我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“食到飽飽日本燒肉放題 (銅鑼灣分店) ”
Hibiki的評論

Hibiki
香港排名第4,059 (共15,712家餐廳)
周圍地區: 佐敦/油麻地
餐廳詳細資料
周圍地區: 佐敦/油麻地
2022年6月27日 透過行動裝置

晚餐同朋友仔黎到銅鑼灣搵放題拆親飽,上網搵下就留意到呢間燒肉放題,發現呢間勁多款肉類、串燒、刺身、壽司、天婦羅、鍋物,包羅萬有,而最吸引我既就係Movenpick雪糕、Dreyer's甜筒係任食,雪糕控又想食到回本既我當然唔可以執輸!

Menu有四款放題套餐選擇,由美國澳洲和牛去到日本宮崎和牛應有盡有,仲列明有幾多款食品選擇,清晰透明!最後選擇左第二款套餐,美國及澳洲和牛放題78款,$398一位!

選擇完套餐,餐廳會為每位會奉上海鮮拼盤同埋燒肉拼盤,海鮮拼盤非常吸引:生蠔、甜蝦、三文魚、油甘魚、帶子、八爪魚、北寄貝、劍魚腩,每一款都好新鮮製成,尤其生蠔肥美口感都唔錯! 然後就可以用QR Code盡叫燒肉其他等78款食品!

出面有自助飲品同冷盤提供,最驚喜有日本空運汽水,波子汽水、哈蜜瓜波子汽水等等提供!

特別係每位加$48就可以飲盡日本梅酒、清酒、柚子酒同埋其他紅、白酒同啤酒,一大班人真係好適合飲酒暢言!

#響日本燒肉
銅鑼灣渣甸街66號亨環2樓

造訪日期: 2022年6月
感謝 Mroolong
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
發表評論評論 (8)
旅客評等
旅客類型
月份
語言

1 - 5 則評論,共 8

2021年8月23日

響Hibiki本身位於佐敦時已曾與朋友到訪享用晚市燒肉放題,但早前曾因疫情而停業一段時間,重開後不久又再次因租約問題而結業。最近終於在銅鑼灣重新開張,特意再次前來支持。晚市放題分為17:00-19:30或19:30-22:00兩個時段,最近由於有七七折優惠,每位折後連原價加一只需四百多元起。食物以QR code下單,除了肉類之外更有刺身、壽司、天婦羅等。除此之外,前菜、飲品及甜品均可以到自助區自取,更有清酒、柚子酒及梅酒等。

入座後不久便首先送上一份燒肉拼盤及刺身拼盤,燒肉拼盤包括澳洲和牛西冷、澳洲和牛肉眼、澳洲和牛胸腹、美國牛肋條、米澤三元豚腩片、米澤三元豚西冷、手羽(雞翼)及骨付雞肉腸。澳洲和牛有西冷、肉眼及胸腹三個部位,脂肪分布平均,油香四溢,以任食質素而言游刃有餘。每位客人均會附送一隻海膽三文魚子生蠔,可惜生蠔肉身較瘦。

刺身除了有三文魚、油甘魚、甜蝦等常見款式外,更有每日由日本空運到港的時令鮮魚。

燒肉方面更有醬汁燒肉如生薑汁澳洲肥牛薄燒、醬汁羊卷肉薄燒及生薑豚肉薄燒等,而一系列椒鹽燒當中個人最推薦雞皮串,燒過後變得微微焦脆,逼出油脂香而不膩。

其他天婦羅及炸物都即叫即炸,榴槤炸彈外層煙韌而內餡香濃,向來都是放題必吃之選。最後,雪糕方面更有四款Movenpick雪糕、Dreyer’s甜筒及Fruttato Gelato的雪糕和雪條。

造訪日期: 2021年8月
    • 划算度
    • 服務
    • 食物
感謝 Voracious1006
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2020年10月26日 透過行動裝置

朋友生日, 一行四人去食和牛燒肉任食放題。喺網上見到佐敦呢間燒肉店, 好有人氣, 趁佢而家做緊79折, 即刻去幫襯下先!

未落單餐廳已經自動送上各式拼盤, 好有效率值得一讚!

刺身拼盤 有三文魚、油甘魚、帶子、八爪魚、甜蝦、海膽。三文魚肥美肉厚, 帶子嫩滑彈牙, 甜蝦鮮甜爽口, 海膽口感濃郁醇厚!

波士頓龍蝦 好有酒店冷盤feel, 肉質鮮甜
爽滑彈牙清甜, 啖啖大快朵頤!

燒肉拼盤 有澳洲和牛胸腹、西冷片、牛肉眼片、美國牛肋骨、豚肉西冷和豬腩片。和牛西冷紋理油脂分佈均勻, 甘香美味!美國牛肋骨肥瘦適中, 牛味濃沃, 煙韌有嚼口!

雞翼、附骨雞肉腸 燒雞翼我鍾意食, 另呢度嘅雞肉腸都唔錯, 外皮香脆!

點咗冷盤前菜中華沙律、味付螺肉!

