我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“懷舊茶餐廳!必點西多,茶走紅豆冰👍🏻😋”
雪山冰廳的評論

雪山冰廳
香港排名第3,224 (共15,381家餐廳)
周圍地區: 深水埗區
餐廳詳細資料
周圍地區: 深水埗區
2021年5月14日 透過行動裝置


長沙灣呢排真係多左好多餐廳 上次去左個頭見到好多都想試
所以今次就同媽媽試下呢間特色茶餐廳啦

✅雪山冰廳
深水埗店已經有多年歷史 最近長沙灣開左新店
主要以懷舊茶餐廳菜式為主
但都有唔少新派特別既菜式

酸辣魚片嫩雞米線 $36
下午茶30幾蚊有個麵餐 真係幾抵
又有我鐘意既米線 梗係要試試佢
佢有幾塊魚片同雞肉片
米線略為有點腍 但佢既份量都幾多 好飽肚
酸菜係咸酸菜 味道咸咸酸酸咁
但辣度可以再多啲

味道: 3/5
賣相: 3/5

榛子醬西多 $32
花生醬西多就食得多 都係第一次食榛子醬
一食落口好重nutella既味道 有一大塊牛油係面
啱啱炸起好熱好香牛油味 加埋榛子醬意外地夾!
唔太甜又可以帶出榛子醬既味道
好食!以前唔使再成日食花生醬西多了~

味道: 3.5/5
賣相: 3.3/5

波士頓龍蝦喇沙摻摻 $78
無錯我又食喇沙了 其實我都真係幾鐘意食新加坡菜
呢個賣相勁吸引 有好大隻龍蝦係面
龍蝦肉好結實 有少少海水味道 咸咸地好夠味
個喇沙湯都好濃郁又要豆卜,蛋做配料
今次既摻摻份量超多 食極都仲有咁
個米粉幼到好似粉絲咁 我自己就幾鐘意啦

味道: 3.2/5
賣相: 3.4/5

避風塘生炸脾 $38
聽聞呢到既生炸脾係幾出名 所以就叫黎試下啦
生炸雞脾真係完全冇粉漿 面頭仲有好多乾蒜同辣粉
我諗呢啲就係避風塘既風味啦
食落係好脆的 但個味道就略嫌咸左少少
重口味既我都覺得可以淡味返少少
如果個口感係juicy啲更加好

味道: 3/5
賣相: 3/5

蛋碎牛治 $28
睇落平平無奇 食落嚇你一跳
用蔥 咸牛肉 熱辣辣炒成既蛋治
味道咸道適中 又帶到蔥花既香味
鐘意食蛋牛治既朋友唔好錯過!

味道: 3.3/5
賣相: 2.8/5

紅豆冰 (跟餐的)
飲落比較淡 啱哂媽媽口味
紅豆超腍又夠甜!可以中和下花奶既淡

茶走紅豆冰 (+$9)
呢杯係奶茶茶走加紅豆 比較特別
亦都唔係間間茶餐廳都有得飲
加左煉奶既緣故 所以飲落甜甜地
但又好香茶味 自己就鐘意呢杯多過原味啦
黎到想飲啲特別既飲品 十分建議試下呢杯

味道: 3.6/5
賣相: 3.2/5

地址: 長沙灣青山道413號東景大廈地下4-5號舖

Follow for more food news!

造訪日期: 2021年5月
感謝 foodiesdeviljan
該評論乃TripAdvisor會員主觀個人意見,不代表TripAdvisor LLC公司。
發表評論評論 (11)
旅客評等
旅客類型
月份
語言

2 - 6 則評論,共 11

2021年5月5日 透過行動裝置

今日去長沙灣處理工事後,和平同事在附近覓食,在青山道看到一間幾新式的冰室,原來是老牌子的「雪山冰廳」!雪山裝修新式,寬躺,就算係近牆的卡位也裝有隔版,客人食得安心

估唔到冰廳有龍蝦又有酸菜魚等!那麼今日就試吓

老壇子酸菜魚跟寛粉,迷你版$88。上枱嚇親,因為以為自己叫錯大份量$158,再望單確認沒有錯迷你版份量似平時其他餐廳的二人版魚肉很滑很鮮酸菜夠酸,寛粉夠QQ

芝士焗波士頓龍蝦海鮮飯 $98 , 半邊龍蝦且鮮甜,海鮮配料有爽滑魚柳,鮮蝦,蟹柳,魷魚,西蘭花等...芝士香濃而且是炒飯底!

