我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“《同屋企人食中菜❣️$188晚市孖寶🤑🤟🏻》”
京滬佳肴的評論

京滬佳肴
餐廳訂位
香港排名第2,299 (共15,684家餐廳)
周圍地區: 西貢
餐廳詳細資料
周圍地區: 西貢
2021年12月17日 透過行動裝置

京滬佳餚又出咗新菜式,見佢$188有兩個餸咁抵食,特登叫屋企人唔洗煮飯一齊去試一試。
.
晚市孖寶($188)
砂鍋蟲草雲吞雞
雞湯分到4碗,味道溫和舒服,飲落幾滋潤❣️。另外仲有雲吞有4粒,半隻雞同煮到腍晒小棠菜,唔錯。
.
乾香孜然牛腩煲
牛腩有6件,肉質軟嫰又厚肉,唔單止夠晒腍仲有軟筋位,入味之餘夠晒香。另外加入香芹、洋蔥、青椒等爆炒,非常惹味!
.
椒麻一口牛($168)
Diced Angus Beef with Pepper
椒麻味幾特出,但係又唔會覺得辣。牛肉粒juicy 但食落比較韌,失色呀。
.
青醬嫩雞($108)
Avocado Pesto Chicken
同醉雞有異曲同工之妙,雞肉嫰滑,下面配有牛油果青醬,醬汁微酸仲帶少少辣,食落清新又開胃。
.
砂鍋鮑魚紅燒肉($368)
Braised Abalone and Pork Belly in Casserole
紅燒肉有8大嚿,口感軟腍,食落都唔會覺得好肥。鮑魚入味又軟腍,一啲都唔韌,醬汁微甜濃郁,旁邊配有小棠菜,好食!
.
京滬佳餚
將軍澳康城路1號The LOHAS3樓333號舖

造訪日期: 2021年11月
感謝 Grassroots-Ruby
該評論乃Tripadvisor會員主觀個人意見,不代表TripAdvisor LLC公司。
發表評論評論 (12)
旅客評等
旅客類型
月份
語言

2 - 6 則評論,共 12

2021年10月27日

京滬佳餚
唔知大家有冇喺Facebook嗰度睇過有片皮鴨關注組,我一直都有留意開群組入邊嘅餐廳介紹,已經睇過好多次人哋介紹呢一間餐廳,一直都覺得佢店舖嘅裝修奢華高貴,所以覺得應該會好貴,然而一直都冇機會去試 今次機會終於嚟啦飛雲,入到餐廳內職員非常友善,餐廳嘅裝修華麗高格調,安排咗我哋坐窗邊嘅梳化位☺️ 唯一唔好處就係呢度冷氣比較凍❄️

我哋試咗三樣食物
午市精選-招牌小籠包$18
$18有一客6個真係勁爆扺小籠包外皮皺褶工整,大小統一,透薄的外皮包滿豬肉和湯汁,淨係睇個外皮已經見到粉嫩嘅肉餡 肉餡新鮮,有肉味又多汁,入口湯汁好鮮美。侍應仲好好咁樣問我哋使唔使幫我哋開咗個籠,等我哋可以影吓相 我哋用筷子夾起小籠包嘅時候都唔會話好容易爛,一咬開個皮,啲肉汁同埋湯汁都標晒出嚟

京滬香酥烤鴨 半例$228
半例姐係半隻,仲可以有六個配料分別有青瓜、蘿蔔、京蔥、蒜蓉、鴨醬同埋砂糖 侍應推薦我哋兩個人食半隻就夠,上菜嘅時候侍應好細心咁樣同我哋講要點樣食,佢話最面頭嘅上面嗰層,可以點沙糖就咁食,我自己覺得就咁食好似成口油不過點砂糖幾好食
下面嘅部份,侍應推介我哋可以配蒜蓉,嘗試一下☺️加咗蒜蓉之後別有一番風味‼️我未試過喺出邊食蒜蓉嘅配料肉同皮都係分開,第一次食皮還皮,肉還肉感覺好似口感多啲但係由於分開嘅關係感覺上好似唔係片出黎,同埋有啲位切唔得開,吊住咁。而餅皮非常薄身,但係包得多餡料都唔會咁容易穿,做得幾好✌但係唔知係咪冷氣比較凍嘅關係所以好快就已經凍哂☹️旁邊嘅鴨腿,一咬落去係非常脆卜卜,但冇咩肉,但係幾香。

