我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“夏天之選”
Hocha Elite的評論

Hocha Elite
香港排名第1 (共269家麵包糕點)
價位: US$3 - US$10
周圍地區: 旺角
餐廳詳細資料
周圍地區: 旺角
4 週前評論

夏天就會想食凍野
行完街
記得呢間店有茶味雪糕
就黎碰下運氣
順便買左茶飲同cake返屋企開心share
.
1) 青蘋果青檸茶
呢個配搭 夠晒清新
酸度同甜度都岩岩好
無特別揀走冰 夠晒冰涼
好岩夏天飲
.
2) 士多啤梨Mojito
似喺餐廳飲既味道
有少少氣泡既mojito 飲起黎更加爽快
.
3) 紅唇荔枝mousse
被造型吸引
中間有啲蛋糕
mousse唔算好多 唔會好似食空氣咁
荔枝味唔錯
連埋個餅底更加好食
.
4) 焙茶雪糕
可以揀要筒或者用杯
焙茶味濃厚 唔假
其實仲想試伯爵茶味 可惜堂食食唔到咁多點

造訪日期: 2020年7月
感謝 Cindy C
該評論乃TripAdvisor會員主觀個人意見,不代表TripAdvisor LLC公司。
發表評論評論 (71)
旅客評等
旅客類型
月份
語言

3 - 7 則評論,共 71

4 週前評論

最近太多心煩事情, 便約好友下班後去看電影減減壓。到了旺角新世紀廣場, 朋友推介先到1樓喝杯熱茶養生, 他帶我來到這間”好茶養生”, 第一時間看到坐位設計很舒服很relax 的樣子。

我點了一杯”皇牌氣血茶”, 朋友點了”桂花雪梨茶”及野莓忌廉朱古力泡芙。

先說”皇牌氣血茶”, 茶香四溢, 看著杯內的花打開, 很治癒, 而且女士們真的需要養生, 養好氣血, 這杯茶味不算很濃, 絕對易入口, 帶點甜味, 很多材料。我還買了五包”氣血茶”回家, 間中可以留在家中嘆茶養生。

”桂花雪梨茶”, 朋友讓我喝了幾口, 先聞到很香的桂花香味, 本身我很愛桂花香, 喝下去, 覺得雪梨味濃, 帶點點桂花味卻不重, 最後更覺滋潤了喉嚨。不錯啊!

野莓忌廉朱古力泡芙: 朋友說味道不錯, 中間的朱古力忌廉很滑。

另外, 我再點了伯爵茶雪糕, 茶味香, 不過雪糕不算滑。

最後, 我還買了總共10包茶包($120), 可以帶回家隨時嘆茶。

造訪日期: 2020年7月
    • 划算度
    • 服務
    • 食物
感謝 poyyngbb
該評論乃TripAdvisor會員主觀個人意見,不代表TripAdvisor LLC公司。
2020年7月1日 透過行動裝置

同朋友行咗陣街已經好攰,難得有個地方坐下,決定喺度休息下,食個下午茶。

當年結婚嘅時候就有諗過用好茶養生嘅茶包做回禮,估唔到一眨眼過去,短短幾年間佢已經有自己嘅門市賣茶飲同雪糕甜品。

飲品方面主打養生茶飲,選擇唔算多,另外亦有少量甜品同意式雪糕。

蛋糕雖然選擇唔多,但勝在係獨立包裝,感覺乾淨衛生。

自選杯裝飲品配花茶蛋糕有優惠價,我哋各自揀咗一杯飲品同一份甜品。
既然品牌主打養生茶飲,當然唔可以放過佢嘅皇牌產品,餐牌上面嘅幾款中式養生茶都好適合女士,問完店員關於養生茶嘅成份之後,我揀咗佢嘅氣血茶。

一打開蓋頓時令人少女心爆發,一朵朵嘅乾花浮現喺水面,鮮艷奪目,有桂圓、棗片、千日紅、康仙花、金盞菊、金邊玫瑰同黑枸杞,超級足料,有補血補氣同暖宮驅寒嘅功效,而且味道清甜,容易入口。

朋友揀咗水果茶,凍飲俾我嘅熱飲大杯少少,果味香濃,甜度適中,鮮果份量亦唔少。

甜品方面我揀咗紅莓慕絲,蜜桃色嘅外表非常可愛。

蛋糕嘅紅莓味非常突出,中間仲有香濃嘅果凍夾心,酸酸甜甜,非常清新。
朋友對蛋糕冇乜興趣,所以揀咗伯爵茶雪糕,我淺嚐一啖,有意外嘅驚喜,雪糕質感幼滑,伯爵茶味道非常香濃,加上甜度唔高,好感度爆燈!
有時出街總係想買番杯手搖飲品解下渴,比起加入大量人工成份嘅高糖飲品,養生茶飲的確係一個更好嘅選擇,味道同樣好而且健康有益,心理負擔亦冇咁大,何樂而不為?

造訪日期: 2020年7月
感謝 msfoodo
該評論乃TripAdvisor會員主觀個人意見,不代表TripAdvisor LLC公司。
2020年6月29日

年紀大左,新陳代謝真係慢左好多有陣時真係唔到你唔認,要開始養生 出親街都想飲杯珍珠奶茶既我,經過MOKO新世紀呢間好茶養生,竟然就吸引左入去

滿滿既花茶,揀左勁耐,靚靚嘅包裝,好似款款都好吸引咁可以買番去自己沖黎飲

先來兩杯雪糕,啡色嘅係伯爵茶口味,茶味香濃,越食越想食。綠色嘅係焙茶味,茶味甘甜,個味道有少少似鐵觀音喎

深色啲嗰杯係皇牌氣血茶,有桂圓紅棗呢啲傳統對女仔身體好既野,有調經止痛既功效另一杯桂花雪梨茶,有清熱潤肺既功效,對住依家肺炎疫情,心理上都感覺健康啲。重點係,佢有得好似台式奶茶咁,有得無糖/少甜,健康由你揀

造訪日期: 2020年5月
    • 划算度
    • 服務
    • 食物
感謝 jklove0204
該評論乃TripAdvisor會員主觀個人意見,不代表TripAdvisor LLC公司。
2020年6月24日 透過行動裝置

作為一個 唔太孝順嘅女 平時激嬲媽咪多 所以同媽咪去MoKo行街 就去「好茶養生」食甜品做下午茶 鋪頭入面都有賣好多 健康產品 水果乾包 見到鋪頭咁大咁靚 嘢飲 食物都係 無添加 無色素 媽咪肯係十分之滿意

士多啤梨MOJITO $38
店員將原片嘅士多啤梨 加入梳打水 夠曬健康清爽 而且甜度適中 啱曬少女心嘅你地

水果茶 $38
入面有青蘋果 橙 同埋 店內獨有嘅 火龍果 菠蘿乾 配上 清澈嘅茶底 甜甜酸酸夠解暑 水果乾吸收曬茶之後 好好食 搞到我都買左幾包返屋企沖

伯爵茶意大利雪糕 $32
雪糕夠滑夠Creamy 伯爵茶味夠突出 雪糕筒夠脆 十分滿分嘅雪糕

野莓忌廉朱古力泡芙 $42
泡芙太得意 雪到冰冰涼涼 外層軟身 入面塞滿曬朱古力餡料 朱古力味道濃郁 偏甜 配茶啱啱好

造訪日期: 2020年6月
感謝 mokkkmok
該評論乃TripAdvisor會員主觀個人意見,不代表TripAdvisor LLC公司。

去過Hocha Elite嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單