樽仔奶茶另加$15,茶香夠滑!

生炸雞脾跟紅豆冰$36,雞脾炸得皮脆肉嫩多汁!紅豆冰紅豆夠沙花奶適中!

造訪日期: 2021年5月
感謝 tsangV2004
該評論乃TripAdvisor會員主觀個人意見,不代表TripAdvisor LLC公司。
2021年4月10日 透過行動裝置

蕃茄濃湯鮮牛肉米線($33)日日睇米線關注組 真係好想食米線!茄湯通轉米線頂住先茄湯好淡...牛肉無味...ummmmm.唯一抵讚係份量算多
·
黑松露炒蛋配香酥丹麥多士(加配+$8)其實我係想叫櫻花蝦炒蛋,不過唔知點解口講左黑松露內心應該係暗暗vote左黑松露!不過不失,怕肥既我奉獻左丹麥多士俾大食仔
·
焗豬扒飯($60)睇落好吸引,芝士鋪面焗到微焦~夠茄微酸但...豬扒真係乾左啲.大食仔話焗豬都係大快活最好食
·
雪山冰廳
長沙灣青山道413號東景大廈地下4-5號鋪

造訪日期: 2021年4月
感謝 foodienethk
該評論乃TripAdvisor會員主觀個人意見,不代表TripAdvisor LLC公司。
2021年3月17日 透過行動裝置

好友共聚,選址雪山冰廳,
一行四人周末5 時許進店,避開晚飯高峰時間,聽朋友說這是間有60多年歷史的老牌餐廳,經裝修後,感覺煥然一新。

餐廳裝潢跟一般冰室格局無異,特別的是牆上靈動的金魚, 為餐廳注入年輕感覺,
寒暄一番後,大家也餓了,馬上點餐~

蛋碎牛治烘底
先來一道蛋牛治,愈是簡單的食材,愈能試出主廚的功架。 烘得香脆的方包夾著滿滿的餡料,滑蛋內有蔥花點綴,也有鹹香的碎牛肉,調味剛好,一口咬下,相當滿足。

波士頓龍蝦叻沙摻摻
好友極力推薦這裡的叻沙和咖哩,當然要試,先喝一口湯,蝦味香濃,應該是先炒香蝦頭,再煮成湯的效果,酸酸辣辣中,帶點椰奶香,湯內米份,油麵各半, 油麵比較硬身,而米粉柔軟且更能吸收叻沙的味道,比較味美,主角龍蝦比想像中大,蝦頭有橙紅色的蝦膏,肉質 爽口彈牙,配料還有油豆腐, 魚片和芽菜, 大大碗的龍蝦叻沙只索價$78,我同朋友都覺得好抵。

芝士焗波士頓龍蝦海鮮飯
半邊芝士焗龍蝦被白汁,
魚塊,西蘭花,帶子,蟹柳及香菇包圍,賣相認真誇張,大家分享才看到內裡的蛋炒飯, 龍蝦爽口鮮甜, 西蘭花爽脆,帶子甜美,配合白汁同食,幾好味,建議調味和芝士可更多一些,味道應該會更好。

雪山焗特厚豬扒飯
豬扒飯上枱香氣誘人,厚身豬扒炸得透徹,呈棕紅色,外皮雖有點硬, 但內裡肉質軟淋,而且醃得入味,非常香口,帶有脂肪的部分更是超級香脆,配上濃稠的芝士白汁, 鮮茄及炒過的紅蘿蔔和西芹同食, 真的非常美味,沒想過普通冰室的焗豬扒飯會有這個質素。

