我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“正宗 台灣風味”

牛大人台灣火鍋吃到飽 - 旺角瓊華總店
餐廳訂位
香港排名第474 (共15,446家餐廳)
優等證書
價位: US$22 - US$38
周圍地區: 旺角
餐廳詳細資料
周圍地區: 旺角
2021年6月7日 透過行動裝置

之前一直訂唔到位,今日難得walk-in 有得入!
所以我哋亦都好爽快地叫左「澳洲極上和牛餐」,一於食盡佢!

湯底
上次食過酸菜白肉鍋,今次試吓佢哋獨有嘅鳳梨雞湯底,湯底有大半隻雞、鳳梨片、蜆肉、苦瓜片。的確10分出色,湯底濃郁清甜,放任何配料落去都超吸味,而且唔會太鹹,唔會太油膩(如果想要辣啲仲可以去配料區自己揀!)

牛肉
誠意推介澳洲和牛M5牛肩卷,安格斯牛小排。牛脂雪花好靚而且平均,食落係濃厚既牛肉味同油香。如果唔想太肥膩,手切封門柳和安格斯一口牛肉粒 就係選擇。兩款肉類油花較少,但食起上黎牛味亦重。

丸類
M9和牛牛丸真係一試難忘!牛肉味超濃,仲充滿肉汁,爽口彈牙。(要最貴嗰個餐先每人有兩粒),其他丸就需要自己去自助區選擇!
不過佢新推出一個章魚珍珠漿,超級足料!

飲品
冰箱入邊已經有好多飲品,白桃烏龍、菊花普洱、洛神花茶。仲可以透過Apps叫到烏梅汁、冬瓜茶、酸梅汁。但係打邊爐點可以冇啤酒呢,專登試咗佢個落花流水,清清地,順便降火。

大部份東西用QR CODE下單,上菜速度快。

造訪日期: 2021年5月
感謝 Twm_foodie
該評論乃TripAdvisor會員主觀個人意見,不代表TripAdvisor LLC公司。
發表評論評論 (41)
旅客評等
旅客類型
月份
語言

5 - 9 則評論,共 41

2021年5月20日 透過行動裝置

見唔少foodie推介話好食,身為火鍋控既我終於去試吓究竟好唔好食,真係好誇張勁多人排隊~今次試咗牛大人紅燒牛骨鍋味道唔錯,款式種類多♥️
.
.
‼️利申‼️由於任食款式太多,我只係重點講邊啲好味同必食推介✅


▫️ 【紐西蘭羊卷肉】
⭐️⭐️重點推介⭐️⭐️肉質唔錯,質感偏嫩,肉嘅色澤都好靚,任食來講真係唔錯!
.
▫️ 【私房鴨血】
⭐️⭐️重點推介⭐️⭐️鴨血大大嚿,口感爽滑,讚
.
▫️ 【澳洲和牛M5牛肩肉】
⭐️⭐️重點推介⭐️⭐️口感偏嫩,牛味偏重,抵食

.
▫️ 【新鮮沙白】
⭐️⭐️重點推介⭐️⭐️完全無沙,鮮味十足,Encore左兩次
.
▫️ 【第二市場滷牛肉飯】
⭐️⭐️重點推介⭐️⭐️牛肉夠多夠足料,滷水汁偏甜,令人想食多幾啖
.
▫️ 【冬菇、皇帝菜、牛柏葉】
⭐️⭐️重點推介⭐️⭐️自助區入邊都好多蔬菜選擇,個人比較推介冬菇、皇帝菜、牛柏葉,而佢哋嘅冬菇係用要浸發既乾冬菇㗎,唔係鮮冬菇,非常之有誠意,而且味道更加濃郁
.
▫️ 【魚酥皮蛋豆腐】
⭐️⭐️重點推介⭐️⭐️除左有柴魚片既香氣,仲食到皮蛋甘香,再配搭埋滑嫩嘅豆腐,好好食
.
▫️ 【台式仙草凍】
⭐️⭐️重點推介⭐️⭐️任食價錢,但係可以食到好多唔同嘅嘢,包括呢一個台式仙草凍,材料豐富包括有蒟蒻、紅豆、花生、珍珠,冰冰涼涼,夏天食啱晒

造訪日期: 2021年4月
感謝 Departure60531722382
該評論乃TripAdvisor會員主觀個人意見,不代表TripAdvisor LLC公司。
2021年5月14日

早前與媽媽提早慶祝母親節,趁著早收工,就衝去牛大人拎位,順利在5點幾入座✌️不過入座時已經見到有人開始排隊,香港人果然愛吃火鍋!
——————————
台中蒜頭雞鍋(單鍋)
媽媽愛食清淡健康的湯底,於是叫了這款蒜頭雞鍋,一上桌照慣例先喝幾口湯,發覺比之前叫的牛湯確實清新好多,湯頭偏淡,有絲絲雞鮮味,雞肉嫩滑,蒜頭亦多,不過起初的蒜味不重,反而越食先會越濃,確實過癮!

澳洲極上和牛餐 $248/人
慶祝節日當然不能省,今次就點了最貴的極上和牛餐試試,一於豪一餐!各類食物基本上都挑選幾款試過一遍,確實非常滿足!

-澳洲和牛M5牛肩卷
肉質新鮮無雪味,肥瘦比例適中,牛味香濃

-台灣鯛魚片
魚肉白滑實淨,入口緊實鮮美

-新鮮沙巴
沙白新鮮肥美,重點是沒有沙,飽滿彈牙

-台灣鴨血
鴨血大塊滑溜,煮得入味不腥

-水蓮
今次是第二次吃台灣水蓮,依然覺得很愛每份約有一口份量,比一般蔬菜纖幼,新鮮爽脆,掛湯力特強

-台灣特色小吃就點了士林鹽酥雞、魚香皮蛋豆腐、基隆甜不辣等,最推薦梅甘酥脆薯,新鮮即炸熱辣辣,炸番薯甜香軟糯,搭配酸香的梅子粉,特別惹味!

