我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“秉承實惠味美的老牌冰廳 🏩”
雪山冰廳的評論

雪山冰廳
香港排名第3,449 (共15,296家餐廳)
周圍地區: 深水埗區
餐廳詳細資料
周圍地區: 深水埗區
2021年3月17日 透過行動裝置

好友共聚,選址雪山冰廳,
一行四人周末5 時許進店,避開晚飯高峰時間,聽朋友說這是間有60多年歷史的老牌餐廳,經裝修後,感覺煥然一新。

餐廳裝潢跟一般冰室格局無異,特別的是牆上靈動的金魚, 為餐廳注入年輕感覺,
寒暄一番後,大家也餓了,馬上點餐~

蛋碎牛治烘底
先來一道蛋牛治,愈是簡單的食材,愈能試出主廚的功架。 烘得香脆的方包夾著滿滿的餡料,滑蛋內有蔥花點綴,也有鹹香的碎牛肉,調味剛好,一口咬下,相當滿足。

波士頓龍蝦叻沙摻摻
好友極力推薦這裡的叻沙和咖哩,當然要試,先喝一口湯,蝦味香濃,應該是先炒香蝦頭,再煮成湯的效果,酸酸辣辣中,帶點椰奶香,湯內米份,油麵各半, 油麵比較硬身,而米粉柔軟且更能吸收叻沙的味道,比較味美,主角龍蝦比想像中大,蝦頭有橙紅色的蝦膏,肉質 爽口彈牙,配料還有油豆腐, 魚片和芽菜, 大大碗的龍蝦叻沙只索價$78,我同朋友都覺得好抵。

芝士焗波士頓龍蝦海鮮飯
半邊芝士焗龍蝦被白汁,
魚塊,西蘭花,帶子,蟹柳及香菇包圍,賣相認真誇張,大家分享才看到內裡的蛋炒飯, 龍蝦爽口鮮甜, 西蘭花爽脆,帶子甜美,配合白汁同食,幾好味,建議調味和芝士可更多一些,味道應該會更好。

雪山焗特厚豬扒飯
豬扒飯上枱香氣誘人,厚身豬扒炸得透徹,呈棕紅色,外皮雖有點硬, 但內裡肉質軟淋,而且醃得入味,非常香口,帶有脂肪的部分更是超級香脆,配上濃稠的芝士白汁, 鮮茄及炒過的紅蘿蔔和西芹同食, 真的非常美味,沒想過普通冰室的焗豬扒飯會有這個質素。

老壇子酸菜魚配寛粉
選了大份的酸菜魚,上枱把我們嚇一跳,份量真的土豪,足夠4~6 人食用,用上青,紅辣椒和花椒,湯汁酸辣麻齊備,刺激又開胃,魚肉切得夠薄,非常嫩滑,口感有點像食豆腐,酸菜酸中帶辣,跟寬粉是絕配,粉條吸收湯汁後變得地道惹味, 就是進食時有點麻煩,要把碗內的花椒剔出。

燉湯(+$9)
燉湯內層用不銹鋼盛載,外層像老式瓦煲一樣,賣相非常別緻,湯內有豬肉粒, 雞腳,蟲草花,湯色紅潤,入口清甜滋潤,是個不錯的選擇。

說真的,原本不抱任何期望,普通一餐晚飯,但雪山冰廳的出品,出乎意料地讓我驚喜, 感受到餐廳的用心製作,很讚!!

造訪日期: 2021年3月
2  感謝 jessie_xxo
該評論乃TripAdvisor會員主觀個人意見,不代表TripAdvisor LLC公司。
發表評論評論 (9)
旅客評等
旅客類型
月份
語言

3 - 7 則評論,共 9

2021年3月15日 透過行動裝置

話說上一次與媽媽到長沙灣食飯後,路經這家雪山冰廳店內座無虛席,就想和太太及父母來試試,今天剛好太太可以早點下班便直接過來了

位置:位於青山道實惠的對面,餐廳算是當眼
環境:餐廳混合傳統和現代感,整潔闊落
服務:下單上菜快,店員亦主動送上熱水
食物:食物大碟,味道亦很不錯

波士頓龍蝦叻沙摻摻($78)
餐牌上的推介菜,正好又是媽媽喜歡的叻沙湯麵。意想不到的大碗,味道香辣正宗,主菜是半邊波士頓龍蝦,新鮮肉實,蝦鉗很細心的預先剪過方便用刀叉食用配菜還有魚片、豆腐卜、一個開邊雞蛋及芽菜等,而摻摻的油麵及米粉配合得宜,油麵有口感而米粉吸湯入味

