我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“抵食壽司之選”
Sushiro - HK的評論

Sushiro - HK
香港排名第1,716 (共13,939家餐廳)
周圍地區: 佐敦/油麻地
餐廳詳細資料
周圍地區: 佐敦/油麻地
2020年6月1日 透過行動裝置

今日咁岩有朋友預約左 @sushiro.hk 而又去吾到,所以俾左個機會我,好開心❣️
▫️
之前去過佐敦分店,門口位置好細,大家要好親密咁企係度等位
而我今次係去黃埔分店,佢位於商埸內,地方大好多之餘大家仲可以涼住冷氣等位,感覺舒服好多
▫️
呢度既壽司真係平❗靚❗正❗
嗌左好多壽司,超滿足

造訪日期: 2020年6月
感謝 msfoodloverr
該評論乃TripAdvisor會員主觀個人意見,不代表TripAdvisor LLC公司。
發表評論評論 (23)
旅客評等
旅客類型
月份
語言

2 - 6 則評論,共 24

2020年5月17日 透過行動裝置

非常扺食的日式迴轉壽司店,落單上菜全自動化,很有效率。三文魚肥美,時令甜蝦鲜甜,赤貝新鲜爽脆,左口魚肥潤,帶子雖细隻但美味,很值得推薦。但取籌後至入座,等候時間要幾小時,要安排活動。

造訪日期: 2020年5月
感謝 clui888
該評論乃TripAdvisor會員主觀個人意見,不代表TripAdvisor LLC公司。
2020年5月15日 透過行動裝置


二拉沙媽瀉♪( ´θ`)ノ21314~好大聲
有時有廣播、餐點到、又有音樂
其實有少少好銀嘈(´・Д・)」
去幾多次都會問你識唔識用部Pad 好貼心
搵咗陣wasabi發現原來佢係要轉過嚟要等
啲杯碟擺到好高_(´ཀ`」 ∠)_表示149攞唔到
-
壽司(12-27)
油甘魚好淋身(⁎⁍̴̛ᴗ⁍̴̛⁎)鰻魚好厚身
吞拿魚樣衰衰但係又勁有吞拿魚味(⁎⁍̴̛ᴗ⁍̴̛⁎)
鰻魚卷又有青瓜、鰻魚汁又多
又有牛油果仲有芝士
✨筋子細粒啲 但係就冇咁腥岩我
⁉️同埋有冇人可以答我:
點解佢哋三文魚全部都好似熟咗(´・Д・)」
-
蜆肉麵豉湯好多蔥粒
蜆都幾肥美
-
朱古力香莓芭菲(32)
係我食咁多次以黎第一次食甜品
考試實在要太需要補充能量啦
雪糕唔會話好甜 仲有啲帶少少苦嘅朱古力脆脆令到成杯一啲都唔漏(●°u°●)​ 」
野莓醬又唔會話好甜
冰凍野莓帶少少酸 成件事好Fresh
上面仲有個朱古力brownie⁉️
Brownie上層有少少生朱古力既感覺好濃
最底嗰層仲有朱古力moose同埋粟米片
果然係一個合格嘅芭菲好多層次
-
完勝全盛時期嘅元氣
用料新鮮又厚身、連紫菜都香過人
就連甜品一樣都咁出色

造訪日期: 2020年5月
感謝 snacklife_keepfit
該評論乃TripAdvisor會員主觀個人意見,不代表TripAdvisor LLC公司。
2020年5月3日 透過行動裝置

呢間日本過江龍,岀名平靚正,我係台北見到 等兩個鐘 都一定要排隊食,上年終於比我等到,黎左香港 雖然要等兩個鐘,不過,食完之後,你一定覺得呢個價錢、呢種質素,係值得嘅 !

大拖羅 (8/10)
相比中拖羅油脂比例多,入口即溶,一食口陣陣呑拿魚油味 好肥美,如果鐘意食肥美嘅,就一定要叫大拖羅 唔鐘意油脂偏重嘅,就中拖羅。

松葉蟹腳 (8/10)
食得岀有少少海水味,鮮甜!岀面d蟹腳壽司 細隻又少肉
呢度廿幾蚊,就大大隻,真係大滿足!

花之戀(7.5/10)
因為我每次迴轉壽司,都係我最鍾意叫嘅,貪佢大大舊三文魚之餘,配埋我最愛蛋黃醬,味道係好夾,上面d魚子脆脆地,口感幾過癮,當然呢度嘅花之戀 係三文魚多過飯,唔洗食飯就飽嘅感覺,值得一讚 !