老壇子酸菜魚配寛粉
選了大份的酸菜魚,上枱把我們嚇一跳,份量真的土豪,足夠4~6 人食用,用上青,紅辣椒和花椒,湯汁酸辣麻齊備,刺激又開胃,魚肉切得夠薄,非常嫩滑,口感有點像食豆腐,酸菜酸中帶辣,跟寬粉是絕配,粉條吸收湯汁後變得地道惹味, 就是進食時有點麻煩,要把碗內的花椒剔出。

燉湯(+$9)
燉湯內層用不銹鋼盛載,外層像老式瓦煲一樣,賣相非常別緻,湯內有豬肉粒, 雞腳,蟲草花,湯色紅潤,入口清甜滋潤,是個不錯的選擇。

說真的,原本不抱任何期望,普通一餐晚飯,但雪山冰廳的出品,出乎意料地讓我驚喜, 感受到餐廳的用心製作,很讚!!

造訪日期: 2021年3月
2  感謝 jessie_xxo
該評論乃TripAdvisor會員主觀個人意見,不代表TripAdvisor LLC公司。
2021年3月15日 透過行動裝置

話說上一次與媽媽到長沙灣食飯後,路經這家雪山冰廳店內座無虛席,就想和太太及父母來試試,今天剛好太太可以早點下班便直接過來了

位置:位於青山道實惠的對面,餐廳算是當眼
環境:餐廳混合傳統和現代感,整潔闊落
服務:下單上菜快,店員亦主動送上熱水
食物:食物大碟,味道亦很不錯

波士頓龍蝦叻沙摻摻($78)
餐牌上的推介菜,正好又是媽媽喜歡的叻沙湯麵。意想不到的大碗,味道香辣正宗,主菜是半邊波士頓龍蝦,新鮮肉實,蝦鉗很細心的預先剪過方便用刀叉食用配菜還有魚片、豆腐卜、一個開邊雞蛋及芽菜等,而摻摻的油麵及米粉配合得宜,油麵有口感而米粉吸湯入味

芝士焗波士頓龍蝦海鮮飯($98)
我選了龍蝦焗飯,份量同樣不少。炒飯混合魚塊、魷魚、蟹柳、西蘭花及香菇,加上芝士及半邊波士頓龍蝦焗成,相當入味及香。龍蝦的海水味溶入焗飯令層次提升,如果可以多配另一種芝士,相信會更為出色

雪山焗特厚豬扒飯($60)
快餐的一款焗飯,豬扒的確很厚,切件後放在西芹等配菜的炒飯上,放入芝士及醬汁焗製,肉味香而滿足

南洋咖哩牛筋腩飯($60)
爸爸說咖哩很有東南亞風味,而牛筋腩一點也不韌,爸爸的牙也能咬,而且很有牛肉味,爸爸很是喜歡

老壇酸菜魚土豪份量配寛粉($158)
多點了這款酸菜魚,原意是四個人分享,但份量大碟得誇張,酸菜及辣椒相當辣,而魚塊新鮮而不算太辣,寛粉比較軟身,自行放入湯內很易吸味,整體味道算是不錯,但份量多得必須外帶大部份回家呢

蛋碎牛治烘底($28)
看到鄰座點的三文治樣子不錯,便點來試試。厚厚的炒蛋及碎牛混合在烘過的三文治內,蛋及肉汁鮮味吸引,熱食味道超讚

燉湯(跟餐+$9)
燉湯是又一令人驚喜,一來沒想到竟然這麼大盅,二來味道出奇的鮮甜,盅內有有蟲草花、雞腳及豬瘦肉,用料十足

茶走紅豆冰(跟餐+$15)
特飲最邪惡的肯定是這杯茶走紅豆冰,茶走配合了紅豆冰變成了甜甜的凍飲,實在太美味了

凍檸七(跟餐+$15)
用上支裝汽水,是最傳統最美味的凍檸七呢

總結一下,這家冰室環境、服務及食物各方面都很不錯,而且食物份量真的很多,適合喜歡超值的您

造訪日期: 2021年3月
1  感謝 moshui
該評論乃TripAdvisor會員主觀個人意見,不代表TripAdvisor LLC公司。

去過雪山冰廳嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。