我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“荃灣|🇹🇭泰國風情張秀玲!好食抵食人氣不減!🇹🇭”

Ann Mamma Thai Kitchen
使用外送服務
香港排名第628 (共15,712家餐廳)
周圍地區: 荃灣
餐廳詳細資料
周圍地區: 荃灣
2022年6月26日 透過行動裝置

最近發現荃灣曹公坊一帶轉換左好多唔同嘅特色小店,其中屹立不倒嘅就係充斥著泰國風情嘅Ann Mamma張秀玲。受疫情限制之下,人流仍舊不減,繁忙時段座無虛席,食物保持水準,食指大動。

餐廳佈景設計以綠色植物為主,望到特別養眼醒神,好似棲身喺熱帶雨林入面。而晚市多人嘅關係,我早早預約左6點半留座。

餐牌上嘅食物全部都想試,但兩個小鳥胃嘅女仔只能夠選擇其中幾樣特色食物,又可以滿足嚐辣喜好。

➺➺➺青芒沙律$75
沙律有好多酸辣爽口嘅青芒絲、蘿蔔絲和香口果仁等,加埋開胃醬汁好惹味,啱晒而家熱辣辣嘅天氣。

➺➺➺青咖喱(牛腩)$96
青咖喱辣度適中,充滿香濃嘅椰香味,裏面有健康嘅蔬菜(紅蘿蔔、椰菜、西蘭花、豆角等),相當入味。牛腩細嫩淋身,份量頗多,配上白飯更加正。

➺➺➺椰汁芒果糯米飯 $55
綠色斑斕味道嘅糯米飯第一次見,食落去重椰香又煙靭,驚艷到味蕾,仲有甜甜嘅芒果,好有地道嘅感覺。

飲品
➺➺➺西瓜沙冰 $48
消暑解渴一流嘅飲品,大大啖西瓜沙冰透心涼,好抵飲。

➺➺➺芒果百香果沙冰 $48
大大杯嘅時令特飲,沙冰打得細滑,飲得出用芒果同百香果鮮榨出嚟,並非用濃縮果汁,味道好清新。

*加一服務收費

造訪日期: 2022年6月
感謝 lylyww
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
發表評論評論 (41)
旅客評等
旅客類型
月份
語言

2 - 6 則評論,共 41

2022年6月3日 透過行動裝置

好大碗泰式冬陰功湯河粉

尋日難得放假,一早起身刷完牙洗完面就出咗去食嘢,自己走咗去荃灣嘅Ann Mamma Thai kitchen by 張秀玲,呢間餐廳之前都食過泰式豬手飯,就係覺得啲豬手又大件又抵食,所以今次再返嚟食。見到個餐牌突然之間又想食另一款,哈哈,所以今次就叫咗個泰式冬陰功湯河粉$88,跟餐可以叫啲$28樓下嘅飲品,所以我就叫咗杯西柚梳打。

尼杯西柚梳打賣相十分之精美,上面仲有真嘅西柚喺上面,即刻覺得清新有料子。飲落去冰涼嘅感覺,仲有西柚香,啲人話食得多西柚係可以幫助減肥唔知係咪呢,哈哈,反正飲落去就覺得幾好飲。

至於碗泰式冬陰功湯河粉就真係好大碗,上面有好多脆卜卜嘅炸片,食落去辣辣地,有啲似薯片同麵粉片嘅混合版。跟住仲有好多粒白雪雪嘅魚蛋,啲魚蛋比起平時食嘅魚蛋真係好唔同,好滑同埋好軟熟,食落去仲有好輕微嘅魚香,但係又唔會覺得係腥。而且呢碗泰式冬陰功湯河粉啲河粉都好吸收咗湯底嘅味道,每一條都有彈牙得來,仲包含着甜酸辣嘅味道,因為呢碗野偏甜嘅,我指啲河粉,所以平時食開小辣嘅我就覺得好好味。唔記得咗講仲有一塊好厚好大塊嘅肉餅,肉餅啲肉質好軟熟,又唔會話好硬,而且咬落去呢仲好有彈性。裏面仲有其他嘅配菜例如係啲芽菜同埋白蘿蔔等等,呢啲配菜都吸收左湯底嘅味道好入味。

