我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“餓鬼遊燒鬼”
Yaki Oni的評論

Yaki Oni
餐廳訂位
2
10/31(週六)
20:00
餐廳訂位
香港排名第317 (共14,453家餐廳)
價位: US$38 - US$51
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
2020年9月16日 透過行動裝置

之前試過燒鬼既燒肉到府直送 覺得佢既和牛真係好正
最近疫情緩和返啲 一於堂食試下燒肉放題 滿足下肚皮

平日1200-1900 最平$298 就可以食到燒肉放題 ⠀
加多$98就可以任食和牛⠀
1900-2200呢個時段 仲可以揀食兩個鐘定三個鐘⠀

餐廳以「百鬼夜行」為主題 裝修型格 設有卡位 卡位寬敞得黎 私隱度亦幾高 好岩幾個朋友聚聚邊食邊吹水 又唔會比附近既人聽到 重點係店員服務好好 好有禮貌⠀

放題選擇唔少 分左前菜 刺身 壽司 肉類 海鮮 熱盤 蔬菜 飯麵 幾大類 等我介紹幾款我覺得唔錯既野食比大家



▪️泡菜豆腐⠀
豆腐超滑身 配埋辣辣泡菜 好開胃

▫️中華海蜇⠀
口感爽脆 富麻油香 當中仲加左粉絲 增加口感



▪️三文魚⠀
厚切肥美⠀

▫️榮螺片配山葵漬⠀
口感爽脆 配上自家製既山葵漬 更加突顯到螺肉既鮮味



▪️中腹肉⠀
薄薄一片 富油脂 口感軟身 入口即溶 肥仔必食!

▫️內側腹肉⠀
油脂平均 花紋好靚 帶咬口之餘 牛味亦係多款之中最濃既



▪️迷你日本番薯
燒完之後外皮好脆 香甜軟綿 好想encore⠀



最後就緊係要食雪糕⠀
雪糕有兩款口味可以揀 分別係白朱古力同士多啤梨⠀
我都係第一次見Shake Up牌雪糕 估唔到味道都幾有驚喜⠀
士多啤梨味既雪糕 酸酸甜甜 味道一啲都唔人工 口感比較似雪葩 帶空氣感 仲會食到粒粒士多啤梨籽⠀
⁣⁣⁣⁣⁣⁣⁣⁣⁣⁣⁣⁣⁣⁣⁣⠀⠀⠀⠀⠀
想有多啲澱粉質落肚嘅朋友 仲可以試埋三文魚茶漬飯 蕎麥麵 稻庭烏冬 芝士年糕⠀

環境舒適 冷氣夠大 油煙唔大 食完都唔太覺身上有陣女仔最驚嘅燒肉味

造訪日期: 2020年9月
感謝 sistersnfood
該評論乃TripAdvisor會員主觀個人意見,不代表TripAdvisor LLC公司。
發表評論評論 (43)
旅客評等
旅客類型
月份
語言

27 - 31 則評論,共 43

2020年8月26日 透過行動裝置

同朋友疫情期間都好想食放題,所以就見到呢一間專食日本燒烤嘅餐廳,而且仲有A5和牛食,重點係仲要任食!!!我同朋友梗係要試吓,食盡佢!

首先一定會上呢一個每人有一客嘅A5和牛, 啲肉同脂肪嘅分佈比例啱啱好,食落口真係有入口即溶嘅感覺,不過真係每人食一塊都已經啱啱好,食得太多真係會好滯。

重點就係呢間餐廳嘅放題除咗燒烤之外,竟然仲有刺身同埋壽司!啲刺身嘅質素中上,而且仲有螺肉同鰹魚嘅刺身,好多種類出面都冇得食。而且佢嘅壽司一啲都唔馬夫,啲飯都係比較細舊個種,唔係想執飽你食個種!

前菜嘅款式都幾多,而且每一款都係細細碟咁上,可以幫助開胃
呢一間燒烤竟然仲有海鮮任食,佢啲扇貝、蘑菇同生蠔全部都好新鮮,而且每一舊都好多牛油,食落口真係好嘢味!

如果唔夠飽嘅仲可以食佢呢一個三文魚茶漬飯,唔會過鹹,而且份量都啱啱好。
佢啲雪糕竟然仲要係香港自家品牌,食落口比較似冰條嗰種嘅口感。

造訪日期: 2020年8月
感謝 waiwailam9
該評論乃TripAdvisor會員主觀個人意見,不代表TripAdvisor LLC公司。
2020年8月11日 透過行動裝置

