我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“地道印尼菜”

Pandan Leaf Indonesian Food
香港排名第2,913 (共13,938家餐廳)
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
2020年6月4日

東南亞菜式中,泰國菜食得多,印尼菜真係好少食。今晚友人介紹了一間印尼菜小館,環境有地道風格,只是黃昏6點,基乎爆滿,可想言之是人氣之店。

綠豆冰
外面氣溫三十度左右,一杯清涼解喝的綠豆冰,有綿綿綠豆蓉,充滿椰香,透心涼,清暑。

斑蘭雞
賣相吸引。有油光。薄薄的一層皮,沒多餘脂肪,啖啖肉香。

印尼特色炒飯
炒飯乾爽,粒粒分明,配料有雞肉,魚仔乾...囗感豐富。
串燒雞肉,調味醬料帶有少少酸,又有少少辣,不錯。

造訪日期: 2020年6月
    • 划算度
    • 服務
    • 食物
感謝 pcsy
該評論乃TripAdvisor會員主觀個人意見,不代表TripAdvisor LLC公司。
發表評論評論 (13)
旅客評等
旅客類型
月份
語言

5 - 9 則評論,共 13

2020年5月10日 透過行動裝置

朋友介紹呢間班蘭葉印尼美食,
首先一讚餐廳menu非常細心,
有齊食物圖片,中/英/印尼語,
圖文並茂,點餐十分方便。

燒雞班蘭尖塔飯 $98
燒雞配上印尼烤醬,甜甜地好滋味,
戴上餐廳提供的膠手套 (非常細心),
慢慢撕開你會發現份量出奇地多!
肉質多汁嫩滑,連雞胸部位都燒得岩岩好,
唔會又乾又鞋口,配搭秘制辣味醬汁,帶點刺激感。
班蘭尖塔飯造型吸睛,有淡淡既班蘭香味,
亦中和到醬汁的辛辣感。

印尼花膠湯班蘭雞粉皮 $78
有啲意想不到印尼都會有花膠湯
而且做得相當不錯
先飲一啖湯底,花膠味濃而稠密(超級有驚喜),
味道天然無乜味精,用上真材實料,杞子、蟲草花等。
班蘭雞咁岩食到雞脾部位,
雞皮黃而薄身,肉質鮮嫩;
粉皮偏闊身,皮薄嫩滑,同花膠湯好夾。

鴨胸串燒 (3串) $58
店員熱情推介鴨胸串燒,
因為新推出,所以仲未加上Menu,
又係另一樣食完你唔會後悔的小食
炭燒味重,肉質帶有彈性,多汁嫩滑,
風味濃郁,配埋沙嗲醬無得彈。
相比平時食到重咸香煙燻味的鴨胸,呢個更為出色。

造訪日期: 2020年5月
感謝 eatwithbabe
該評論乃TripAdvisor會員主觀個人意見,不代表TripAdvisor LLC公司。
2020年4月25日 透過行動裝置

每次經過銅鑼灣都會到糖街1-5號銅鑼灣商業大廈地下B2舖的班蘭葉印尼美食買班蘭蛋糕回家吃, 其實這裏的印尼菜都很好味, 今次與朋友一起到這裏吃晚飯, 點的菜式有印尼四大天王飯$78, 轉黃薑飯$15, 燒雞花膠湯銀針粉$88, 蒜蓉炒菜心$68, 羊肉沙爹串燒$58, 班蘭箭葉果蜜$28, 雜錦冰$38。

印尼四大天王黃薑飯~ 這一款適合三心兩意的我, 餐牌上菜式太多, 四大天王有鮮嫩的雞、 軟腍的巴東牛肉 、 惹味的沙甸魚和健康爽口的雜菜。 黃薑飯的薑味很重, 入口 味道就轉返淡。

燒雞花膠湯銀針粉~ 本身想試粉皮可惜賣曬,所以轉銀針粉 ,湯底濃郁, 花膠厚厚的,燒雞外皮香脆, 肉質嫩口。

蒜蓉炒菜心~ 蒜蓉炒菜心味道清甜, 啱曬港人口味。

羊肉沙爹串燒~ 羊肉串稍為燒得有點乾身, 但點上自製的醬汁, 惹味指數爆燈。

班蘭箭葉果蜜~ 熱飲都有好多選擇, 這杯微甜帶清香,味道特別。

雜錦冰~ 色彩繽紛, 味道甜美, 入面還有牛油果粒, 好啱我口味。

非常正宗的印尼餐廳, 平時經過都會到小店門口買一些蛋糕和印尼小食, 菜式也做得很好, 支持小店。

班蘭葉印尼美食
地址: 銅鑼灣糖街1-5號銅鑼灣商業大廈地下B2舖

造訪日期: 2020年4月
感謝 Victoriay_eatwithvic
該評論乃TripAdvisor會員主觀個人意見,不代表TripAdvisor LLC公司。
2020年4月11日 透過行動裝置

