我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“$168 午市點心放題”
Hoi Won Teen的評論

Hoi Won Teen
香港排名第1,911 (共13,988家餐廳)
周圍地區: 九龍城區
餐廳詳細資料
周圍地區: 九龍城區
2020年7月6日 透過行動裝置

餐廳係五星級酒店(紅磡海逸君綽酒店)嘅高級中菜廳!海雲天嘅名字改得好,餐廳最大特色就係見到海、雲、天!環境非常優美高級,坐擁無敵維港靚景!

$168午市點心放題,可品嚐多款精緻點心及小食,而且任叫任食90分鐘!如果選擇星期六或日,訂座也需要等兩個月,非常旺場!

餐廳會送花膠蟹肉灌湯餃、芝士焗蟹蓋及富貴鮑魚撻,每位顧客各一份!

花膠蟹肉灌湯餃
灌湯餃大得誇張,用湯羹係無辦法原隻拿起! 餡料豐富,湯底清澈甜美!

富貴鮑魚撻
賣相精美!鮑魚鮮味軟淋,撻皮酥脆,好味道!

芝士焗蟹蓋
有少量蟹肉加上配菜,口感軟綿綿!

黑金流沙包
個人最喜歡黑金流沙包,絕對係必試!一撕開,非常流心,而且份量多,要小心爆漿! 奶黃味及咸蛋味都好突出,流沙中帶有咸蛋黃粒,好正呀!

造訪日期: 2020年7月
感謝 MoYungYauYee
該評論乃TripAdvisor會員主觀個人意見,不代表TripAdvisor LLC公司。
發表評論評論 (26)
旅客評等
旅客類型
月份
語言

5 - 9 則評論,共 26

2020年6月25日 透過行動裝置

好多粵菜廳都推出左點心放題,價錢都非常合理。對於一個鐘意飲茶嘅人嚟講,點可以唔試下呢。呢間係酒店入面嘅粵菜廳,唔單止有超靚海景之餘,待應嘅態度又超好,完全唔係平時酒樓咁款。

尊貴品嘗
每位有一件,富貴鮑魚撻嘅酥皮超酥脆,鮑魚好得意咁細細粒一隻,啱晒一啖過呀。芝士焗蟹蓋芝味都幾濃郁,有好多蝦肉係入面。花膠瑤柱灌湯餃,餃子好大粒,入面有多冬菇,湯底好清甜。花膠唔係一細塊!同餃子絕對有得揮呀!

精選點心
點心係一件件咁嗌,真係咩都可以試下。蝦餃嘅餡超級彈牙,質素比起食過嘅蝦餃高好多,係值得encore嘅。流沙包亦值得一讚,連我個唔食流沙包嘅朋友都對佢完全改觀。薑汁糕嘅薑味香濃又煙韌,正呀。鮮竹卷比較特別,係以蕃茄湯做底。

精選小食
椒鹽豆腐粒係十級好味,外脆內軟,真係好好好味,比起大排檔嘅更加滋味,完全無得頂。干煸四季豆都幾夠鑊氣!香脆南瓜餅有豆沙餡,入面軟糯,出面脆口,好滿意!

造訪日期: 2020年6月
感謝 pingcheung0117
該評論乃TripAdvisor會員主觀個人意見,不代表TripAdvisor LLC公司。
2020年6月25日 透過行動裝置

紅磡海逸酒店嘅中菜廳~海雲天,一向都好出名,近排個點心放題減價,好吸引,就訂枱同老公去食!佢係分時段嘅,每個時段1.5小時,原本想訂12點半,點知full晒,為有訂早上11點果場啦,要老公遷就我提早食lunch

有個放題嘅menu,點心同小食都可以叫,有四十幾款!

每位都包咗三款特別點心
1.花膠瑤柱灌湯餃
個湯好味,裏面包着滿滿嘅瑤柱同埋肉碎,餃皮夠薄,仲有花膠,而且厚身!❤️
.
2.芝士焗蟹蓋
材料有紅蘿蔔粒、蟹柳、芝士、洋蔥,有鮮味,芝士仲會拉撕
.
3.富貴鮑魚撻
個底係曲奇蛋撻皮,好鬆脆,好似曲奇餅咁,而且有埋原隻鮑魚,好味

