我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“抵食又高質”
Yu Sheng Niu的評論

Yu Sheng Niu
香港排名第6,511 (共13,782家餐廳)
餐廳詳細資料
3 週前評論 透過行動裝置

其實呢條街真係好多寶藏今次又發掘到間好野比大家平民價錢,就可以食到日本和牛‼️超正
不過呢間店真係好低調門口同裝修都好平凡,真係行過左都唔知差啲就走寶囉

御勝牛和牛丼$88 :
店主話,每次黎食到既和牛都會係唔同既部位
原來係因為唔同時期,佢地提供既部位都會唔同
而今次我地食到既係牛頸部位
食落好有牛味入口都有溶化既感覺
證明油脂分布平均
烹調得岩岩好☺️咬落仲有肉汁滲出黎
再配埋佢既秘製黑蒜醬汁
配飯真係一流

葡萄豚肉丼$68 :
點解個名叫葡萄豚肉❓原來係有原因㗎❗️
來自宮崎縣農場飼養既葡萄豬
原來係用左要黎釀製葡萄酒既葡萄皮黎餵飼
所以就有咁既稱號
而食落口又真係唔會有一般既豬臊味
肉質仲好鬆軟一啲都唔韌
呢個都係店主極力推薦我地試
果然冇介紹錯

味道:5/5
服務:5/5
環境:4/5
抵食:4/5


造訪日期: 2020年5月
感謝 mrs_ng_c9
該評論乃TripAdvisor會員主觀個人意見,不代表TripAdvisor LLC公司。
發表評論評論 (4)
旅客評等
旅客類型
月份
語言
2020年4月21日 透過行動裝置

餐廳:御勝牛 (何文田)
地址:何文田勝利道地下12號舖

今次去到何文田勝利道呢間黃店御勝牛,店舖唔大,兩邊放左面對牆嘅櫈同枱,可以減少同其他人面對面感染嘅機會‼️,食嘅過程仲有唔少人叫外賣,街坊要繼續懲罰唔好比佢停喇

叫左個日本和牛拼葡萄豬扒丼($98),係女店員嘅介紹下同因為想懲罰嘅原因加$30轉左和牛肉眼扒,餐廳用上A4日本和牛,極細緻嘅纖維同均勻分佈嘅霜降油脂為牛肉帶黎甘甜濃郁嘅和牛香,仲入口即溶;豬扒係用食開釀酒葡萄渣大嘅豬肉,加上調味料鹹香十足,成個丼飯都好吸引好惹味

跟丼飯仲送麵豉湯或者汽水,我就要左麵豉湯喇,平時係放題式咁飲架,咁岩今日沽清哂,不過食一個飯已經差唔多lu,下次再黎試下其他丼飯先

每日經文:他已經吞滅死亡直到永遠。主耶和華必擦去各人臉上的眼淚,又除掉普天下他百姓的羞辱,因為這是耶和華說的。
——‭‭以賽亞書‬ ‭25:8‬

造訪日期: 2020年4月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2020年4月20日 透過行動裝置

今日去咗附近輕食
疫情下 好多餐廳都有提供搓手液同即棄餐具

呢間屬於小店
主食係和牛 如果唔食牛 都有雞 豚選擇

葡萄豬扒拼燒雞丼
雞切得細細粒 一口size 幾有咬口
豬扒亦有香味
加上七味粉同飯素 好有食日式家庭手藝嘅感覺
呢個餐係嘅沙律同麵鼓湯係放題形式 如果覺得唔夠記得加添

葡萄豚肉烏冬
入口有微微黑蒜味道 原來店主特登喺日本香住県買咗秘製黑蒜主 配搭濃厚豬骨湯底
好快就食晒成碗
豚肉切得ok厚身 如其話豚肉不如話係豬扒
味道亦唔錯

飲品方面小店提供汽水or茶類
我就揀咗汽水

造訪日期: 2020年4月
感謝 kariwing
該評論乃TripAdvisor會員主觀個人意見,不代表TripAdvisor LLC公司。
2020年3月16日

何文田勝利道一直都有不少特色食肆,早前睇報紙專欄介紹這間由日本和牛進口商開設的小店,今天經過這區便專程來試試。

店子小小, 地方淺窄,只有兩排面壁座位, 如果是繁忙時間到訪,應該會坐得比較逼狹。

餐牌很簡單,一版過,以和牛輕食、丼飯、烏冬及蕎麥麵為主,最平 $42 已經有交易,CP 值甚高。

點了勝牛和牛丼 ($88) 同宮崎葡萄豚肉烏冬各一。丼飯會跟一碗麵豉湯,湯內有少許軟滑的豆腐和清香的昆布,入口暖笠笠,調味恰到好處,不死鹹,很好喝!

和牛全部由日本直送,而且每日都會選用唔同嘅部位,加上切成厚方塊粒狀,所以食落會更加有口感。味道果然不俗,牛味好濃郁,香口之餘仲保留到肉汁。至於米飯質素亦唔錯,用上粒粒分明的珍珠米,汁多但不會令飯變爛,入口飽滿有米香。師傅一點也不手軟,將和牛粒鋪滿整碗。

宮崎葡萄豚肉烏冬 ($68),來自宮崎縣農場飼養的葡萄豬,特別之處是加入了釀製葡萄酒用的葡萄皮和種子作飼料,所以豬肉沒有一般的豬臊味,入口肉質很鬆軟、脂肪富嚼勁。烏冬爽身,滑溜彈牙,質地較其他烏冬更煙韌, 配豚肉吃,口感不俗。

臨走前同店主閒聊左幾句,得知原來食店的總公司在九州熊本、佐賀、宮崎均自設牧場,而所飼養的黑毛和牛更於去年奪得和牛比賽最優秀獎,嘩!實力可見一斑。

順帶一提,每邊長檯上都放左酒精搓手液供客人消毒雙手,做法很貼心。

造訪日期: 2020年3月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。

去過Yu Sheng Niu嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單