我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“挑戰麻辣車仔麵”
Hot Pot Couple的評論

Hot Pot Couple
訂位
線上訂購
香港排名第5,368 (共13,939家餐廳)
餐廳詳細資料
2020年6月4日

店內環境唔錯確係幾靚,好有台灣feel,座位闊落,見有麻辣湯底車仔麵所以吸引左去食。

黃金魚皮 $39
魚皮口感脆卜卜,沾滿咸蛋黃醬,咸香惹味好食。

夫妻乾拌麵套餐 $88
套餐包了沙薑手撕雞拌麵和時菜雲吞。拌麵大大碗麵質爽口煙韌,雞肉嫩滑幾香沙薑汁,配埋青瓜絲和標準流心蛋,整體味道唔錯。時菜雲吞浸在雞湯裡,味道清清地幾健康。

夫妻自選同心麵(4餸) $84
麻辣湯底辣度尚可接受,烏冬軟滑,魚皮餃餡肉飽滿口感彈牙,西班牙黑毛豬瘦肉無咩油脂口感嫩有肉香,梅菜豚肉丸加左梅菜肉鮮甜美都幾特別。

造訪日期: 2020年6月
    • 划算度
    • 服務
    • 食物
感謝 cargolam
該評論乃TripAdvisor會員主觀個人意見,不代表TripAdvisor LLC公司。
發表評論評論 (7)
旅客評等
旅客類型
月份
語言

2 - 6 則評論,共 7

2020年4月18日

近排食得麻辣鍋都開始有少少膩,今日約左朋友夜晚食飯由佢發辦揀餐廳,估唔到佢帶左我黎一間麻辣火鍋店,起初心諗算啦食埋今次之後戒食一排,入到去先發現原來佢地有非火鍋外既dinner menu!

餐廳位於地牢內,門口沿住樓梯落去會見到2大幅油牆畫係一對貓夫妻襯返店名-夫妻沸片.

夫妻麻辣湯半肚半肉跟台式乾拌麵,食品用一個木盤整整齊齊咁放好再上枱,麻辣湯好濃郁,湯底呈深啡色帶點辣油既紅色係湯面上,滿滿一碗先飲第一啖,入口先唔會嗆喉,慢慢啖多幾啖陣辣味開始湧上喉嚨而且舌豆開始被麻痺,十分過癮.
牛肚切成幼條,入口爽彈,內裏牛肚胃壁凹凸不平既坑內掛起麻辣湯入口更惹味.
台式乾拌麵入口十分彈牙而且滑溜,用上麻辣醬去拌入口同麻辣湯有種雙重麻辣既感覺,好惹味,溏沁蛋香滑暫時為口腔解一解辣.

招牌夫妻麵揀左麻辣湯配日式稻庭烏冬,內裏配料超多.鴨血豬血糕都有,台灣風味超濃.麻辣湯夠麻食完出晒汗.

黃金魚皮炸得好香脆,魚皮上薄薄一層既鹹蛋黃漿食完都唔會覺得膩,雖然係薄薄一層但入口蛋黃香味好香濃,仲帶點沙沙既口感.

拍青瓜雲耳清爽解辣,價錢又抵,份量超多.

造訪日期: 2020年4月
感謝 Cantzipmyjeans
該評論乃TripAdvisor會員主觀個人意見,不代表TripAdvisor LLC公司。
2020年4月7日

約咗朋友來旺角交收,順便一齊食午飯。友人提議去「夫妻沸片」,初頭還以為是來吃台式麻辣火鍋,唔係好食得辣嘅我有少許卻步。

原來聽朋友講,店舖最近推出咗好幾款乾拌麵同車仔麵套餐,而且有辣有唔辣,應該啱我口味,所以想帶我去試下。

餐廳位於雅蘭中心地庫,佔地寬廣,店內有大量座位,另外亦也設有不少卡座,私隱度甚高。

點咗兩客「夫妻•乾拌麵」套餐同兩份台式小吃,套餐可以跟配乾拌麵、紫薯拌飯或白飯,另外仲有幾款指定飲品,如果想轉配台式特飲就要另加 $13。

美容養顏花膠雞濃湯麵跟台式乾拌麵 ($88):花膠雞湯同麵條分開盛載,上桌時還配有一小碟台灣直送的鴨血豆腐。成個湯頭都飲得,絕對係真材實料,而且飲完唔會覺得口渴。花膠雖然唔算好大件,但食落腍滑中又帶點微爽,每一啖都是骨膠原,口感不錯。雞件水準亦不俗,皮薄肉嫩,入口有雞味。

