我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“日式居酒屋”
Sake Bar Present的評論

Sake Bar Present
訂位
香港排名第5,882 (共13,988家餐廳)
餐廳詳細資料
2020年6月30日

松葉蟹茶碗蒸,以$78一份既分量都幾大而且幾足料,每一啖都食到蟹肉係裏面,除左蟹肉之外仲有少少蝦肉提高海鮮既鮮味.茶碗蒸加左少少清酒,可以去除左海鮮既腥味同時又帶清酒既醇米香.茶碗蒸夠滑溜高湯味香濃.

蟹肉薯餅炸得脆得黎又唔會炸到外層油淋淋,咬開爆晒漿,流左好多忌廉出黎.

汁燒紫菜飯團,握得好大份量$28個一定夠晒滿足,飯團外層燒得香脆帶粒粒飯焦感,內裏又唔會握得過實或過鬆散,見到珍珠米粒粒分明,飯團上既醬油汁稠密入口帶濃郁既醬油大豆香,再加上飯素再令味道添多份鹹香感.

厚切牛舌肉質夠爽脆容易咬開得黎又唔會有渣,油香夠濃加上少少椒鹽係牛舌面上就已經好夠味.

厚燒豆腐一塊豆腐既size真係幾大同厚而且外層燒得夠脆入口外脆內軟.係豆腐既面上掃上一層厚厚既花生芝麻醬入口令豆腐既味道帶微甜又夠麻香,令味道偏向平實既豆腐更惹味.

亞波美手羽先連埋雞翼尖超正,燒成金黃色唔會過火又唔會未夠喉,雞翼外皮微脆內裏仲有少少肉汁流出,同樣少少椒鹽做調味已夠晒.

板煎和牛粒煎得唔會過火,牛肉粒入口嫩腍充滿肉汁配上微甜帶果香既燒汁食落無咁膩滯.

芝士年糕睇得出好用心咁燒,將年糕燒到外層均匀地脆身又無燒燶帶點焦香味,入口外脆內軟,年糕煙煙韌韌中間夾住流心芝士,雖然邪惡但美食當前已經理唔到咁多.

造訪日期: 2020年6月
    • 划算度
    • 服務
    • 食物
感謝 Cantzipmyjeans
該評論乃TripAdvisor會員主觀個人意見,不代表TripAdvisor LLC公司。
發表評論評論 (4)
旅客評等
旅客類型
月份
語言
2020年4月22日

朋友食過話依間唔錯,今晚放工約唔到人決定自己去食。地點九龍城搭巴士落車,行入打鼓嶺道五分鐘就到。店內環境唔錯好有日式風格,串燒有好多選擇。

前菜先來一碟冷盤兩片牛舌,厚薄適中,作為開胃前菜唔錯。

日本波子汽水
叫左一支波子汽水,用來伴串燒一流。串燒即叫即燒,要等十分鐘左右。

先來燒冬菇 和燒日本青椒仔,兩者都好juicy,青椒仔鹹左少少。

鹽燒系列叫左牛舌、雞心和雞腎,三樣都好爽口,唔會好鹹,值得推介。

黑松露鵝肝多士size 有手掌大,鵝肝煎得好香口內裡juicy,但對於我黎講黑松露醬略少。

最後黎埋汁燒系列,呢兩樣比較濃味,有金菇牛肉卷同雞肝,金菇牛肉卷有兩件,雞肝亦有3粒,雞肝好粉加埋醬汁味道好夾。金菇牛肉卷略嫌重手左,有少少咸,但都可接受。

總括黎講呢度環境清靜,食物質素唔錯,係三五知己聚會好地方。

造訪日期: 2020年2月
    • 划算度
    • 服務
    • 食物
感謝 cargolam
該評論乃TripAdvisor會員主觀個人意見,不代表TripAdvisor LLC公司。
2020年3月26日 透過行動裝置

九龍城有乜好野食?今晚介紹呢間, 一入到黎有驚喜, 就係店內放緊我最鐘意聽既歌, 呢首歌令我有好多以前嘅回憶
⊰⊹═════════════⊹⊱
【明太子玉子燒】
玉子燒真是手工菜, 看似簡單但做起上來很考師傅的技巧, 這裏的玉子燒外層的蛋好嫰滑, 加上帶有少少辣味的明太子, 簡直是絕配。
⊰⊹═════════════⊹⊱
【法式芥未羊架】
法式芥末中和左羊架嘅羶味同油脂, 而且羊架火候控制得好好唔會太熟好難咬。
⊰⊹═════════════⊹⊱
【原條浦燒鰻魚10吋長】
鰻魚經烤過後再塗上蒲燒醬汁, 可去除本身的魚腥味, 而且烤過後不會太乾身, 可直接吃或配飯吃更是一流。
⊰⊹═════════════⊹⊱
【蒜蓉牛油燒扇貝】
呢個牛油燒扇貝要趁熱食, 用左好多蒜蓉落去燒, 大大粒嘅帶子充滿住蒜蓉同牛油嘅香氣, 令人好滿足。

造訪日期: 2020年3月
感謝 IG-foodie_felixchow
該評論乃TripAdvisor會員主觀個人意見,不代表TripAdvisor LLC公司。
2019年7月16日 透過行動裝置

九龍城多野食係人都知,在黃珍珍的街尾開了間新的居酒屋主要食串燒、飲杯酒,朋友知己relax~

餐單上好多選擇,價錢唔貴,大部份以一串起計算

牛油拌飯 配香蔥
第一次食,上枱時加入醬油拌勻,想不到簡單配搭,出來的味道意想不到地夾!一口接一口!

關東煮滷水蘿白豬腸
湯濃、餸味美

免治雞肉棒
啖啖肉,配生雞蛋點來食,更嫩滑

芝士雞翼
雞肉嫩滑, 唔可再重芝士味

芝士年糕
剛燒起,入口軟滑煙韌

汁燒紫菜飯團

甜燒菠蘿
超甜,熱熱地入口味道滿分,為全餐劃上完美句號~

造訪日期: 2019年7月
感謝 Lorna L
該評論乃TripAdvisor會員主觀個人意見,不代表TripAdvisor LLC公司。

去過Sake Bar Present嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單