芝士焗波士頓龍蝦海鮮飯($98)
我選了龍蝦焗飯,份量同樣不少。炒飯混合魚塊、魷魚、蟹柳、西蘭花及香菇,加上芝士及半邊波士頓龍蝦焗成,相當入味及香。龍蝦的海水味溶入焗飯令層次提升,如果可以多配另一種芝士,相信會更為出色

雪山焗特厚豬扒飯($60)
快餐的一款焗飯,豬扒的確很厚,切件後放在西芹等配菜的炒飯上,放入芝士及醬汁焗製,肉味香而滿足

南洋咖哩牛筋腩飯($60)
爸爸說咖哩很有東南亞風味,而牛筋腩一點也不韌,爸爸的牙也能咬,而且很有牛肉味,爸爸很是喜歡

老壇酸菜魚土豪份量配寛粉($158)
多點了這款酸菜魚,原意是四個人分享,但份量大碟得誇張,酸菜及辣椒相當辣,而魚塊新鮮而不算太辣,寛粉比較軟身,自行放入湯內很易吸味,整體味道算是不錯,但份量多得必須外帶大部份回家呢

蛋碎牛治烘底($28)
看到鄰座點的三文治樣子不錯,便點來試試。厚厚的炒蛋及碎牛混合在烘過的三文治內,蛋及肉汁鮮味吸引,熱食味道超讚

燉湯(跟餐+$9)
燉湯是又一令人驚喜,一來沒想到竟然這麼大盅,二來味道出奇的鮮甜,盅內有有蟲草花、雞腳及豬瘦肉,用料十足

茶走紅豆冰(跟餐+$15)
特飲最邪惡的肯定是這杯茶走紅豆冰,茶走配合了紅豆冰變成了甜甜的凍飲,實在太美味了

凍檸七(跟餐+$15)
用上支裝汽水,是最傳統最美味的凍檸七呢

總結一下,這家冰室環境、服務及食物各方面都很不錯,而且食物份量真的很多,適合喜歡超值的您

造訪日期: 2021年3月
1  感謝 moshui
該評論乃TripAdvisor會員主觀個人意見,不代表TripAdvisor LLC公司。
2021年3月7日 透過行動裝置

今日同男朋友去南昌公園欣賞黃花風鈴木,之後去深水埗晚飯,俾餐廳既名字吸引,餐廳係老字號,加上見有樽仔奶茶,入去試吓。

員工介紹我地2人套餐$168,有兩個燉湯、兩個小菜及兩個白飯。專登叫少來一個白飯,因為貪心嘅我哋仲想叫其他菜式試。

今日嘅燉湯係姬松茸燉烏雞,每人一盅,落足料,絕對唔係普通例湯,湯很清甜。

小菜方面,點了去骨霸王雞半隻,雞皮爽滑,無皮下脂肪,雞肉都好嫩滑,加上海量葱絲及薑絲,正。套餐選擇這霸王雞實在是性價比高,因為單叫霸王雞半隻就要$128了。
另外加$10,點了大馬站班腩煲,有豆腐、五花腩燒肉配班腩,蔥頭蒜頭同薑加埋馬拉盞一齊,好惹味,食極都唔夠喉。

另叫了芝士焗波士頓海龍蝦鮮飯,因為俾餐牌圖片吸引左,實物同相片係一樣吸睛,見到會心心眼,打卡一流,除左主角龍蝦外,都幾豐富,班塊、鮑片、青口、墨魚片,分量十足,主角都好大隻,龍蝦爆晒膏,不過焗得耐左,蝦殼有d燶,肉質爽口但有啲老。個飯係炒底,好香,配合大量菇菌,三色椒粒及白汁一起吃,好滿足。

樽仔奶茶幾好,好香滑。茶同奶嘅比例好好。
整體晚餐好好,餐廳多卡位,員工好有禮貌,環境又乾淨,感覺好好。

造訪日期: 2021年3月
1  感謝 Rabbit0804
該評論乃TripAdvisor會員主觀個人意見,不代表TripAdvisor LLC公司。
2021年2月3日

