我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“✤♡ 精美川菜 • 酸酸辣辣刺激著味蕾 ♡✤”
Ricky's Kitchen的評論

Ricky's Kitchen
香港排名第1,620 (共15,458家餐廳)
周圍地區: 尖沙咀
餐廳詳細資料
周圍地區: 尖沙咀
2021年5月29日 透過行動裝置

嗜辣一族一定要來試試看‼️餐廳的環境很舒適,海景位置更可看到整個維多利亞港,好寫意‼️ 菜式的辣度分為無辣、微辣、中辣和大辣️ 適合不同口味的朋友‼️
▫️
和朋友2人試了❥$ 辣辣招牌二人套餐(會員價$),有前菜、主菜和甜品 很豐富‼️ 額外再試了一杯❥$檸檬薏米沙冰,透心涼好爽‼️
▫️
❥酸辣紅海哲花 半透明的海哲花口感爽脆,酸酸辣辣的很適合作前菜‼️
▫️
❥招牌口水雞 雞肉爽嫩,麻辣味十足的紅油辣得過癮 配上花生碎、芝麻、葱花,口感更加豐富‼️
▫️
❥祥仔酸辣魚 首先它的魚肉真的很滑很滑 熱乎乎的酸菜魚雖然是選了微辣,不過有種令人愈吃愈辣的感覺,酸酸辣辣叫人欲罷不能‼️️️ 配料有蓮藕、菇、豆芽,吸收了湯底和香料的精華,很開胃‼️
▫️
❥宮保蝦仁 蝦仁炒得很嫩滑,酸甜的味道很討人喜歡‼️
▫️
❥自家酸菜炒肉末配薄餅 肉末炒得香噴噴,薄餅餅皮煙韌,包好肉末後放進口中慢慢咀嚼,很好吃‼️
▫️
❥干鍋福建椰菜花 福建椰菜花口感爽脆,而且炒得香氣撲鼻 突然很想來一碗白米飯來作下飯菜
▫️
❥酒釀桂花湯圓 可以聞到清香的桂花香味,而且有酒味但味道不會太濃烈‼️吃完甜甜的芝麻湯圓,很滿足‼️

造訪日期: 2021年5月
感謝 msfoodloverr
該評論乃TripAdvisor會員主觀個人意見,不代表TripAdvisor LLC公司。
發表評論評論 (24)
旅客評等
旅客類型
月份
語言

4 - 8 則評論,共 24

2021年1月28日 透過行動裝置

有睇過ViuTV嘅烹飪或飲食節目都唔會對名廚張錦祥陌生,呢間餐廳就係由呢位名廚主理最近餐廳推出咗港人至愛嘅出前一丁期間限定菜式,仲有一系列與出前一丁聯乘嘅粉絲專屬活動,自小鍾情出前一丁嘅我就梗係不可錯過啦

祥仔豬扒脆煎一丁($108)
出前一丁不外乎放湯或炒兩種煮法,但煎一丁真係第一次食一丁煎得勁香脆,除咗有沙律菜外,底部仲有勁濃郁嘅蕃茄汁,味道酸酸地之餘又香口惹味,有啲似中菜菜式「兩面黃」,呢個煮法令我對出前一丁有新嘅認識而厚切豬扒經過慢煮後再沾上日本麵包糠即叫即炸,食落啖啖肉,口感外脆內軟,真係好出色推薦

經典芝士煙肉長通粉伴溫泉蛋($128)
長通粉煙靭有咬口,可能混入咗芝士忌廉汁,所以味道與carbonara相似另加入煙肉及溫泉蛋,食落有咸香味之餘仲更加creamy最鍾意芝士脆片芝味濃又夠香脆,令味道及口感更豐富不錯

海龍皇湯(跟餐+$48)
呢個係「兩日兩夜羅宋湯」嘅升級版,羅宋湯經過兩日時間烹調,再以膠袋封好,所以味道真係勁!濃!郁!而升級版係加入埋足料海鮮如帶子及鮮魷等,所以多咗一份鮮味值得一提嘅係帶子特別鮮嫩,食落仲呈半熟口感,味道真係唔錯,不愧為招牌菜

