我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“超大雞髀便當”

百芳池上便當
香港排名第3,979 (共15,301家餐廳)
餐廳詳細資料
2021年3月16日 透過行動裝置

我發覺百芳池上便當開始變咗我嘅飯堂,因為價錢又唔太貴,就食到台灣嘅風味。最近工作好大壓力,所以今晚要好好發洩一下,就叫咗香酥炸雞腿便當。超大隻雞髀,雞皮炸得鬆脆,雞肉仍然柔嫩。便當嘅飯有我鍾意嘅粟米,粉絲,菜譜,仲加咗半隻蛋,非常豐富。今晚叫咗個小食,係皮蛋豆腐,我係好鍾意凍冰冰嘅豆腐,對我來講係一個甜品,仲要係一個健康嘅甜品,加埋皮蛋就更特別。最後嗌咗一杯黑糖珍珠鮮奶,其實一杯珍珠奶茶已經係好飽,但係今晚唔理啦,所有珍珠都比我食晒,好有咬口。正!

造訪日期: 2021年3月
感謝 ClaudiaW0228
該評論乃TripAdvisor會員主觀個人意見,不代表TripAdvisor LLC公司。
發表評論評論 (8)
旅客評等
旅客類型
月份
語言

1 - 5 則評論,共 8

2020年11月22日

便當套餐大概係$60左右,有主食同配菜,附送一杯台式飲品,非常抵食。 買咗香酥雞翼便當($54)配玫瑰鐵觀音茶拿鐵,唔鍾意飲太甜嘅話,可以要求少甜。由外賣包裝都睇到佢哋嘅心思,拿鐵唔係用膠蓋,而係直接封住杯口,而且另外袋住,所以唔會擔心倒瀉。
雖然話配菜,但係一啲都唔馬虎,有粟米、粉絲、滷水蛋同埋椰菜。配菜送飯一流,粟米夠甜,淋左滷水嘅粉絲亦都非常之入味,用嚟撈飯已經好好食。有蔬菜亦都令成個餐感覺健康咗(補償食炸雞翼嘅內疚感)
雖然係外賣,行左10幾分鐘,炸雞翼仍然可以保持脆皮,一啲都冇腍到,脆到咬皮嗰陣有聲,但同時又唔覺得油膩。咬到入邊肉質亦都非常鮮嫩,肉汁充足。至於杯玫瑰鐵觀音拿鐵,玫瑰味非常之香,飲落去甜甜地,亦都保留到茶味。

造訪日期: 2020年9月
    • 划算度
    • 服務
    • 食物
感謝 KaiserW27
該評論乃TripAdvisor會員主觀個人意見,不代表TripAdvisor LLC公司。
2020年11月19日

其實新蒲崗真係好多嘢食㗎,有平有貴,商場出邊都好多美食。不過今日呢就想坐得舒服啲所以入咗Mikiki呢食呢間百芳池上便當。台灣嘢食通常都冇死嘅,我相信今次都冇,就等我話比大家知我食咗啲咩啦。

百芳滷雞扒便當:呢個便當睇相好似唔係好多,但係實物真係大大份,好足料好多飯。雞扒滷完之後,唔會太硬又唔會太林,口感幾好。味道當然都唔錯啦。加埋其他配料,其實都真係幾抵食㗎。

百芳牛肉麵:湯底好濃好香,食落去唔係話好特別,但係同平時台灣食嗰啲牛肉麵差唔多啦。其實台灣野黎黎去去都係嗰啲嘢,基本上都係好食。

芝士奶蓋碳培鐵觀音、芝士奶蓋玫瑰鐵觀:講開飲品,呢兩杯飲品都真係好好飲。同平時我哋飲開街邊買嗰啲嘅分別唔大。佢俾咗好多芝士奶蓋,飲落去好濃郁嘅奶香味,茶底都唔錯。所以兩款我都會推介,其實係因為見到老闆推介我先叫黎試吓,果然無令我失望!

造訪日期: 2020年10月
    • 划算度
    • 服務
    • 食物
感謝 OC_CSL
該評論乃TripAdvisor會員主觀個人意見,不代表TripAdvisor LLC公司。
2020年10月27日 透過行動裝置

經過一輪 #工廈活化,加上 #啟德 重建,今時今日嘅 #新蒲崗 已經變得不一樣 好多新型嘅食店、教室... 都陸續搬到呢區,可謂 #臥虎藏龍。呢日我就跟埋朋友仔過嚟試堂,順便食埋飯先返屋企。

我哋相約喺「Mikiki」集合,再喺商場搵嘢食。有人突然 #珍珠奶茶 癮起,順理成章我哋呢晚就搵 #台式小食 做晚餐,醒起「百芳池上便當」就喺超市隔離... perfect!原來呢度嘅晚餐都幾多選擇,因為時間關係,#小秘書 好快就決定咗,#鹹雞扒便當 配 #芝士奶蓋碳焙鐵觀音,另外加咗個 #炸花枝丸 做 #小食 一般我會要求餐廳安排飲品少甜同少冰,不過通常都係爭咁啲,估唔到 #百芳 又調得幾啱我口味 #鐵觀音 茶香、唔會太甜,#芝士奶蓋 鹹鹹地味道好得意 #花枝丸 #肉質彈牙、面頭加咗啲 #花椒鹽 #好惹味 講到個 #便當,材料非常豐富,除咗大大件 #鹹雞扒 之外,飯裡面仲加入 #滷水蛋、#娃娃菜、#粉絲、#粟米粒... 非常健康

造訪日期: 2020年10月
3  感謝 SandwichesClass
該評論乃TripAdvisor會員主觀個人意見,不代表TripAdvisor LLC公司。
2020年7月6日

今天去太古城誠品書店一樓的百芳池上便當吃晚餐。

香酥豬扒肉燥乾拌麵,鹽酥雞便當和炸花枝丸,還有芋頭鮮奶都可口,有台湾風味。

价錢也合理。服務不錯。

造訪日期: 2020年7月
1  感謝 aliceyuens
該評論乃TripAdvisor會員主觀個人意見,不代表TripAdvisor LLC公司。

去過百芳池上便當嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。