我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“繼續撐”

Homeland梓里新派意大利餐廳
餐廳訂位
香港排名第1,286 (共15,381家餐廳)
周圍地區: 油尖旺區
餐廳詳細資料
周圍地區: 油尖旺區
2021年5月14日 透過行動裝置

又黎食lunch!

今次我哋叫咗肉醬芝士四重奏千層麵,因為需要焗製,等左大概十分鐘。

千層麵上面有好大塊芝士鋪喺面,每層中間都有足夠嘅肉碎加埋蕃茄醬,好有口感!啱晒鍾意食芝士同蕃茄醬嘅人!整體黎講千層麵賣相同味道都唔錯,而且分量好多,要兩個人share先食得哂,好抵食!!

伊比利亞卡邦尼意粉
好多芝士碎係面,D豬鹹鹹地幾好味。

另外仲叫咗自選醬料雞翼兩份,每份有三隻 。
叫咗明太子味同埋鹹蛋黃味,雞翼雖然炸過,但入邊既雞肉仲好Juicy,而明太子同鹹蛋黃嘅味都好入味,好match!

會繼續幫襯。

造訪日期: 2021年5月
感謝 tabelai
該評論乃TripAdvisor會員主觀個人意見,不代表TripAdvisor LLC公司。
發表評論評論 (21)
旅客評等
旅客類型
月份
語言

4 - 8 則評論,共 21

2021年4月13日 透過行動裝置


Weekend去左依間西式fusion良心小店 果然冇令我失望!食物質素唔錯 好有特色~ 回頭率極高!

✅ 芝士凍肉腸拼盤 ($98)
拼盤超靚 唔洗100蚊試到咁多款 cp值超高

✅ 法式鮮蠔忌廉湯 ($68)
蠔味超濃 但唔腥 好有滿足感

✅ 香煎西班牙伊比亞豬肩肉 ($148)
可以簡9成熟 比全熟更嫩滑 透出淡淡粉紅色!側邊仲有酸酸地既配菜 帶出肉味~

✅ 西班牙海鮮炒飯 ($168)
有齊各類海鮮好足料 賣相一流! 份量岩岩好

✅ 玫瑰正山普洱手工啤 | Daily Red Wine by glass (各$68)
見到有好多款手工啤都好吸引! 玫瑰同普洱估唔到咁夾 用黎配海鮮炒飯一流~另外叫左杯red wine配豬肩肉同芝士 令味道又提升左一個層次!

Homeland
大角咀大角咀道55-65號牡丹大廈北座地下9-12號舖
大埔東昌街2號地舖
人均消費:$340 |推介:❣️❣️❣️❣️❣️/5

造訪日期: 2021年4月
感謝 leogirlfoodie_hk852
該評論乃TripAdvisor會員主觀個人意見,不代表TripAdvisor LLC公司。
2021年4月6日 透過行動裝置

大角咀優質西餐廳Homeland

半熟吞拿魚配芒果他他沙律 $88
擺盤好靚呀 未食已經賞心悅目
厚切吞拿魚加上芝麻 入口層次豐富
材料新鮮 醬汁開胃 簡直係冇得輸嘅沙律

香草牛油蒜香焗田螺 $88
蒜香到不得了 已去殼嘅田螺啖啖肉 薯蓉更加係精華

德國腸拼盤 $98
三款香腸都咁高質 煎得超香爆肉汁
好鍾意個酸菜可以中和一下口腔內肉味
酸菜再多啲就更好啦

香煎澳洲黑毛安格斯西冷 $198
好療癒嘅牛扒坑紋 以黑楜椒碎調味
Medium rare 就有些少過熟 但冇捐其肉質美味
出色嘅伴菜亦係一大加分

秘製伊比利亞火腿卡邦尼意粉 $128
梗係要試埋Homeland嘅手工制意粉啦
意粉嘅質地好特別 令我諗起較粗身嘅日本拉麵
好鍾意食creamy嘅意粉 尼道卡邦尼真係味道不錯

海鹽奶蓋抹茶 $48
好得意 有兩粒熊仔餅 食得又睇得
抹茶勁濃郁 奶香重 實在有料的飲品 非常推薦

Tiger Lily $48
火百合花茶 有助潤肺、止咳化痰
一大壼以蠟燭台保持溫度 非常抵飲又養生

所有食物都非常美味
連伴菜薯蓉都係勁出色 令人食唔停口
已經將尼度加入我嘅favourite list

造訪日期: 2021年4月
感謝 Baboo_waikoko
該評論乃TripAdvisor會員主觀個人意見,不代表TripAdvisor LLC公司。
2021年4月1日 透過行動裝置

近年大角咀成為美食之區,好多小店都選擇喺大角咀開店。由於哥哥住喺附近嘅關係,每次經過都見到好多人排隊,今日終於有機會嚟試喇!

