我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“初嘗濃厚芫荽鍋🍵”

令和锅物酒场
餐廳訂位
香港排名第2,065 (共15,446家餐廳)
周圍地區: 旺角
餐廳詳細資料
周圍地區: 旺角
2021年6月1日

尖沙咀嘅厚福街不嬲都好多嘢食,成條都係食街都唔知點揀好,不過今次朋友一早就book左令和鍋物酒場,唔使我哋慢慢揀。

一入到去先上咗個前菜俾我哋,水果蕃茄,酸酸甜甜好新鮮涼爽,即刻舒緩咗身上嘅熱氣。

如果係芫荽嘅粉絲一定要叫晒芫荽嘅嘢試吓,雖然我哋幾個都唔係芫荽嘅愛好者,但係都唔抗拒,又難得嚟到可以試吓就叫咗個濃厚芫荽鍋啦。

一送到上嚟真係比湯底個顏色震驚到,而且都有好濃烈嘅芫荽味散發係空氣當中,咁就當然要喺未落嘢之前試吓個湯底先啦,芫荽嘅味道比想像之中淡,仲有啲清甜,飲落喉嚨好舒服,雞肉蔬菜喺陸叔嘅過程都吸收晒個湯底,食落都有淡淡芫荽嘅味道,感覺上呢個打邊爐仲冇咁熱氣添。值得一提嘅係椰菜豆腐盤下面仲有紅薯粉,吸收晒個湯底真係特別好食,老實講芫荽湯底真係好少見,所以有機會真係要試吓。

因為都想試吓依度嘅魚生所以就叫咗個角切魚生飯,咁就咩種類都可以試吓啦,每款魚肉都好新鮮同肥美,而且個份量都好多。

池魚唐揚亦都即係炸魚仔,大概有隻手指咁長,炸起上嚟金黃色香噴噴,外皮好脆好薄,好適合飲酒嘅時候食。

燒日本紅豆年糕,好軟糯好煙銀,配上紅豆甜甜地。

芝麻雞翼外皮超級脆口,吹到連骨頭都想食埋,熱辣辣咁送上嚟咬落去仲會冒煙㗎,配上芝麻好香,而雞肉好嫩口,好有肉汁。 原條燒茄子,茄子肉非常軟淋,配上木魚絲好惹味,如果配埋白飯應該食成碗都冇問題。

軟殼蟹天婦羅真係好正,個粉漿好薄,食到入面嘅蟹肉又唔會太老,個人覺得配天婦羅汁好食過沙律醬。

明太子醬免治雞肉棒,係用雞軟骨嘅部位去整,所以會食到啲軟骨嘅位,好有口感唔到特別。

基於個軟殼蟹天婦羅做得太好,所以我哋又叫多咗個野菜天婦羅嚟食,同樣個粉漿真係做得好薄,而且雖然係炸嘅但係又唔會覺得太油,喺炸物果方面做得幾好。

味增廣島蠔鍋,個鍋本身係冇烏冬啊,係我哋食芫荽喎叫多咗份烏冬,特登剩低半盤加落嚟呢度食,因為美珍令到個湯底特別甜,又加上有好嘅鮮味,配上烏冬食就唔會嘥咗個湯底啦,好肉每一粒都非常肥美大粒,每隻都非常鮮甜。

金鑽鳳梨冰,真係有兩塊鳳梨喺上面㗎,鳳梨味重,真材實料,消暑一流。

呢餐真係食得好飽,三個人食又打邊爐又有鍋又有魚生飯仲有好多炸物,好滿足。

造訪日期: 2021年5月
    • 划算度
    • 服務
    • 食物
感謝 lky212
該評論乃TripAdvisor會員主觀個人意見,不代表TripAdvisor LLC公司。
發表評論評論 (15)
旅客評等
旅客類型
月份
語言

