我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“呢一餐食得好滿足”
HAND3AG的評論

HAND3AG
使用外送服務
香港排名第318 (共14,740家餐廳)
周圍地區: 尖沙咀
餐廳詳細資料
周圍地區: 尖沙咀
2020年12月5日 透過行動裝置

今日黎到一間裝修簡約,好型格嘅餐廳我地叫左四個lunch set
每個set都有三文治+薯條或沙律或湯+野飲
都可以自己配搭其他,追加小食
1️⃣三文治
呢度啲三文治全部都用料豐富,你睇張相就知
我最鍾意蝦兵蟹將鐵板三文治
裏面有原隻嘅酥脆軟殼蟹同埋小龍蝦,我最鍾意係佢個蔬菜配搭,紫椰菜絲同埋醋漬紅蘿蔔絲令到個三文治帶啲酸味,食落好開胃,又唔會乾,俾十個like

歐陸監獄鐵板三文治
呢個最特別!裏面有通心粉、肉丸、流心蛋同埋蔬菜,中間仲有啲薯餅,識落好有層次

大隻水手鐵板三文治
呢個賣相就最靚,居然中間有糖心蛋,仲流心添,炸雞塊外面香脆裏面軟嫩,唔會太肥,食落味道都唔錯

慢條斯理食肉獸鐵板三文治
牛仔排好惹味,配搭芝士、蕃茄同埋生菜,就好似食緊漢堡包咁呀,good

2️⃣小食
三日三夜自家手切薯條
好大條嘅薯條,好香脆,我哋揀咗黑松露蛋黃醬,好味道

單點:芝士烤普羅旺斯燉肉丸
賣相好靚!芝士多到可以拉絲,蕃茄蓉配搭肉丸好啱,肉丸肉味濃郁

單點:自家製蟹肉忌廉餅配他他醬
超級好食!下次都會叫!裏面有清楚見到好多蟹肉,忌廉餅外脆內軟,味道非常唔錯

單點:酥脆牛油果配芒果莎莎醬
芒果莎莎醬有啲辣,酸酸甜甜辣辣嘅味道同牛油果脆餅好夾

3️⃣飲品
玫瑰鮮奶
顏色好靚,粉粉紅紅,有玫瑰嘅花香,奶味香濃

伯爵茶鮮奶
伯爵茶味香濃,推薦!

熱情果提子果汁
果汁味道芬香,酸酸甜甜,非常唔錯喎

蜜桃果汁
有好清香嘅蜜桃味,唔會太甜

我哋四個同事雖然分開咗坐,但係隔住條走廊都可以傾偈,呢一餐真係食得好滿足,滿載而歸

造訪日期: 2020年12月
感謝 heygoeat123
該評論乃TripAdvisor會員主觀個人意見,不代表TripAdvisor LLC公司。
發表評論評論 (48)
旅客評等
旅客類型
月份
語言

9 - 13 則評論,共 48

2020年11月30日 透過行動裝置

講起鐵板燒三文治 除左Isaac Toast 又有一個好正即選擇要介紹比大家 係係K11 Musea 主打玩味配搭 以意想不到既食材作為三文治饀料 但係價錢仲好大眾化既Hand3ag 店舖裝修明亮 座位都幾多 入面仲有卡位
Lunch set 三文治單點都係$49起 加$39 upgrade套餐仲有薯條/餐湯/沙律+餐飲 好抵食 單點小食$28起 呢到食物選擇好多 今次試左好多食物 抵食又好食 等我逐個項目介紹比大家啦☺️
三文治
1. 蝦兵蟹將鐵板三文治 材料有酥炸軟殻蟹 小龍蝦沙律 紫椰菜 醃紅蘿蔔絲配他他醬 聽到都知好食 我地一致覺得最鐘意食 三文治用鐵板烘 口感香脆 軟殻蟹配上醃過既紅蘿蔔絲 酸酸地好夾 一d都唔膩
2. 拉麵叉燒鐵板三文治 材料有日式叉燒片 味噌拉麵 味付溏心蛋 味付荀絲 牛油粟米粒 熔岩芝士同味噌蛋黃醬 完全係驚喜之作 無諗過日式拉麵可以crossover三文治 感覺就好似之前好出名既營多三文治 原來真係可以毫無違和感 好夾 調味到位 拉麵口感都控制得好好
3. 慢條撕理食肉獸鐵板三文治 材料有手撕牛仔排 燶邊流心蛋 蕃茄 生菜 芝士同芥末籽蛋黃醬 又係爆哂餡超級足料 一口咬落去食到手撕牛同蕃茄 每一款三文治既醬汁既配搭加上蔬菜都好巧妙咁令三文治帶清新感 好出色
4. 歐陸監獄鐵板三文治 材料有玫瑰芝士燴通心粉 普羅旺斯燉肉丸 脆薯餅 燶邊流心蛋 生菜 芝士 果然好有歐陸風情 一啖食到mac and cheese同肉丸 好豐富
小食
1. 三日三夜自家手切薯條 用上矜貴既Agria薯仔 先慢煮 再低温輕炸定型 再高温炸至金黃色 要用上3日3夜用心製作 外脆內軟既手切薯條 你可以抵擋到? 加$7就可以試到自家調製醬汁 我試咗黑松露蛋黃醬 真係好完美 香濃黑松露味配搭香脆粗薯條 好幸福
2. 自家製蟹肉忌廉薯餅配他他醬 一份有3件 都幾大件多餡 餡料棉密creamy又食到一絲絲蟹柳好正
3. 酥脆牛油果配芒果莎莎醬 同蟹肉忌廉薯餅好似 不過餡料係好多好多既牛油果 不得不讚佢哋既芒果莎莎醬 酸酸甜甜 中和左牛油果既膩 好好食
飲品
1. 白桃薑茶 本身套餐已經包括左 可選咖啡 汽水同多款茶 呢個白桃薑茶好香 唔算太薑都幾岩冬天飲
2. Rose Latte 套餐加$10可以升級特色咖啡同Rainbow Smoothie 非 常 推 介 大家加呢杯特飲 Latte可以揀有咖啡/無咖啡 Rose Latte 底加左玫瑰糖漿 好香玫瑰花味 唔會好甜 重點真係好靚
3. Earl Grey Latte 同樣係加$10 面頭有1粒小Macaroon好可愛 伯爵茶同咖啡配合得天衣無縫 口感幼滑
4. 橙沙冰 套餐加$10 成份有香橙 蘋果同胡蘿蔔 好清新
5. 餐湯 北海道野菜薏米濃湯 真係好有去北海道 冰天雪地飲熱湯既感覺 好足料 好多野菜粒同薏米 好健康

