餐廳：Tapa Room (觀塘)
地址：觀塘觀塘道348號國際貿易中心地下G02號舖

喺觀塘海濱附近，有一間好有feel、好chill嘅西班牙餐廳酒吧，除咗牆上有好多霓虹燈牌之外，仲有唔少打卡位，啱晒一眾鍾意打卡嘅你

薄切炙燒吞拿魚腩 $88
一口吞拿魚燒得好香，外層啱啱好熟，內裏仲喺好鮮嫩，加上芝麻、辣椒️同青檸汁，連埋沙律菜一齊食，為呢一餐打咗一個好響嘅頭炮

鮮甜凍蝦配蒜茸蛋黃醬 $68
西班牙人好鍾意食凍盤，凍蝦係一個走唔甩嘅前菜，急凍咗嘅熟蝦好易搣開，食落爽口彈牙，確實鮮甜，唔知你鍾意加蛋黃醬定係落檸檬汁去食呢？

鵝肝比堅尼三文治 $78
將鵝肝醬搽喺香脆嘅多士入面，咬一口，飲一啖酒，真係今餐嘅一大享受

莫希托羊肉串燒 $78
羊羊喺自然放牧嘅環境下成長，有機天然，食落濃郁可口無羶味，一咬落去就有好多肉汁流出，勁juicy

烤煎慢煮西班牙黑毛豬鞍架配些厘醋燒汁伴炸薯粒 $158
呢個西班牙黑毛豬鞍真係無得頂，用慢煮嘅方式去烤煎逼出油脂香，唔好講食，淨係切都知佢有幾幼嫩。豬香軟腍，加上些厘醋燒汁更加細膩，味道層次提升，仲有成碟滿嘅炸薯粒添

Before Sunrise $108
Tapa room用咗Spanish style嘅做法，除咗有紅加侖子、雜莓同迷迭香Rosemary之外，仲加入咗Gin酒同tonic water，紅卜卜好靚，影相一流，不過原來都有40幾度架，叫之前記得問清楚

White sangria $60
Sangria喺西班牙語言國家常見嘅飲品，呢個white sangria用白酒做base，加入梳打水、水果、糖漿、白蘭地同冰，整成呢杯類似雜果賓治嘅酒精飲品，入面用咗青蘋果、荔枝同熱情果，幾解渴

西班牙肉桂多士配新鮮雜莓 $58
將鬆軟嘅麵包多士蘸上肉桂粉同砂糖，雖然有啲甜，不過唔喺成日食都ok嘅，食每一啖都充滿幸福感，為成餐飯畫上圓滿句號

餐廳近住工業區，附近唔會好多人經過，絕對係一個傾偈談心嘅好地方，仲可以飲返兩杯，食完去海濱行返一個轉，不知幾寫意

餐廳的Decoration十分Eye catching，打卡一流。

當然食物才是重點，價錢不算貴，不過食物份量亦不算多，餐廳主要想客人飲酒傾天SHARE食物，這樣其實可以品嚐更多食物。

先點特色飲料，亦點了數款小食佐酒。
必點的薄切慢煮八爪魚，味道清新亦帶鹹香，配上特色醬汁，十分開胃。
莫希托羊肉串燒，騷味不太厲害，但配上香料十分惹味。
西班牙海鮮鍋飯，雖說二人份量，不過應該足夠一人。但賣相吸引，真的足料，有大蝦，青口等，整體不錯。
西班牙薯仔蛋餅，相比下就不算太特別，感覺像吃濕了的薯條。
最後當然點了甜點CHURRO結尾，新鮮即製，不算太甜剛剛好。

朋友喺網店訂咗一批物品，因事行唔開，問我可否代為拿取。反正有空，舉手之勞，何樂而不為呢！

順便相約小師妹在附近吃頓午餐， 好耐無食過西班牙菜，揀咗呢間位於觀塘道國際貿易中心嘅「Tapa Room」，其實未試過中午去食 tapas，唔知個感覺會唔會好唔同呢？

餐廳離港鐵牛頭角站好近，只是幾分鐘路程。離遠已見到閃爍嘅招牌， 非常搶眼。

店內裝潢以 Neon Art 為設計概念，一踏進店便被四周的霓虹燈飾包圍住，煞有氣氛。餐廳地方頗大，而且近門口處還設有露天座位，令人感覺猶如置身外國街頭 Café 般。

餐廳午市有 Express Lunch 同 Set Lunch 供應，前者價錢較相宜，而後者則有 6 款可供選擇，定價由 $108 - $198 不等。

我哋揀咗兩個午市套餐，是日餐湯為南瓜雞湯，成品用上南瓜再加雞湯炮製，湯身非常濃稠，每一口都是滿滿的南瓜甜味，加上金黃的賣相，特別開胃。

頭盤選了薄切慢煮八爪魚 (+$28) 同凍切拼盤。八爪魚口感十足，面頭的醬汁非常醒胃，味道有點似西班牙蕃茄凍湯，酸甜冰涼，頗為Refreshing！

凍切拼盤 (+$38) 以一塊圓形木砧板盛載，拼盤上面放了西班牙火腿、曼徹格芝士和紅酒燴梨。火腿味道不錯，完全沒有筋位，不黐牙。芝士口味溫和，具濃郁的果香和飽滿的奶香；而紅酒燴梨亦微甜有酒香，夾埋一起入口，味道相當豐富。

主菜選了烤慢煮西班牙黑毛豬鞍架伴些厘醋燒汁配蒜香意粉 (+$168) 同烤肉眼牛扒。豬鞍嘅脂肪分佈很平均，經慢煮後能保留濃郁的肉汁，肉質軟腍，滋味滿分！意粉煮至軟硬適中，入口帶滿滿蒜香，伴以些厘醋燒汁吃，惹味非常。

烤美國 Prime 肉眼牛扒拌粉紅胡椒忌廉汁配薄煎薯餅 (+$198)，肉眼扒上桌時已切成一件件，面頭淋滿忌廉汁，並以紅胡椒作點綴，賣相吸引。肉眼水準唔錯，不但肉味鮮甜，且油脂香滑，鹹度適中。墊底嘅薄煎薯餅亦很好吃，薯香濃郁，跟鮮嫩的肉眼扒擦出火花。

跟餐飲品點了西班牙水果特飲，賣相很漂亮，味道香甜解渴，入口清爽怡人。