我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“生酮火鍋🍲 越食越瘦”

渝味曉宇重慶老火鍋
餐廳訂位
使用外送服務
香港排名第3,242 (共15,743家餐廳)
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
2022年6月11日 透過行動裝置

打邊爐都可以越食越瘦⁉️ 生酮飲食可以飽住瘦!最近渝味曉宇 和生酮達人唐貝詩合作,首創別開生面的生酮火鍋菜單,為照顧生酮人士亦會邀約非生酮朋友一同打邊爐,亦特設鴛鴦鍋底,一邊可選生酮湯底,另一邊鍋可點選傳統大紅重慶麻辣湯底,讓「食極唔肥」的好友同枱享用,渝味曉宇貼心地選購合適生酮人士的調味料來調配湯底(生酮雞粉、生酮醬油、生酮糖)及生酮特飲,以生酮糖漿沖調不怕高醣,共「酮」瘦住 擦餐勁!

除多款生酮火鍋湯底外,菜單亦精挑細選多款符合生酮飲食的葷菜及素菜,當中的特色必吃小菜, 特別推介給大家

養生花膠雞鍋
選用三黃雞加入花膠、新鮮蟲草花、杞子及鶏湯等餚製。三黃雞是指羽毛黃、爪黃、喙黃,其肉質嫩滑,皮脆骨軟,雞湯餚至皮散膠質溶於湯中,味道鮮美。

海帶麵
使用海帶製成的麵條,主要是纖維,接近零卡,比一般麵質爽脆,口感又爽又彈牙。

生酮特飲
青檸梳打、生酮雜莓梳打 、生酮雜莓汁雞尾酒,以生酮糖作為代用糖,因此均是無糖飲料,飲多杯都不怕肥!

羅漢果水
甜味來自無添加的羅漢果糖,生津解渴, 更適合生酮人士飲用。

下次想去打邊爐又不會「破酮」,記得約姐妹試下生酮火鍋啦,拒絕碳水化合物‍♀️,迎接「鍋心」健康的滋味

造訪日期: 2022年6月
感謝 BossbbHappylife
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
發表評論評論 (9)
旅客評等
旅客類型
月份
語言

3 - 7 則評論,共 9

2020年5月25日 透過行動裝置

My favourite hotpot space❤️ Good as always
.
.
一間我覺得係高質既火鍋店,質素總唔會令人失望,水準亦好平穩,確係一間出色既川菜麻辣重慶川鍋。
-
環境舒服、木系橫裝,而坐位亦十份寬敞,就算2個人去食,同樣安排到卡位,服務‍♀️ 亦周到亦細心,不時經過見到 都自動幫你鍋底加水添 讚。
-
1 X 鴛鴦麻辣鍋
--重慶(小麻、普通辣) & --山珍菌湯
.
打邊爐又點少得鍋底,重慶川味♨️ 當然唔少得麻辣吧。小麻小辣,大量紅辣椒,同樣都吃得出鍋底既麻、香、辣。山珍菌湯底,同樣誠意十足,勁多菇菌 & 猴頭菇,有辣有唔辣 任君選擇。
-
仲有。。午餐時段,仲要免鍋底❤️,真係好抵打啊啊啊。
-
火鍋料:
1 X 鮮活海蟶(半份) $39
2 X 桂花蚌(半份) $132
1 X 鰻魚(白鱔) (半份) $46
1 X 美國安格斯優質肥牛(半份) $119
1 X 曉宇嫩牛肉(半份) $42
1 X 黑豚腩肉(半份) $42
1 X 鮮竹笙(半份) $32
1 X 韭菜豬肉水餃(半份) $32
1 X 田園菜籃(半份) $42
1 X 稻庭烏冬(半份) $22
.
餐廳選擇類型都算多,食材算高質,海鮮類亦新鮮呢。最近就挺出左:鮮活海蟶子,肉厚鮮甜 隻隻飽滿呢。
-
肉類方面,安格斯肥牛 一定不能少,牛味重 屬優質 亦不貴,很抵食呢。
-
其他葷菜類、烏冬,吃火鍋都不能少吧。吸晒湯底麻、香、辣,愈滾愈辣 愈食愈香,真係辣得好過癮呢。
.
.
呢間火鍋店,真係我近期既好選擇。
.
.
×××[渝味曉宇重慶老火鍋 -Xiao Yu Hotpot Restaurant]×××
©銅鑼灣渣甸街50號渣甸中心8樓
.
.