麥精十勝紅豆冰(跟餐+$25)
紅豆冰不但以麥精代替淡奶或牛奶,仲將麥精打成沙冰,飲落唔會好甜,但麥精味重紅豆煮至腍身並起沙,加埋自家製紅豆雪糕,真係紅豆味十足,呢杯紅豆冰確係幾特別,必試之選

熱檸蜜(跟餐+$0)
味道無乜特別,唔會好甜,屬茶餐廳正常水準,但唯獨唔夠熱

酥皮蘋果撻($58)
蘋果撻本身賣相唔錯,仲要新鮮焗起就更加吸引,酥皮食落勁酥脆,酸甜嘅蘋果粒配埋custard一齊食,真係滋味十足,好食到要同朋友爭食

餐廳有名廚主理確係唔同啲菜式不但新穎多變,而且仲加入咗fusion元素,令食客更有驚喜❤️大推

造訪日期: 2021年1月
感謝 dyiongw
該評論乃TripAdvisor會員主觀個人意見,不代表TripAdvisor LLC公司。
2021年1月28日

相信大家經過k11都可能見過「祥仔」,佢係一間高級版嘅港式西餐,會以唔同嘅烹調方法重新演繹茶餐廳嘅食物。至於「祥仔」,就係指‍Ricky師傅,大家可能係viu/三色台見過佢。

祥仔脆脆豬扒飯 $128
呢個係祥仔嘅招牌菜。平時係茶餐廳食開焗豬,今次嘅豬扒飯就將豬扒同以新鮮蕃茄製蕃茄汁飯分開上。炸豬扒好正,以日本新鮮麵包糠作炸粉,整得好薄,脆卜卜。豬扒肉質就幾鬆化又厚身,唔會硬身,啱晒唔鍾意咬嘅我,炸完仲保留到肉汁。

芝士煙肉一丁伴溫泉蛋 $98
呢個係新產品,同出前一丁合作,搞搞新意思。佢並非一般嘅炒一丁,而係一個模仿Carbonara嘅一丁。出前一丁口感依然彈牙,加上大量芝士忌廉,感覺幾creamy,唔使用意粉都好有意式風情。一丁上面仲加上三片靚靚芝士片,好香口。

升級·海龍王兩日兩夜羅宋湯 $78
呢款「紅湯」造型以膠袋裝住,,我覺得幾特別,幾似shake shake海鮮袋。羅宋湯味濃郁,入面除咗有基本嘅雜菜,仲有唔少海鮮,例如有魷魚圈、帶子、魚肉同蝦仁,同羅宋湯味道相配,提升咗層次。

麥精紅豆冰 +$25 (跟餐)
紅豆冰絕對係茶餐嘅經典,餐廳以麥精代替鮮奶,更將麥精打成沙冰,特別又感覺無咁膩。而且,紅豆冰上有一球紅豆雪糕球,雪糕球好足料,有唔少紅豆蓉。加上底下大大粒嘅十勝紅豆,連唔太鍾意食紅豆嘅我都食晒。

西多士 $58
西多士就唔係一般話撈煉奶或者糖漿個款,佢定為係一個甜品菜式。餐廳為西多士加上雪糕球,感覺有啲似窩夫甜品。雪糕球係朱古力同雲尼拿味,但絕對唔係一般嘅雀巢雪糕,朱古力雪糕味道幾濃郁。西多士新鮮炸起,口感就同平時嘅差唔多,但加上雪糕球就有一種冷熱嘅感覺。

小總結,「祥仔」作為一間名人店,再加上餐廳位置K11,價錢係比一般茶餐廳貴。不過,見到餐廳有特意再設計或者加插唔同嘅新元素係茶餐食物,味道又唔錯,值得一試。

造訪日期: 2021年1月
    • 划算度
    • 服務
    • 食物
3  感謝 jas4food
該評論乃TripAdvisor會員主觀個人意見,不代表TripAdvisor LLC公司。
2020年6月5日 透過行動裝置