2 - 6 則評論,共 15

2021年5月16日 透過行動裝置

最近得知有間日式酒埸提供芫茜煱物,感覺特別便尊程去品嘗一番。食肆佈置充滿日本風情,牆上壁畫色彩繽紛;每當客人進入,餐廳卽時鑼鼓響起表示歡迎光臨,很有民族氣氛。
濃厚芫茜鍋(薩摩赤雞鍋和野菜豆腐盤) $268
綠悠悠一片好似成鍋青苔咁,好特別都係第一次試。隨鍋付薩摩赤雞鍋和野菜豆腐盤。 當湯滾起時芫茜味濃郁,就算放入雞件都仍覺它的清香。而雞件亦鮮甜嫩滑,份量足夠。
M6澳州和牛(100gm) $98
產自澳洲的和牛質素當然有保証啦!淥一淥就食得,嫩滑肥美。
A4日本黑毛和牛(100gm) $128
細緻油脂分佈平均,花紋似大理石;牛肉淋滑入囗卽溶。
大蝦天婦羅 $78
天婦羅要好食當然食材要新鮮,炸漿調校得宜不能太厚;而且卽炸卽食才能有鬆化鮮甜嘅效果。這度的蝦天婦羅正好做到這要求。
日式炸豆腐 $38
嫩滑得來還有四大件添。
燒三文魚頭 $88
三文魚油脂豐富燒完亦唔乾身和很香口。
柚子乳酸梳打 $33
芫為鳳梨冰 $48

造訪日期: 2021年5月
1  感謝 shirleymonmon
該評論乃TripAdvisor會員主觀個人意見,不代表TripAdvisor LLC公司。
2021年4月19日

令和餐廳佈置洋溢東瀛色彩,天花掛滿紙燈籠,配上和風卡通壁畫,周圍也是靚靚打卡位。客人進入餐廳時,侍應敲打鼓聲,歡迎客人光臨,非常有趣。

石燒澳洲M6和牛 150G $148 (+$25升級為套餐)
M6和牛肥厚嫩紅,用石燒方法,可以控制生熟程度。吱吱聲的石燒,飄來陣陣誘人的肉香,令人食指大動。肉質慢慢變成深褐色,入口熱燙燙,微微焦香,牛味香濃,嫩滑細膩,沾上甜燒汁,肉汁鮮香加倍誘發。套餐跟配蟹膏飯、沙律及麵豉湯,蟹膏飯拌勻飯素,充滿咬口,啖啖鮮甜蟹香,十分滿足。

荔枝/菠蘿乳酸梳打 $33 each
荔枝梳感覺柔和淡然,清新而味道甜思思。菠蘿乳酸入口濃香,拌勻後帶酸甜有致,吃完熱燙的石燒和牛,再呷一口乳酸梳打,十分吸引!

蒲燒鰻魚丼 $118
鰻魚邊沿焦香,配上香郁的燒汁,蜜甜滋味。大口咬下去,質感綿糯,滿咀魚香,配上蘿蔔漬物,微酸減膩,每粒米飯都有醬汁的甜香,滿意窩心,吃後令人暖笠笠。

三色刺身拼盤 $88
拼盤有三文魚、油甘魚、吞拿魚,最喜歡三文魚新鮮肥美,魚油甘飴。油甘魚油脂豐盈,特質是肉質帶酸,質感細緻黏牙。吞拿魚肉質綿潤,入口鮮甜、柔滑,散發魚油滋味,令人大飽口福。

黑糖布丁配和菓子 $38
布丁滑溜,表面有香桃和菓子,造型可愛。布丁口感Q彈,散發濃郁黑糖甜香,蛋香慢慢沁出,配上震騰騰的質感,誘人吸引!

日本年糕 $38
年糕圓潤、脹卜卜,咬開煙韌的外皮,充滿純樸米香,配上綿蓉紅豆點綴,十分甜美!

造訪日期: 2021年1月
    • 划算度
    • 服務
    • 食物
1  感謝 melodyeathard
該評論乃TripAdvisor會員主觀個人意見,不代表TripAdvisor LLC公司。
2021年4月1日 透過行動裝置

呢到裝飾得幾有心思,入門仲有同事擊鼓歡迎。地方大坐位又寬敞。

黎得居酒屋緊係唔少得飲番支清酒la~ 依加仲有半價優惠。
我地叫左支雪之茅舍 純米大吟釀,入口清爽香氣更加豐富,口感帶有點辛辣!但余韻不會太長,朋友飲第一口已讚口不絕。

令和玉子燒 咬落厚實香甜 金黃色印有令和字樣
賣相唔錯

串燒拼盤 (共8串) 手羽、雞皮、雞軟骨、大蔥豚肉串、金菇牛肉卷、秋葵、煙肉車厘茄、大蔥 。串燒火候控制得好好,雞翼香脆,咬落仲有肉汁,金菇肥牛卷,乾身得來有咬口。煙肉車厘茄值得一讚,外層香脆,車厘茄又多汁清甜。

美國安格斯牛肉250g (跟配野菜豆腐盤)
$218 壽喜燒 湯底
呢個鍋十分足料,蔬菜新鮮又清甜,湯底味道濃郁,牛肉片份量都唔少,兩位食用都幾足夠。

造訪日期: 2021年3月
感謝 chrisli228
該評論乃TripAdvisor會員主觀個人意見,不代表TripAdvisor LLC公司。
2021年3月22日

