我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“毛孩好去處”
Chill Inn的評論

Chill Inn
餐廳訂位
香港排名第3,015 (共15,125家餐廳)
周圍地區: 觀塘區
餐廳詳細資料
周圍地區: 觀塘區
3 週前評論

今日去九龍灣開會,晏晝約埋同事一齊去 E-Max 搵食。 記得二樓有間拉麵店,嚟到發現原來舖頭已經執左,同事提議不如試下地下嗰間寵物友善餐廳「Chill inn」。

原來餐廳地方好大,佔地約有 4000呎,分為 Restaurant 及「寵物友善營地」兩個獨立區域。餐廳設計以大自然為主題,地方闊落,裝修富熱帶風情。

至於「狗狗友善營地」就可以叫寵物餐,另外亦有多款寵物用品可供選購。客人只要喺店內消費,不論係購買食品定係寵物用品,就可以進入寵物區。

餐廳主打新派東南亞菜,午市以供應套餐為主,除左有 10 款 Lunch Set,另外亦有新出嘅果碗系列、沙律配亞麻籽粟米濃湯系列及 4 款 Brunch Set 可供選擇。

我哋點左 All day breakfast 全日早餐 ($108) 及澳洲草飼肉眼扒各一客。全日早餐用料頗豐富,有黑松露蛋多士、煙肉、鮮果沙律、脆薯餅、豬肉腸同茄汁焗豆。蛋炒得好滑,帶蛋汁又唔會水汪汪,黑松露味濃厚。

豬肉腸大條又富肉汁;煙肉亦很出色,食落帶焦香,好惹味。沙律菜新鮮爽脆,配埋菠蘿、車厘茄同黑醋汁吃,入口酸酸甜甜,很開胃。薯餅味道亦不俗,脆口得嚟仲食到粒粒薯仔,有水準。

至於另一客澳洲草飼肉眼扒 ($118) 分量亦絕不欺場,牛扒大大塊,成隻手掌咁大,火候拿揑得相當到位,切開見到中間呈微嫩紅色,肉質好鬆化,入口軟嫩而味鮮,實在叫人驚喜。配菜有薯角、粟米、翠肉瓜同車厘茄,翠肉瓜食落好爽口、薯角新鮮即炸,吃時仍熱辣辣、薯味十足。

跟餐飲品有汽水、檸檬茶、檸水、咖啡、奶茶可供選擇,如果點其他飲品,就一律半價。雖然家裡沒有毛孩,但嚟吃個午餐,感受下悠閒氣氛,也不錯。

造訪日期: 2021年2月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
發表評論評論 (14)
旅客評等
旅客類型
月份
語言

1 - 5 則評論,共 14

2020年11月15日 透過行動裝置


九龍灣展貿甚少去,今日專程去是因為友人想去outlet 睇睇。有幾間名牌outlet店,逛逛下都己是午餐時段,於是乎在場內找到呢間餐廳,被餐牌上的價錢吸引,合理。
藍莓覆盆子乳酪沙冰
賣相顏色都好吸引。質感濃稠。
藍莓對眼晴非常有益,多飲也無妨。
熱情森巴果碗
椰子片,芒果,香蕉,熱情果,亞麻籽
有時都要食得健康,況且潮流又興食果碗。
芒果和香蕉味道好出,啖啖甜美。
亞麻籽和椰子片增加了嚼口。
份量睇落細細碗,其實都幾飽肚。

造訪日期: 2020年11月
感謝 pcsy
該評論乃TripAdvisor會員主觀個人意見,不代表TripAdvisor LLC公司。
2020年7月3日

EMax 睇完戲 順便食個飯,商場內啱食餐廳選擇唔多,最後揀左Chill inn依間。餐廳細細一眼望晒,餐枱疏落空間感大增,有吊燈枱燈盆栽等裝飾,環境寧靜舒適。

芒果蟹肉青瓜香醋沙律 $88
芒果果肉清甜,青瓜片薄薄但太長要動手捲住食先入到口,新鮮生菜淋左黑醋酸味味幾開胃,撈左蟹肉咸鮮味美,健康前菜。

泰式拼盤 $138
拼盤有四款小食,各款小食數量不一,包括了泰式魚餅、燒蝦串、燒菠蘿和泰式鳳爪。燒蝦串燒得蝦殼迫出香味,蝦肉細隻新鮮彈牙,得三串點夠食呢。泰式鳳爪爽口無骨,仲有蕃茄紅蔥酸酸辣辣頗開胃。燒菠蘿外乾果肉多汁,果甜美味。泰式魚餅鬆軟好香檸檬葉味超鍾意。

