而且好足料,可以食到瑤柱的香味,而且口感彈牙~

沙白蜆
份量都不少,蜆肉幾新鮮又無沙,蜆身大大粒,肥美鮮甜,口感爽口。

百花釀豆卜
鯪魚肉釀豆卜,令整個口感更有層次,豆卜盡吸雞湯的鮮甜加上鯪魚肉的彈牙口感,好好味。

韮菜豬肉餃
本身想試黃金沙葛餃,可惜售罄,不過錯有錯著,韮菜餃都好好味~韮菜比豬肉多,是我喜歡的比例,皮薄餡多。

手打芝心牛肉丸
牛肉丸真的很彈牙,還有流心芝士!好好味~

頂級手切安格斯牛肉(細份)
必點!牛肉的脂肪比例平均,厚薄適中,牛肉味香濃又保留到口感,淥十秒左右就可以食了。

厚切即炸午餐肉
炸得外皮香脆的午餐肉再放到湯底裡輕輕淥數十秒,就可以食了,可以食到外脆內軟的口感之餘,又能讓午餐肉吸收了湯底的鮮甜,值得一試~

絕對是一間既有質素又可以打卡的火鍋店~

造訪日期: 2021年3月
感謝 Cathleenchan
該評論乃TripAdvisor會員主觀個人意見,不代表TripAdvisor LLC公司。

去過火鍋隨意門嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。