雖說是放題，但食物用料高質，性價比不俗。

前菜小試幾樣，穩陣的配搭但味道沒有馬虎；刺身夠新鮮，最愛肥美三文魚與鮮甜帶子；喜歡貝殼類的朋友要試試榮螺片山葵漬，爽口清甜搭上wasabi更是開胃。

主角和牛單是肉色與油脂分布已經令人流口水。貼心附上肉的部位分類，每個部位口感都有所不同，既然是放題當然是多試幾款！

除了牛肉亦點了不少海鮮，廣島蠔夠肥美，蠔味濃郁，夾蒜蓉牛油或香草醬都好味。

店內空間不算大但勝在有氣氛，適合邊燒肉邊小酌兩杯。頗欣賞檯的設計除了燒肉位更預留了足夠放食物的空間，兩人檯加上食物都不覺擠擁。

總體來說食物以至店員服務都沒有令人失望

下週打算跟朋友叫外賣日式燒肉慶生，為確保食物質素，決定先到餐廳試一試菜！
餐廳以東瀛鬼怪故事為主題，充滿暗黑玩味！
即使較訂座時間提早了很多到達，店員仍貼心地為我們安排座位，並於就座前擺放好三款醬汁，包括燒汁、辣味粉和蔥油醬！
燒肉當然要配生啤！Sapporo 札幌啤酒冰涼暢快！
先來前菜豆腐鬼及中華海蜇！泡菜豆腐以口味濃烈的韓式泡菜配合嫩滑的豆腐；爽脆的海蜇跟素翅以酸甜有的醋汁調味，兩者都清新開胃！
佐酒小吃枝豆香甜可過過口癮！
剌身
蠑螺鬼採用新鮮山葵製成的醬汁醃漬蠑螺刺身，入口鮮甜無比！其他刺身款式有甜蝦、八爪魚、帶子及三文魚等，每款皆為厚切又新鮮！
鰻魚壽司魚肉入口即化！
明太子醬帶子炙燒壽司的帶子經火炙後帶微微焦香，肉質嫩滑，配上鹹香的明太子醬，更突顯鮮味！
牛鬼和牛拼盤有四款A4和牛！橫隔肌有咬口！前胸肉富彈性，牛肉的鮮味齒頰留香！腹脅口感爽脆，又富肉香！上小排肉入口焦香豐腴！
海蝦又大隻又彈牙，燒過的蝦殼特別香口！香蒜牛油帆立貝加入自家醬料預先調味，味道鮮甜美味！迷你日本番薯細細粒，燒至微焦香甜誘人！
牛油雜菌及香蒜牛油廣島蠔放在錫紙碗內燒，香草牛油令鮮味更突出！
以最愛的三文魚茶漬飯作結！三文魚肉碎滿滿，啖啖茶味加上大量香蔥及紫菜，甚有傳統和風滋味！

銅鑼灣不嬲都多嘢食㗎啦不過今日呢就想試吓間又可以食燒肉又可以食個放題嘅餐廳佢就係燒鬼

餐廳嘅地理位置非常方便地鐵站一出行三至5分鐘就係㗎啦 佢係位於L square嘅9樓 一上到去感覺好型格 因為佢主打係用黑色來做主題

點解會揀呢一間餐 係因為呢一間餐廳同平時普通出邊嘅日式放題完全唔同 佢係以品質取勝嘅放題餐廳所以食材絕對係新鮮用心揀過嘅lol 而且聽啲職員講佢哋所有嘅嘢食都係即叫即做保證新鮮 所以質素同埋價錢完全係成正比嘅 前菜方面 我就食左支豆同埋中華海蜇

整體來講都唔錯雖然中華海蜇有啲啲鹹 但係撈飯嘅話就好惹味mad 食放題梗係唔少得刺身啦

刺身方面我哋就叫咗山葵漬榮螺片，三文魚，帶子甜蝦 全部都非常之新鮮 同埋就算佢係放題都絕對唔會孤寒 三文魚極度厚身 正！lol 另外都想試吓啲特色嘅壽司當中包括明太子炙燒帶子 個明太子醬超級香食完之後勁想再食！ 另外仲有柚子和牛壽司 都唔錯like 主角終於到黎啦首先係一個海鮮拼盤

