我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“高質溫馨二人火鍋”
E Pot的評論

E Pot
使用外送服務
香港排名第3,566 (共14,128家餐廳)
周圍地區: 旺角
餐廳詳細資料
周圍地區: 旺角
3 週前評論 透過行動裝置

想打邊爐,但怕出外食,又吾想在家食洗咁多嘢,發現原來旺角一鍋堂有外賣火鍋,正合我心意

選了溫馨二人鍋,以為吾會太多嘢,但原來都幾豐富,外賣攞走好重,好彩食材整齊攞放在一個好實正嘅袋中,攞起嚟不至於好論盡。

湯底有16種選擇之多,眼花撩亂,適合不同口味的客人,我哋揀咗從未用過做火鍋湯底嘅杏汁豬肺湯,食物淥完會帶有微微的杏仁味,幾特別,湯底還有白菜和豬肺可以食埋添!

小食是黃金炸魚皮,鹹蛋黃甘香,魚皮趣卜卜

海鮮盛盒有生猛海蝦四隻,帆立貝四粒,白膳片、脆鯇腩和大蜆。每樣海鮮都好新鮮,特別偏愛脆鯇腩的爽脆和蜆肉的無比鮮甜。必食精選料有麻辣撈雞柳、花膠、八吋蟹棒。雞柳超嫩滑帶微辣。花膠好大塊,索埋d湯食好味。未食過八吋咁長嘅蟹棒,一條已經好飽了。

自家黑松露手打墨魚滑,有乒乓波般大而且十分彈牙。潮州豬肉扎,香煎韭菜餅都是可以即食或放湯,悉隨尊便。

美國安格斯牛版腱有120g份量,大大件食到好滿足,肉質鬆軟。

粟米超甜,雜菜盤新鮮。

自家製胡椒麵和稻庭烏冬,麵質彈牙,咀嚼時嚐到啖啖胡椒香。

打邊爐一定吾少得凍飲,這供應的不是一般的酸梅湯或庶汁,而是自家製涼茶。我們選了泰式碟豆花茶和冰糖燉檸檬,冰凍吾太甜, 飲落好舒服。

佐料齊全,有醬油、椒絲、蒜蓉、蔥花伴食。

最後還有一樽自家製冰糖燉檸檬送,既可滋陰潤喉,更可增強抵抗力。

疫情當下,外賣包還附有PH2.5次氯酸水和消毒紙巾來作餐前餐後消毒用,十分貼心。

造訪日期: 2020年9月
感謝 pingpingcspchow
該評論乃TripAdvisor會員主觀個人意見,不代表TripAdvisor LLC公司。
發表評論評論 (7)
旅客評等
旅客類型
月份
語言

1 - 5 則評論,共 7

3 週前評論 透過行動裝置

途經旺角想起火鍋,便試試這間長龍火鍋店。每名顧客入內需先量體溫,更提供了搓手液供消毒雙手。店內樓底較高,座位寬敞舒服,食材也非常新鮮。我們點了鴛鴦鍋: 養生藥膳湯+胡椒豬肚湯,湯底非常足料入味,豬肚又大又多,光喝湯也很滿足,而肉類款式多且有水準。美國安格斯牛小排牛味濃郁,封門柳新鮮,滾一滾約6-8秒入口美味。牛脷心托薄切,比平日吃到厚厚的口脷更為爽口。西班牙栗飼豬肉及紐西蘭羊卷肉同樣出色肉味濃。海蝦珍珠貝新鮮非常,手打丸系列彈牙,特別推介魚滑。店內的自家製飲品有驚喜,冰糖燉檸檬咸甜適中,較少有的蝶豆花茶下火一流。最值得一讚的是店員非常非常親切有禮貌,真的吃火鍋也有賓至如歸的感覺。

造訪日期: 2020年9月
感謝 Hitormiyu
該評論乃TripAdvisor會員主觀個人意見,不代表TripAdvisor LLC公司。
2020年8月25日

朋友最近工作不太順利,經常悶悶不樂,相約他一起吃頓午飯,順便開解一下。

友人向來愛吃火鍋放題,知道旺角有間性價比好高嘅火鍋店「一鍋堂」,趁這天不用上班,大家坐埋一齊烚下烚下,

餐廳做足安全措施,包括高溫消毒餐具、為每位客人量度體溫,並提供酒精搓手液、二人一桌等等,加上檯同檯之間有足夠距離,令人食得放心。

今次揀咗個「特選安格斯牛」,每位 $168, 除了可以任吃套餐內指定嘅肉類之外,還有不少海鮮類、丸類、蔬菜類、麵食、飲品等,全部都係任飲任食。

淨係湯底嘅選擇就已經有成 16 款,真係令人花多眼亂,今次我哋就揀咗個杏汁豬肺湯,湯底清甜無比,養顏潤肺,絕對是進補之選,用來烚肥牛就最啱,如果想選擇鴛鴦鍋,則需另加$50。

