我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“異國風情私房菜”
Fab kitchen的評論

Fab kitchen
餐廳訂位
香港排名第1,749 (共14,732家餐廳)
周圍地區: 深水埗區
餐廳詳細資料
周圍地區: 深水埗區
2020年12月9日

上次在中環吃過一次私房菜後,都留下很深的印象。今次跟朋友來到荔枝角,趕在政府頒布禁晚市堂食前享受,之後就要留在家中抗疫。我知道不少工廈已經變成食店或樓上舖,但想不到原來是有這麼多可選擇,難怪香港被稱為「美食天堂」。

位置:由於我是第一次到憶利工業大廈,所以找門口都用了兩三分鐘,但其實在大馬路那一邊,門口前方正是往返屯門公路的巴士站,所以是挺方便的。

環境:非常適合聚會和拍拖。現場的佈置充滿聖誕氣氛,牆上掛滿一個個小燈泡,燈光溫馨,營造浪漫蒂克的氣氛。雖有玻璃窗,但外面的景致只是工業大廈,有景觀等於無。

服務:桌上的佈置亦齊備,除了有調味瓶,餐巾、口罩袋亦有。坐下後,服務員立刻送上水和餐單。

晚市套餐:三道菜$338(包$35以下的飲料)
湯:
粟米湯:清甜而無渣,但其實我想吃粟米粒,湯面有少許沙律菜作擺設。
周打蜆湯配法式餐包(各兩個):蜆是醃製和曬乾,湯的忌廉味重,質感非常濃稠,比粟米湯更好喝,配法包更棒。值得稱讚是店家貼心地提供兩個包,而不是小小的一塊,眾所周知,法國很難令人吃飽,所以在包的份量夠多一些,就能讓客人吃得豐足。

前菜:
慢煮龍蝦肉配荷蘭汁茴香泡沫:荷蘭汁很美味,個人覺得無論點甚麼都很好吃。龍蝦肉很鮮嫩,不過份量好少。

法式火腿醬凍批:這個菜式是我第一次吃,口感挺特別,有啫喱的膠質感,亦有火腿的咸味,好像吃一個咸點一樣。

主菜:
傳統酥皮焗豬肉眼:
這是我吃過最好吃的威靈頓扒,因為不會一切就鬆散,表層酥皮依然保持爽脆,不會被肉汁浸軟,內部的豬肉眼也保持濕潤多汁,這個真是一流。我想是因為他沒有用火腿和蘑菇蓉放置中間,而是選用了蔬菜,所以很適當地分隔了酥皮和豬肉眼。不知道真正的威靈頓牛柳是否也如此出色呢!

羊腹柳扒配阿根廷醬:
這個羊扒的騷味很重,我只是吃了兩口就放棄了,因為我實在受不了,但朋友反而很喜歡。我很喜歡一旁的配菜,不知道是甚麼豆,口感很像飯粒,吃起來很清新。

整體來講,價錢跟中環區相差不多,亦是樓上舖。食物種類亦類似,但烹調方式或配搭卻大不同,明顯比中環那間更複雜和歐洲化,更富有異國風味,不單能品嚐法國的料理,更能試試歐洲風味。

造訪日期: 2020年12月
感謝 ying0564335
該評論乃TripAdvisor會員主觀個人意見,不代表TripAdvisor LLC公司。
發表評論評論 (17)
旅客評等
旅客類型
月份
語言

2 - 6 則評論,共 17

2020年12月4日 透過行動裝置



最近睇雜誌,得知荔枝角一個商場有幾可亂真白色聖誕的裝飾,今日約了朋友一齊去逛逛。睇完裝飾剛好午飯時段。朋友非常熟識荔枝角一帶,帶我去了工厦內的一間餐廳。
雖然在工厦內,但裝潢相當雅緻。
午市套餐:
焦糖蘋果煙鴨胸
簡單而又清爽的前菜。粒粒蘋果採用焦糖煮過,相當好味,好適合配煙鴨胸,味道夾。
松露雞胸三文治
麵包好脆口。雞胸肉撈埋沙律醬和松露醬,濕潤且散發出黑松露香氣,好好味。
伴碟是炸薯條,外脆內軟,薯味香濃。
甜品是芝士蛋糕,味道濃厚,細細件的份量相當好,不會太膩。

