我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“日本黑毛和牛+ 牛小排+ 紐西蘭羊+日本豬”

Gyu! Gyu! Shaba Shabu
香港排名第2,066 (共15,288家餐廳)
餐廳詳細資料
4 週前評論 透過行動裝置

揀左揀店內最頂級既日本產黑毛和牛
仲可以瘋狂食埋人氣牛肉大塊牛小排
牛肉筋肉比例非常靚❤️肉質軟嫩Q彈
因為湯底已足料點唔點醬一樣咁好味
估唔到仲有羊食!!整體幾滿意

牛の戀大胃王比賽將會係24/4-25/4舉辦

麻辣同酸辣呢兩個湯底亦特別推薦
酸有酸菜而且比較開胃同最清新
麻就想像中溫和有加紅棗蜜棗,麻而不嗆、嗆而不辣、溫而不火,可以自己調一個更加辣嘅醬
店內自設嘅樽裝茶,食開放題嘅一定識飲呢啲

造訪日期: 2021年4月
感謝 183nora
該評論乃TripAdvisor會員主觀個人意見,不代表TripAdvisor LLC公司。
發表評論評論 (16)
旅客評等
旅客類型
月份
語言

10 - 14 則評論,共 16

4 週前評論

辭工後終於可以安心四出吃喝玩樂, 今晚丫妹放工約我去食一人一鍋火鍋放題。
牛牛日式火鍋放題 北角店, 離北角地鐵站出口只係一條馬路之隔, 交通方便。
餐廳門外以色彩繽紛霓虹燈做裝飾, 很eye-catching。

8款湯底+多款火鍋肉類套餐選擇, 更可自選加錢追加海鮮/清酒任飲

餐廳樓底高, 感覺沒有壓迫感, 每個座位下都放有籃子放置個人物品, 可以舒舒服服打邊爐。

醬料、飲品、丸類、蔬菜、雪糕設有自助區, 補給都幾快, 未出現過吉盤。

飲品方面有罐裝汽水、冰茶

我地揀左美國產特級牛肉放題套餐
湯底方面就揀左比較清嘅牛牛秘見鍋、大地鰹魚鍋

肉類以QR code落單, 每款均為薄切, 稍為焯幾秒就食得, 岩哂限時放題可掃多幾碟

美國頂級牛肉 相比 嚴選特級牛肉 油花多dd, 肉比例較多, 嫩滑度較低, 但因為揀左比較清嘅湯底, 細味都食到淡淡肉香。

羊肩肉: 有陣陣羊羶味, 不過唔會太濃烈, 易入口

豚肉: 色澤粉嫩, 脂肪偏少, 質地幾嫩

然後我地再Order第二round, 不過質素比起第一round好似有d出入

還是主攻自助區, 配料中其一必食就係特長蟹柳, 味道鮮甜,
另外, 芝士腸中心真係有爆芝ga!

90分鐘食到飽飽, 滿足~

造訪日期: 2021年4月
    • 划算度
    • 服務
    • 食物
感謝 Keresawong
該評論乃TripAdvisor會員主觀個人意見,不代表TripAdvisor LLC公司。
4 週前評論 透過行動裝置

前幾日又去左食火鍋!

係北角匯牛牛日式火鍋放題GyuGyu Shabushabu

同朋友揀左澳洲穀飼牛套餐 90分鐘晚市放題 $ 238

套餐可免費追加:

澳洲產長期穀飼牛

美國頂級牛肉

嚴選特級牛肉

丹麥皇冠豚肉

每款牛肉質都有質素,特別係澳洲產長期穀飼牛,肉味香濃,油花分佈均勻。豚肉肉香軟嫩,入口即溶。

廚師將牛肉同豬肉片都切得好薄,放落鍋滾5秒就食得,眨吓眼就清左一碟,無限任添,適合食肉獸~

自助放題區仲有多款選擇,擺放得井井有條,新鮮得來又乾淨衛生有肉類、丸類、菇類及蔬菜等。

當中成晚食得最多就係羽衣甘藍,非常有營養價值,出面街市買都唔平~食返夠本!

美人豆乳鍋

以香醇細滑的豆乳配上日本醬油調製成的滋潤鍋,美人鍋顧名思義就係有美肌功效,最岩女士食用

黃金酸菜鍋

酸酸辣辣好過癮放啲粉皮同金菇落去,吸晒湯底精華,超好味!

自助區還提供鰹魚湯,俾我地煲到咁上下就以自行可加湯底,非常方便。

仲有醬料區,生蒜頭、醬油、蔥、辣椒、香菜、芫荽,麻醬樣樣齊。

另外竟然有溏心蛋、咖喱飯,滷水,樣樣都好吃。多款飲品同啤酒成個櫃俾你慢慢揀。

仲有MovenPick雪糕都係任食,

共有三款,有朱古力、雲尼拿、士多啤梨味,三種經典味道都好好吃見到周圍嘅細路都食得好開心!

