疫情前前後後已一年，的確有很多朋友好久不見了。沒有晚市，唯有相約午餐。
這店主要是吃鐵板燒的。全部由店員服務，專門燒好給客人。
先上前菜，鯊魚軟骨，軟骨酸酸鹹鹹的，有點像雞軟骨的口感。
豆芽韮菜花炒砂肝筋，豆芽韮菜花炒起來鑊氣很足，看著師傅炮製，滿足視覺和味覺享受。
鐵板燒蝦，蝦真的很彈牙，又大隻，蝦頭也有不少膏，開邊在鐵板煎熟，調味不用多也好吃。
吉列青森帆立貝，炸帆立貝比較少有，通常吃炸蠔，這個菜式是新嘗試，帆立貝原隻，直徑像乒乓球般大，沙律醬有些蘋果粒，特別有生果的清甜。
泡菜炒豬肉，泡菜酸辣很惹味，加上豬肉薄切，炒起來肉質爽口。
芝士御好燒，照燒汁，沙律醬，木魚絲，芝士，蛋餅融合，味道有驚喜。
蒜頭炒飯，蒜頭十分之多，愛吃蒜又不怕口臭，可以一試，而飯量不少。
友人和我一起啤一啤，點了2杯三得利啤酒，伴鐵板燒，風味十足。

午餐抵食價錢68-98一個人，食到個鐵板燒set，每份套餐有味噌湯、漬物、沙律、炒飯、主菜，依個價錢好抵食。食物質素正常，勝在價錢抵食。

[海鮮$98]
好多款種類既海鮮，有蠔、魷魚、帶子等等，反而海鮮燒得不錯。
[厚燒牛舌$98]
牛舌好夠厚，但燒得過火咗，肉質好韌，好難咬，不推薦。

環境
裝修得好靚，牆身勁多酒，樓底好高，但座位較少得十個左右。

⭐️最新餐廳資訊可以上facebook「Hungry Monkey」睇。

Hungry Monkey (銅鑼灣)
銅鑼灣登龍街1號金朝陽中心二期地下B號舖

又再放無薪假，約咗朋友出嚟銅鑼灣行街，見到Hungry Monkey係主打大家都好耐冇食嘅鐵板燒而且價錢唔貴，所以決定喺度食lunch仲可以一邊食一邊欣賞師傅烹調美食

梅水晶：
鯊魚軟骨爽脆配上梅子酸咪咪好開胃！
芥辣八爪魚：
鮮味八爪魚刺身混合濃郁Wasabi味！

明太子奄列：
明太子帶少少辣味，同雞蛋好夾而且唔會過鹹，奄列口感嫩滑蛋味濃郁

香蔥牛肉薄燒：
牛肉包住大量蔥花同炸蒜，牛味香濃入口鮮嫩又juicy❤️❤️❤️

托托蜆：
平時係有四隻嘅不過落單嘅時候店員已經同我哋講咗今日嘅size比較大所以只得三隻！托托蜆肉質細嫩鮮甜又彈牙，炸蒜好香好惹味但又唔會掩蓋咗蜆肉嘅鮮味

南非鮑魚：
鮑魚品種珍貴，肉質厚實，彈牙帶爽又鮮味☺️

蟹盛御好燒：
御好燒做法簡單但要整得好食並唔容易，餐廳加入多款蟹食材，有蟹肉；蟹籽同蟹膏，味道鮮美蟹味濃郁

食物真係好高質，好食到食到一半我哋已經諗緊下次再嚟要食啲乜

今天老婆寶寶回到外家，探望外父外母。因此，我便與老朋友來到銅鑼灣區閒逛了一天，閒逛之際於登龍街的金朝陽中心地下無意發現這間食輕量版的鐵板燒餐廳，許久沒有吃鐵板燒的我們，便相約與老朋友來去用餐，來一個男人浪漫。

餐廳門口的店名和內裏的吧枱位置同樣使用霓虹燈作招牌，予人感覺矚目吸睛，整體裝潢以木系配搭皮革座椅為主元素，座位頂部設置有酒櫃陳列各款酒類，配襯暗調的柔和燈光，設計型格特別。

礦泉水
普娜天然礦泉水來源於義大利國家天然保護區的3700英呎高山裡，該處水質新鮮純淨，含有低礦物質，因此其色澤清澈明亮，飲用時順滑柔軟，味道散發礦泉氣味，是廚師們揀選作佐餐水的推崇品牌。