之前行經糖街 都會見到好多工人姐姐會黎呢到買下糕點 感覺上都幾正宗

▪️印尼四大天王 $78
一個飯滿足你四個願望!有齊雞 巴東牛肉 沙甸魚 雜菜 完全唔怕唔夠餸撈飯!
作為食肉獸既我 竟然最鍾意佢嘅雜菜 雜菜爽口 拌匀面頭既花生醬 甜甜地真係好好食
雞肉有啲似海南雞 好滑嫩 巴東牛肉軟腍入味 沙甸魚既骨完全食左都唔覺 配上紅椒都唔錯⁣⁣⁣⁣⁣⁣⁣

▪️燒雞班蘭尖塔飯 $98
燒雞香口入味 肉質完全唔柴 單吃就已經唔錯 沾上特製醬汁 甜甜地仲好食
綠色既尖塔飯打卡一流 入口淡淡既班蘭香 飯較為乾身 粒粒分明 飯量完全唔惹少 一定食得飽!⁣⁣⁣⁣⁣⁣⁣

▪️牛肉沙嗲 $56
食印尼野又點可以唔食串燒 牛肉唔會過熟過乾 唔洗點醬都已經夠味 略嫌有啲位會有少少筋⁣⁣⁣⁣⁣⁣⁣

▪️班蘭沙冰 $42
入口班蘭味比想像中濃郁 清清地好解渴 甜度偏高 好適合螞蟻人

▪️牛油果沙冰 $48
牛油果沙冰大杯足料 入口順滑無冰粒 牛油果味突出 甜度恰到好處

整體而言 食物質素唔錯 價格合理 想食印尼菜嘅時候 呢間都係唔錯嘅選擇

造訪日期: 2020年3月
感謝 sistersnfood
該評論乃TripAdvisor會員主觀個人意見,不代表TripAdvisor LLC公司。
2020年3月31日

一講到食印尼菜,我好自然會諗起銅鑼灣嘅「班蘭葉印尼美食」,除咗價格相宜,食物仲非常好味、老闆同員工亦非常親切。今晚我又過咗銅鑼灣班蘭葉開餐喇。

印尼花膠湯班蘭雞 -
原本係配白飯,但其實可以加錢轉班蘭/黃薑尖塔飯。我今晚就轉咗黃薑尖塔飯,因為感覺同班蘭雞襯啲。依道菜抵在同一時間可以食到班蘭雞同花膠湯。花膠湯味香濃,仲有大大塊嘅花膠,絕對真材實料。班蘭雞都有四份一隻,除咗翼位,件件都起哂骨,食起上嚟都係啖啖嫩滑嘅雞肉,好好味。

瑪瑯大粒包細粒牛丸湯 -
最吸引當然係佢哋嘅大粒包細粒牛丸啦,粒牛丸仲大過拳頭嫁。切開大牛丸,入面仲有幾粒細牛丸、肉碎同埋鵪鶉蛋,夠哂驚喜。唔好以為牛丸只得賣相,唔好睇佢大大粒咁,大細牛丸都好彈牙、牛味香濃嫁。

沙嗲串燒 -
印尼菜當然唔少得沙嗲串燒,我今晚就點咗牛、羊沙嗲串燒。串燒燒得好好,牛肉同羊肉嫩滑多汁,再點埋佢哋自家調配嘅醬汁,相當惹味。

石粟馬拉盞炒通菜 -
我個人認為「班蘭葉」嘅石粟馬拉盞炒通菜同其他印尼餐廳嘅好食,可能因為「班蘭葉」有加入番茄,令通菜更加鮮甜咗。

咖啡沙冰 -
咖啡沙冰再加入咖啡,咁就可以邊飲咖啡邊食沙冰,超爽。咖啡沙冰嘅咖啡味亦好香。依個誠意推介俾大家啊。

香茅椰糖薑蜜 -
餐廳真係好用心好足料,香茅、椰糖、薑同蜂蜜味非常夾,係一杯好舒適嘅熱飲。

食到飽一飽,想食甜品都食唔落,唯有買返去食。「班蘭葉印尼美食」都有好多糕點,仲要又平又好味。大家記得買埋返去試埋呀。

造訪日期: 2020年3月
感謝 kenku216
該評論乃TripAdvisor會員主觀個人意見,不代表TripAdvisor LLC公司。

查看過Pandan Leaf Indonesian Food的旅客也查看過

 
中國香港
中國香港
 

去過Pandan Leaf Indonesian Food嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單