我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“繼issac之後 再次刷新對三文治的了解”
HAND3AG的評論

HAND3AG
香港排名第1,150 (共13,989家餐廳)
周圍地區: 尖沙咀
餐廳詳細資料
周圍地區: 尖沙咀
4 週前評論 透過行動裝置


HAND3AG (尖沙咀)
尖沙咀河內道18號K11購物藝術館B2樓B226-B227A號舖
-----
日復一日嘅返工放工‍、返學放學生活,總要些新鮮感作調劑,先可以令日子顯得唔會單調乏悶。要說港人近日嘅解悶打卡新寵,就不得不提呢間近月係K11新開嘅本地鐵板三文治專門店,佢哋主打嘅特色配搭三文治,繼Isaac之後再次刷新B仔對三文治嘅認識。⚡️
-
#環境:店舖裝修以白色為主導,望落簡潔舒適,整體環境幾舒服。
-
#蝦兵蟹將鐵板三文治(單叫$62,套餐$101)大大隻軟殼蟹甚有大將之風,咬落外脆內軟,帶領整個三文治攻陷B仔嘅味蕾,加上爽口彈牙嘅得力蝦兵,成功戰勝一眾三文治,成為B仔嘅最愛。
-
#慢調撕理食肉獸鐵板三文治(單叫$62,套餐$101)微微焦脆嘅麵包、一絲絲嘅牛肉,大量嘅生菜絲,再加埋75%熟嘅煎蛋,入口層次豐富,確係能令食肉獸為之瘋狂。
-
#大隻水手鐵板三文治 (單叫$52,套餐$91)酸甜多汁嘅酸瓜、香香辣辣嘅炸雞排、爽脆嘅紫野菜,配搭起黎有啲似健康版脆辣雞腿包。
-
#拉麵叉燒鐵板三文治 (單叫$56,套餐$95)將一碗拉麵夾入兩片麵包當中,單睇貌相已非常吸睛及iGable。裡面材料亦跟足一碗拉麵應有嘅配搭,如日式梅頭叉燒、味符竹筍、溏心蛋同粟米等等,入口味道疑幻疑真,唔知以為自己真係食緊拉麵,好有趣。
-
套餐可以跟凱撒沙律、北海道野菜薏米濃湯或3日3夜手切薯條,三款裡面B仔最愛北海道野菜薏米濃湯,裡面嘅野菜材料豐富,而且切咗細細粒,非常方便食用,飲落質感濃稠。而3日3夜手切薯條亦係B仔嘅另一心水選擇,佢嘅精髓所在係其高質嘅自家製醬料,黑松露蛋黃醬($7)入口松露香氣綿延不絕,如果有嘅話真係好想買一支返屋企。
-----
B仔整體評價:8.2/10個
B仔抵食程度:8/10個
B仔環境評分:8/10個
B仔味道評分:8.5/10個
B仔回頭機會:8/10個
-----
#swallowhongkong
跟住我一齊吞食香港啦!
#swallowtst

造訪日期: 2020年7月
感謝 Swallowhongkong
該評論乃TripAdvisor會員主觀個人意見,不代表TripAdvisor LLC公司。
發表評論評論 (22)
旅客評等
旅客類型
月份
語言

10 - 14 則評論,共 22

2020年7月5日 透過行動裝置


蝦兵蟹將鐵板三文治,包括有酥脆軟殼蟹、小龍蝦沙律、紫椰菜絲、醋漬紅蘿蔔絲、醋漬白蘿蔔絲、他他醬,炸軟殼蟹口感香脆、不油膩,食落啖啖蟹膏、蟹肉;小龍蝦沙律味道鮮甜,小龍蝦口感厚肉、爽彈;紫椰菜絲新鮮,口感脆口;醋漬紅蘿蔔絲、醋漬白蘿蔔絲口感爽脆,味道酸溜、解膩;他他醬令整體味道更清爽;麵包經烘烤,口感香脆,充滿植物牛油、橄欖油嘅味道。