蕃茄蒜子沙律
蕃茄是來自日本的新鮮蕃茄，師傅特意將其剝皮再製成沙律，入口蕃茄味濃郁，脆嫩多汁，酸中帶甜，配上和風沙律汁、青蔥、蒜子調味，整份沙律清新開胃。

唐揚豆池魚
池魚又名爲真鰺，屬鰺科的一種白身魚，大廚選用幼魚並以炸製方式製作，用餐時正好一口一條，炸後的豆池魚色澤金黃，肉質豐腴嫰滑，酥脆香軟，鹹香味美，擠上檸檬汁同食，魚香鮮味十足。

帝王蟹腳
帝王蟹當造期是每年11月至翌年的2月份，以蟹腳肉最為飽滿，因而餐廳選取蟹腳和蟹鉗部分製作。帝王蟹腳肉質新鮮，是二人享用份量，口感結實彈牙，鮮甜綿密，蟹味濃厚。

A5和牛坑腩
A5和牛坑腩上桌時香氣撲鼻，使用花朵和葉子襯托點綴，令賣相生色不少。肉質色澤粉嫩，帶有脂肪，其牛味濃郁出眾，入口即溶，沾上附有的燒汁同食，味道醇厚惹味。

和牛脂炒飯
炒飯色澤金黃，使用和牛脂炒製的飯粒增添牛油甘香，炒飯粒粒分明，鑊氣十足，可見師傅功力深厚，配料雞蛋同樣炒得分明細顆，蛋味十足，牛肉則嫩滑濃郁，額外還加有紅椒、青椒、蔥花，口感惹味豐富。

總結而言，餐廳裝潢型格吸睛，富有獨特風格，環境舒適休閒，而且用餐同時亦可與朋友暢飲。其價格經濟合理，服務態度良好，食材方面新鮮優質，味道製作出色，是與朋友們吃飯的好地方。

今日嚟到銅鑼灣登龍街揀咗這間餐廳，從餐廳外表睇落去以為係西餐廳，入到去發現原來係一間日式居酒屋～ 我哋揀咗坐廚師前面嘅吧枱

首先一坐低餐廳會先上一份蕃茄蒜子沙律做前菜，因為係收費的，如果唔要的話可以同餐廳講，不過蕃茄幾清新，連蒜子食幾有咬口，一坐低有d野咬下都唔錯～

之後我哋叫咗個螢光魷魚
螢光魷魚唔係真係會螢光，而係一啲醃過味的魷魚仔，好爽口，雖然睇落好似黐立立，但食落完全冇黏立的感覺，好滑，味道偏鹹少少，用來送酒就啱曬～

磯煮鮑魚
鮑魚煮得好入味，而且仲有醬汁！師傅會將鮑魚切成一粒粒非常容易入口～鮑魚食落厚實，爽彈！鮑魚本身煮得帶好少鹹香味連同醬汁一齊食甜甜地，幾好食～整體感覺好清爽

蟹盛御好燒
呢個係當日廚師推介之一，由於係蟹盛的關係，今次呢個御好燒同平時唔同，多左好多好多蟹膏係上面:love: 最上面仲有鮮蟹肉，底層係好似大阪燒咁～ 不過今次就唔會有大阪燒果d醬汁，咁先食到蟹膏同蟹的鮮甜味～ 另外仲附有紫菜同紅薑俾客人自己加上去一齊食～用味噌調製過的蟹膏唔會好濃味或好嗆，蟹的鮮味果有保留到～每啖都大大啖蟹膏真係好滿足～ 底層的大阪燒唔會好厚重或者好粉，係做到大阪燒果種鬆鬆散散的口感，所以即使成塊御好燒好大塊，但食起上來都不會好滯口，兩個人食剛剛好～

伊勢海老
冇得去日本都唔知幾時先可以再去日本食海鮮，餐廳又一廚師推介燒伊勢海老～我同老公見到已經流曬口水，龍蝦好大隻，見住廚師喺我哋面前燒同起肉，再上碟…真係超香～龍蝦燒的表面雖然有少少乾，但內裏仍然好juicy,一整舊龍蝦肉大大舊，好新鮮，爽口彈牙，剛燒起的關係，暖暖的龍蝦汁一路食一路滲出來，好鮮甜～一個字，正！

最後仲要咗個炒麵飯
餐廳話呢個係佢哋嘅自創菜式，淨係炒飯有點單調，所以撈埋一啲麵碎一齊炒增強口感～炒麵飯粒粒都炒得好乾身，好得意一食就食得出嗰陣日式炒麵的味道，加上餐廳的裝橫和氣氛，真係有置身於日本的感覺～炒麵飯真係幾好食，同平時食的日式炒飯好唔同～

好愉快喺呢間餐廳食咗一個日式海鮮餐，餐廳老闆非常友善，應該是一個好客之人，見好多客人都似係熟客再嚟捧場，成間餐廳的氣氛都好好，好relax,好愉快～