瑤柱蛋白炒飯 $128
呢個炒飯冇平時茶樓咁好食,可能佢係用珍珠米嘅關係,所以炒出嚟嘅飯有啲濕同味道唔太重。

評分時間❣️(最多五顆星,如不推薦會打交叉)
食物質素⭐️⭐️⭐️⭐️
環境⭐️⭐️⭐️⭐️
服務質素⭐️⭐️⭐️⭐️⭐️

價錢: 埋單共$473 (茶介每人$16)

造訪日期: 2021年10月
感謝 gladysfoodie
該評論乃Tripadvisor會員主觀個人意見,不代表TripAdvisor LLC公司。
2021年8月28日 透過行動裝置

傳統上海名菜 *乾菜走油大元蹄*

偶然在銅鑼灣食蛋糕的時候,發現了這間走年輕型格路線的新派摩登京滬菜館,裝潢帶簡約中國風情,趁著爸媽的結婚周年紀念,正好帶他們來食飯慶祝一番!!

餐牌內,「京滬佳餚」除烤鴨料理外,各款涼菜, 點心,湯羹,海鮮, 肉類小菜, 麵,飯,甜品亦一應俱全,而最引我注目的是,餐廳竟然亦可預定繁複的懷舊菜式,特意選定乾菜走油大元蹄做今餐飯的主角。

另外亦選了一些佳餚來品嚐

招牌小籠包 $68
剛蒸好熱氣騰騰的小籠包一客有6 個,外皮皺褶工整,大小統一, 透薄的外皮包滿豬肉和湯汁,肉餡新鮮,有肉味又多汁,入口湯汁好鮮美。

弄堂酸辣湯(例) $148
老人家愛喝湯,特意點一客,例牌的分量原來都不少,足夠分4 碗,大家都開心,湯內有豆腐,筍絲,木耳,雞蛋,冬菇等配料,味道夠酸夠辣,十分地道,開胃。

乾菜走油大元蹄 $528
大元蹄真的很大盤,熱氣騰騰的上枱,無論份量及派頭都十足,整個元蹄經過長時間的炆煮,外表較為深色,盡吸梅菜乾和醬油的香味,豬皮和油脂入口即化,味道非常甘香鮮甜,豬肉食得出是新鮮豬,肉質軟腍而不失咬口,配上咸鮮的梅菜乾同食,送飯一流,是老少咸宜的一道菜式。

松鼠黃魚 $208
上海菜中,媽媽最喜歡的就是松鼠黃魚,黃魚炸得色澤金黃,魚身向上翹起,造型霸氣,外皮金香酥脆,沾上配有松子,青豆,栗米等的甜酸汁同食,魚塊香脆又開胃,識食既一定唔可以錯過魚頭,多肉又香口。

外婆紅燒肉 $98
即叫即炆的紅燒肉色澤紅潤亮麗,睇見就好有食慾,炆了將近一小時,五花肉被炆得肉質柔軟而有彈性,入口即溶,肥而不膩,醬香味道濃稠,才上枱,就被搶光光,連爸媽都讚好。

老上海炒飯 $108
濃油赤醬,飯粒分明,以青豆,紅蘿蔔,蝦仁, 紅辣椒乾作配搭,豐富又滋味,口感偏甜,完全唔辣。

香菇醬火鴨炒飯 $128
香氣十足,飯內火鴨肉,冬菇,青豆材料比例剛好,口感有點似臘味炒飯, 飯粒金黃乾爽,鴨肉香味誘人,比老上海炒飯美味。

而飯後甜品我們點了京滬杏汁高力,酥炸杏仁豆腐和楊枝甘露伴雪糕品嚐,大家都盡興而歸。京滬店員親切有禮,父母食得開懷,對於我既安排好滿意,下次必定再去試餐廳做得出色既片皮鴨呢~

❣️京滬佳餚
銅鑼灣加寧街13-15號Fashion Walk地下A,C-D號舖

造訪日期: 2021年8月
1  感謝 jessie_xxo
該評論乃Tripadvisor會員主觀個人意見,不代表TripAdvisor LLC公司。
2021年8月28日 透過行動裝置

銅鑼灣一向高質食肆林立,經友人介紹預訂這間主打京滬菜的高級餐廳,和太太及父母來提前慶祝媽媽的生日,同時讓父母品嘗一下該菜館的美食

位置(9/10):位於鄰近Donki的加寧街尾段,由港鐵銅鑼灣站E出口步行約5分鐘,而餐廳後門就是告士打道,有多條港島及過海巴士線,交通算是方便

環境(9/10):餐廳裝修華麗開揚,樓層夠高且燈光明亮,令人感覺高尚,環境舒適✨

服務(9/10):侍應們非常有禮貌,會主動幫忙分湯、倒茶等,另外餐廳亦有提供消毒洗手液及濕紙巾

食物(10/10):餐廳提供北京及上海菜,和一般酒家不一樣,菜式上枱就十分吸引,且味道十分出色,絕對可以用色香味俱全形容

上菜前,侍應會遞上熱茶及兩小條前菜,然後我們一行四人點了以下幾道菜:

