幾鍾意K11 Musea的餐廳， 平時一有時間就會過嚟。 今日中午到海陽。居酒屋食lunch， 剛開業的時候已經食過。店內充滿現代和式風， 餐牌的午市套餐很吸引 ～ 海陽六品御膳 $288 ： 前菜及時令沙律、 味噌湯、 迷你粒粒魚生壽司卷、 精選刺身拼$48、 美國頂級安格斯牛肉＋豚肉壽喜燒$38、 燒日本A4和牛焗芝士初生蛋$68、 稻庭烏冬、 沖繩胡麻蟹肉冷麵和精選甜品。

前菜及時令沙律、 味噌湯 ～ 前菜的八爪魚粒口感清爽， 時令沙律很新鮮， 味噌湯的湯汁濃郁，口感順滑。

迷你粒粒魚生壽司卷 ～ 賣相精緻，滿滿的魚籽，超鮮美的汁液在口腔里爆開，非常美味。

精選刺身拼 ～ 加$48，刺身爽口鮮甜， 值得一試。

美國頂級安格斯牛肉＋豚肉壽喜燒 ～ 頂級安格斯牛肉的牛香味濃，口感滑嫩，蘸上蛋汁食更滋味。 豚肉的油脂分佈平均，肉嫩鮮甜。 配菜有豆腐、 粉絲、冬菇、紅蘿蔔、大蔥、金菇和白菜等等，非常豐富。 壽喜燒湯底味道濃郁， 甜甜的幾啱我口味。

燒日本A4和牛焗芝士初生蛋 ～ 鐵板上的A4和牛， 熱辣辣鎖住肉汁， 配上雞蛋和菇類，提昇肉香， 入口香濃嫩滑， 非常惹味。

稻庭烏冬 ～ 湯低清甜解膩，烏冬順口軟彈。

沖繩胡麻蟹肉冷麵 ～ 首先撈一撈，讓每一條麵條都沾上胡麻醬汁， 配上鮮甜的蟹肉，清新美味。

精選甜品 ～ 哈密瓜的果肉非常多汁，甜味出眾。 日本菓子樣貌精美， 煙煙靭靭幾好味。

推介海洋六品御膳， 價錢相宜，有六道精緻美味的菜式， 非常豐富，性價比很高。

海陽。居酒屋
地址: 尖沙咀梳士巴利道18號Victoria Dockside K11 Musea 1樓103-103A號舖

因為有姊妹在此餐廳內工作，所以我今天便特意前往探望順道品嚐一下新口味。餐廳是一所西式的日菜居酒屋，其裝潢以深木系作為主調，再配搭上昏暗燈光、大量日式清酒、日風掛畫等，令整體是盡顯日本風味。

明太子玉子燒
玉子燒製作得鬆軟綿密，蛋香濃郁，再配搭上經過加工醃製的鱈魚子，味道增添鹹香辛口。

三文魚籽小盛盒
使用小木盒盛載並配上花、葉點綴的三文魚籽賣相充滿著儀式感。食用時黏稠鮮味，鹹甜交織。

吞拿魚赤身壽司
吞拿魚中拖羅壽司
吞拿魚大拖羅壽司
壽司每款各有兩件。製作了醬油漬的赤身壽司口感結實彈牙，鮮味嫩口。而中拖羅壽司油脂甘香，魚味持久。最後表面割開粒狀的是大拖羅壽司，目的是將其筋部切斷以方便咀嚼，入口肥美即化，魚香濃郁。