炸物、串燒
天婦羅蝦、蟹柳、南瓜、蔬菜、芝士年糕、榴槤炸彈!即叫即炸, 熱辣辣香脆可口!串燒就點咗雞軟骨、免治雞肉串、雞皮, 不過原來要自己燒, 質素都唔錯!

雪糕、甜品
雪糕有Dreyer's甜筒、榴槤雪糕杯、movenpick雪糕杯, 仲有其他雪條!我就揀咗movenpick士多啤梨雪糕軟骨creamy仲有鮮果肉。

甜品有迷你泡芙、芒果奶凍、cream tart和芒果蛋糕!未食到甜品已經飽啦!

造訪日期: 2020年10月
2  感謝 foodiehumprey
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2020年6月13日

朋友生日同佢慶祝食放題,有燒肉有魚生就最啱佢,八時入座任食2.5小時開心燒慢慢食,遇上79折優惠,正!當晚全場滿座,好彩預早訂位咋,唔係就GG了。

入座後唔駛order住,侍應會自動波奉上龍蝦、刺身拼盤和燒肉拼盤,唔駛埋座急急劃紙,好快有得食,真係省了不少時間。

飲品要離座自取,除了汽水,仲有酒類都可任飲。

龍蝦
冷盤波士頓龍蝦大隻,蝦肉爽口彈牙,隻鉗好大隻,不過要自己夾爆隻鉗,食起上來係有點論盡嘅。

刺身拼盤
拼盤有甜蝦、三文魚、八爪魚、油甘魚、帆立貝和海膽,魚生紋理清晰,樣樣新鮮肥美,用冰陣住凍食好爽。

燒肉拼盤
賣相吸引,每款燒肉旁都有牌仔,唔駛估估下都知食乜,好食當然再encore啦。和牛燒肉都有咁上下質素,骨付雞肉腸外皮脆大啖肉幾好食。

其他

燒大蝦:慢慢燒又唔易濃,燒至咁上下迫出蝦殼香味,蝦香四溢好索,甜美啖啖肉好食。

串燒:正正常常,當中以雞皮串燒比較惹火,火焰起舞吧~

天婦羅炸物:餃子好味,榴槤炸彈有如其名,一咬榴槤香味核爆,食完忍唔住又追加。

甜品:少有的Fruittato品牌雪糕,有榴槤味正呀~

造訪日期: 2020年6月
    • 划算度
    • 服務
    • 食物
感謝 cargolam
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2020年5月10日

第三次去「響 - Hibiki 日本燒肉」食放題,
雖然收費唔算係平,
但勝在用料上乘和講究,
仲有刺身、海鮮等,任食 2.5小時,
紅白酒、清酒、柚子酒、梅酒都係任飲,
絕對可以食到番本!

而家做緊澳洲和牛、龍蝦、海膽套餐,
疫境求生仲推出多款優惠,
晚市79折優惠,(加埋一就相等於87折),$355/位,
宵夜10:30pm後89折,免加一,(相等於8折優惠),$345/位,
唔想出街周圍去?
可以外賣套餐返屋企食架,仲額外有85折優惠~

刺身都幾豐富,
有三文魚、甜蝦、油甘魚、帆立貝、八爪魚和海膽,
款款都好新鮮!
三文魚、油甘魚都好肥美,
甜蝦好大隻,鮮甜味美,
帆立貝鮮味之餘,又有嚼勁,一定要encore!
傳統嘅馬糞海膽瓣塊較小,
但勝在味道濃厚甘甜,不錯吃!

今次搞搞新意思,唔再係海鮮拼盤,
而係轉左做龍蝦,
龍蝦肉質爽彈,不錯吃!

最欣賞「響 - Hibiki 日本燒肉」嘅係放題之餘,仲可以食到好高質嘅和牛,
全部都晒label介紹,
咁就可以自己親身比較下肉質嘅分別~
推薦❗️澳洲和牛西冷、胸腹和牛肉眼
大理石油花分布均勻,口感滑嫩多汁。

美國牛肋骨
比起其他澳洲嘅和牛肉肉質更有嚼勁!

小妹同我最鐘意食骨付雞肉腸,佐酒一流!推薦❗️

推薦❗️雞軟骨口感爽脆,只係加左啲鹽去調味,已經夠晒簡單又美味~

其他日本料理如沙律、天婦羅、炸物、鍋物都有,選擇幾多樣化~

呢到嘅天婦羅同炸物全部都係即叫即炸,熱辣辣~
其中最欣賞榴槤炸彈和芝士年糕,
外脆內軟,內餡十足,推薦❗️!

大胃王驚唔夠飽?
可以食多個烏冬或泡菜雜菌鍋~
冇諗過呢到嘅烏冬咁出色,
食得出係日本出品,口感嫩滑煙韌,我地仲啪左兩碗~
泡菜雜菌鍋有好多菇菌之餘,
仲有好多泡菜係裏面,微辣惹味~

甜品方面,
除咗有蛋糕和mousse cake,
雪糕選擇多,
有Mövenpick、Fruttato Gelato意大利雪糕、雪條和Dreyer’s甜筒。

造訪日期: 2020年4月
    • 划算度
    • 服務
    • 食物
感謝 foodie_talk
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。

查看過Hibiki的旅客也查看過

 

去過Hibiki嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單