之前做過下資料搜集,覺得呢間日本餐廳無論食物同環境都幾高質素,所以一早bookmark左。今日友人生日,當然要帶佢黎呢到食返餐好嘅盡興一下

餐廳內裡環境都裝修得幾唔錯,幅璧畫幾靚,另外仲有幅牆貼滿酒嘅LABEL,幾有FEEL入座時職員會打下個鼓通知其他店員有客人,幾得意幾有氣氛

見佢新MENU有莞茜食品推出,不過我唔食莞茜,唯有友人將就一下

呢到除左可以睇實體MENU,仲可以用手機掃QR CODE後自助落單,介面簡單易用,而且D食物都圖文並茂,價錢顯示清晰

今次落ORDER我地叫左 美丈夫氣泡柑橘酒500ML($239)、炸櫻花蝦($58)、串燒拼盤($138)、燒廣島生蠔($48)、清酒生蠔(一本)($28)*2、芝麻雞翼(三本)($38)、一口燒蕃薯仔($15)、五色刺身盤($195)、角切雜錦魚生丼($118)、日本A4黑毛和牛野菜豆腐盤(200G)($298)、 油揚($18)、生雞蛋(蘭王蛋)($10)

而家全場清酒做緊半價優惠,抵咁就一定要叫返枝酒CHILL下先得

呢到有好多唔同酒類選擇,花多眼亂,中意飲酒嘅朋友仔見到咁多款可以揀一定勁開心

美丈夫氣泡柑橘酒500ML:由於我同友人酒量唔高,於是就問職員有咩好推薦,佢都好用心介紹D酒俾我地,最後揀左呢枝果酒,6%酒精含量,柑橘果味香濃,而且係氣泡酒黎,極易入口,啱晒酒量淺嘅朋友

免費前菜,開下胃先

炸櫻花蝦:平時都係拉麵或者炒飯加落去多,就咁食就比較少,炸得酥脆,佐酒小食一流

芝麻雞翼(三本):外脆內嫩,肉汁鎖住晒喺入面,食落嫩滑又夠JUICY

五色刺身盤:即係有三文魚、吞拿魚、油甘魚、赤蝦、帆立貝,刺身睇落有光澤夠新鮮,食落唔會有雪藏味,赤蝦大大隻,帆立貝鮮甜無比,三文魚夠肥美

清酒生蠔:生蠔大大隻好肥美,上菜時連埋2杯清酒,職員教我地先將生蠔放落清酒到大約30秒再食,食落蠔味重之餘帶點清酒香,超正,極力推薦

角切雜錦魚生丼:樣樣刺身都有D,同樣新鮮,放到滿一滿,裡面本身加左D飯素喺入面,自己再加D豉油同WASABI黎食,大滿足

串燒拼盤、一口燒蕃薯仔:睇MENU介紹有手羽、雞皮、雞軟骨、大蔥豚肉串、金菇牛肉卷、秋葵、煙肉車厘茄、大蔥,咁豐富,當然要叫黎食下啦串燒燒得好有水準,外表少許燒香,但又唔會過火燒到燶晒同乾晒身。煙肉車厘茄咬落爆晒汁幾JUICY,就咁大蔥雖然簡簡單單,但燒出黎又幾好味。額外再叫嘅蕃薯仔一口一粒,食落夠軟淋幾香甜

燒廣島生蠔:同樣地大大隻生蠔,燒就多返D調味會惹味D,但個人比較喜好清酒生蠔多D

日本A4黑毛和牛野菜豆腐盤(200G) :佢有幾款湯底可以揀,今次就揀左豬骨湯,個鍋物以呢個價錢有A4日本黑毛和牛同呢個份量又幾抵食,和牛淨係睇都知靚料輕輕淥一淥就食得,牛味濃,肉質肥瘦適中,另外份野菜都夠新鮮,而且仲有粉絲可以食想個鍋物再豐富D,仲有大把料可以追加,今次追加左油揚同生雞蛋(蘭王蛋)

食物種類同埋酒類選擇夠晒多,質素高兼且價錢合理,同埋職員有效率又夠NICE,同朋友都食得幾開心夠晒盡興難怪都幾多人黎幫襯,值得再來ENCORE食下

造訪日期: 2021年3月
    • 划算度
    • 服務
    • 食物
感謝 foodiechow928
該評論乃TripAdvisor會員主觀個人意見,不代表TripAdvisor LLC公司。

去過令和锅物酒场嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。