造訪日期: 2020年11月
感謝 foodiecouple_ms
該評論乃TripAdvisor會員主觀個人意見,不代表TripAdvisor LLC公司。
2020年11月30日 透過行動裝置

今日嚟到尖沙咀K11行街,見到呢間三文治餐廳有好多好評就想嚟試吓~餐廳提供唔同種類嘅三文治,仲有小食同飲品等等~全部都好吸引lunch set大概$90至$100不等,包三文治,餐飲同埋小食,價錢唔錯

蝦兵蟹將三文治$108
聽個名都覺得好特別三文治入面有酥脆軟腳蟹,小龍蝦沙律,紫椰菜絲,紅蘿蔔絲等等~好香嘅軟腳蟹,同埋小龍蝦嘅肉絲食落幾爽口☺️仲有好香嘅龍蝦同蟹味,幾正

拉麵叉燒鐵板三文治$95
第一次食有拉麵喺入邊嘅三文治感覺真係好獨特食到拉麵嘅軟淋~仲有叉燒嘅香甜食落又覺得幾夾而且仲有溏心蛋係入面,好好味

蟹肉餅
有三件中型size嘅蟹肉餅☺️外層係金黃色嘅炸粉,內層有沙律醬同蟹肉喺入面~外脆內軟好Rich嘅感覺

燉肉丸
有啲芝士同蕃茄醬喺面,酸酸甜甜☺️肉丸幾彈牙幾香食落幾有口感

伯爵茶鮮奶咖啡
好香嘅伯爵茶味仲有淡淡嘅咖啡香味鮮奶幾濃郁不過最突出嘅都係伯爵茶嘅味道

玫瑰鮮奶
好靚嘅飲品上層係白色,下層係粉紅色☺️好夢幻嘅感覺係打卡之選仲有玫瑰嘅清香

造訪日期: 2020年11月
1  感謝 ahomemadefoodie
該評論乃TripAdvisor會員主觀個人意見,不代表TripAdvisor LLC公司。
2020年11月29日 透過行動裝置

拉麵叉燒鐵板三文治餐 $95
今次選擇咗拉麵叉燒鐵板三文治餐,以橄欖油烘烤嘅鐵板三文治相對輕盈健康。加入日式梅頭叉燒、味付荀絲、溏心蛋、味噌拉麵等,成功濃縮日式拉麵精華於三文治之中。混合芝士同味噌蛋黃醬,味道毫不乾身,層次豐富。

造訪日期: 2020年5月
感謝 snowliving
該評論乃TripAdvisor會員主觀個人意見,不代表TripAdvisor LLC公司。
2020年11月27日

/打卡熱店❤️/
.
平日ig 都見唔少人黎食到食佢既三文治好吸引❗️依款三文治我除左食過韓國既issac toast之外都無點食過甘貴既三文治
.
✨歐陸監獄鐵板三文治 $54
依個有推介,點都要食依個係蕃茄醬再配上好juice 既肉丸依個包仲夾住椰菜可以減低個油膩感
.
✨拉麵叉燒鐵板三文治 $56
拉麵夾住麵包真係第一次食出於好奇,想知佢地到底夾唔夾啲拉麵係日式曲麵夾住溏心蛋唔會話好乾叉燒唔會話好肥值得一試啲拉麵有啲碎,食既時候要淑女啲
.
✨蝦兵蟹醬鐵板三文治 $62
可能我中意海鮮既關係,我覺得依個比拉麵三文治更好入面我食到蟹膏,同埋有蝦肉中意海鮮既你❤️可以試下
.
✨3日3夜自家手切薯條 $42
我配左松露蛋黃醬松露味好重薯條係粗薯條岩晒我
.
✨自己制蟹肉忌廉餅配他他醬 $28
蟹肉餅好creamy但蟹肉唔叫多

造訪日期: 2020年11月
感謝 feimuihk
該評論乃TripAdvisor會員主觀個人意見,不代表TripAdvisor LLC公司。

去過HAND3AG嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。