我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“今日黎到尖沙咀行街街”

Afuri Ramen + Dumpling
訂位
Eatigo
香港排名第3,289 (共13,938家餐廳)
餐廳詳細資料
2020年6月4日 透過行動裝置

今日黎到尖沙咀行街街 知道逢星期三樓下個個超市會特價就去到買野兼食嘢
一直都想食日本拉麵 呢家疫情嘅關係想食都冇得食 唯有去呢間過江龍回味日本拉面味啦

朋友叫咗豬骨濃湯拉麵($108)
炙燒叉燒好大塊好搶眼配住隻流心蛋 中和叉燒嘅油膩感 湯頭有著非常濃郁既豬骨味 好似出面得啲麻油味味精味 面條飽滿實在 又十分吸汁 湯頭唔會過咸 好正

我就叫左個 辛露沾面 ($108)
店員有問我要冷面定暖面 我個人就簡左暖 暖既面 比較粗身 食起黎有煙韌既感覺 加上角煮豚肉唔會太肥太瘦 味道適中 再配上味荀爽口 紫菜絲既配搭 所有材料都10分合襯 味道又唔會太辣 唔食得辣嘅朋友都可以點 絕對唔會覺得辣

我哋兩個叫咗個小食 自家製餃子(6件/$48)
皮低煎到好脆 佢用上白菜同豬肉包成既 食洛多汁 肉又夠厚實 加上菜既爽脆 味道好清新 唔會膩

最後叫咗招牌柚子梳打 ($38)
唔會太甜 柚子味雖然唔係話好出 但唔好甜既人就剛剛好 梳打夠曬凍 兩者加埋生津解渴 值得一叫

總結:
-地點方便(the one 2樓)
-味道正宗合理
-份量足夠
-可以一試

造訪日期: 2020年6月
感謝 tammyfung
該評論乃TripAdvisor會員主觀個人意見,不代表TripAdvisor LLC公司。
發表評論評論 (10)
旅客評等
旅客類型
月份
語言

1 - 5 則評論,共 10

2020年5月16日 透過行動裝置

東京過江龍AFURI阿夫利拉麵
◽柚子醬油拉麵
以清爽輕盈嘅柚子味作賣點 有淡淡嘅柚子味 湯底可以但坦白講我又唔覺有清新感麵質ok無偏淋 朋友影咗勁耐相都無事
◾豬骨濃湯擔擔麵
相對下我會鐘意呢個多啲 湯底好味啲 而且麵條係我鐘意嘅粗身太麵❤️雖然成件事已經變咗唔係食拉麵咁
◽炸軟殼蟹包
好似台灣刈包 有3個款揀 我同朋友都係對軟殼蟹有興趣呢蟹夠脆 加咗蛋黃醬同泡菜好好味
◾AFURI whisky highball (cocktail)
◽Nikka taketsuru pure malt (cocktail)

造訪日期: 2020年4月
感謝 agnesbtsui
該評論乃TripAdvisor會員主觀個人意見,不代表TripAdvisor LLC公司。
2020年5月8日

肺炎疫情好轉,加上工作上大致上已回復正軌,見今日 Happy Friday,下班後一於相約老公外出用膳,作為忙碌一星期後的慰勞。

今晚唔想食飯,醒起食友們曾提及的柚子湯底拉麵,蠻想一試。於是,向尖沙咀 THE ONE 的「AFURI」進發。

據知「阿夫利」拉麵店是日本人氣過江龍,自 2001 年在神奈川縣開設首間店舖後,便迅速擴張,除了在日本已有十多間分店外,在美國、新加坡、葡萄牙亦設有海外分店,發展相當驚人,而去年 1 月更正式進駐尖沙咀,成為香港首間分店。

原來店舖是由潮流品牌 IT 引入,喺 i.t orange forest 概念店入面,地方非常寬敞,約有 50 個座位,環境光猛,而且設計簡約時尚,以不銹鋼色系為主,設有半開放式廚房和酒吧位,客人可透過玻璃看到拉麵製作過程。拉麵師傅身穿黑衣褲,頭戴氈帽,很有型。

客人可以先入座,睇完餐牌後才外出購票。食物選擇都幾豐富,除了幾款主打的柚子拉麵外,Menu 上還有沾麵、擔擔麵、丼飯、炸雞、手工餃子和角煮豚肉包等,可配埋飲料一同品嘗。

