我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“🌸高質茶記🌸”

Xue Shan Bing Ting - 1956
香港排名第2,142 (共15,233家餐廳)
周圍地區: 深水埗區
餐廳詳細資料
周圍地區: 深水埗區
4 週前評論 透過行動裝置

平時間中都會落茶記醫肚,價錢平得來質素又唔差,今次發現一間連鎖茶記 - 雪山冰廳,頗有驚喜

浦燒原條鰻魚蛋包飯
一上台就覺得鰻魚的份量絕不欺場性價比超高,配埋滑一滑的炒蛋同軟硬適中的米飯剛剛好

波士頓龍蝦叻沙摻摻
摻摻即係「兩溝」咁解,餐廳就用左米粉同油麵增加整碗麵的層次感,吸滿叻沙湯汁的摻摻味道一流配埋大大隻波士頓龍蝦,齋賣相都羸曬啦

榛子醬西多士
西多士中間夾左流心榛子醬,如果鐘意食甜野的你一定要試下

經典芝蛋牛肉漢堡配德州辣肉醬意粉
芝蛋牛肉漢堡味道雖然冇咩驚喜,但係配埋的辣意粉反而幾好食,辣辣地好開胃

公司三文治
公司三文治超級大份,中間夾左生菜、午餐肉、火腿、芝士、蕃茄等材料夠曬豐富

P.S: 餐廳有一個好超貼心位❤️值得一提,對小編來講個辣肉醬意粉食到最後太辣,再叫叻沙的時候餐廳就幫我叫左小小辣

造訪日期: 2021年3月
1  感謝 liebe_king
該評論乃TripAdvisor會員主觀個人意見,不代表TripAdvisor LLC公司。
發表評論評論 (11)
旅客評等
旅客類型
月份
語言

1 - 5 則評論,共 11

2021年1月1日 透過行動裝置

區內人氣老字號冰廳,1956年已經開業,總店係深水埗,今次試:

香蔥碎牛三文治
蛋夠滑,香蔥配上碎牛嘅配搭突出,再加上脆口嘅烘底,超滿足。本身另加配$5麥皮賣晒,轉了通粉,以為普通冇驚喜,一開有隻鮑魚,湯底仲會分隔開,好貼心。

********************************************
雪山冰廳
長沙灣青山道413號東景大廈地下4-5號舖
********************************************

造訪日期: 2021年1月
2  感謝 Foodie_carcar
該評論乃TripAdvisor會員主觀個人意見,不代表TripAdvisor LLC公司。
2020年10月5日 透過行動裝置

行經深水埗又諗唔到食乜,就去返之前幫襯過嘅老字號冰廳,起碼食過知道味道有保證

➡️招牌海南雞飯($60)
海南雞件幾有光澤,肉質又嫩滑,即使係雞胸位置都唔會覺得嚡口,而且已經全去骨,所以啖啖肉配同酸甜嘅醃蘿蔔及青瓜一齊食幾清爽開胃

➡️南洋咖喱吉列豬柳配蛋包飯($65)
無諗過吉列豬柳都有兩大塊,炸得又金黃香脆,食落彈牙又香口,真係停唔到口,即使之後放涼咗,口感都無變蛋包飯呈半熟狀態,滿佈蛋漿,睇見都已流口水配同辣辣地嘅咖哩真係超好下飯值得一提係咖喱汁都幾香,而且都幾多,絕對唔會唔夠汁下飯

➡️樽仔奶茶(跟餐加$9)
朋友一向鍾意樽仔奶茶,因為唔會因為冰粒溶化而令味道有變,而呢度嘅奶茶都幾滑,而且唔會好甜,味道都ok

➡️熱杏霜(跟餐加$6)
熱杏霜唔會好甜,杏仁味都幾香,屬一貫茶餐廳水準,但大杯啲會更好,我唔洗一陣就飲晒

➡️燉湯(跟餐加$15)
因為熱杏霜已飲晒,所以我多叫咗個淮山陳腎燉赤肉湯!燉湯都幾好飲,而且都算足料,飲到幾香嘅陳腎味,可能我平時飲湯都不太加鹽,所以對我嚟講燉湯偏咸,但整體係唔錯嘅

