我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“開心聚 ”

火車頭越南餐室
香港排名第5,349 (共15,375家餐廳)
周圍地區: 旺角
餐廳詳細資料
周圍地區: 旺角
5 週前評論 透過行動裝置

開心聚

今日中午跟Mary去旺角朗豪坊食午餐,今日不算多人,可能星期1吧,整個商場都好好行,人流不多,不會太迫。去了這間火車頭越南餐室,地方光線好開揚。我們坐梳化位,一邊食,一邊看到窗口外邊的綠色植物。整餐飯大概一小時,舒適,輕鬆,食物質素滿意,服務都好好,又有酒精搓手液和紙信封可以放口罩提供。埋單連加一服務費,二人196元,平均每人98元。

香茅豬扒湯河
$79
燒豬肉米紙卷(跟餐送)
桂圓杞子紅棗茶(跟餐加$8)
先講香茅豬扒湯河,份量好正常,香茅豬扒都好大件,食落口啖啖肉。肉質肥瘦適中,咬下去有口感。燒豬肉米紙卷,一條,廚房職員剪開為二。配上餐廳特製醬汁,醬汁裏面有一些花生粒,份外特別。米紙卷的外皮好煙韌,比糯米更有口感。而且裏面還有一片頗厚的燒豬肉。哈哈。桂圓杞子紅棗茶,甜度適中,感覺好健康。

香茅豬扒飯
$79
牛油果素菜米紙卷 (跟餐送)
椰汁紅豆冰(跟餐加$12)
另一款就是香茅豬扒飯,香茅豬扒和上面說的香茅豬扒湯河一樣。配白飯一起吃都好好味。
牛油果素菜米紙卷,一樣是一開為二。清新簡單,配上醬汁感覺清新。兩三口就食完,個人都好喜歡。至於椰汁紅豆冰,椰汁味好濃郁!裏面的紅豆也不會太甜。好飲!叫了少冰,果真少冰,正,會下次再光顧!

造訪日期: 2021年5月
感謝 LingB_b
該評論乃TripAdvisor會員主觀個人意見,不代表TripAdvisor LLC公司。
發表評論評論 (4)
旅客評等
旅客類型
月份
語言
2021年5月3日 透過行動裝置

之前行過見到依間朗豪坊嘅餐廳環境都幾正
今日終於嚟試咗 入到去座位闊落 坐得舒適

依間餐廳嘅蝦普遍都係比較大隻 咁岩原來叫左幾樣都有蝦既野食

芒果大蝦米紙卷:
果然係大蝦! 半透明嘅米紙卷直接見到入邊兩隻大蝦

馬拉盞炒通菜:
馬拉盞味唔算濃,而且比較濕,味道比較清淡

鐵板蒜蓉大蝦:
同平時食開嘅唔同,呢隻鐵板蒜蓉大蝦係有汁,食落冇咁乾身,但係同時間味道亦係會較清淡

原個菠蘿炒飯:
都算幾足料,餸多個飯咁濟,又有兩隻大蝦

造訪日期: 2021年5月
1  感謝 woody3305
該評論乃TripAdvisor會員主觀個人意見,不代表TripAdvisor LLC公司。
2021年4月21日 透過行動裝置

今日同阿媽去朗豪坊買野, 阿媽見到呢間以火車頭為主題嘅食店覺得幾特別話想試下
午餐選擇多,配主食+小食+飲品,價錢大衆化
今日同阿媽去朗豪坊買野, 阿媽見到呢間以火車頭為主題嘅食店覺得幾特別話想試下
火車頭越南餐室的相片 - 旺角
午餐選擇多,配主食+小食+飲品,價錢大衆化
火車頭越南餐室的相片 - 旺角
阿媽叫咗鮮茄蟹肉蝦湯檬湯底是蕃茄湯, 有着濃濃的蕃茄味和蟹的鮮甜味, 湯內有炸軟殼蟹、魚腐、豆卜、蕃茄等材料豐富,檬粉幼身爽滑, 掛湯力強, 浸耐咗都唔會過淋, 阿媽食完勁讚話好味
我叫咗香茅牛肉湯河牛肉好滑, 好有牛肉味, 河粉爽口, 配埋香葉辣椒青檸,酸甜開胃, 值得推介
酸辣去骨鳳爪-酸酸辣辣好開胃, 鳳爪肉質鮮嫩
燒豬肉米紙卷-米紙好煙韌包住檬粉、豬肉、紅蘿蔔、生菜等豐富配料, 加埋醬汁一齊食好惹味
鹹檸檬七喜-鹹鹹酸酸的檸檬加上汽水, 好解渴
檸檬紅茶-紅茶味濃,甜度適中

造訪日期: 2021年4月
感謝 KKMan123
該評論乃TripAdvisor會員主觀個人意見,不代表TripAdvisor LLC公司。
2021年2月23日 透過行動裝置

好耐冇食過越南嘢,今日同朋友行朗豪坊見到4樓有間越南餐廳,個名幾得意,叫做[火車頭...」,就吸引到我哋入去食午餐。

餐廳做足防疫措施,安心出行QR code或登記食客資料、酒精搓手液、隔板等樣樣齊全,令客人食得安心又放心。

午市套餐都幾抵食,連加一人均消費都唔使一百元就有齊主食、小食同飲品,選擇也很多。

主菜:香茅豬扒湯河/燒豬頸肉湯河
河粉大大碗,粉質夠滑身。香茅豬扒和燒豬頸肉都幾香口,而且肉質軟淋。

小食:牛油果素菜米紙卷/香茅牛肉蝦片
牛油果素菜米紙卷內有兩三種不同的沙律菜和牛油果,食落好清新,沾上甜醬伴食也別有一番風味。
香茅牛肉惹味,蝦片脆卜卜。

餐飲:薄荷檸檬梳打/蘆薈柚子蜜
涼浸浸嘅檸檬梳打加上剪碎嘅薄荷葉,份外醒神。
蘆薈柚子蜜,滋潤可口。

造訪日期: 2021年2月
1  感謝 pingpingcspchow
該評論乃TripAdvisor會員主觀個人意見,不代表TripAdvisor LLC公司。

去過火車頭越南餐室嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。