自從限晚市令後，平日放工只能到附近買外賣‍♀️
想要出九龍/港島覓食，就只能留到星期六日
所以每次一放假，就會放肆瘋狂地「出城」
今次就到中環，食邪惡之堡「Burger Joys」‍♀️
.
Single Burger $99
「Burger Joys」招牌之一 - 牛肉漢堡
選用100%安格斯牛肉再以每日人手打成
牛肉自然鬆軟實在，牛味濃郁，肉汁豐盈
配上清爽生菜，蕃茄，洋蔥和酸瓜
多重層次感，一食難忘
而自家製的漢堡，鬆化、空氣感足
香烤過的脆邊，入口香脆
漢堡以半開放式的直立紙盒承載
食用時方便呢
.
Mushroom burger $89
食過不少蘑菇漢堡，大多都是原隻蘑菇而上
而這個雜菌蘑菇芝士漢堡
將雜菌打碎在搓成肉餅狀
在香煎至表面香脆
好像在食薯餅一樣，外脆內軟
再加上生菜，蕃茄，洋蔥和半溶芝士的配合
邪惡至極
.
Combo $41
加多$41便可升級成套餐
可揀汽水或1/2啤酒+薯條
若想轉成黑松露薯條，便要再額外加$21
比單點便宜了$38呢
幼身薯條，外脆內薯再加入黑松露
條條都沾滿黑松露獨特的香氣

呢間「Burger Joys」我想食好耐啦！個個食完都讚好！我今次就睇下佢係唔係咁堅！
.
我地分別叫咗芝士牛肉漢堡、芝士薯條同埋蒜香雞翼！等左大約5-7分鐘到，所有嘢食就一次過送嚟，見到佢個Burger，又大又厚，未食已經勁吸引！
.
招牌菜芝士牛肉漢堡果然名不虛傳！配料雖然都只係好基本嘅材料，生菜、蕃茄、洋蔥、芝士、酸瓜同牛肉漢堡，但真係好好食！牛肉味濃郁之餘，仲充滿肉汁！再配埋半溶嘅芝士，真係極到邪惡！同埋我最鍾意佢麵包有烘過，食落鬆軟得嚟又帶點脆口，超正！
.
芝士薯條又係好邪惡！加咗大量既半溶車打芝士，聞到勁香嘅芝士味，未食已經流晒口水！薯條即叫即炸，夠晒熱辣辣，食落好香脆！
.
最最最驚喜嘅係雞翼！呢個蒜香雞翼，真係超正，勁多炸蒜粒，啱晒我呢啲蒜怪！最估唔到竟然係配泰式辣醬，仲惹味！真係整多一打都仲得！
.
Burger Joys 
中環士丹利街82號地舖

特色雙層芝士漢堡
8分瘦2分肥既美國牛肩胛肉做成既牛肉餅充滿JUICY肉汁，特濃半溶芝士香味濃郁，麵包軟肉饀量足生菜爽脆。

洋蔥圈
個人覺得煙煙靱靱好過配薯條

蒜香雞翼
除了蒜蓉香味，仲有辣辣的醬汁，令味道層次提升。

橙汁
聽聞這兒的奶昔不錯，可惜今日奶昔沽清，唯有飲橙汁。

係香港想食漢堡飽好方便，梗有一間漢堡飽店係你附近。以前覺得做漢堡飽好簡單，兩塊麵飽中間夾塊肉就搞掂，但當食過不同漢堡飽後，才發覺做漢堡飽都好有學問。做漢堡飽餡料嘅靈魂主角如牛肉、雞肉、魚柳材料要講究外、用嘅配料芝士、洋蔥、生菜、蕃茄也不能馬虎，漢堡飽的麵飽亦不能求求其其，才能做出好味的漢堡飽。食過大大小小的漢堡飽店，始終覺得Burger Joys最合口味。每次在Burger Joys品嚐新鮮炮製的漢堡飽和小食，都很滿足。Burger Joys能排在香港十大漢堡飽專門店前列，真是當之無愧。我通常光顧Burger Joys灣仔店，中環店就是首次到訪。中環店比灣仔店大，佈置相近，都是酒吧格局，高枱高櫈，單邊一排大窗打開，面向大街，感覺很開揚。

店中除有不同款式漢堡飽外，還有其它小食和飲品選擇。芝士牛肉漢堡是小弟必吃之選，轉套餐有薯條和罐裝汽水。牛肉漢堡烤得很香口，肉汁充沛，佈滿半溶芝士，麵飽香軟，配料洋蔥、蕃茄和生菜都夠新鮮，水準之作。

幼身薯條，即叫即炸，又熱又鬆脆，好正。

至於魚柳漢堡也不失禮，魚柳炸得很香脆，滿滿魚香。香脆魚柳夾在熱烘烘麵飽中間，加上芝士，新鮮生菜、洋蔥和蕃茄，超好味。

今個週末想放肆一下，嚟到中環，就試吓傳說中香港最好食嘅漢堡包（burger joys )

餐廳環境空間感唔係好大，但勝在幾有格調，大家可以試吓去窗口位打卡架！

首先推介佢嘅雙層芝士牛肉漢堡，塊漢堡選用USDA安格斯牛肉製作，好有牛味之餘仲好Juicy，芝士半溶化狀態，食起上嚟更有口感！另外想讚一讚個包皮，平時嘴刁嘅我如果太飽係唔會食架，但呢一個烘得非常香口而且鬆軟，滿口牛油香！

我哋升級左黑松露薯條，薯條係幼身，新鮮炸起的。一路食唔停口！黑松露味道好濃，再配上餐廳附送嘅芝士醬，食落雖然邪惡，但係超有幸福感。

本身好想試吓大家推介嘅奶昔，不過去到已經冇貨，唯有配上一罐可口可樂gur下佢。

另外仲叫咗一個水牛城雞翼，味道偏酸，不過微辣都幾惹味！

誠意推介大家經過可以試一試～