我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“《可能係全港最多口味嘅古早蛋糕🍰🤩》”

囍源古早蛋糕
香港排名第41 (共285家麵包糕點)
周圍地區: 深水埗區
餐廳詳細資料
周圍地區: 深水埗區
2021年3月21日

古早蛋糕而家真係開到周街都係,間間都話自己係正宗。呢間囍源古早蛋糕店 @heiyuen_bakery 特別在於以低溫烘焙做招徠,標榜少甜少油。可以一星期前預訂口味,60幾款口味真係我哋見過最多口味嘅古早蛋糕!
.
拉絲芝士古早蛋糕($70)
蛋糕用上3款唔同嘅芝士,當中日本芝士附帶鹹香,中間夾咗款拉絲芝士,置頂鋪咗少少英國芝士碎,鹹鹹甜甜咁都幾好食!值得讚嘅係芝士份量非常多,睇相都見到爆曬餡,好正!蛋糕質地濕潤,綿密有彈性。
.
紅豆蓉古早蛋糕($60)
另外草根仲試咗個紅豆味蛋糕。呢款撞正今日特價$60蚊一個‍♀️!紅豆蓉好均勻咁夾喺2層蛋糕中間,紅豆蓉質感細滑,不過比例上唔夠多,所以味道都唔夠突出,甜度比想像中低。佢真係做到少甜少油,拎上手都一啲都唔油。
.
自家製芝麻湯圓($38)
除咗古早蛋糕,佢哋仲推出埋自家製芝麻湯圓。湯圓一客10粒,芝麻味濃郁,食落幾香,質感沙沙地。湯圓皮口感相當煙韌。再配埋甜不甩食法,可以沾上可可粉、黃豆粉同朱古力粉同食,幾有趣!
.
囍源古早蛋糕 (深水埗)
深水埗北河街123號地舖

造訪日期: 2021年3月
    • 划算度
    • 服務
    • 食物
1  感謝 Grassroots-Ruby
該評論乃Tripadvisor會員主觀個人意見,不代表TripAdvisor LLC公司。
發表評論評論 (17)
旅客評等
旅客類型
月份
語言

6 - 10 則評論,共 17

2021年3月14日 透過行動裝置


一去到舖頭就見到打緊蛇餅,原來啱啱出爐左一底原味蛋糕!再望一望餐牌,更加係眼花撩亂,多得店員推介,先揀到今日呢兩隻味!一隻甜,一隻鹹。(非常欣賞店員嘅熱情)

芝士肉鬆
特級骯髒

蛋糕底超級鬆軟,絕冇燶邊!兩款口味都能夠做到入口即溶嗰種古祖味蛋糕嘅特色。而且餡料非常多,芝士同肉鬆非常之夾。甜蛋糕方面就算叫咗朱古力味,甜度都唔高,因為舖頭選用左少油少糖嘅配方。切開後,朱古力醬仲爆瀉哂!

店舖可以打電話落訂,咁就唔使去到排隊。

造訪日期: 2021年3月
感謝 Daycationhk
該評論乃Tripadvisor會員主觀個人意見,不代表TripAdvisor LLC公司。
2021年1月23日 透過行動裝置


售賣五十幾款古祖蛋糕口味,相信全港稱第一。
堅持低糖少油理念,無添加味精色素,原食材手造,正宗台灣做法。個別款式每日只限量12件,要食就要預訂,一到即取,絕對食到自己喜愛口味。

我也預訂了兩款跟好友分享。黑糖合桃和伯爵茶味。
包裝非常精緻,喜氣洋洋的感覺。

黑糖合桃味
食過才知什麼是黃金邊,黃金底,原來是唔燶邊,唔燶底。果然四邊和底部都平滑。
口感棉密細膩,濕潤,鬆軟得嚟有彈性。
最初疑惑黑糖味會否太甜太膩,結果不是的,還有粒粒合桃香,材料十足。

伯爵茶味
聽講用上名牌子伯爵茶葉磨粉混入,難怪啖啖茶的清香盡顯。

其實IG/FB不定期有減價優惠,如經IG介紹買立即減低$5。
儲滿印花優惠送原味1件。
加多留意就會成為精名消費者了。

造訪日期: 2021年1月
1  感謝 Polly C
該評論乃Tripadvisor會員主觀個人意見,不代表TripAdvisor LLC公司。
2021年1月16日 透過行動裝置