造訪日期: 2020年5月
感謝 Wincyholic
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2020年5月24日

人約銅鑼灣,搵食易好多 抗疫生活,減少出街,但一出街當然食好D啦
購物完畢,走過去樓上搵食
渣甸中心8樓,麻辣火鍋專門店
濃香鮮辣,麻勁辣強,未吃已經流口水
沒有用餐時限,先上一碗滋潤糖水
自助下單,用QR CODE落單,十分方便整齊

店員提示先落湯底,再慢慢諗食材配搭
咁先來一客麻辣火鍋配皮蛋湯底
這裡最人氣的必點就係麻辣火鍋湯 我地只係小辣級別,已經少辣少麻
顏色一樣紅似烈火,辣度強勁,久久不散
唔食得好辣既朋友,我介紹你用清湯燙熟食材
再沾麻辣火鍋湯,咁樣食會無咁辣,一樣咁惹味
皮蛋係花紋,精挑細選過食材來源 單係湯底已經非常足料,收38蚊一位都覺得值
美國牛肉片,牛肉丸,午餐肉,鮮海蟶半份 每樣食材都可以叫半份,慢慢食再追加都未遲

鮮活海蟶係店家推介 鮮甜爽口,值得一試
午餐肉係麻辣火鍋既必配
唔知點解,但吸左辣湯食係好味道!

美國牛肉片,一份$216
燙個10秒就食得,配上麻辣湯底
肉味濃郁,肉質有彈性,油花平衡
辣定唔辣都非常好食
湯底濃郁足料,所以醬都幾乎都不需要 但有附上蔥,蒜,麻油,一匙蔥蒜麻油加湯底
用黎做烏冬既湯,咁樣食,味道豐富!
味道不複雜,越簡單越味美!

最後仲追加了一客甜品
紅糖糍粑
糯米做成,炸脆再灑紅糖漿
口感軟綿有彈性
聽說在成都食火鍋都係必食既出品
#過江龍 #火鍋 #渝味曉宇重慶老火鍋 #XiaoYuHotpotRestaurant #Hotpot #銅鑼灣 #香港 #打邊爐

造訪日期: 2020年5月
感謝 alex lam 林
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2020年5月15日

如果你要我揀,擁有一億身家但我周身病痛或者我
每晚都訓唔到教,定還是搵幾多食幾多但我毫無壓力
下咁生活,少好多煩惱?我一定會咁答你,開心咪得囉!
既然要識得居安思危,不如先學會置生死於度外。
所以由細到大我都好怕食辣,但我同自己講唔好
抱住遺憾咁做人,我要克服佢,結果而家已經連
四川重慶既程度我都完全唔識驚。正好令我二訪
「渝味曉宇重慶老火鍋」,令我更加沉迷尋求
辣度既終極快感!
-
任選湯底 - (午市免費)
▪ 九宮格麻辣大紅鍋 -
▫ 湯底好重要,直接影響之後所有食材既味道,
而再次回頭幫襯「曉宇」既最大原因就係,
佢地午市湯底係免費咖!今次無論如何都要試試
佢地呢個招牌湯底:九宮格。基本上一聞個鼻
已經好酸好刺,而最大特點係沿用正宗重慶火鍋既
配方,加左牛油熬製,所以湯底份外濃香。
另外不能忽視既「朝天紅」辣椒,同埋大紅袍、
青花椒兩種令你覺得覺得非常麻既花椒,
就算幾食得辣都好,都包你食完成身汗,爽呀!
-
曉宇十大必點 -
▪ 美國安格斯優質肥牛 - $216(一份)
▫ 先黎一碟肥牛是常識吧,肥牛切忌灼太耐,
基本上10秒內一定要起撈,之前都食過。
再返打因為呢款牛既脂肪分佈好靚,厚薄適中,
而牛味入口非常濃郁,質感嫩滑,
一啖牛肉一啖啤酒,咁先係打邊爐呀麻。
-
▪ 稻田毛肚 - $118(一份)
▫ 呢個品牌既內臟好出名,毛肚亦係十大必點之一。
肉身睇落帶深灰色,我都係第一次見咁大塊既毛肚,
而且每塊都切得相當透薄均勻,同樣都係唔洗
10秒就可以撈起,食落特別爽脆,煙韌好有咬口,
真係幾好食!
-
▪ 鮮黃喉 - $59(半份)
▫ 原來鮮黃喉係咁樣既,聽就聽得多,食就真
係第一試。相比鵝肝同毛肚,內臟黎講,佢係
最爽脆彈滑,而且質感好特別,非一般既厚實,
入口完全無腥味,呢個一定要試!
-
渝味曉宇重慶老火鍋
銅鑼灣渣甸街50號渣甸中心8樓

