我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“用心製作的花系Cafe”

The Ground Kitchen
香港排名第1,782 (共15,535家餐廳)
價位: US$9 - US$64
周圍地區: 西環
餐廳詳細資料
周圍地區: 西環
2021年4月1日 透過行動裝置

好耐之前已經被小店搶眼嘅藍色門面吸引,趁住放假就約埋朋友一齊去食lunch

蕃紅花忌廉煮鑽石蜆($128)
鑽石蜆夠大隻又脹卜卜,加入蒜粒、蕃茄仔及洋蔥粒一齊煮增添味道及口感而醬汁食落酸酸地,口感有啲creamy,味道勁濃郁,好似飲緊濃湯咁,超鍾意個汁

香濃粟米忌廉湯(套餐跟配)
湯如其名般香濃,有陣陣粟米嘅天然甜味,絕對係用新鮮粟米煮成粟米粒無blend到好爛,食落一粒粒有口感,加埋忌廉口感更滑更creamy,配埋好靚嘅花花伴碟,好睇又好飲

焦糖菠蘿雞扒漢堡·薯角($158)
竹炭漢堡包夠厚身,口感外脆內鬆軟,食到粒粒芝麻香雞扒仲大過漢堡包,外層煎得焦香,肉質嫩滑juicy,配埋烤過嘅焦糖菠蘿及他他醬,菠蘿嘅酸甜清新中和咗雞扒嘅膩感,他他醬就令整個漢堡更加惹味而新鮮炸起嘅薯角非常香脆可口,蘸他他醬同食真係好好味

63°C溫泉蛋和牛肉醬天使麵($168)
面層佈滿烤焗過嘅芝士,味道與肉醬意粉無太大分別,天使麵都幾掛汁,將溫泉蛋與天使麵撈勻後,每一啖都充滿蛋香,整體味道不錯

法式焦糖燉蛋(+$38)
賣相幾精緻,脆口嘅焦糖配埋滑溜嘅燉蛋幾好食,最鍾意味道唔會好甜,一人份量啱啱好

菊花杞子茶(套餐跟配)
菊花都幾多,而且比我平時多數見嘅大朵,所以菊花味好清香突出,最重要係有清熱明目功效,呢款是日花茶非常合我心意

☕️意式即磨咖啡(套餐+$10)
咖啡好香,奶味都幾重,加咗少少花瓣點綴後賣相更加分不少,飯後嘆返杯靚咖啡確係唔錯

餐廳不但以花作佈置,就連每道菜都加入食用花裝飾,真係好靚好啱打卡另食物好味又高質,完全感受到廚師嘅用心製作,絕對值得推介❤️

造訪日期: 2021年3月
感謝 dyiongw
該評論乃Tripadvisor會員主觀個人意見,不代表TripAdvisor LLC公司。
發表評論評論 (21)
旅客評等
旅客類型
月份
語言

5 - 9 則評論,共 21

2021年3月15日 透過行動裝置

The Ground Kitchen位於西營盤水街嘅高質西餐廳小店。入面嘅菜式非常精緻,用嚟打卡影相簡直一流。
Galaxy Fantasy :呢杯係蝶豆花檸檬蜜(自家漬),呢杯差不多每檯都必點,用嚟打卡影相簡直係無得輸,同埋飲落去酸酸甜甜又夠清爽。
北海道帶子紅菜頭意大利飯:用左平時喺沙律先見到嘅紅菜頭作為意大利飯嘅主題,顏色鮮艷,加埋香煎帶子,更令人食指大動。
慢煮熟成三十天紐西蘭羊仔架:慢煮熟成嘅羊仔架皮香肉嫩,肉香而不羶,蘸埋佢哋嘅芥末醬就更加好味

造訪日期: 2021年3月
感謝 hkngtmfood
該評論乃Tripadvisor會員主觀個人意見,不代表TripAdvisor LLC公司。
2021年1月19日 透過行動裝置

早前看到西環這家藍色大門的店舖被吸引,看到菜式擺盤尤其精美,某日相約友人來這邊吃個午餐。

先來的是跟餐的花茶,暖呼呼的冬季喝進去很舒服。接著來的是餐湯,擺盤美絕了,那秋葵切跟擺得太完美,雜菜牛肉湯也做得很好,一點也不馬虎。

波士頓龍蝦·鮮茄忌廉天使麵 $238

我吃過早餐才過去,便讓友人跟我分享一個餐。還好分享了,因為份量很足,龍蝦下面的天使麵有很多呢!龍蝦有半邊,肉質彈牙又多膏,配上濃郁的鮮茄忌廉真的很不錯!

