我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“大滿足的燒肉放題”

校長燒肉日韓料理
香港排名第5,987 (共15,531家餐廳)
周圍地區: 元朗
餐廳詳細資料
周圍地區: 元朗
2021年3月29日

生日行山和好友欣賞完千島湖清景台美景後,回程到來校長燒肉食放題,任食確實幾開心的。

一入店內便望到樓梯間放置左件人型大小的iron man模型,相當逼真有型。

而餐廳算幾大,張張都大枱座位疏鬆,枱與枱相隔遠,好有自成一角的感覺。

放題分左幾個時段,當中我地揀左五點食到七點,兩小時都係每人$148,仲包埋刺身都算抵。

該店可同時燒烤和打邊爐,美食選擇多,除了各類燒肉外、壽司刺身、中菜點心、沙律甜品樣樣都有。

飲品
有清酒、梅酒、汽水、罐裝飲品及紙裝飲品,當中最喜歡清涼爽,解渴解燥又無氣,飲多都唔易飽肚。

燒烤食材
食材勁多選擇,就算豬牛雞都分左不同部位和口味。食材有一口牛、蒜香牛肋條、蒜香牛扒、豬扒、牛仔腸、香草魚柳、韓風魚柳、秘製叉燒、金沙骨、麻辣雞腎、一口豚、咖哩雞軟骨、麻辣雞軟骨、蒜香雞軟骨、梅肉片、豬五花、牛五花、多春魚、秋刀魚、三文魚、鯖魚、魷魚鬚、魷魚翼、雞扒、韓風雞扒、咖喱雞扒、雞中翼、土匪雞中翼、印度風雞中翼、韓風雞中翼、炸魚蛋、貢丸、豬柳漢堡、煙鴨胸、芝心丸、麻吉燒、日式蟹柳、紅布腸、雞肉腸、台灣腸、午餐肉、火腿片、芋絲、四方魚腐、金菇、金菇肥牛卷、牛油雜菌、雞軟骨餃子等等。在煎鍋上放左隔油紙,煎起上來無咁油,又無咁多煙。

壽司刺身
蟹棒壽司、加州卷、豆皮壽司、三文魚壽司、芝麻鰻魚壽司、帆立貝壽司等,壽司唔算大件,而且味道唔錯都有質素的,幾有良心。
刺身即叫即切都幾新鮮,而且無限拎,但每次限取三款每款兩件,包括帆立貝、三文魚、蟹柳、甜蛋、希靈魚、吞拿魚、赤蝦。

中菜點心
好多款中式菜式,點心都有一大堆,甚至連日式蒸蛋、葡撻、章魚小丸子、炸餃子、碗仔翅都有,但總覺得來到食燒烤比較值回票價。

沙律甜品
沙律菜都有幾款,仲有埋青口和長腳蟹,感覺好似酒店食自助餐咁。
甜品款式好多不能盡錄,仲有盒裝雪糕、冰菠蘿和冰西瓜,食完都幾滿足。

造訪日期: 2021年3月
    • 划算度
    • 服務
    • 食物
感謝 cargolam
該評論乃Tripadvisor會員主觀個人意見,不代表TripAdvisor LLC公司。
發表評論評論 (4)
旅客評等
旅客類型
月份
語言
2020年10月20日

早年前在舊店食過呢間,有一日行經見番呢個熟悉名字,加上原來搬大咗地方,所以預早一日打電話book 位食。
晚市放題分四個時段,由5:00pm-11:30pm, 價錢由$108-$148不等,我哋揀了7:15-9:15pm 共2小時的時段$198/位另加一。
餐廳要行上一層, 上樓梯時見到放咗隻好大嘅 iron man都幾吸引, 唔知老闆係咪粉絲呢呢間餐廳環境開揚闊落,坐得舒服, 而且食物種類多。
入座後,先在餐廳自助區內逛一圈先。自助吧食物應有盡有,有韓燒、火鍋、刺身、小食、沙律、熟食、飲品同甜品區等,全部都任食,因太肚餓,先嚟轉冷盤先,刺身有三文魚、吞拿魚、帶子、長腳蟹食材非常新鮮又鮮甜,仲有壽司大大件。至於沙律有車厘茄、薯仔和沙律菜,又係好新鮮。
熱盤主要有蒸魚、蔬菜、洋蔥豬扒等、仲有薯條、薯格,同一籠籠熱辣辣點心。
燒章魚丸炸起唔會太多粉,足料 芝士波有咬口 葡撻個皮焗得鬆脆
吃了熟食後,便開始燒食物。燒烤配料大概有50款左右,有腸仔、雞扒、牛扒、豬扒、雞翼、金莎骨、义燒、五花腩、魷魚等。
雞翼醃得入味,烤過後仍保原汁原味。 雞腎、牛柳粒及豬軟骨幾有咬口。 牛扒肉質嫩滑,有牛味。 牛扒又係啖啖肉,爽。 魷魚夠惹味又唔太韌,滋味無窮。
吃咗太多肉,烚碟菜清下腸,打邊爐湯底要自己斟,有日式豬骨湯、韓風辣湯、壽喜燒湯,配料有腸仔、丸類、肥牛、金菇、蔬菜等。
飲品方面有罐裝、紙盒裝、男士們可選啤酒或清酒、女士們可選養生花茶。
食飽之後當然係食甜品,甜品有蛋糕、果凍、布甸、啫喱、糖水、泡芙,雪糕,仲有比較少見嘅冰生果(菠蘿、西瓜、哈蜜瓜), 因為太飽只係食咗杯雪糕,為今晚完美作結。

造訪日期: 2020年10月
    • 划算度
    • 服務
    • 食物
感謝 KKMan123
該評論乃Tripadvisor會員主觀個人意見,不代表TripAdvisor LLC公司。
2020年7月1日 透過行動裝置
Google 翻譯

造訪日期: 2020年6月
該評論乃Tripadvisor會員主觀個人意見,不代表TripAdvisor LLC公司。

去過校長燒肉日韓料理嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。