我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“必食蛋包飯🍳🍛”
Banchan and Cook的評論

Banchan and Cook
使用外送服務
香港排名第3,449 (共15,125家餐廳)
周圍地區: 西太古城
餐廳詳細資料
周圍地區: 西太古城
4 週前評論 透過行動裝置

餐廳設計開揚舒適,裝修走小清新風格,以木系為主調,加上大量乾花做裝飾,充滿簡約休閒氣息

烤牛肉蛋包飯
呢度嘅蛋包飯係將雞蛋放喺炒飯上面,切開蛋皮,半熟嘅蛋漿會傾瀉而出,超吸引
雞蛋軟嫩滑溜,飯底係泡菜炒飯,飯入面有紅蘿蔔粒同翠肉瓜粒
同埋甜甜哋嘅牛肉汁一齊食,好好味

甜辣無骨炸雞
除咗炸雞,仲有年糕同薯條;炸雞無骨,啖啖肉之餘仲食得乾手淨腳,夠晒方便
炸雞香脆可口,雞肉嫩滑,配合埋甜辣醬,味道甜得嚟又有微微嘅辣,惹味開胃,好啱一大班人一齊食

伯爵茶鮮奶咖啡☕️
每一啖都散發住陣陣伯爵茶嘅幽香,令咖啡嘅味道變得芳香獨特,味道層次豐富

造訪日期: 2021年1月
感謝 foodaholicbunny
該評論乃TripAdvisor會員主觀個人意見,不代表TripAdvisor LLC公司。
發表評論評論 (9)
旅客評等
旅客類型
月份
語言

2 - 6 則評論,共 10

4 週前評論 透過行動裝置

반찬앤쿡❤️結合咗西餐和韓國輕食文化,主打韓國蛋包飯及現代韓式料理 裝修格調十分和諧,使用自然色調,簡約天然,時尚舒適

松露野菌蛋包飯($88)
蛋包飯雞蛋相當嫩滑,上面佈滿黑松露,旁邊配合松露忌廉醬汁炒野菌,相當香濃

醬油蒜頭無骨炸雞(半份/$108)
炸雞無骨,啖啖肉,外脆內嫩兼juicy,香口而不油膩,醬油蒜香濃郁,配合薯條和年糕,滋味倍增

芝士蛋糕($45)
芝士蛋糕相當濃郁軟滑,配合鮮忌廉,層次升級,新鮮莓果減低油膩感

提子梳打($42)
清涼清爽,上面有新鮮提子果肉,中層冰爽汽水,底層提子果醬

伯爵茶鮮奶咖啡☕️($48)
熱飲暖笠笠,茶味奶味咖啡味☕️互相平衡

造訪日期: 2021年1月
感謝 tomandcharlie_diary
該評論乃TripAdvisor會員主觀個人意見,不代表TripAdvisor LLC公司。
2020年12月19日 透過行動裝置

韓式蛋包飯Cafe

今日放假,阿媽話佢從來未來過太古城,做囡架要帶阿媽去太古城shopping 下架,咁啱眼前見到有間食韓式蛋包飯嘅cafe,加上我媽係果咖啡☕️精,一於帶佢嚟試吓

烤牛肉蛋包飯 $88
果個蛋包飯外面果蛋勁厚同滑,加上偏甜嘅牛肉汁,好

泡菜燉五花肉蛋包飯 $105
泡菜包住啲五花肉,泡菜可以減去五花肉肥膩,所以食落好清新

韓式炸雞$108
炸到金黃色嘅炸雞配埋秘製嘅韓式甜辣醬,好啱呀

伯爵茶鮮奶咖啡☕️$48
兩者比例啱啱好

造訪日期: 2020年12月
感謝 Dingdingdonstory
該評論乃TripAdvisor會員主觀個人意見,不代表TripAdvisor LLC公司。
2020年11月28日 透過行動裝置

近期Banchan & Cook 向太古城中心二期開了分店, 之前在銅鑼灣分店食過,覺得印象唔錯, 所以今次約朋友再來捧場。 店內以天然木裝修佈置為主, 令人有放鬆舒適的心情, 再結合西餐和韓國輕食文化, 新派韓系料理適合港人口味。開心星期五當然要食大餐, 點了好多菜式,✨烤牛肉蛋包飯$88、 泡菜燉五花肉蛋包飯$105、 青口海鮮炒年糕$108、 韓式炸雞$108、 無花果布拉塔芝士班戟$115、 無花果梳打$42、 杏仁鮮奶忌廉咖啡$48、 雞肉紅菜頭沙律( 跟餐)。✨

