我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“YA! YA! YA”

Ya! Ya! Ya! Burger & Bar
香港排名第4,678 (共14,312家餐廳)
周圍地區: 旺角
餐廳詳細資料
周圍地區: 旺角
2020年9月25日 透過行動裝置

YA! YA! YA! BURGER & BAR (旺角)
旺角砵蘭街215號朗晴坊5樓
朗豪坊真係去得多,今次去下旁邊嘅朗晴坊搵食。見到5樓DREAM CAFE轉左名做YA! YA! YA! BURGER & BAR ,好想提早HAPPY FRIDAY 決定去CHILL 下。
餐廳環境寛敞,佈局同CAFE☕️差不多,設有獨立房間唱K,見到PROMOTE話可以唱到凌晨四五點,啱曬夜鬼。
貴為BAR & CAFE 價錢大眾化,食物款式多,有不到一百蚊就有既特色漢堡、意粉、串燒、甚至連刺身都有❤️
咁CHILL 既氣氛當然要有酒,Hoeggarden 麥味濃,飲落比較淡口,SOMERSBY 是女士之選,甜甜地易入口,配埋冰粒,夠曬凍。
煙三文魚雜菜沙律(HKD 58): 煙三文魚不會太咸,一陣煙氛香味,配上泰式鳳爪,辣辣地非常滋味,作為前菜好開胃,配上大量胡麻醬同沙律菜,中和辣度,仲驚喜發現有中華沙律做伴碟吾錯。
邪惡芝士雙層牛肉漢堡(HKD 108): 一上菜已經嚇親,果然係邪惡芝士,流曬出黎,整個漢堡有成六吋咁高,兩大塊安格斯牛肉牛肉味香濃無比,漢堡自家製外脆內軟,仲有蕃茄、生菜、菠蘿既加持,一啖有不同層次,好豐富滿足。
晚市惠顧HKD 150 仲送一碟挪威三文魚,好厚切新鮮
總結:
朋友聚會好地方
飲酒食嘢、唱K 狂歡
#朗晴坊#5樓#yayayaburgerandbar#煙三文魚雜菜沙律#邪惡芝士雙層牛肉漢堡#somersbycider#hoegaarden

造訪日期: 2020年9月
1  感謝 SANDRAFUNG
該評論乃TripAdvisor會員主觀個人意見,不代表TripAdvisor LLC公司。
發表評論評論 (6)
旅客評等
旅客類型
月份
語言

3 - 6 則評論,共 6

2020年7月10日

朗晴坊雖然成日都會經過但咁耐以黎都只係去過入面一間餐廳,見今日又經過附近就試下打開openrice睇下有咩啱食既時候留意到開左間新既burger店價錢幾合價就入去試試.

邪惡芝士菠蘿安格斯牛肉漢堡,一上枱見到用木盤放上一個脹卜卜又高既burger即刻雙眼發光.漢堡包挺身得黎外面十分光滑,烘得鬆脆又唔會過乾.加上一圈大菠蘿皮一咬香甜多汁,微微酸甜感降低牛肉漢堡既膩滯感.牛肉漢堡juicy,一咬就流晒內裏既肉汁,入口肉質唔會死實實,帶牛香.

邪惡芝士黑松露安格斯牛肉漢堡比起菠蘿安格斯牛肉漢堡果份清爽感,黑松露一定相對口味較濃.切開漢堡中間見到餐廳一d都吝嗇落足一層厚厚既黑松露醬.加上黑松露醬既牛漢堡味道更濃郁,黑松露雖濃郁但又唔會掩蓋左牛肉既牛香.

burger set入面包左薯角,厚身香辣薯角入口薯味夠香又粉,炸得唔會好油膩.

Hoegaarden味道麥味較重先甘後甜.

Pure Blonde果香味較出配搭黑松露安格斯牛肉漢堡有種消滯感.

造訪日期: 2020年7月
    • 划算度
    • 服務
    • 食物
感謝 Cantzipmyjeans
該評論乃TripAdvisor會員主觀個人意見,不代表TripAdvisor LLC公司。
2020年7月1日 透過行動裝置

餐廳:YA! YA! YA! BURGER & BAR (旺角)
地址:旺角砵蘭街215號朗晴坊5樓

父母係與生俱來,我地每一個都無得選擇,縱使有時都會有鬧交同意見唔岩嘅時候,甚至父母都有機會有錯嘅時候,但係我地要相信愛,愛係可以令我地包容對方,認清我地每一個都係會有錯嘅時候,無論點樣都要學懂尊重、孝敬父母,一齊慢慢學習吧

閒日去到旺角搵野食,見到朗晴坊5樓嘅Dream Cafe轉左名同轉型左做YA! YA! YA! burger & bar,貴為樓上bar & cafe,但係價錢非常大眾化,緊係要黎試下啦