限聚令之下,已經好耐冇出街啦,更何況係食放題。

好難得今日可以同朋友去銅鑼灣嘅燒鬼食放題,因為佢哋有下午四至六嘅時段,可以晚市的前一嚐久違嘅放題滋味。

餐廳布置以日本嘅鬼做主題,好有東洋嘅色彩。呢度嘅店員,每一位都好nice,好照顧客的需要

放題嘅好處就係試曬唔同喜歡嘅食物,今次就試勻前菜,刺身,壽司,燒肉。

刺身好新鮮,拼盤有三文魚,鰹魚,帶子,榮螺,甜蝦。壽司就有火炙三文魚壽司,和牛壽司,明太子醬帶子壽司。

燒肉用上日本a4級和牛,非常高質,入口油脂滿溢,最後食個三文魚茶漬飯非常滿足。❤️❤️

造訪日期: 2020年8月
感謝 foodiejacqueline
該評論乃TripAdvisor會員主觀個人意見,不代表TripAdvisor LLC公司。
2020年7月26日 透過行動裝置

燒鬼係我暫時食過最高質既放題,無論前菜、壽司、刺身、和牛甚至甜品都高人一等,而且有新鮮感!有別一般放題店既明亮光鮮既裝潢,餐廳走暗黑風格,以紅黑色為主調,加上油畫同布簾,營造出一個陰森恐怖嘅環境。
.
前菜
————————
- 泡菜豆腐
濃味既泡菜嫩滑既豆腐,清新之餘仲幾開胃。
.
- 吞拿魚他他
鍋巴上面放滿吞拿魚蓉,加上三文魚籽作點綴,味道鮮甜兼脆口。
.
刺身
—————————
- 帶子
肉身幾厚,比起一般放題更新鮮,完全無雪味,而且味道非常甘甜。
.
- 榮螺片山葵漬
呢個正啊,爽口既螺片加上辛辣山葵,充滿刺激感。
.
海鮮
————————
- 廣島蠔
本身肥美加左香蒜牛油一齊燒,食落更加creamy
.
- 扇貝
扇貝唔算肥美,不過夠鮮甜。
.
壽司
——————
- 柚子醬油和牛壽司
和牛用醬油醃左,味道濃烈但牛味被蓋過,不過油脂幾豐盛。
.
- 明太子醬炙燒帶子壽司
燒鬼既帶子真係好新鮮,鹹香十足既明太子醬更提升帶子既鮮味。

牛鬼拼盤
——————————
牛鬼拼盤集八個部位於一身,包括內側腹肉、胸三角、上小排肉、中腹肉、胸腹肉、前胸肉、上肩肉同腹脅燒鬼專門研製三款燒肉醬汁,自己最愛蔥油醬配和牛,味道會更重一點
.
三文魚茶漬飯
————————————
估唔到放題有茶漬飯,茶漬飯偏向粥嘅口感,三文魚既味道融入左湯入面,味道清清甜甜,而且非常飽肚。
.
甜品
————————
放題例牌都有甜品,燒鬼提供朱古力雪糕同和菓子兩款,朱古力似係自家製,入面有一粒粒朱古力

造訪日期: 2020年7月
感謝 nctwcm903
該評論乃TripAdvisor會員主觀個人意見,不代表TripAdvisor LLC公司。
2020年7月25日 透過行動裝置

喺朋友IG story見到有新開放題日本燒肉,評價唔錯,價錢合理,所以行過銅鑼灣就去左

一黎到店員就比左杯餐前mocktail我地,行到身水身汗有杯幾refreshing ge餐前飲料又幾好 酸酸甜甜醒下胃。

餐前小食就分別有海蜇同泡菜豆腐,兩樣都涼浸浸,雖然就重口味咗少少,但口感唔錯。

枝豆我可以食三碗,豆香味重。

已放題來講,呢間嘅刺身質素真係不錯!刺身大大片新鮮冇雪櫃味,甜蝦剝殼剝得好乾淨。其中比較特別嘅係Wasabi海螺,食落去鮮味十足!

除咗刺身之外又點少得叫壽司呢! 其中和牛壽司我比較少食,但食落去嘅油脂香味重,口感煙銀,果然一定要用高級嘅牛肉先至可以生食

終於去到主角日本和牛,佢上菜嘅時候會跟埋唔同部位嘅牌,呢啲細心位都幾加分,而且用嚟打卡就一流‍♀️

當中我覺得上小排肉係最啱我口味,脂肪同肉嘅比例大約七比三,油脂香足夠之餘又唔會覺得好油膩食唔落,同肉香並重!

除咗肉之外,海鮮都係每次食放題必點嘅菜式,我自己真係好驚食到啲唔新鮮嘅海鮮,因為會有浸臭味 放入去考之前我循例都會問一問有冇啲海鮮嘅腥臭,係無既 反而浸喺牛油同埋蒜頭入面嘅生蠔令我食慾大開

又食海鮮休息着又點少得要送飯呢!唔使用白飯,呢度嘅三文魚茶漬飯係更好既選擇。味道比較清淡,帶有淡淡的茶香味,可以中和食和牛肉嘅油膩感。

最後甜品我哋叫咗和果子。
整體而言性價比係好高嘅,不過餐廳嘅排氣系統就真係有待改善,未至於食得好辛苦,但的確有進步空間!
#燒鬼 #yakioni

造訪日期: 2020年7月
感謝 amber1117
該評論乃TripAdvisor會員主觀個人意見,不代表TripAdvisor LLC公司。

去過Yaki Oni嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單