海鮮意式茄醬羅勒意大利飯 $128
海鮮配料多過飯好足料,墨魚圈、青口、大蜆、大蝦通通都見,海鮮新鮮彈牙,飯粒飽滿掛汁,茄醬底酸酸甜甜開胃好味。

造訪日期: 2020年6月
    • 划算度
    • 服務
    • 食物
1  感謝 cargolam
該評論乃TripAdvisor會員主觀個人意見,不代表TripAdvisor LLC公司。
2020年6月23日

狗狗終於有位可以食野啦! 事源Emax 附近返工,見到一間餐廳可以帶狗入內用餐, 都算係城市中既綠洲,畢竟帶狗入餐廳好多人都唔中意,一來怕有狗味,二來怕d毛飛黎飛去。
.
.
chill Inn 有2個AREA, 狗狗位係近商場大門口, 如果怕狗 可以去另一邊坐。
.
.
餐廳裝修走簡約韓風 以咖啡吧位中心亦是落單的位置
而狗狗區內有一個以木搭起既影相AREA, 好適合影相之選
當日有2隻勁可愛既白色大加入內用餐。
而狗狗AREA 亦有出售寵物用品
.
.
食物方面
香燒加拿大豬肉眼配香蒜羅勒醬.燒汁
食過既豬肉眼黎講好味既同不會太乾同’’鞋’’口
香蒜羅勒醬估唔想 咁夾 蒜味不會過蓋過羅勒醬既甜甜味
當然 加上燒汁 好夾
.
.
西班牙煙豬肉青豆忌廉貓耳粉
非常欣賞忌廉貓耳粉哩一碟粉 太好味啦,
先講講西班牙煙豬肉, 煙肉碎跟其他店相比 這一碟是有瘦有肥, 有咬口同時又有煙肉香
另外忌廉貓耳粉, 粉的硬度剛好, 加上忌廉汁的份量多,每一啖都可以食到濃濃既忌廉汁
.
.
飲品可以以加換手製飲品,而我當時只係叫左普通的飲料

造訪日期: 2020年5月
    • 划算度
    • 服務
    • 食物
感謝 lannatsang
該評論乃TripAdvisor會員主觀個人意見,不代表TripAdvisor LLC公司。
2020年3月14日

好姊妹相約來到九龍灣國際展貿中心,觀看容祖兒張敬軒演唱會,觀賞演唱會之前當然要先填飽肚子,我們在國際展貿中心尋找美食,看見這間餐廳是提供多國菜,可品嚐不同菜式,於是便決定在此晚餐。

愛爾蘭生蠔
生蠔較為薄身,入口鮮甜幼滑,海水味重,有着持久的回甘,如習慣配上醬料進食,亦可配上提供的泰式酸辣汁及檸檬作調味。

泰式生蝦刺身
生蝦晶瑩剔透,配上蒜片及紅椒,再點上酸甜的醬汁,既開胃又惹味,生蝦入口新鮮,肉質爽口鮮甜,是很好的前菜選擇。

香茅啤酒煮鮮大蜆
少見地使用啤酒煮大蜆,湯汁入口清甜,帶淡淡的啤酒香,蜆肉肥美新鮮,爽口彈牙,沒帶任何腥味,啤酒把蜆肉的鮮味更提升,而且充分吸收湯汁,相當滋味。

冬陰功大蝦意大利飯
賣相色彩繽紛,相當吸晴,飯頂更放置一隻大蝦作點綴,蝦肉新鮮爽口,而飯粒選用意大利飯,較有嚼勁,入口不會過於軟腍,更有口感,配上冬陰功汁,整體酸酸辣辣,十分開胃。

Leffe
色澤呈現深褐色,頂層有綿密的泡沫,口感飽滿滑順,帶微苦,餘韻卻帶有甜味,十分適合用作餐前酒或配搭各種口味的美食。

Stella Artois
色澤呈現深金黃,頂層佈滿綿密的氣泡,味道純淨,帶有淡淡的苦澀味道,配搭清淡的食物或海鮮等最為適合。

整體而言,食材新鮮,有多國菜式作選擇,同時可滿足飯後糖水及甜品,環境優雅有格調,是與朋友聚餐及放鬆的好地方。

造訪日期: 2019年9月
    • 划算度
    • 服務
    • 食物
感謝 Christine C
該評論乃TripAdvisor會員主觀個人意見,不代表TripAdvisor LLC公司。

去過Chill Inn嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。