柚子拉麵是店舖嘅招牌作,當然不可以錯過,我哋揀咗柚子鹽味拉麵、柚子甘露沾麵、一客小食同兩杯飲品。

先來的柚子鹽味拉麵 ($98) 以慢火熬製的特濃雞湯做湯底,再混入柚子汁,湯頭味道挺突出,入口啖啖柚子香味,清香怡人。麵條選用了自家製的麥麵,食落彈牙、煙韌有嚼勁。配料有半隻半熟蛋、西班牙栗飼豚叉燒、紫菜和味筍等。

半熟蛋蛋黃呈流心狀態,蠻粘稠的,蛋味濃烈。炙燒叉燒烤得火候剛好,吃起來甘香鬆化,嫩滑非常,完全沒有嚡和韌的感覺。

接著送上的柚子甘露沾麵 ($108) 亦很有驚喜,太麵可選冷或是溫的,沾汁和麵條分開裝載。先將麵條浸入沾醬,柚子醬汁質感很不錯,內有芝麻、蔥花和辣椒等配料,但味道不會太濃厚,加上麵條易掛汁,入口清香酸甜。餸料角煮豚肉水準亦不俗,肉質軟腍,肥而不膩。

小食選了唐揚炸雞 ($68),雞件即點即炸,外層炸粉很薄,咬下酥香鬆脆,且不油膩,內裡肉質鮮嫩惹味,肉汁盈盈,毋須蘸點任何醬汁吃,已經很好味。

飲品選了薑汁梳打 ($38) 同柚子梳打 ($38),薑汁梳打有濃厚嘅薑味,甜度適中;柚子梳打口感亦不俗,未入口已經聞到陣陣柚子味,嗒落齒頰留香,清新開胃,相當醒神。

整體嚟講,今次嘅用餐體驗非常滿意,下次再來會試下擔擔麵同丼飯。

造訪日期: 2020年5月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2020年3月31日

阿夫利拉麵以祕製木魚雞湯底配柚子汁炮製,原來可以產奇妙的化學作用,唔知道同果酸酵素有冇關係,令到湯頭口味異常清爽新穎,點滴柚子酸香沒有蓋過清雞湯,飲落一點也不覺酸,反而只有香,把湯味提升至另一層次,湯頭激活味蕾,盡在不言中,與傳統濃郁豬骨湯的做法南轅北轍!

柚子湯鹽味相比醬油更加清新,回甘透出獨特的香氣,適宜細味品嘗,也許習慣重口味的人士會認為淡,對我來說,恰到好處,絕對是水準之作,至今依然懷念,短期必定重溫。

甘露沾麵的湯頭更富柚子香,再添水辣味的層次,同樣出色。

炸軟殼包睇得味好,同樣必要試。

造訪日期: 2020年3月
    • 划算度
    • 服務
    • 食物
感謝 gourmet_ivy
該評論乃TripAdvisor會員主觀個人意見,不代表TripAdvisor LLC公司。
2020年3月25日

從未試過一所拉麵店能令我短期內再三重溫!而阿夫利拉麵真係The one果然冇開錯地方!

店內除供應拉麵、沾麵、小食、丼飯外,還有酒類飲品在香港拉麵店來說都算夠創新。

店家以自助購票機選單,除電子付款外亦可給現金十分簡單方便!

跟文青美女各自選上心水麵食,加一款小吃和兩杯飲品已好豐富。

我兩不約而同選上柚子青檸梳打$38/杯,味道酸香喝下口感清爽最重要梳打好夠氣爽啊!

小食選了酥香的唐揚炸雞$68,炸雞外皮乾爽不油膩,內裡充斥滿滿的肉汁頗有驚喜呢!

車媽媽推介首次品嚐的文青美女選柚子鹽味拉麵$98,皆因這是我吃過最清新的拉麵啊~

而我今次選上柚子甘露沾麵$108,特別之處是可選冷或溫太麵底,在炎炎夏日真的爽到不行,內裡有半顆溏心蛋、水菜、筍乾絲及紫菜絲好豐富呢!

柚子沾汁絕非坊間一般濃厚的質感,味道清香酸甜層次挺豐富,加上麵條掛汁能力不俗我也十分喜歡呢!

溏心蛋的熟度很完美,另外叉燒肉煮得很柔軟肉味亦香濃,我覺得在炎夏享用會更加吸引!

造訪日期: 2020年2月
    • 划算度
    • 服務
    • 食物
1  感謝 maggiemV9544SJ
該評論乃TripAdvisor會員主觀個人意見,不代表TripAdvisor LLC公司。

去過Afuri Ramen + Dumpling嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單