造訪日期: 2021年4月
感謝 haru d
該評論乃TripAdvisor會員主觀個人意見,不代表TripAdvisor LLC公司。
2021年5月14日 透過行動裝置

Master Beef❤️ All Beef You Van Eat
.
.
食台式牛肉任食火鍋❓食牛大人 大概是常識吧。因為單單湯time 已經有9種款式。正湯底又衛生,牛肉選擇又多種類,包括安格斯、和牛等等。仲有台灣直送美食,真係好豐富架。

l[極上和牛吃到飽套餐]l $298
今次就試試最高級別既120mins 吃到飽套餐,仲每位贈送2粒澳洲 M9 和牛牛丸,肉味香濃好好吃。

而肉類有17款之多,其中:安格斯牛小排、手切封門柳、安格斯一口牛肉粒、澳洲和牛 M5 肩肉、就連西班牙 豬都同樣好好吃。而且餐廳refill 速度很快,食材夠新鮮,湯底 (台灣鳳梨雞鍋) 又足料,湯頭愈食愈濃郁呢。

另外今次仲叫左手工啤:l[流水落花]l ,食火鍋 配小食 (鹽酥雞、皮蛋豆腐、甜不辣、甘酥脆薯) ,再飲杯啤酒真係特別爽呀。

下次想再吃火鍋,一定會再來呢。
.
.
×××[牛大人台灣火鍋吃到飽 -Master Beef]×××
©旺角彌敦道628號瓊華中心9樓
.
.

造訪日期: 2021年5月
感謝 Wincyholic
該評論乃TripAdvisor會員主觀個人意見,不代表TripAdvisor LLC公司。
2021年5月11日 透過行動裝置

牛大人台灣火鍋吃到飽 (銅鑼灣廣場二期)
銅鑼灣駱克道463-483號銅鑼灣廣場二期5樓
-----
星期六中午約了來自台灣的友人吃午餐,因為疫情她已經整年沒有回家鄉,所以今天特意帶她來吃這間人氣台式火鍋店,好讓她懷念一下家鄉味道。
-
一向知道這間火鍋店人氣鼎盛,所以我們早早變過來排隊,餐廳鋪面非常大,主要以木色裝修,看著濃濃細煙,令人一到步便食慾大開,
-
相比起晚市,食物選擇會少一些!但依然是很多,我們吃了90分鐘,基本上只吃了餐牌上約70%的食物,可惜最近自己腸胃不佳,唔敢食太多,如果唔係真係款款都想試晒。
-
出面嘅自助區有好多款丸類、蔬菜、飲品、滷肉飯、麵等等,而手機下單的部分就可以下一些熟食、加錢飲品、肉類、滑類等等嘅食物。
-
湯底方面,我們選擇了台灣濃香蕃茄鍋,揀完之後雖然本身湯底已經好濃郁,但係愛茄的我們,又去了自助區拿了一堆番茄回來加入去滾,這個做法超級美味的!!(還可以加埋粟米,會令湯底更加甜)
-
餐牌裏面有大量嘅滑類,要全部都試曬真係唔容易,不過個人真係好中意章魚珍珠漿,鮮味好出,裡面有章魚粒,好正,如果唔鍾意食海鮮嘅話仲有豬肉漿同牛肉漿等等嘅選擇
-
其他想特別推介大家試下嘅火鍋料仲有西班牙豬梅肉片、私房鴨血、台式蛋餃同台灣鯛魚片。不得不說雖然佢叫牛大人,但係除咗牛肉之外其實佢嘅豬肉都好好食,豬味超突出!唔輸我之前喺另外一間舖頭食到嘅日本豚肉,我同朋友兩個女仔encore咗more than 10碟(每碟兩片)。
-
小食方面我最愛就係真豬小香腸同梅甘酥脆薯,前者同以前喺台灣夜市食到嘅香腸味道幾乎一模一樣,雖然香港有好多台式餐廳都有得食台式香腸,不過一條都真係好貴,而呢度就係可以任食嘅,所以我真係食咗好多啊!!而
梅甘酥脆薯就帶住鹽酥雞嘅味道,但係食落去就係我最鍾意嘅番薯質感,鹹鹹甜甜,令人欲罷不能。
-
另外佢哋餐牌裏面仲有大量嘅飲品,大部份都唔使另外加錢,但係如果你想飲啲再特別啲嘅,就可以自行加錢購買,免費飲品就推介大家試下佢哋嘅自家沖製茶飲(菊花普洱同埋白桃烏龍),付費飲品方面,威士忌冬瓜茶就係我嘅favorite,清甜解熱氣嘅冬瓜茶加上濃烈威士忌,看似風馬牛不相及嘅組合,配搭埋一齊幾時出奇地夾,好特別。
-
午市甜品係我最愛嘅仙草凍,佢哋嘅仙草一食就知唔係用港式嘅涼粉,質感Q嫩滑溜,加上紅豆、椰果、花生碎同淡奶等等,飛快就被B仔同朋友吃過清光

造訪日期: 2021年5月
感謝 Swallowhongkong
該評論乃TripAdvisor會員主觀個人意見,不代表TripAdvisor LLC公司。

查看過牛大人台灣火鍋吃到飽 - 旺角瓊華總店的旅客也查看過

 
中國香港
中國香港
 

去過牛大人台灣火鍋吃到飽 - 旺角瓊華總店嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。