我地叫咗三輪嘢食,每款點心都可以一件件order,咁就唔會浪費咗啲嘢食。

食物應該係即叫即蒸,所以要預番時間,質素都so Good,環境相當好,望住個無敵大海景飲茶,心身特別舒暢,近期二百蚊就嘆到
.
#海雲天 #蝦餃 #燒賣
#HoiWonTeen #黑金流沙包
#紅磡 #點心 #放題 #中菜

造訪日期: 2020年6月
感謝 kellycg108
該評論乃TripAdvisor會員主觀個人意見,不代表TripAdvisor LLC公司。
2020年6月25日

今日中午諗住一家人開開心心去飲茶,黎左呢間黃埔海逸君綽酒店裏邊間海雲天到食90分鐘任叫點心, 11點開始, 10點50 已經安排入座,11點tick左點心紙入單, 等左15分鐘, 眼見人地遲黎都已經有野食, 我地仲係到呆等, 咪叫伙記check 下, d 人好似冇左件事, 我地又苦等多15分鐘, 又係乜嘢食都冇, 我咪搵經理問下, 點解等左成30 分鐘都仲未有嘢食, 條PK姓范經理一句唔好意思都冇, 仲大條道理話入左單, 又話話d 點心即叫即整,我心諗得90分鐘你唔整定點搞呀,成幾百人即叫即整?! 咪係度同我講笑啦,我叫左碟菜心30分鐘都未比到我!唔喺呀化。
條PK仲大大聲聲係度兇我,仲有極度無禮貌坐喺嗰counter到同我講野,都冇其起身。
我敬興再去酒店搵過F&B manager 出黎, 點知佢又話冇番工, 搵左個duty manager 出黎, 條manager 又話會跟, bla bla bla 一堆廢話, 最好笑喺佢同我講依間海灣雲天係outsource 唔關佢地酒店事喎, 呢個manage 咁既說話都講得出, d service 真係差到一個點 。
講真啲點心食物質素好差唔值呢個價,奉勸大家小心中伏。
最後我地得左45分鐘先有嘢食, 個碟菜最後要60分鐘先到,你話死未。

造訪日期: 2020年6月
感謝 winniesiu1122
該評論乃TripAdvisor會員主觀個人意見,不代表TripAdvisor LLC公司。
2020年5月7日

由於疫情既關係,我同友人好少出街食飯 但今日適逢係友人既生日 所以黎到佢屋企附近既酒店入面嘅酒店食生日飯 事前我已經做咗資料蒐集知道呢度推緊優惠! 蟹之約會($698)套餐 買一送一優惠, 整個套餐都係以蟹做主角。啱晒我同友人呢啲鍾意食蟹嘅人

海雲三小碟 叉燒,辣絲青瓜,木耳 叉燒做出個水準來,肥瘦適中 青瓜辣辣地非常醒胃

蟹肉燕窩羹 非常足料、淡淡蟹肉 鮮甜美味 燕窩入口即化係口中!

芝士焗蟹蓋 估唔到呢個芝士加埋蟹肉一齊,仲有應該係麵粉粒既東西 max埋一齊夾到不得了!好想打包一個拎走

雞油花雕蟹肉伊麵 伊麵好難整其實,太乾太濕都唔得 呢個剛剛好,雞油同花雕既香加蟹肉 令個麵更上一層樓

紅梅雪地鮮蟹箝 黎到既時候我嚇咗一跳,蟹鉗同我手差唔多大 底下既蛋同花雕酒陪襯住,肉質爽口鮮嫩!花雕酒味濃郁又唔搶蟹肉既甜!正

星洲黑胡椒蟹 食到呢一味其實已經有啲飽,仲黎隻全蟹上 一開胡椒味突出,食起來惹味 小小辣 蟹鉗都非常細心有打碎小小俾客人食用

蟹肉灌湯餃 呢一個就同平常食開既灌湯餃差不多, 不過轉咗做蟹肉

最後蛋白杏仁茶作結束 杏仁茶要整得好又係一門學問,有啲整出嚟個茶刃奇怪,有啲會好假。呢度試到既杏仁茶係我食過最好食!

除翻開每人都係400左右,真係抵到爛! 唔知優惠做到幾時,不過如果大家有機會既真係可以試試佢

造訪日期: 2020年4月
    • 划算度
    • 服務
    • 食物
感謝 Yui_ME
該評論乃TripAdvisor會員主觀個人意見,不代表TripAdvisor LLC公司。

去過Hoi Won Teen嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單