帶子他他·墨魚汁脆片·熱情果香茅汁 $98

我們另外點了一個前菜來分享,帶子新鮮,配上其他蔬果口感層次豐富,加上三文魚籽則又好看又味道更深層次,無論是直接吃還是放在墨魚汁脆片上吃都很不錯!

法式焦糖燉蛋 $68

焦糖燉蛋非常滑嫩帶橙香,中和了膩度,不錯!

環境、食物及服務也不錯的小店,有機會再來!

造訪日期: 2021年1月
2  感謝 eataroundwithme
該評論乃Tripadvisor會員主觀個人意見,不代表TripAdvisor LLC公司。
2020年11月8日 透過行動裝置

藍白色門面設計充斥住濃濃嘅地中海異國風情

裝潢設計簡潔,具有濃郁歐式風情,充滿度假色彩,營造出愜意清新嘅氛圍

洛神花杞子茶
顏色艷麗,味道清香同酸酸甜甜

帶子他他·墨魚汁脆片·熱情果香茅汁
帶子他他色彩繽紛,賣相吸引
鮮嫩彈滑嘅帶子混合咗清爽嘅芹菜同蘋果粒,再加上咸香嘅三文魚籽同酸酸哋嘅熱情果香茅汁,味道清新醒胃
再配搭鬆脆無比嘅墨魚汁脆片一齊食,口感味道豐富

貝貝南瓜海鮮意大利飯
意大利飯超掛汁,啖啖都充滿南瓜味道,而且加入了洋蔥粒增添口
海鮮份量十足,三文魚籽咸香,大蝦肉質爽彈,意大利飯軟硬度適中,煙煙韌韌

雜莓意大利奶凍
質感細滑,奶香味十足又唔會太甜,配上酸酸甜甜的雜莓、曲奇碎同藍莓醬,味道互相平衡,唔會食到溜

每一道菜都心思盡顯,擺盤精緻吸睛,充滿視覺效果,猶如藝術品般,打卡一流

造訪日期: 2020年10月
感謝 foodaholicbunny
該評論乃Tripadvisor會員主觀個人意見,不代表TripAdvisor LLC公司。
2020年10月18日

本身以夫妻檔係澳洲經營,開業未夠一年就被澳洲媒體選為當地Top20 Cafe 之後兩夫婦回流翻香港延續呢間充滿外國Homey風情嘅小店
是日餐湯
餐廳主打一款羅宋湯,特別之處係冇加茄膏,以突顯蔬菜嘅清甜。飲落有酸甜清新嘅蕃茄香牛味好濃郁,仲有洋蔥粒、蘿蔔粒、蒜頭同牛肉絲,碟邊放上秋葵同魚籽作裝飾
慢煮牛柳·意式燒雜菜($268)
牛柳脂肪少不帶筋,所以肉質較鬆軟,唔會有渣食落牛味濃郁,可以點旁邊嘅黃芥末。可惜煎得過熟,未夠嫩滑多汁,而且海鹽同黑椒味唔夠伴菜包括有鹽燒新薯、秋葵、翠肉瓜、紅蘿蔔同紫蘿蔔。
雜莓意大利奶涷(+$38)
奶凍口感軟滑,奶香濃厚加埋面頭酸甜嘅雜莓醬,再舖上大量Oreo 碎增加口感,甜而不膩。冰鎮咗嘅新鮮紅桑子、士多啤梨、藍莓等,咬落好似沙冰咁,個種凍好衝擊
黑松露薯蓉($88)
薯蓉軟綿細滑,中間夾雜少少薯仔粒好有口感一入口就充滿濃郁嘅黑松露香,最後帶牛油同奶香嘅餘韻
洛神花黑杞子茶
洛神花有養顏美容、降血壓同血脂功效而黑杞子含大量花青素具抗衰老作用,仲可以補腎明目。飲落酸甜味濃,養生又健康☕️
碟豆花檸檬蜜·自家漬($58)
底部黃色部分係自家醃製嘅檸檬蜜,酸甜開胃又幾滋潤;上面超夢幻嘅藍色部分係有氣梳打混入蝶豆花,連圓形冰塊都加咗蝶豆花,真係賞心悅目

造訪日期: 2020年10月
    • 划算度
    • 服務
    • 食物
感謝 Quest09595597620
該評論乃Tripadvisor會員主觀個人意見,不代表TripAdvisor LLC公司。

去過The Ground Kitchen嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。