造訪日期: 2020年12月
感謝 pcsy
該評論乃TripAdvisor會員主觀個人意見,不代表TripAdvisor LLC公司。
2020年11月20日 透過行動裝置

與朋友去咗呢間位於工廈嘅西餐廳,餐廳環境簡潔,感覺舒適佢哋嘅Dinner Set分咗3個價錢,食量唔大嘅我哋就點咗2個「3 Courses」($338)Dinner Set:

(A) 是日精選餐湯
餐湯係忌廉蘑菇湯,蘑菇味幾香濃,質感比較稠身,每一啖湯都夾雜咗粒粒蘑菇,飲得出係餐廳自家製,足料又有口感而兩款麵包都溫熱又軟熟,配湯一齊食好perfect

(B) 蘆筍孜然粉藜麥
藜麥本身有咬口,用孜然粉輕輕調味,配同酸青瓜、蕃茄及蘆筍,味道清得嚟帶少少酸,作為開胃菜都幾適合

(C) 慢煮龍蝦配荷蘭汁茴香泡沫
賣相精緻,龍蝦鮮味又爽口彈牙,配同鹹鹹地嘅荷蘭汁及奶香味嘅茴香泡沫,味道確係幾特別!

(C)法式火腿醬凍批
切粒火腿融入半透明啫喱,味道都ok,感覺似西式嘅鎮江肴肉

(D) 羊腹柳扒配阿根廷青醬
羊腹柳肥瘦適中又不失油香,而且非常軟嫩,烹調得啱啱好,真係幾好食配菜及醬汁都酸酸地,既可中和膩感外,亦越食越滋味

(D) 洛神花油醃Prime西冷扒配紅菜頭中東米,洋蔥醬(+$48)
牛扒係medium rare,睇見都已經流口水食落肉汁豐富之餘仲好軟嫩,牛味又重,加錢食呢個steak都係值得嘅而米飯亦充滿紅菜頭味,感覺健康

姜蜜茶
聞落有少少薑味,飲落清清哋,飯後飲杯茶消滯都幾唔錯!

☕️美式咖啡
咖啡味道無乜特別,不過不失吧!

食物質素都幾優質,絕對可以再encore值得一提嘅係透過OpenRice訂位竟有85折優惠,枉我仲戇居居walk-in上去

造訪日期: 2020年11月
感謝 dyiongw
該評論乃TripAdvisor會員主觀個人意見,不代表TripAdvisor LLC公司。
2020年10月29日 透過行動裝置

香港嘅工廈其實有好多嘢食,平貴都有,甚至乎有好多高質嘅餐廳,只要你願意去搵就會有好嘢。今日食到間高質既fine dining,餐廳環境舒服,柔和嘅音樂,然後table for 2☺️,都幾啱feel。

Dinner menu有3/4/5個course揀,分別$328/$378/$428,選擇幾有彈性唔錯,唔想course既可以揀A la carte,而且價錢都唔算貴,不過最後我地揀左散叫,食的想食既

前菜有啲法包,幾鬆軟,配油醋真係一流。上枱個陣都幾夠暖,就算食到咁上下灘凍左,個包依然保持軟熟,我幾欣賞

法式蕃茄清湯$78的湯用壺仔裝住,自己倒入湯碟,視覺同觸感一流。 湯碗擺有蕃茄條,的湯超清呀,清澈透底,成個蕃茄湯去左另一個境界,完全改觀左。飲落有清香既蕃茄味,小小咸味帶少少酸,然後加幾條蕃茄條,成個湯好fresh,好特別