囍源古早蛋糕
地址: 深水埗北河街123號地舖

古早味蛋糕店開到周街都有,今日去咗深水埗蒲,行到北河街聞到好香嘅蛋糕味!原來依度都有一間人氣古早味蛋糕店,地點位置非常方便喺深水埗A2出口,行3分鐘就到。

去到之後,老闆娘仲同我傾左幾句!原來佢哋店舖係有去台灣學師嘅。佢哋係全香港唯一享用正宗做法,蛋糕有黃金邊、黃金底、唔燶邊、唔燶底,仲低糖少油添!老闆娘話佢哋使用低溫烘焙方法,咁就可以保持蛋糕水份,就算放兩/三日都唔會乾。店舖都會因應原材料嘅新鮮度嚟製作,例如嗰排紫薯唔靚就唔會整紫薯味蛋糕~

佢哋係全港最多口味嘅店舖,有成50幾款以上!佢哋仲會攞真蛋糕做display嚟比客人睇吓。不過唔係每日都會有晒50幾款,每日大約有10幾款。如果你好想食其中一隻味嘅話就可以打電話預訂,因為佢哋有啲款賣得好快同埋係限量嘅。我覺得最特別嘅係佢哋比客人預訂自己鍾意嘅蛋糕配搭,例如你想要薑汁配朱古力都得,非常新奇!店舖唔會一出爐就成盤放出嚟,會先入盒,保持衛生。

今次我就揀咗流心拉絲芝士同檸檬柚子味。最正嘅翻熱方法就係用電飯煲整返熱!我講吓檸檬柚子味先。老闆娘話柚子都自己醃嘅,非常有心。成個古早味蛋糕充滿淡淡柚子香味。當中總會食到有柚子粒,口感豐富。加埋檸檬嘅關係,成件蛋糕食落好清新。過咗味蛋糕質地綿密,蛋香味濃。蛋糕入口即溶,亦都唔會太甜。

而流心芝士拉絲方面,芝士熱咗呈半溶狀態,可以拉絲。芝士係日本芝士,唔同出面嗰啲好咸,食多幾件都唔會覺得膩。蛋糕依然好綿密、好有蛋想。而且非常濕潤,唔使靠飲品嚟吞。

仲有仲有,佢哋成日有唔同推廣活動,例如今次係買紫薯味蛋糕會送一筒薯片。今次我揀咗煙肉味,鹹鹹地,好脆,好長,好特別!估唔到真正古早蛋糕口味係咁,依間野會再幫襯。我會介紹埋隔離屋梁師奶去試下真正嘅黃金邊、黃金底!

造訪日期: 2021年1月
感謝 hkfoodiesharing
該評論乃Tripadvisor會員主觀個人意見,不代表TripAdvisor LLC公司。
2020年11月28日 透過行動裝置

Traditional Cake Taiwanese Style
.
.
古祖蛋糕吃得多。。你又了解幾多❓一件真正既古祖蛋糕係黃金邊、黃金底,而且放2日後食,口感都一樣咁綿密濕潤架,你又知道嗎。
.
今次試左一間稱全港唯一間古祖蛋糕店用正宗做法,亦係全港最多口味 (>30款),而每日都有10 幾款唔同口味可以選擇,而且件件 都唔同花紋,真係好有心思。全部都自家製作餡料,夠新鮮又真材實料,份量十足,全無味精色素,亦低糖少油,食得更健康呢。
.
而且小店亦提供預訂服務,買2件以上就可以Order,仲可以訂生日原盤蛋糕,夠晒特別呢。諗唔到食咩口味❓放心‼️ 店員更會為客人介紹每款唔同口味既蛋糕,切合你需要很細心呢。
.
想了解更多❓可以留意follow 佢地既IG / FB,每晚都有不同口味出,而且亦設有獎問答遊戲,夠互動亦有減價優惠,唔好錯過喔。
.
仲有仲有。。Show我IG @Wincyholic去買蛋糕仲可以有優惠 (立即減$5)。儲夠印花卡12件,亦送原味蛋糕1件,真係好抵架,有興趣都可以一試。
.
.

造訪日期: 2020年11月
感謝 Wincyholic
該評論乃Tripadvisor會員主觀個人意見,不代表TripAdvisor LLC公司。

去過囍源古早蛋糕嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。