拉麵叉燒鐵板三文治,包括有日式叉燒片、味噌拉麵、味付溏心蛋、味付荀絲、牛油粟米粒、熔岩芝士、味噌蛋黃醬;日式叉燒片味道咸香,口感軟腍,肥瘦恰當;味噌拉麵口感軟硬適中,味噌香濃;味付溏心蛋溏心效果突出;味付荀絲口感爽口;牛油粟米粒味道香甜,牛油味道醇厚;熔岩芝士、味噌蛋黃醬令整體味道更濃郁。

自家製蟹肉忌廉餅配他他醬,口感外脆內軟,蟹肉鮮味十足,忌廉餅食落好Creamy,配以他他醬食用,味道更清新。

脆炸魷魚圈蔬菜配哈里薩辣醬,脆炸魷魚圈口感外脆香內Q彈,脆炸蔬菜口感爽甜,配以哈里薩辣醬食用,味道惹味。

HAND3AG凱薩沙律,各款蔬菜、蟹肉、脆脆份量多,配以凱薩沙律醬汁食用,味道更佳。

北海道野菜薏米濃湯,蕃茄味道濃香,蔬菜份量十足,飲落味道酸甜、開胃。

橙沙冰,採用香橙、蘋果、胡蘿蔔製作,飲落好涼爽,味道清甜帶酸,飲到啖啖果肉。

龍珠茉莉花茶,茶味濃厚,淡淡清香茉莉花香。

造訪日期: 2020年6月
感謝 ohysf
該評論乃TripAdvisor會員主觀個人意見,不代表TripAdvisor LLC公司。
2020年6月29日 透過行動裝置

餐廳裝修雅致,燈光光線明亮,照落食物度令食物更加吸引。

北海道野菜薏米濃湯,湯內蔬菜材料豐富,湯底鮮味濃。

歐陸監獄鐵板三文治,普羅旺斯肉丸及通心粉等放在三文治中間,味道係四款三文治入邊最淡味,但肉丸本身好有水準。

拉麵叉燒鐵板三文治,呢個配搭更加配合三文治,脆邊嘅三文治加埋軟淋淋既拉麵,外脆內軟感覺特別強烈。

慢條斯理食肉獸鐵板三文治,肉質軟淋淋,芝士及芥末蛋黃醬味道濃烈,配合燶身三文治都幾夾,多重口感。

蝦兵蟹將鐵板三文治,係四個入邊我最鍾意,軟殼蟹揸得酥脆,小龍蝦沙律亦夠新鮮,小龍蝦肉質鮮甜,食落去趣卜卜。

三日三夜自家手切薯條,一睇就知道係自家製作,因為薯條頂部會有薯仔皮,薯仔有少少甘甜,加上松露蛋黃醬,好有after taste。

造訪日期: 2020年6月
感謝 Foodiealexhk
該評論乃TripAdvisor會員主觀個人意見,不代表TripAdvisor LLC公司。
2020年6月28日 透過行動裝置



北海道野菜薏米濃湯
濃郁的野菜濃湯,當中有野菜和薏米,口感豐富又健康。

三日三夜自家手切薯條
看到小食餐牌,這個名稱特別搶眼,勁粗的手切薯條,外皮炸得香脆鬆化,內裏的薯仔細綿綿,配上自家製特色醬料黑蒜滋味醬,相當有驚喜。

HAND3AG凱撒沙律
三文治當然要配沙律,新鮮沙律菜、蕃茄仔和脆片,還有最重要的凱撒沙律醬。

歐陸監獄鐵板三文治
一看到名字就知道不惹少,中央有相當特別的玫瑰芝士燴通心粉、夾着紮實的普羅旺斯燉肉丸、脆薯餅、水晶生菜、燶邊流留心蛋,最後有拉絲的熔岩芝士,貫穿所有材料。