⭕雞肉紅菜頭沙律( 跟餐)~ 清甜的紅菜頭, 與雞肉很易配搭。

⭕烤牛肉蛋包飯~ 雞蛋熱辣辣, 一切開蛋漿流出, 口感滑溜, 軟腍入味的烤牛肉加上濃味的牛肉汁, 餸飯食到停唔到口。

⭕泡菜燉五花肉蛋包飯~ 超喜歡吃五花肉, 煮得又腍又嫩, 被泡菜包起來, 肉汁和泡菜 兩者非常惹味, 啖啖肉, 再加上金黃色的蛋包飯, 超好吃呢!

⭕青口海鮮炒年糕~ 賣相精緻, 海鮮有青口、帶子和大蝦, 大蝦大大隻肉質彈牙爽口, 帶子甜美, 青口非常鮮味, 口感煙煙韌韌的年糕, 好豐富的一道菜。

⭕韓式炸雞~ 食韓菜炸雞一定是首選, 無骨 炸雞啖啖肉,食得方便, 炸雞的面層有蜜糖醬, 香脆得來帶點甜味, 再配上薯條, 香口又好味。

⭕無花果布拉塔芝士班戟~ 無花果伴碟已經很美, 食落感覺清甜, 配上甜度適中的班戟, 令這頓飯畫上一個完美的句號。

⭕無花果梳打~ 賣相靚靚的, 味道清甜又解渴, 影相打卡都很美。

⭕杏仁鮮奶忌廉咖啡☕~香濃咖啡和鮮奶的豐厚質感,再與粒粒杏仁、忌廉等混合,喜歡這杯的味道。

太古分店和銅鑼灣分店一樣有水準, 尤其是蛋包飯, 值得一試。


반찬앤쿡
地址: 太古太古城道18號太古城中心二期2樓222A號舖

造訪日期: 2020年11月
2  感謝 Victoriay_eatwithvic
該評論乃TripAdvisor會員主觀個人意見,不代表TripAdvisor LLC公司。
2020年11月28日

週六去開太古城經此韓式餐廳,環境寬敞色調清新簡約。點餐以先付方式,取位後需自行出去點餐,再等手上取餐震機提示,這樣的安排免了加一都係值得。美食可以說好好味,基本上搵唔到挑剔位。蛋包飯相當好味,原來加$15可升級至紅菜頭蛋包飯的,事後發現,朋友怨了一陣,下次再試好了。

泡菜燉五花肉蛋包飯 $105
賣相討好,鲜黃色的蛋包軟呼呼的,蛋皮切開蛋漿如瀑布般傾瀉而出,非常嫩滑。配埋泡菜食味道出奇地夾,比日式咖哩毫不遜色。炒飯粒粒分明索汁夠味,五花肉肥瘦相間入味,肥膏入口即溶相當邪惡好食。連伴碟青瓜和甘荀絲都咁好味好爽脆,整體滿分推介要食。

青口海鮮炒年糕 $108
可愛的粒狀韓式年糕口感軟糯Q彈,青口、帶子、大蝦都有,海鮮配料唔少,掛滿海鮮汁鮮甜美味無令人失望。

韓式炸雞(甜辣無骨半份) $108
炸雞大件無骨啖啖肉啱大班人食,炸粉薄薄雞件外脆肉嫩不油膩,醮滿甜辣醬酸酸甜甜頗開胃惹味。仲有幾條年糕和為數不少的粗薯條,薯條無炸至脆身軟淋淋食落無咁熱氣。

無花果班戟 $72
軟熟的班戟三件,配以清甜無花果少許糖漿,味道清新,唔錯。

無花果梳打 $42
果味清甜甜度適中,溝梳打清爽口感細膩充實。

伯爵茶鮮奶咖啡 $48
茶味清香咖啡味濃,兩者味道並存,配搭得宜口感滑滑。

造訪日期: 2020年11月
    • 划算度
    • 服務
    • 食物
感謝 cargolam
該評論乃TripAdvisor會員主觀個人意見,不代表TripAdvisor LLC公司。

去過Banchan and Cook嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。