我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“好味點心大放送”
24Tea的評論

24Tea
香港排名第7,387 (共13,784家餐廳)
餐廳詳細資料
3 週前評論

最近屋企樓下開左間點心店,該店原來唔止外賣仲有堂食,只要經過店內窄巷暗渡陳倉上樓便可以。
樓上空間比相像中大,環境乾淨算唔錯,有多張四人坐卡位地方闊落,樓底不高較應聲。
牆邊有上下兩條車軌,落單後有小型列車送點心來,可以手寫落單或掃描 QRCODE 透過手機下單,非常方便,店內有WIFI 供應,省了用自己DATA上網。
列車不時會經過的,當列車停在該位置表示確應可以取點心。

點心係即叫即蒸,每籠點心來到都熱騰騰的。有好多不同款式,有部份相當有特式,點心有迷你版,所以可以點多幾款。
脆炸流心箭豬包 $28 - 賣相超萌,係店內呃like之最,皮整得好脆,奶黄流心餡漿適量,食多件都唔膩。
鮮蝦香脆炸雲吞 $13 - 雲吞皮薄脆口,細細件成件放到落口好方便,蝦肉唔少味道唔錯。
賽螃蟹菜苗餃 $17 - 餃皮薄餡肉飽滿,味道清清地,口感非常豐富,值得一試。
荷葉花菇滑雞籠仔飯 $17 - 好香荷葉味,飯鋪滿雞件食起來啖啖肉,飯量為正常盅飯一半可以輕食。
薑蔥牛柏葉 $15 - 牛柏葉爽口彈牙,而且夠入味。
黑椒金錢肚 $17 - 金錢肚好淋好入味,黑椒汁非常惹味。
灌湯餃 $28 - 餃子一粒大大粒浸在湯,餡肉飽滿,食完好滿足。

流心鵪鶉蛋燒賣 $28 - 鵪鶉蛋藏於燒賣內,咬落去蛋黃果然係流心,口感唔錯相當有特色。
小籠包 $15 - 皮薄多餡多湯汁,味道比較濃。
金紗米網鮮蝦腸 $17 - 以米網包住彈牙鮮蝦炸出脆皮,再以腸粉皮包住,三種口感可想而知,味道唔錯。
是日燉湯 $20 - 是日係西洋菜紅蘿蔔豬骨老火靚湯,味道唔錯。

造訪日期: 2020年3月
    • 划算度
    • 服務
    • 食物
感謝 cargolam
該評論乃TripAdvisor會員主觀個人意見,不代表TripAdvisor LLC公司。
發表評論評論 (2)
旅客評等
旅客類型
月份
語言
2020年2月13日

朋友搜羅了一些物資,說要分贈一點給我,實在讓人感動。為免她舟車勞頓, 所以相約到她公司樓下接收,順便一起去吃頓晚飯。

朋友話佢公司附近最近開咗間迷你點心專門店,店內的點心味道唔錯,水準絕對趕得上不少名店,而且價錢好親民,所以想帶我去試下。

店舖位於馬蹄徑,由牛頭角站行過來只是數分鐘路程。樓下以外賣為主,而用餐區則設於樓上。沿著梯級往上走,原來店內地方都幾大,除了卡位外,還設有一列吧檯位,唔講仲以為自己去咗間迴轉壽司店添。

餐廳採自助形式落單,客人只要掃一掃二維碼,便可以即刻用手機點餐。至於食物方面,同一般點心店一樣,分門別類,不過就以迷你版為主,所以就算叫多幾款都唔怕食唔曬。

入座後店員會送上杯和茶包,而牆身則設有用茶杯按出水的水喉,客人可以自助斟水,茶位費每位 $5。

這裡的點心不是以人手送上,全部用「高速列車」或「軍艦」經路軌送遞到客人面前,非常特別!

荷葉花菇滑雞籠仔飯 ($19):雞肉蒸得很滑,無骨;冬菇好大片,飯面淋咗豉油,米的質素亦唔錯,粒粒分明,入口帶有荷葉香,加上飯量十足,食完都幾飽肚!

醬皇蒸鳳爪 ($15):鳳爪好大隻,外皮滑嫩,食落軟腍又夠入味,醬油豆豉帶少許微辣,味道非常惹味。

竹炭鮮蝦餃 ($19):蝦餃造型好特別,每隻都分成黑白兩色,黑色那面外皮加入了竹炭粉去搓,而另一邊則用上普通水晶皮,望落去隻隻都好晶瑩剔透,入口煙韌,蝦肉爽口彈牙而味鮮。

是日燉湯 ($20) 燉湯用迷你瓦煲盛載,是日燉湯為青紅蘿蔔豬骨湯,湯水火喉十足,應該無添加味精,打開蓋時已聞到鮮甜濃郁的香味,非常足料。

酥炸順德鯪魚丸 ($16) 鯪魚丸一客有四粒,雖然粒粒 Size 都唔算好大,但係都非常抵食,而且最正就係魚肉札實,食落夠曬彈牙,唯一可惜就是無配埋蜆介,否則食味更佳。

流心鵪鶉蛋燒賣 ($28),其實初頭還以為是店員弄錯,因為喺燒賣面頭見唔到有鵪鶉蛋,原來佢哋嘅做法比較特別,鵪鶉蛋係包裹喺豬肉同鮮蝦之中,咬開可以見到原隻鵪鶉蛋,而且仲有蛋汁流出,可見時間控制得非常之好。

流沙煎堆仔 ($15) 煎堆仔一客有三個,份量不算太多, 面頭鋪滿黑白芝麻,咬開煙韌的糯米皮會即時湧出熱辣辣的奶黃流沙,奶黃味好出眾,味道夠曬濃,所以一定要記得趁熱食。

食完煎炸嘢梗係要配返個蔬菜中和一下,揀咗白灼菜心 ($15) 菜心以清灼方式烹調,每條都相當粗壯,色澤翠綠,而且灼得合時,食落新鮮嫩口又無渣。

甜品點咗薑茶湯丸 ($15) 湯丸用迷你木桶盛載,外皮幾煙韌,內裡有滿滿的嘅黑芝麻餡,加上甜度適中,用作飯後甜品就最適合不過,食完成個人暖笠笠。

以「新派」點心店而言非常抵食,平均廿蚊份點心,食物有水準,在百物騰貴的今天,實屬難得。

造訪日期: 2020年2月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。

去過24Tea嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單