造訪日期: 2022年6月
感謝 LingB_b
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年5月13日 透過行動裝置

收工同朋友去食Ann Mamma Thai kitchen by 張秀玲,今日黃雨鞋都濕埋。黎到餐廳環境舒適,裝修得幾靚,心情都靚返。

疫情下,有提供口罩袋比客人放口罩,細心又衛生。

呢度主打特飲,叫左杯pink guava special ,有氣的 唔會太甜有少少澀,食完辣嘢飲佢超正。

泰式蟹肉炒飯
好驚喜個炒飯有好多大大舊蟹肉,好有蛋香,隱約有胡椒更惹味,如果飯再炒乾身啲更好。

青咖喱雞
好足料,意想唔到有南瓜。只係微辣,唔太食得辣都冇問題

烤薄餅
脆卜卜之餘唔會太油,配咖喱絕配

大蝦柚子沙律
唔會太食得辣所以突登揀呢個唔辣既沙律,份量好多,柚子超大嚿,洋蔥清甜爽脆,唯一覺得蝦肉唔夠新鮮

員工好有禮貌又主動,我地走嘅時候仲好貼心咁提我地記得拎傘。

造訪日期: 2022年5月
感謝 yanyanng
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年4月30日 透過行動裝置

激讚嫩滑海南雞

終於有晚市,可以坐低慢慢食
呢間餐廳長期門口好多人等
今晚終於有機會試吓

餐廳內環境比較細小
但算坐得舒服

我地點咗半隻海南雞 $108
估唔到咁嫩滑,忍不住食完再食
點埋海南雞嘅兩款醬汁更惹味

泰式蝦餅 $75
大大件蝦餅勁彈牙
外層薄脆香口,內層鮮味彈牙

豆醬炒通菜 $86
通菜好嫩,不過有啲太Spicy
我哋唔喺好食到,但都覺得好好味
好彩叫咗杯沙冰解一解

椰汁雞湯 $108
好正少少酸少少Spicy又少少椰汁清香
用料好足,大量嫩滑雞肉及草菇,好惹味

西瓜沙冰 $48
抵飲,特別喺食泰菜時飲,好消暑

已經決定下星期再食

Ann Mamma Thai kitchen by 張秀玲 (荃灣)
荃灣曹公坊11號地舖

#荃灣美食 @ann_mamma #泰菜 #annmammathaikitchenby張秀玲 #海南雞 #荃灣好去處 #美食推薦 #hkfoodie #hkfoodies #荃灣友 #香港美食 #香港美食指南 #美食圖鑑 #小夏美食情報

造訪日期: 2022年4月
1  感謝 Lovecathcath
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年4月20日 透過行動裝置

呢間位於荃灣嘅泰國菜店舖「張秀玲」頗有名氣,每次經過店舖門口都見到好多人排隊登記,所以引起左我同朋友嘅興趣,決定搵日行完街之後於夜晚時段黎試一試佢嘅美食。

- 沙嗲串燒(豬肉+雞肉)$75
串燒送到上黎嘅時候,已經聞到好香嘅味道,而且肉質有光澤,賣相得宜。個人鍾意食豬肉串多啲,加埋甜甜地嘅沙嗲醬,味道好有去左泰國嘅感覺。

- 青芒軟殼蟹沙律 $108
呢個沙律有大量好爽口嘅青芒絲、蘿蔔絲和果仁等,加埋酸酸甜甜嘅泰國醬汁,好惹味好開胃,適合做一道開胃菜,而且份量驚人,適合三五成群一齊食。

- 餐廳仲有好多泰國地道嘅食物可以選擇,份量亦都相當足夠。

造訪日期: 2022年4月
感謝 Startup000
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。

查看過Ann Mamma Thai Kitchen的旅客也查看過

 

去過Ann Mamma Thai Kitchen嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單