餐廳用二維碼點菜,只需掃描 QR Code 便可以落單,既準確又環保,點完之後,食物好快就送到。

友人係牛魔,第一時間點了幾款牛肉試下,有美國安格斯牛肉、封門柳、牛脷心托。安格斯牛肉肉嫩味豐,入口即溶,配清甜嘅湯底最夾。封門柳肉味較重,油花分明,適合喜歡肉味濃者;而牛脷心托則爽口清甜,食味亦不俗。

另外亦試了西班牙栗飼豬肉 同 紐西蘭羊卷肉,前者肉質鬆化,入口有種綿軟感覺;而後者則羊味粗獷,加上厚切兼脂肪比例少,味道與質感均屬上佳。

海鮮類方面,其實選擇都幾多,有海蝦、沙白蜆、長腳蟹棒、真係花膠、脆肉鯇、白鱔片等等,白鱔片非好吃,充滿魚油香味,細細塊,食多幾碟都唔怕滯。 脆肉鯇口感不錯,爽口有彈性;而花膠亦令人有驚喜,超大塊,既軟滑又養顏,絕對值得一試。

至於蔬菜同飲品就全部都放曬喺凍櫃入面,客人可以自行外出拿取。要特別推介呢兩款餐廳自家製的蝶豆花茶同冰糖燉檸檬,前者口感清新,帶香茅和斑蘭香味;而後者亦濃淡合宜,飲完喉嚨好舒服。

另外亦點了金蟲草孢子、生根、手打三寶丸、響鈴卷、炸魚皮、龍蝦沙拉丸、台式三星蔥貢丸、自家製胡椒麵。三星蔥貢丸多汁好味,內餡有宜蘭三星蔥,一咬爆汁。胡椒麵亦有水準,自家製,入口煙韌,食到淡淡胡椒味,微辣但非常香。

食完再嘆埋杯雪糕先走, 真係超滿足。食物質素高,服務態度友善,真心抵食!

造訪日期: 2020年8月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2020年6月15日 透過行動裝置

今日下午同朋友去食火鍋放題,擇位於旺角豉油街嘅一鍋堂,由旺角港鐵站E2出口行10分鐘左右就到,地點非常方便

餐廳有機菜選擇多;火鍋湯底亦有相當多選擇,今次選擇餐廳推介嘅一鍋潮汕湯及養生藥膳湯

今次點咗高級澳洲和牛任食套餐,主打澳洲M5和牛板肉丶西班牙黑毛豬肉丶牛胸爽等

餐廳透過手機apps 落單,所有食材均可透過手機下單,又有相睇非常方便

呢個任食套餐有非常多種肉類選擇,餐廳亦非常細心,為食材配上名稱,令客人清楚食緊邊一款肉

澳洲M5和牛板肉,作為主打推介,當之無愧,肉質口感一流

牛脷心托,薄薄的手脷,淥一淥就食得,爽

牛胸爽,食咗咁多次火鍋,第一次見,肉質較厚身,要淥多一點時間,但十分爽,非常咁好味

蔬菜選擇多亦係一鍋堂嘅特色,一鍋堂蔬菜絕對係主角之一,種類非常繁多,如西洋菜、羽衣甘藍丶波菜苗、唐生菜、菜心苗、娃娃菜、油麥菜都可以選擇

餐廳提供自製嘅冰糖燉檸檬,其他唔係咁易飲到,食火鍋怕熱氣嘅朋友,建議一定要試吓

造訪日期: 2020年6月
感謝 sfc04
該評論乃TripAdvisor會員主觀個人意見,不代表TripAdvisor LLC公司。
2020年4月21日

兩個人想食打邊爐,去火鍋店,好難叫得多款,因為一定食唔洒,價錢又會很貴,但這間放題火鍋店就啱洒我,一個價錢任點任食包湯底+飲品+甜品,真係啱洒我人少而又想打邊爐既人 ,不似其他火鍋店老土裝修,這間裝修很cafe, 坐得舒服
放題火鍋都有16款湯底選擇,有很多不同嘅口味,太貼心

喜歡吃辣的我,選擇新口味,韓式泡菜火鍋底, 湯底很濃,有我最喜歡嘅泡菜,不太辣,啱我朋友胃口!
自助火鍋醬料區, 多醬料選擇! 飲品款式多,亦有自家製飲品 坐低用手機scarn QR code , 係手機點菜單, 十分方便, 又夠環保,最重要係即點即到,夠衛生

二人點了很多不同款火爆配料

綾魚滑/ 墨魚滑, 夠新鮮彈牙

海鮮種類亦有很多選擇,生蝦生鮮

我最喜愛台灣貢丸,內裡很多冬菇粒,夠份量彈牙爽口

芹菜餃, 亦係我最喜愛之一 肉汁甜又多芹菜

最後仲可以品嚐甜品,綠茶雪糕,香滑

百幾蚊加一真係十分抵, 任點任飲任食火鍋2小時,重點係即點即到,不是放出黎任攞果種,起碼夠衛生,新鮮,令人食得安心

造訪日期: 2020年4月
    • 划算度
    • 服務
    • 食物
感謝 wanwan113
該評論乃TripAdvisor會員主觀個人意見,不代表TripAdvisor LLC公司。

去過E Pot嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單