當中有海蝦，廣島蠔，同埋帆立貝 全部都食得出非常之新鮮 惜才果然係用料上乘啊 當然佢嘅牛油雜菇同埋日本番薯仔都做得唔錯

重點就係A4和牛！ 每一款油脂分布都好靚 所以望落去就已經流晒口水 lol 我個人最鍾意就係上小排肉 入口即溶！正！ 最後我仲叫咗一個三文魚茶漬飯
實行有碳水化合物有蛋白質有菜！ 整體來講 呢度嘅放題選擇非常之多而且品質用料都好好、算係一個比較high end 放題 所以呢一間性價比咁高嘅放題餐廳絕對推介大家去試mad

位於銅鑼灣嘅燒鬼超近地鐵站，c出口過兩條馬路行多少少就到，好方便。餐廳以鬼怪地獄做主題，窗邊有一啲形造出火焰嘅燈，好盞鬼。一站式有齊燒肉同壽司刺身食，而且款式多又有質素。雖然係放題形式，但食物媲美單點質素，剩係A4和牛已經有多個部位選擇，係走高品質放題路線。
.
以下是點過的食物：
前菜：枝豆，泡菜豆腐同中華海蜇
刺身：生葵榮螺片、帶子、甜蝦、鰹魚、三文魚
壽司：柚子醬油和牛壽司、明太子醬帶子炙燒壽司、鰻魚壽司
燒肉：腹脅、前胸肉、橫隔肌、上小排肉
海鮮：白蒜牛油帆立貝& 廣島蠔、海蝦、意式香草醬帆立貝&廣島蠔
蔬菜：迷你蕃薯、牛油雜菌
飯：三文魚茶漬飯
.
壽司同刺身都唔錯，唯獨鰹魚腥味重，個人不太喜歡。以上四款牛部位當中，最為好吃嘅係橫隔肌，雪花分佈最均勻，牛脂散發出香濃嘅牛味，滋味非常，上下排肉脂肪含量最高，而其餘兩款都略嫌脂脂比例分布不勻，因此就個人而言還是比較喜歡橫隔肌。迷你蕃薯燒至焦香，內裏非常香甜，不錯。還有想推介大家一試三文魚茶漬飯，雖然放題吃飯確係唔太抵食，但佢嘅文魚茶漬飯額有驚喜。
.
$298/1位 （+$98 升級A4和牛，汽水及果汁任飲）

雖然返工已經係銅鑼灣,但係實在太多好野食,
所以放工都要留係度食晚餐,
聽朋友講有間高品質食令野既放題
有得食令牛我最愛,所以今日同朋友去左試下!

食物方面:
唔同時段入座唔同價錢,我地係9:30入座$348/位
食物種類都有好多(壽司,刺身,海鮮,A5牛,麵...)
‼️私心推介:
榮螺片山葵漬.柚子醬油和牛壽司.牛冧肉.前腹肉

前菜食左枝豆,泡菜豆腐,中華海蜇
不過不失,普普通通,泡菜同海蜇有D咸!
刺身食左三文魚,甜蝦,帶子,榮螺,鏗魚
三文魚,甜蝦都好肥美鮮甜,榮螺片好重山葵味好開胃,肉質好爽口
燒肉食左牛鬼和牛拼盤
(上小排肉,牛冧肉,前腹肉,腹脅)
上小排肉脂肪好多,但食落口一D都唔會好油膩,
肉質反而係好爽滑有少少咬口,有驚喜,
牛冧肉入口即溶,脂肪分佈平均,牛味好濃郁,好正!
前腹肉相對上脂肪都多,但無上小排肉咁肥,肉味濃少少,
腹脅比較特別,第一次食到既部位,脂肪都係好多,
肉既部分比較少,我個人就覺得普普通通.
海鮮食左海蝦,香蒜牛油帆立貝,意式香草醬廣島蠔,牛油雜菌
帆立貝鮮甜,口感結實,蠔都唔錯

整體方面:
餐廳唔算好大,以黑色型格風為主,唔算好迫,
平時食放題會好驚材料唔夠新鮮
刺身未解夠凍,肉類比較少款同埋好肥無肉味,唔好食,
但哩間全部食物都係即叫即做,
上菜速度都好快,店員都有禮貌
係等緊燒緊海鮮既同時可以食住壽司刺身咁等,
A5牛仲可以不停任叫,無限制,
整體都好滿意,人均唔洗$400食到高質既牛真係值既!