好少茶餐廳會開係商場,今日經過K11見呢間茶餐廳門面幾靚,仲好特別有個兩日兩夜羅宋湯,就同老公入去試下!
兩日兩夜羅宋湯
跟餐+28有兩日兩夜羅宋湯同野飲,都幾抵,落左order之後羅宋湯即刻送到,非常足料,酸酸咸咸好開胃,蔬菜係湯入面浸到入哂味,非常可口既一個湯品!
祥仔脆脆豬扒飯
有”祥仔”呢兩個字一睇就知係招牌菜,上openrice都見好多人點呢個,豬扒同飯係分開上,非常細心,可以令豬扒保持鬆脆,唔會被汁整林。豬扒厚身,食落外脆內juicy,d肉汁爆哂出黎~非常推薦!而飯既汁係蕃茄汁,同上左彩虹車厘茄,甜度足,仲有d蘑菇增加香氣同口感,蕃茄汁多到成個十都係,鍾意用汁送飯既朋友一定鍾意!
鐵板爵肉牛柳
鐵板上檯店員會幫你淋上醬汁,鐵板即時咋咋聲,非常治癒! 牛柳一食落口估唔到咁淋,易入口又易咬,牛柳係薄身,但份量都足夠,唔會只有兩三片。配菜既栗米都非常之讚!好似bbq既感覺,又香又甜又爆汁~正!
呢度既服務都好好,上菜速度超快,落完單好快就上齊菜,趕時間既朋友黎食就岩哂。

造訪日期: 2020年6月
感謝 catcatbobo
該評論乃TripAdvisor會員主觀個人意見,不代表TripAdvisor LLC公司。
2020年6月5日 透過行動裝置

星期四不樣的晚上,要好好地享受一下寧靜的港式西餐。
來刑尖沙咀K11 [祥仔]

指定動作, 先量體溫,方可進入餐廳。
餐廳裝潢十分 MODERN,用上不同的白燈和折射技巧,令餐廳相當光猛。

今次吸引我來晚飯的原因是一位私欣賞的張大廚,多年前他在柴灣經營的法國菜令我念念不忘。
[祥仔] 以親民價讓庶民們可以吃其獨特廚藝,他將專貴的法國菜融入本土食材,令我孚期待。

餐牌印刷得和高級餐廳無異,可惜選擇真心小, 基本上都無須一星期已經可以試盡餐牌上的晚餐。
反而下午餐選擇比晚餐更多, 晚餐主要有碟頭飯牯扒餐, 但現埸所見, 九成人都是食碟頭飯。
飯要升級套餐只加 $28 ,就有齊 [兩日兩夜羅宋湯] 和飲品。


[兩日兩夜羅宋湯] 上枱時熱辣辣,湯色澤比一般羅宋湯更深色, 蔬菜超多,
重點是加入了香茅,令羅宋湯更富層次,味道香濃不油膩,茄膏的酸;加蔬菜的甜、絕對令人有增進食慾之效用。

祥仔脆脆豬扒飯 $118
豬扒用上厚切黑豚肉,炸成吉列豬扒。 厚度比一般的豬扒厚一倍,不用太用力已可以切下,看到白色豬扒上的紋理夾住小許脂肪層, 口感彈形有嚼勁, 微微肉汁滲出, 肉味更濃。
唯一要改善的地方是炸豬扒非昂點即炸的, 上枱時連餘溫也欠奉。
這碟飯令我十分期待, 因為我很喜歡以茄汁撈飯。
材料全蔬菜有車厘茄、蘑菇、洋蔥粒等蔬菜煮成茄醬,茄醬酸甜有致,亦不會杰撻撻,令我秒快速將整碟飯送入胃裡 。

另一選擇是高級版的栗米肉粒飯 [黑豚肉粒飯。鮮粟米汁] $108
黑豚肉切成超大粒,同樣無須要過份調味,就吃固那最原本的肉香;雖然切到咁厚, 但口感仍然非常鬆化;鮮粟米汁是自家製, 帶小許忌廉香味, 並非玻璃獻。

小食 [芝士焗蟹蓋] $78 反而最有驚喜,即點即焗。 擺碟十分吸睛,以不同顏色水果墊碟,
很有功架。 材料簡單將芝士、蘑菇和蟹肉撈好再放入蟹蓋內,以麵包糠放面焗香,麵包糠令口感收更香脆, 層次豐富,鮮味突出, 個人推介。

造訪日期: 2020年6月
感謝 Fiona L
該評論乃TripAdvisor會員主觀個人意見,不代表TripAdvisor LLC公司。

去過Ricky's Kitchen嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。