鴨血一啲異味都無,質地軟身而且好滑溜,口感非常討好;豆腐吸收曬碟底湯汁嘅精華,夠曬入味。

沙薑手撕雞拼時菜雲吞跟台式乾拌麵 ($88):分量十足的手撕雞面頭滿佈芝麻,同色、香、味俱全的拌麵撈埋一齊食,味道一流。麵條口感爽彈得嚟又有咬口,掛汁力超強,食落啖啖滋味。雲吞外形脹卜卜,飽滿足料,皮薄不會過厚,入口啖啖肉。

小食點咗黃金魚皮 ($39) 同滷牛腱,魚皮新鮮即炸,每一片都均勻地沾滿鹹蛋黃,食落又薄又鬆脆,香濃嘅鹹蛋黃味一擁而上,完全唔會有魚腥味,鹹味適中,食多幾塊都唔覺膩。

滷牛腱 ($54):牛的分量不少,滷水汁味道鹹甜適中,加上滷的時間啱啱好,牛吸收曬滷水汁,咬下筋軟肉嫩,甘醇甜美,入味又好吃,讓人一口接一口!

造訪日期: 2020年4月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2019年11月21日 透過行動裝置

在旺角搵餐廳吃午餐, 經過夫妻沸片, 店員在鋪頭門口叫我入去試下, 原來除了台式麻辣火鍋之外還有台式乾拌麵午餐, 聽到都幾吸引, 所以就一試吧! 點了兩款午市套餐~美容養顏花膠濃湯跟台式乾拌麵$88, 龍躉海鮮燴鮮蕃茄湯跟台式乾拌麵$78, 培火鐵觀音珍珠奶茶$13,御翠烏龍珍珠奶茶$13。

❇️美容養顏花膠濃湯~ 花膠養顏, 質地厚身, 雞肉嫩滑,非常濃郁的雞湯。

❇️龍躉海鮮燴鮮蕃茄湯~ 龍躉片厚切, 還有 元貝, 大蝦, 蟹柳和青口, 海鮮蕃茄味道甜美, 帶有鮮味。

❇️台式乾拌麵~ 微辣帶有麻香, 乾拌麵彈牙煙韌, 非常好味, 值得推介。

❇️鴨血和豆腐~ 鴨血和豆腐麻香味重,不是死辣。

❇️培火鐵觀音珍珠奶茶和御翠烏龍珍珠奶茶~ 兩款珍珠奶茶的茶味都很香醇, 不過珍珠稍為硬。

❇️夫妻沸片的午餐質素很好,店內環境舒適, 下次有機會要來試下台式麻辣火鍋。

造訪日期: 2019年11月
感謝 Victoriay_eatwithvic
該評論乃TripAdvisor會員主觀個人意見,不代表TripAdvisor LLC公司。
2019年6月12日

一般火鍋店已經滿足唔到愛新鮮既香港人啦,新勢力台式火鍋店開始掘起,主打特色湯底既火鍋店越開越多,今日一試台灣過江龍夫妻沸片。

招牌夫妻鍋:麻辣鍋+酸菜白肉鍋 $188
麻辣鍋我點左小辣,但辣度真的很低很低,應該係我食過最老少咸宜既麻辣鍋。
酸菜白肉鍋底會令食物有淡淡酸味,都算係幾特別既。

手切牛小扒(大) $338
肥牛絕對係打邊爐必備清單Top1!牛小扒油脂分佈均勻,比一般急凍肥牛切得更厚身,更有口感,而且肉質鬆化,更香牛味。

芋泥丸(半份) $40
手打豬肉丸包著香濃芋茸,口感Q彈!

一口台式腸 $48
台式腸比較香甜,細細條Size同芝士腸相若。

自家製手作麵 $38
手作麵條店員提醒放落湯後要打散佢,否則會黏作一團。麵質比較幼身,食落爽滑彈牙。

老油條 $48
炸到非常脆,餐牌上建議食法係將油條浸到底,索滿湯汁再撈上來食。

油麥菜 $48
A菜清甜、嫩綠,建議淥到開始軟身就食得,保持爽口口感。

醃春蛋(3串) $48
醃春蛋本身已烚熟,如果要入味既話要浸耐啲,但用餐時間只有兩小時,所以一上枱就即刻要放入湯度啦。

竹蔗茅根水 $68
冰涼解喝又清熱~ 推薦。

造訪日期: 2019年6月
    • 划算度
    • 服務
    • 食物
感謝 Pinkpump
該評論乃TripAdvisor會員主觀個人意見,不代表TripAdvisor LLC公司。

去過Hot Pot Couple嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單