焦糖蘋果煙鴨胸$108幾香煙熏味絕對唔似平時煙鴨胸切幾片出嚟,好似成碟有煙熏過咁,真係好。鴨胸配上焦糖蘋果味道幾夾,焦糖蘋果嘅甜味同鴨胸嘅鹹味中和左,然後加上沙律菜,整體好夾又好好味。

特色香腸拼盤$198裏面有小牛肉香腸,法蘭克福香腸,昆布蘭香腸,腸煎得香脆之餘又保留到肉汁,而且唔會偏咸。當然唔少得嘅梗係酸椰菜啦,酸椰菜當然係偏酸嘅食落好開胃,仲有超粗既薯條,看似簡單,但有誠意☺️。

南瓜蟹肉意大利飯$168正呀❤️,食落勁香甜南瓜味,勁creamy,意大利飯熟度剛好,食落有嚼口,仲有幾多蟹肉,真心足料呀,食既時候夾埋的香草,又另一番風味,香甜南瓜味加上香草,令蟹肉鮮味提升,確係有驚喜喎❤️。

最後飲杯熱朱古力,圖案好可愛,係隻熊仔樣,朱古力味好濃厚,泡沫打得厚實細膩,就算無食甜品都覺得好滿足

餐廳環境的確幾好feel,店員又有禮貌,以fine dining黎講真係幾抵食,下次可以試下set

‼️打電話嚟訂枱有8折優惠㗎‼️

***************************************
FAB Kitchen
荔枝角長沙灣道338號億利工業中心7樓704號舖
***************************************

———————————————
➡️#eatwzyou_深水埗區
➡️#eatwzyou_荔枝角
➡️#eatwzyou_food

造訪日期: 2020年10月
感謝 kkyy0401
該評論乃TripAdvisor會員主觀個人意見,不代表TripAdvisor LLC公司。
2020年9月22日 透過行動裝置

荔枝角工業大廈一向多野食 今次黎到fab kitchen 店面幾大 有兩個舖位 裝潢簡約 以白色為主調 環境寧靜舒適 好適合約會

星期六都有 Lunch menu 包starter entrees desserts drinks($35或以下)

▪️是日餐湯 粟米湯
淡淡粟米香 鬆軟餐包塗上牛油 索埋湯汁一齊食 都唔錯

▪️燒黃桃配巴瑪火腿
巴瑪火腿薄薄一片充滿鹹香 配上甜甜地既燒黃桃 鹹鹹甜甜又幾搭

▪️香煎盲糟魚 配薯蓉 香草牛油汁 $138
盲鰽肉質超嫩滑 鮮甜帶彈性 肉質不鬆散 邊邊位帶點香脆 但又唔會煎到好乾 帶鹹香 簡單調味已經好足夠
底下舖滿薯蓉 薯蓉幼滑帶忌廉香氣 吸滿香草牛油汁 好邪惡但係好好食
中間夾有蘆筍 意式青瓜索有牛油汁 口感層次豐富

▪️蜜糖芥末醬豬仔骨配薯條 $168
薯條粗身 實心足料 外脆內軟 真係有薯仔味
雖然豬仔骨賣相唔太靚 但係入口又唔差喎 肉質超級軟腍 完全唔乾唔柴 不過朋友就比較鍾意帶咬口既肉質
肉同骨既比例簡直一比一 超多肉 調味恰到好處 啖啖蜜糖芥末味

▪️純洋甘菊茶
茶味清幽 味道唔會好俗 食飽解膩岩岩好 仲可以refill

整體而言 食物質素高 價錢合理 環境舒適 適合約會 係值得一試既黃店!

造訪日期: 2020年7月
感謝 sistersnfood
該評論乃TripAdvisor會員主觀個人意見,不代表TripAdvisor LLC公司。

去過Fab kitchen嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。