乾菜走油大元蹄 ~ $528
上枱時相當震撼,大大隻的元啼走油後色澤光鮮,看得出需要很長時間準備,肉質軟滑鬆化,縱使是豬的脂肪部分,也因極佳的口感忍不住全部食光,伴碟的梅菜鹹味適中易入口,小棠菜則能中和油膩感,整體是一道非常出色的手工菜幸好有先預定菜式,不然是吃不到的

弄堂酸辣湯(例) ~ $148
其中一道經典的上海菜,餐廳煮得甜酸辣味適中,豆乾及菇菌切絲增添了口感,味道豐富而開胃

招牌小籠包(6隻) ~ $68
想起上海菜,當然要點店家招牌之一的小籠包。小籠包皮很薄,咬下去和暖的湯汁溢出,非常鮮甜充滿肉香,這個價格有6隻絕對超值

松鼠黃魚 ~ $208
上碟像一幅鯉躍龍門的畫面,擺碟很美,黃魚炸至香脆鬆軟,連骨也能咬碎,醬汁酸甜開胃,配合一些松子及雜豆,口感滿足

外婆紅燒肉 ~ $98
另一道上海名菜,餐廳同樣煮得出色,紅燒肉絕對做到入口即溶,皮香肉嫩,配合餐廳秘製味道香濃的紅燒汁,連配菜的開邊雞蛋沾上後都很鮮味

老上海炒飯 ~$108
看上去很多辣椒以為很辣,其實一點也不辣只有香,味道甜甜鹹鹹頗開胃,米飯炒至粒粒分明,配料有爽口的蝦肉及青豆等,是會想再食的炒飯

香菇醬火鴨炒飯 ~$128
用上香菇、雞蛋及火鴨粒去炒,米飯同樣粒粒分明,火鴨粒油香爽口,加入香菇醬把有的香菇味更突出,鮮香惹味

京滬杏汁高力(4件)~ $88
當然少不了上海甜品,高力豆沙換成了杏汁,杏仁味很香,高力本身沾有糖粉,微甜而口感不錯

酥炸杏仁豆腐 ~ $48
看上去覺得會是像炸硬豆腐的口感,但吃下去卻異常的外脆內軟,像是喝杏仁豆乳的口感及味道,非常特別

楊枝甘露伴雪糕 ~$48
把香滑雪糕放在清甜的的楊枝甘露上,是清涼而味美的消暑甜品

總括來說,這間京滬菜館無論位置、服務、環境及食物都很出色,比不少大型酒家或小菜館精緻及味美,很適合用來宴請親朋或辦生日小型宴會,絕對是有面子的選擇

京滬佳餚
地址:銅鑼灣加寧街13-15號Fashion Walk地下A、C、D號舖

造訪日期: 2021年8月
2  感謝 momohing
該評論乃Tripadvisor會員主觀個人意見,不代表TripAdvisor LLC公司。
2021年6月22日 透過行動裝置

今天到日出康城探朋友,與朋友到新開的商場吃一頓晚飯。這個新的商場有不少的食店,我們選了京滬佳餚吃晚飯,餐廳坐落在溜冰場隔離,感覺份外開陽。
我們點了黃魚羹,牛肉煎餅,小羊扒,酲醋小排骨,三杯雞,瑤柱蛋白炒飯,鮮茄牛肉伴麵。等我介紹下我最鍾意果幾道小菜
酲醋小排骨: 係我今餐覺得最好食嘅小菜,爆到勁香,好多肉,酸酸甜甜,味道好極了,醬汁又濃,送飯一流。
花膠黃魚羹: 上到枱仲熱騰騰,鮮甜美味,滑滑的黃魚肉加上花膠軟爛,真係好正~仲好健康, 營養價值好高,益精補腎。
鮮茄牛拌麵: 番茄味好濃郁,好天然,完全唔會有番茄醬,麵亦好彈牙,酸酸甜甜好開胃。
孜然小羊排:一上枱已經聞到陣陣孜然粉嘅香氣味,食落非常惹味,一啲都唔油膩,無腥味,最適合喜愛羊羶香嘅我。

造訪日期: 2021年6月
1  感謝 hkaftertaste
該評論乃Tripadvisor會員主觀個人意見,不代表TripAdvisor LLC公司。

查看過京滬佳肴的旅客也查看過

 
中國香港
 

去過京滬佳肴嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2022 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。