一入到餐廳老闆就飛常熱情好客,介紹左餐廳最出名嘅野食比我地,佢地主打Burger緊係唔可以錯過,而另一個特點係佢地有一間K房,想有間房搞party唱K成班friend圍威餵嘅仲可以包房,晚市餐廳仲提供多款酒、海鮮(好似生蠔、龍蝦咁)、串燒等,應有盡有,價錢亦唔算貴

邪惡芝士雙層安格斯牛肉漢堡 $98
自家製漢堡,麵包好香脆,it’s my favorite,成六吋咁高,有兩塊肉味香濃嘅安格斯牛肉,仲有三層芝士、番茄、生菜同菠蘿,好juicy好豐富呀,叫漢堡仲配埋薯角,即叫即炸夠哂熱辣辣

意大利龍蝦湯雞扒手打烏冬 $52
煎香雞扒切件放係彈牙嘅手打烏冬上面,連埋鮮濃嘅龍蝦湯底,每一啖都不失海鮮嘅精華香味,加上芝麻同碎蔥等仲令賣相更吸引,味道更香更多層次。凡叫主食加$15仲可以換埋香辣泰式鳳爪沙律或者煙三文魚沙律

雙層芝士拉絲熱狗棒 $58
濃郁嘅芝士被熱狗棒包圍住,一咬開就可以拉出芝士拉絲非常過癮,鍾意食芝士嘅人係時候填補下你地嘅芝士慾同埋拎定相機影低你拉絲嘅過程喇,唔知你又拉到幾長呢

跟餐仲送湯同飲品,飲品仲包括花茶添,睇下呢杯陳皮山楂洛神花茶同薄荷檸檬茉莉花茶,望見都好吸引,仲落足料,帶有清新花香,今晚一定好好訓

鍾意睇戲嘅你唔好錯過!憑即日電影戲飛黎呢到食野仲可以享有全單9折架

每日經文:當孝敬父母,使你的日子在耶和華-你上帝所賜你的地上得以長久。
——‭‭出埃及記‬ ‭20:12‬

造訪日期: 2020年6月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2020年6月24日

今日約咗朋友嚟旺角傾心事,佢提議去朗晴坊 5/F 呢間新開嘅「YA! YA! YA! Burger & Bar」,原來是間集餐廳與酒吧於一身的特色小店。

店內地方不大,不過環境真的不錯,微黃燈光配上浪漫氣氛,給人一種好舒服嘅感覺,加上以不同形狀酒杯砌製成的燈飾,輕鬆中顯時尚!

趁人客不多,問准店員,在入面行了一圈,原來餐廳盡頭仲有間可以容納多人的 VIP房。聽店員講,餐廳設有 wifi、卡拉 OK 及包場、包房等服務,另外亦有房間套餐供應,套餐包各種美食,例如生蠔、刺身、焗田螺、啤酒等,而且Order 套餐仲免收加一服務費,啱曬同朋友來歡聚或慶祝生日。

餐廳主打漢堡,另外亦有晚市套餐、前菜、生蠔、串燒、炭燒海鮮、刺身、小食等供應。我哋揀咗兩個特色漢堡同半打炭燒蒜蓉生蠔。

食漢堡包又點可以無啤酒陪襯?原來餐廳有好多酒精飲品供應,我哋點揀咗 Pure Blonde 蘋果酒 ($22) 同藍妹啤酒 ($28) 各一瓶,支 Apple Cider 入口有香濃的蘋果味,酒精濃度只有 4.2%,非常清爽,好啱女士飲用。

兩個漢堡接著送上,漢堡包可以配薯條或薯角,我哋每樣揀咗一款。先試下呢款邪惡芝士黑松露安格斯牛肉漢堡 ($78),漢堡即叫即製,用料超足,除了主角安格斯牛肉外,仲有半溶芝士,番茄、蔬菜同黑松露。包面外脆內軟,食落口感好豐富,牛肉十分香口,咬下去更爆肉汁,配埋金黃的薯角吃,夠曬惹味!

至於呢款邪惡芝士菠蘿安格斯牛肉漢堡 ($78),材料基本上同先前嗰款漢堡係一樣嘅,只不過將黑松露換成菠蘿。漢堡扒富肉香味,而且醃得剛好,咬下去極 Juicy,番茄和蔬菜也夠新鮮,加上酸甜菠蘿片,清新醒胃。薯條唔算好粗身,但係薯味好濃,值得一試!

另外呢客炭燒蒜蓉生蠔 ($98) 亦非常美味,蠔肉相當厚,蠔味頗重、味道鮮甜,配上蒜蓉同孜然來燒,香口又有嚼頭。

食完咁多邪惡嘅食物,梗係要點番杯花茶嚟消下滯,餐廳有三款花茶供應,揀咗杯陳皮山楂洛神花茶 ($20),味道酸酸甜甜,開胃又解膩。今次朋友真係無介紹錯,有機會會同屋企人嚟試下。

造訪日期: 2020年6月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。

去過Ya! Ya! Ya! Burger & Bar嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單