赤蝦 (9/10)
試左佢三款甜蝦,赤蝦、熟蝦、甜蝦,我一定會推介你揀赤蝦,其他兩款你可以skip,呢度嘅赤蝦,暫時同級數迴轉壽司之中,最大隻亦都係鮮甜,又幾爽口,而其他兩款蝦壽司 就比較平平無奇

灸燒原條鰻魚 (6/10)
原本滿心歡喜,以為係有醬汁燒嘅,見到呢個乾爭爭,白雪雪嘅鰻魚,賣相已經失望左,食落口,多骨,肉質偏淋,唔係新鮮嗰隻,更加失望

以上係我試完,覺得最值得試嘅壽司,當然,仲有其他款式嘅都好食。如果大家唔介意,排隊等兩小時嘅可以試下,唔想等嘅,可以早上十點幾等佢開門,又或者網上拎籌,行街行到攰,再去食又得,得左!

壽司郎 (佐敦分店)
味道: 8/10
環境: 7/10
價錢: 8/10

造訪日期: 2020年2月
感謝 megan0324
該評論乃TripAdvisor會員主觀個人意見,不代表TripAdvisor LLC公司。
2020年4月21日

自從日本平價迴轉壽司店壽司郎進軍香港後,人氣一直居高不下,以應用程式網上訂座至少亦要預約至一個月後,據稱直接到訪取籌起碼等候三個小時更是見慣不怪,所以一直沒有決心前往一試。

碰巧之前聽朋友說現時排隊時間不長,立即趁平日下午大約二時許到達黃埔分店,等候時間的確不足一個小時,而且取籌後可以於YouTube查看最新輪候狀況,可以先在附近吃點東西或閒逛一會。

壽司大致分為紅、銀、金、黑四種,價錢分別為$12、$17、$22及$27,雖然我倆主要選擇紅或銀碟為主,但最後平均每人約二十多碟,人均四百餘元絕對稱不上物有所值。雖然本身壽司郎是以抵食而非以高質素見稱,但以此價錢換來此等質素同樣談不上「值」。

首先,壽司方面有一大問題——飯既散又黏,有部分壽司甚至一夾即散或黏附於碟上。好評如潮的特選大吞拿魚腩切得較薄,油香以$27一件的價錢而言屬正常水平,相比之下DONKI出品便宜一截之餘卻更勝一籌。特選中吞拿魚腩質素比較參差,第一件肉質死實之餘油香欠奉,但之後於迴轉帶再取一件則相對軟嫩,反而醬烤特選中吞拿魚腩更加豐潤出色。

三文魚腩有鹽燒或田樂醬等多款配搭,每款都滿意之上勝在肉質肥美;鹽味牛排與壽喜燒牛排價格相同,但比起每件$27卻乾韌乏味的雪花和牛出色得多;原條海鰻肉身雖大但又薄又軟;烤鱈魚子配忌廉芝士軍艦的配搭完全風馬牛不相及,鹹膩濃重。

吃罷其實並沒有任何一款令我印象深刻,反而甜品卡達拉娜的確令人回味無窮,雖然這類甜品絕對只是由供應商來貨解凍而已,但就彷似將芝士蛋糕的質感與焦糖燉蛋的味道合二為一,面層更有焦糖脆面口感豐富。

不過巴斯克芝士蛋糕與心太軟則大失所望,前者與一般急凍芝士蛋糕無異,質感厚實稠密而芝士味濃郁,但卻欠缺巴斯克芝士蛋糕獨有的焦香,所伴的忌廉更是一塌糊塗,油膩之餘味道怪異;而心太軟更是完全沒有絲毫流心效果可言。

茶碗蒸當中帶有蝦仁及帆立貝等真材實料,味道不過不失,但蝦仁質感韌實有如擦膠一樣。

其他壽司未能一一盡錄,大致上平平無奇,整體而言只屬僅僅合格,老實說即使不用排隊亦未必會再次到訪,坊間實在不乏其他更好選擇,對於附近居民而言壽司郎固然是元氣的最佳代替品,但如果特意排隊一試的話實在是不可一不可再,不論是論抵食抑或是論質素,DONKI、一田、AEON或city’super等超級市場的盒裝壽司更出色等多。

造訪日期: 2020年3月
    • 划算度
    • 服務
    • 食物
感謝 Voracious1006
該評論乃TripAdvisor會員主觀個人意見,不代表TripAdvisor LLC公司。

去過Sushiro - HK嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單