今日放半晝,下午過左去長沙灣搵老公食晏。有人話要帶我去試下佢經常幫襯的其中一個飯堂「雪山冰廳」。

原來餐廳嘅歷史好悠久,始創於 1956 年, 總店位於深水埗,而長沙灣呢間就係品牌嘅第一家分店。

餐廳嘅面積唔算好大,不過檯櫈擺放得好整齊企理,感覺乾淨衛生。店內有一幅色彩繽紛嘅金魚噴畫,拼上磁磚牆身、淺藍灰階花磚,裝潢懷舊得嚟又帶點摩登玩味。

先睇下餐牌,食物選擇都幾多元化,有小食、常餐、特餐、全日早餐、特色湯粉麵、雪山素食之選、快餐、蛋包飯、南洋咖哩、香噴噴蔥油系列、雪山精選推介、特色下午茶及下午茶炒粉麵等。

我哋點左個檳城風櫻花蝦炒蛋特餐、兩客特色下午茶,另外再加左碟黑蒜田園炒時蔬。

個檳城叻沙摻摻特餐 ($55) 真係好豐富,除左包一碗叻沙之外,仲有日本櫻花蝦炒蛋拼香酥丹麥多士同熱飲一杯。碟炒蛋賣相真係一流,呈金黃色,水潤帶光澤,食落既有蛋味又有蛋香,加上入面夾雜左唔少蔥花同櫻花蝦,令香氣倍添。

至於碗檳城叻沙摻摻食味亦不俗,湯底帶甜,有很香的椰奶味,十分不錯。油麵滑溜彈牙、而米粉亦爽口順滑。配料有大蝦、魚片及豆卜,蝦隻爽甜味鮮,豆卜索滿了鮮濃叻沙湯汁,味道絕不簡單。

跟餐飲品點左樽仔奶茶 (+$9),據說餐廳嘅奶茶係用左三種茶葉炮製,飲落真係好滑,而且奶味同茶味平衡得很不錯,奶味唔太重,能突出到茶香,絕對值得一試。

下午茶餐點左避風塘生炸髀配海苔炸薯條及紅豆冰 ($46) 同 滑蛋鰻魚潛艇。雞髀即點即炸,送上來時仍熱氣騰騰,外皮咬下脆卜卜,肉質嫩滑不韌,加上面頭微辣惹味的炸蒜,呈現經典的避風塘滋味。

薯條新鮮熱辣,份量多又夠脆。紅豆冰甜度適中,紅豆大粒得嚟仲好腍身,正。

至於個滑蛋鰻魚潛艇配杏仁霜 ($36) 亦係心水推介,潛艇堡輕柔軟熟,入口有陣陣芝麻香,夾埋滑溜嘅炒蛋同肥美嘅鰻魚一齊食,超美味。食完飲返杯順喉微甜的杏仁霜,好滿足。

黑蒜田園炒時蔬 ($45) 時蔬可以揀西蘭花、白菜、生菜同芥蘭,西蘭花炒得好有水準,咬落有爽脆感,配上甜味的黑蒜,健康又養生。

臨尾再點左杯凍鴛鴦 ($19) 咖啡味同茶味都調校得啱啱好,既有咖啡的香味又有奶茶的絲滑,唔錯。

造訪日期: 2021年2月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2020年10月4日 透過行動裝置

沙爹牛肉公仔麵
湯底濃郁,牛肉嫩滑,沙爹醬好惹味,麵都好爽口彈牙。常餐仲配埋午餐肉炒蛋同香酥丹麥多士。丹麥多士外面香脆,內裡鬆軟,一層一層嘅,香甜可口。
經典芝蛋牛肉漢堡包。鬆軟嘅麵包,裡面夾住牛肉、芝士同蛋,牛肉裡面加咗洋蔥,又爽口又香,蛋係半熟,一啖咬落去,蛋黃流晒出嚟。仲加咗芝麻醬,酸酸地好fresh,個人覺得如果加沙律醬味道仲好。
老壇酸菜魚
主角魚肉好嫩滑,酸菜酸得嚟都幾脆口。配菜有泡椒、辣椒仔、木耳,大豆牙芽,蓮藕片,顔色同味道都幾豐富,湯底都唔算太辣,美中不足係湯比較少,配薯粉食唔夠。
樽仔奶茶。香濃嘅茶味,口感細膩,甜度適中,加上獨特嘅樽仔設計,果然係招牌之一

造訪日期: 2020年10月
1  感謝 sunsun_foodie
該評論乃TripAdvisor會員主觀個人意見,不代表TripAdvisor LLC公司。

去過雪山冰廳嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。