燒牛舌
厚薄適中的牛舌燒至表面帶有油份，並再灑上胡椒粒調味，口感鮮脆多汁，焦醇甘香，牛味豐富。

燒白鱔
燒白鱔入口厚肉脆香，鮮甜細嫩，並且外層有股醬油氣味，再擠上少量檸檬汁同食則更是清新不膩。

燒北海道帆立貝
北海道帆立貝燒至表面色澤金黃，再灑上白芝麻、蔥花點綴，食用時既保留了原有鮮味，亦是厚實爽甜，甘香彈牙。

炸軟骨魚蛋串
師傅把軟骨放進雞蛋中作為配搭內餡並將其炸製，是頗為特別的串燒款式，入口爽脆彈牙，蛋香馥郁。

總結而言，店舖環境氣氛舒適寧靜，而裝潢設計亦甚有格調。菜餚方面新鮮高質，製作用心專業，是所可以放鬆身心的居酒屋餐廳。

放假去開musea食午餐，見宜間既午餐menu 都幾多選擇，就係度叫左2個set

精選刺身套餐

刺身有帶子，三文魚，油甘魚，真調，池魚，甜蝦

仲有湯，沙律菜，前菜，白飯同蒸蛋

和風套餐

刺身有三文魚，油甘魚，甜蝦

除左小菜同湯，另外有一碟天婦羅，有大蝦，魚，茄子，椒

仲有碗燒A5和牛迷你飯，都有4塊牛肉，超稔感覺上性價比高d
。
。
海陽。居酒屋
尖沙咀梳士巴利道18號Victoria Dockside K11 Musea 1樓103-103A號舖
。
。

海陽.和風套餐
有前菜、刺身、壽司、雜錦天婦羅、串燒、丼飯、甜品。

前菜
最喜歡係個茶碗蒸，超滑(SHU一下就吞落肚)，同時有很多配料係入面：冬菇、豬肉、蝦，清清淡淡屬不錯的前菜。

刺身：金槍魚、油甘魚、甜蝦。
凍冰冰得黎食得出好出鮮，魚味好香無咩腥味，油甘魚既油份食落口已經浸哂出黎，而且兩款都無魚筋位。

壽司：碎蔥吞拿魚腩、原條海鰻、海膽。
全部即叫即整，紫菜仲好脆，碎蔥吞拿魚腩幾乎滿瀉，魚蓉十分綿滑，蔥花充足。原條海鰻更加係誇張之作，足足有一個木盤咁長，蒲燒汁甜甜地加上燒過既微焦，配埋厚身既鰻魚(仲要無細骨無幼骨）食落口又係滿帶油香。海膽亦都唔吝嗇，份量好多。我選擇食左海膽再食個壽司飯，入口即融呢個形容貼切不過，海膽一點腥味都無 (超難得)，亦無半點苦澀，好鮮甜！

雜錦天婦羅
炸粉非常薄脆，唔會太油，仲可以點埋天婦羅汁加蘿蔔蓉。特別條炸蝦好大條，脆口得黎都好爽口！明副其實做得天婦羅既精髓外脆內爽。

串燒：燒牛脷、月見雞肉棒
兩串都仲好回味，牛脷豐腴，食起上黎又爽又脆，小小鹽灑係面更覺鹹香惹味。雞肉棒肉質帶咸，不過正正沾上溫泉蛋汁又中和返，一啖點一下認真滋味，啖啖肉！

卷物：牛油果軟殼蟹卷
清淡而creamy既牛油果配上邪惡既軟殼蟹真係好夾。軟殼蟹明顯即炸，香口又脆卜卜，飯夠實淨，每片牛油果都切得薄薄的，分三塊鋪在卷物上(唔似一般一整塊鋪頂)，完美增加左口感！雖然定價$ 128 ，不過味道對得住個價錢。

丼飯：日本和牛丼
熱辣辣連蓋上枱，和牛有三大片，超腍！牛味超濃，牛汁仲浸入到米飯裡面，配上有咬口既珍珠米，實在滿意！

環境高雅、樓底好高、枱與枱的空間感十分足夠，坐得十分舒適。裝潢以紅色為主，餐具亦有好日本風。

入餐廳只需填google form 超環保！

男朋友帶我來這間K11musea慶祝生日，好靚好寬敞的空間，環境裝修擺設一流！服務態度好，友善親切又貼心，添上玄米茶，清香好飲；酒類、飲品款式多，各國直送海鮮新鮮美味！推介牛油果軟殼蟹卷（牛油果新鮮軟殼蟹香口脆脆）、kaiyo壽司（好特色，脆口紫菜自己動手卷成壽司）、即點即燒串燒，推薦牛脷海蝦卷，海被爽口肥美爽甜、甜美多汁沖繩黑糖菠蘿！好豐富又健康又美味