造訪日期: 2021年4月
感謝 foodiejacqueline
該評論乃TripAdvisor會員主觀個人意見,不代表TripAdvisor LLC公司。
2020年12月16日

好耐無去北角匯 Shopping,印象中對上一次嚟已經係大半年前嘅事。見今日放假,提議過去商場逛逛,順便在場內覓食。

無嚟一排,原來場內多咗好多新嘅商舖同食肆。兩口子一向都很鍾情打邊爐,今次就揀咗間日式火鍋放題店,餐廳主打一人一鍋,既方便又衞生。

到埗後要先喺門口選定吃邊款套餐同埋湯底,我哋揀咗個 90 分鐘嘅「美國頂級牛肉放題套餐」($178),而湯底就選了美人豆乳鍋 同 骨膠原豬骨鍋。

入座後,兩款湯底就即時送上,效率超高。美人豆乳鍋以日本豆乳及醬油調製而成,入口香醇細滑,夠曬滋潤。

骨膠原豬骨鍋應該用咗唔少豬骨熬製,湯內有明目嘅杞子,真材實料,飲落好似住家湯水一樣,完全無味精,好味又健康。

套餐可以任食幾款肉,包括有:美國直送頂級牛肩胛、丹麥皇冠豚梅肉、紐西蘭綠之草原羊肩肉。牛肉嘅質素真係唔錯,牛味好濃,肉質柔軟兼富肉汁,入口油香十足。

至於另外兩款羊肩肉同豚梅肉,食味亦不俗,羊肩肉肉質好香甜,入口完全無腥臊味;而薄切的豚肉,肉味亦非常濃郁,肉質細膩腍身,肉帶有脂肪,入口即溶。

食完幾款肉,又係時候出去自助吧檯拿點配料和菜蔬調劑一下。嘩!選擇真係好豐富,除了有較大路嘅貢丸、牛筋丸、芝士腸、蓮藕、娃娃菜等之外,仲有平日放題較少見嘅豬肚丸、台灣蛋餃、羽衣甘藍、日本京水菜、紅心蘿蔔等等。

至於飲品亦有多款選擇,有罐裝汽水、啤酒、烏龍茶、爆杯西柚等。要特別推介當中嘅樽裝冷泡茶,無糖及無添加,啖啖堅茶味,清新透心。

最驚喜係竟然有 Mövenpick 雪糕、超級大腳板 同 Oreo 雪條任吃,淨食雪糕、雪條已經值回票價!

造訪日期: 2020年12月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2020年11月20日

有人話一剎那光輝唔係永恆,我就話時間
比金錢更重要,就好似係「牛牛日式·火鍋
放題」裡面一樣,呢90分鐘眨下眼就過。
如果我有螞蟻般咁頑強既生命力,日以
繼夜ON CALL 24小時,每日不斷係資本
主義往上游,到我熄燈果日先發覺無真真
正正享受過,呢d唔係叫生活,叫生存。
既然面前有一大堆肥牛等緊你,何不夾
到埋黎就食左先?活在當下呀朋友。
-
90分鐘·晚市放題套餐 - $218/Head
▪ 大地·鰹魚湯 -
▪ 美人·豆乳鍋 -
▫ 湯底之所以咁重要,係因為佢會直接或
間接影響每一款食材既味道,呢到既設計
幾特別,以一人一鍋形式,尤其是係疫情
底下,呢種咋類隔離方式亦幾有諗頭。
今次分別試左大地鰹魚湯同埋美人·豆乳鍋,
前者較為清淡,著重帶出食材既原味道;
而後者為皮膚著想之餘,同時為食材
添加多一份豆香。
-
▪ 美國·頂級牛肉 -
▫ Staff先放上三盤肉食者最愛,分別先
黎呢個美國頂級牛肉,每條色澤光亮,
薄切均勻,半分鐘都唔洗即烚即食,
口感岩岩好;而肉味亦幾夠濃香,
入口特別腍滑,唔錯。
-
▪ 丹麥直送·皇冠豚梅肉 -
▫ 再黎就係呢款皇冠豚梅肉,脂肪比例
睇落幾靚仔,值得一讚既肉質唔會太瘦,
仲帶少少油香;烚耐左亦唔怕會太乾身,
以放題質素黎講,絕對對得住價錢!
-
▪ 紐西蘭·綠之草原羊肩肉 -
▫ 放題比較少有既羊肩肉都有得比你試埋,
羊肉就不過不失,食落帶點羊騷味;
唔會令人好抗拒,同時又食到肉香,
可以一試。
-
▪ 火鍋·配料區 -
▫ 唔會令你失望既當然仲有一系列瘋狂
任食既新鮮唐生菜、娃娃菜、油麥菜
呢D綠色力量先啦;亦唔少得貢丸、
烏冬、墨魚丸,真係令你樂而妄返呀。
不過最印象深刻係竟然有無限任食
Movenpick品牌雪糕同埋Oreo雪條,
作為甜品控既我真係開心到落尾呀!
-
牛牛日式·火鍋放題
北角渣華道123號北角匯2期1樓
110-111號舖

造訪日期: 2020年11月
    • 划算度
    • 服務
    • 食物
1  感謝 lankiman6330
該評論乃TripAdvisor會員主觀個人意見,不代表TripAdvisor LLC公司。

去過Gyu! Gyu! Shaba Shabu嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。