茶餐廳嚟講有呢個質素確係唔錯

造訪日期: 2020年10月
感謝 dyiongw
該評論乃TripAdvisor會員主觀個人意見,不代表TripAdvisor LLC公司。
2020年7月2日

今日又再一次同朋友嚟呢間雪山冰廳,因為佢既椒鹽豬排飯實在太好食而出面基本上都冇佢整得咁惹味,隔一排就想食返。
避風塘炸脾
下午茶有茶餐可以叫,呢個真係真正既避風塘炸脾,因為好多坊間既都只係加大量炸蒜就當係,呢度有炒過辣椒而且mix埋炸蒜一齊令到個調味非常惹味又香口。炸脾本身都好新鮮炸起又保留到肉汁!
經典芝士煎蛋牛肉漢堡包 + 薯條
呢個亦都係皇牌之一,餐廳自家制既漢堡再加上烘過既包好出色,味道既配搭岩岩好唔會有一樣特別突出。牛肉漢堡淋得嚟又保持到牛既鮮味,流心既煎蛋岩岩好可以再提升成個包既層次同口感
叉燒蝦球炒蛋飯
呢個都好出色,因為佢地既蛋炒得好滑又濃蛋味,叉燒同埋蝦球調味都係岩岩好唔會過咸,配合少少鼓油,成個飯都好好食!
始祖椒鹽豬扒飯
其實睇相都已經睇得出個飯有幾正,椒鹽既份量比例都適中,炒飯底本身已經夠哂惹味,再加上炒香過既辣椒同蒜,非常吸引又邪惡。豬排炸得好脆之餘又有肉汁唔會太乾!
榛子流心西多
最後再食埋個榛子流心西多,榛子醬份量足夠而西多炸得好好,蛋醬覆蓋哂成個西多,再加少少蜜糖同埋牛油,甜品嚟講冇得輸!
樽仔奶茶
呢到另一特式就係佢地既樽仔奶茶同埋咖啡,茶底夠濃同埋香,鍾意奶茶既一定要試!

造訪日期: 2020年6月
感謝 Issactrevor1
該評論乃TripAdvisor會員主觀個人意見,不代表TripAdvisor LLC公司。
2020年6月1日

一直聽朋友說深水埗這老牌冰室很有人氣,終於有機會試試。餐廳裝修比我想像中新淨,原來是翻新過,不錯。

先來個小食芝士煎蛋牛肉漢堡,芝麻麵包烤得香,一切開有半熟蛋、厚厚的牛肉漢堡扒和半溶芝士,相當吸引。漢堡扒內有惹味爽脆洋蔥粒,加上濕潤牛肉,很港式的滋味。

另外,選了個二人晚餐,有半隻海南雞、一個小菜和兩個燉湯。本來還有兩碗白飯,但我們想試其他主食,所以就沒有要。先講燉湯,椰子雪耳桂圓燉雞腳湯,很足料,一打開椰子的清香飄出,加上雞味,味道清甜,很滋陰的感覺。

海南雞皮香肉滑,雖然不是雞髀的部份,但亦不會又乾又鞋。配上兩種醬汁,一款是酸辣醬,另外的是海南雞醬油,我比較喜歡前者,比較惹味刺激。

小菜選了XO醬炒海斑片西蘭花,海斑片不是薄的,非常厚身,肉質爽有口感,不腥。西蘭花爽脆,份量多,令晚餐有足夠的蔬菜量。

我們選了波士頓龍蝦叻沙摻摻做主食,茶餐廳居然有龍蝦,還是第一次見。叻沙味道討好,摻摻是油麵加米粉,加入爽口芽菜,整個面很順口。除了波士頓龍蝦,配料還有魚片、豆腐扑和雞蛋,非常豐富,二人分享一個絕對足夠。

天氣熱的關係,我們還忍不住點了一個樽仔奶茶,冰凍的奶茶香濃順口,不會太甜,很消暑。

造訪日期: 2020年6月
感謝 FoodieFoodie_84
該評論乃TripAdvisor會員主觀個人意見,不代表TripAdvisor LLC公司。

去過Xue Shan Bing Ting - 1956嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。