半熟吞拿魚配芒果他他沙律 $88
呢個半熟吞拿魚食得出係新鮮,好強烈嘅吞拿魚味,絕對唔係出面嗰啲急凍吞拿魚,芒果他他亦都好甜,好有芒果味

香草牛油蒜香焗田螺 $88
佢哋嘅田螺係即刻焗,一上碟嗰陣香草牛油蒜香味飄晒出嚟,田螺肉好彈牙,出面食親嗰啲肉係霉嘅,而且佢哋嘅田螺有滿滿嘅香草牛油薯蓉包圍着,牛油味好香亦都好滑,雖然薯蓉係第二主角,但係竟然薯蓉係最好食嘅,每食一啖都要叫救命,除咗好食我都唔知應該點樣形容,同朋友不停爭食

德國腸拼盤 $98
佢有三款唔同嘅德國腸,分別係雷根斯堡腸,紐倫堡腸同埋芝士豬肉腸。每一款腸都好好食,而且係即刻整即刻上枱,上到枱仲係熱辣辣香噴噴。我最鍾意食嘅係芝士豬肉腸,而佢半碟嘅薯蓉同德國酸菜都好好食,冇錯又係薯蓉,呢個嘅薯蓉係比較強嘅牛奶味,但係一樣都係咁滑。

秘製伊比利亞火腿卡邦尼意粉 $128
識我嘅人都知道我好鍾意食carbonara,基本上去親每一間餐廳都會叫!意粉一上枱已經令我食指大動!佢哋嘅意粉係手工製,麵條好特別,從來未食過呢種質感,好好食同埋好掛汁,而且仲有parma ham伴碟。佢哋整呢個意粉唔係用普通煙肉,係選用左伊比利亞火腿,食落唔會過咸。雖然carbonara 係好Heavy,但係佢哋嘅汁唔會做到好杰身,份量同味道啱啱好,食完唔會有一種好漏嘅感覺。

香煎澳洲黑毛安格斯西冷 $198
我哋叫咗Medium rare,sirloin 煎得剛剛,肉質好嫩,好重牛味,但係略嫌有少少厚,如果薄返少少就好喇!而牛扒嘅伴碟又係最好食嘅薯蓉

Tiger Lily $48
第一次飲火百合花茶,清清地幾好飲,見到火百合嘅功效原來係可以潤肺清火,止咳化痰,補陰退熱。啱晒我呢啲支氣管炎同埋前一晚頭痛都撕裂嘅人士。佢哋嘅花茶好大壺,而且好貼心地有蠟燭座熱。飲完真係喉嚨舒服咗好多

海鹽奶蓋抹茶 $48
好得意上面有兩粒樂天熊仔餅,海鹽奶蓋好香,抹茶味亦都好濃郁,同海鹽奶蓋好夾,可以中和返個味道

overall呢間真係一間好高質嘅餐廳,上枱速度極快,但絕對唔會因為上台速度而d食物係凍,每一碟上到枱都仲係熱辣辣!每一道菜都好出色,而且係好好食,同埋佢哋嘅餐牌選擇有好多!店員服務態度好好!食飯期間出面仲係大排長龍,好多人喺度等緊位!下次我一定一定會再嚟食,有機會一定會試吓去大埔店!

造訪日期: 2021年4月
感謝 Francoiserice
該評論乃TripAdvisor會員主觀個人意見,不代表TripAdvisor LLC公司。
2021年2月15日 透過行動裝置

Homeland|#FoodieS大角咀
大角咀很黃的黃店
我們一行六人點了個4人餐再加幾款小食
雜菜沙律就是雜菜沙律啦,正常發揮,配料是新鮮的
煙三文魚雜菜沙律
慢煮雞胸雜菜沙律
八爪魚雜菜沙

接下來的主菜,驚喜是一個接一個,每個都很不錯,最推介是闊條面
秘製伊利比亞火腿卡邦尼意粉
焗肉丸芝士四重奏肉醬意粉
牛油果煙三文魚闊條面
意式牛肝菌野菌燉飯

雞翼是必叫小食!
四人餐包一個小食,點了柚子蜜雞翼,好吃得不夠喉,然後不僅encore了柚子蜜雞翼,還再點了其他另外兩種味道,都很不錯
柚子蜜、咸蛋黃、白松露忌廉雞翼
推介

造訪日期: 2020年12月
1  感謝 foodieSsAdventure_HK
該評論乃TripAdvisor會員主觀個人意見,不代表TripAdvisor LLC公司。

查看過Homeland梓里新派意大利餐廳的旅客也查看過

 
中國香港
中國香港
 

去過Homeland梓里新派意大利餐廳嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。