蝦兵蟹將鐵板三文治
令一款是海鮮類三文治,有酥脆軟殼蟹、小龍蝦沙律,雙重鮮味的海鮮再配上紫椰菜絲、醋水漬紅蘿蔔絲和他他醬,令味道鮮味更加提升。

慢條撕理食肉獸鐵板三文治
有海鮮怎可以沒有肉呢,這個三文治絕對適合食肉獸的我,滿滿的手撕牛仔排充滿整個三文治、燶邊流心蛋、多汁蕃茄片、水晶生菜,牛肉再配上車打芝士和芥末籽蛋黃醬,絕對的配搭。

蜜桃薑茶
暖笠笠的薑茶,當中帶點輕輕的辣度,深層還滲出蜜桃的甜味。

洋甘菊薰衣草茶
清新花香的洋甘菊和薰衣草,十分適合消濟解膩。

造訪日期: 2020年6月
感謝 justforshan
該評論乃TripAdvisor會員主觀個人意見,不代表TripAdvisor LLC公司。
2020年6月26日 透過行動裝置

一家人過K11 Art House UA睇戲,諗住睇戲前先食個晏晝飯,到咗地鐵站K11 ArtHouse行緊出去時,經過依間新開嘅HAND3AG、望落去好吸引,加上早早地又未有咩人,唔使等位就最好不過啦。

原來依度係一間鐵板三文治嘅專門店,睇佢哋個名真係唔會察覺。中午時段有比較優惠嘅Lunch Set,當然亦可以單點鐵板三文治、湯品、小食、沙律、飲品同甜品,選擇亦好豐富。

大隻水手鐵板三文治
叫得大隻水手,好自然就會諗到菠菜。無錯,依個係一個由炸雞、菠菜苗、醃青瓜、紫椰菜、仲有流心蛋組成嘅鐵板三文治。雖然每種材料嘅味道都好唔同,但夾埋一齊又好match。炸雞皮脆肉嫩,配上菠菜苗、醃青瓜,真係無得彈。

蝦兵蟹將鐵板三文治
故名思意,蝦兵蟹將當然係蝦同蟹為主嘅海鮮鐵板三文治啦。酥脆嘅軟殼蟹、小龍蝦沙律、再加埋紫椰菜、醋漬紅蘿蔔絲、再配埋他他醬。整體真係好正好正。依款蝦兵蟹將鐵板三文治係三款入面我最鍾意嘅款式。

慢調斯理食肉獸鐵板三文治
我個人認為依個係比較接近漢堡包嘅一個鐵板三文治,因為佢係由手撕牛仔排、流心蛋、番茄片、生菜、車打芝士組成。而且係我哋點咗嘅三個款式入面,依個係最有飽肚感嘅一個。

鐵板三文治可以話食遍咗海陸空。至於小食方面,亦都係唔錯嘅。3日3夜自家手切薯條、加配咗黑蒜滋味醬。薯條炸得非常香脆、但最正嘅係點埋佢哋嘅自家醬料。黑蒜滋味醬蒜香非常,實在點到停唔到,客薯條好快就俾我哋食哂。HAND3AG凱撒沙律係另一個Lunch Set嘅選擇。沙律菜都幾新鮮,一個人食係好夠嘅,但如果學我哋咁三個人分就會唔夠嫁喇。芝士烤普羅旺斯燉肉丸屬於單點嘅小食,雖然單點價錢會比Lunch Set稍高,但因為想試多啲唔同嘅嘢食,所以選擇咗一份單點小食。肉丸好好食,肉汁豐富。但更好食嘅,其實係個醬汁。茄汁底嘅醬汁,混有青瓜粒同西芹粒,好好味。

飲品嘅選擇比較少,唔想飲汽水/咖啡,可以好似我哋咁,叫返三杯較為健康嘅茶嚟飲。洋甘菊薰衣草茶、龍珠茉莉花茶同蜜桃薑茶都好特別,除咗龍珠茉莉花茶、我平時都好少飲。洋甘菊薰衣草茶比較清爽、蜜桃薑茶甜得嚟少少薑嘅辣味。

造訪日期: 2020年6月
感謝 kenku216
該評論乃TripAdvisor會員主觀個人意見,不代表TripAdvisor LLC公司。

去過HAND3AG嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單