造訪日期: 2020年5月
    • 划算度
    • 服務
    • 食物
感謝 lankiman6330
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2020年5月14日 透過行動裝置

借住母親節做藉口,帶媽咪到銅鑼灣渣甸街50號渣甸中心8樓的渝味曉宇重慶老火鍋大吃一餐。 我本身很喜歡到這間火鍋店, 因為這是一間在國內出名的品牌火鍋,亦是一間非常傳統的重慶火鍋店。 現在還有午市優惠, 火鍋湯底免費。 首先送來一碗冰糖紅棗雪耳糖水, 味道清甜。 然後就叫鴛鴦麻辣鍋~ 皮蛋香菜鍋 & 普通辣大紅鍋, 火鍋配料有鮮活海蟶半份$39、 重慶炸酥肉半份$32、曉宇嫩牛肉半份$42、紐西蘭精品羊肉捲半份$56、大刀牛肝半份$46、曉宇手打三寶丸半份$49、午餐肉半份$22、牛筋丸半份$32、曉宇苕粉一份$52、白蘿蔔半份$16、 炸芋頭$19半份、 皇帝菜半份$18、 油條半份$16、 紅糖糍粑半份$36、 自製羅漢果$18。

⭕皮蛋香菜鍋 & 普通辣大紅鍋~ 皮蛋香菜鍋清清地, 清爽不燥熱。普通辣大紅鍋的辣度較為溫和, 適合我又鍾意食辣又食唔得太辣的人。

⭕鮮活海蟶~ 店員介紹我的, 鮮味又爽口, 季節限定, 推介給大家。

⭕重慶炸酥肉~ 酥香好味, 值得一試。

⭕曉宇嫩牛肉~ 打邊爐除了肥牛之外,嫩牛肉都好正,入囗非常嫩滑。

⭕紐西蘭精品羊肉捲~ 羊肉肥瘦適中, 放落麻辣湯底至正!

⭕大刀牛肝~牛肝是用秘製醬料醃製再配鵪鶉蛋, 口感爽嫩。

⭕曉宇手打三寶丸半份~ 口感彈牙新鮮, 三款最喜歡墨魚丸。

⭕午餐肉~ 邪惡的午餐肉, 每次打邊爐都很喜歡點的。

⭕牛筋丸~ 嫩筋,超级有彈性, 口感一流。

⭕曉宇苕粉~ 口感柔潤軟滑,是我的最愛。

⭕白蘿蔔~ 清甜美味。

⭕炸芋頭~ 口感綿實的芋頭, 打邊爐又唔錯喎!

⭕皇帝菜~ 爽脆好味。

⭕油條~ 放落麻辣湯底, 真係好正。

⭕紅糖糍粑~ 外脆內軟綿,煙煙韌韌的口感。

⭕自製羅漢果~ 清甜可口, 打邊爐可以滋潤返。

渝味曉宇是間正宗的重慶麻辣火鍋店,味道傳統, 店員又主動推介食物, 抵讚。

渝味曉宇重慶老火鍋
地址: 銅鑼灣渣甸街50號渣甸中心8樓

造訪日期: 2020年5月
感謝 Victoriay_eatwithvic
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。

查看過渝味曉宇重慶老火鍋的旅客也查看過

 

去過渝味曉宇重慶老火鍋嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單