我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“環境粉紅夢幻的美滋鍋”

Beauty in The Pot
餐廳訂位
香港排名第164 (共14,147家餐廳)
價位: US$26 - US$39
周圍地區: 佐敦/油麻地
餐廳詳細資料
周圍地區: 佐敦/油麻地
4 週前評論 透過行動裝置

環境粉紅夢幻的美滋鍋。進場前體貼有禮的服務員為我們量度體溫及要以消毒液清潔雙手。在自助冷盤及醬料區必需戴上口罩,這樣取食物便放心得多了。
這裡的冷盤選擇豐富,有涼拌雲耳、蓮藕片、青瓜條、西瓜、鮮橙和火龍果等。款款也是新鮮美味的。多款醬料可自由配搭,如沒有頭緒也不用擔心,牆上也貼著混醬的配搭給我們參巧。

維他命C蕃茄玉米鍋
蕃茄味相當濃郁,不知道是用了多少個蕃茄肴制的,朋友覺得以這湯底燙熟了的食物不醮醬也很夠味。

西班牙黑豚香肩(半份)$64
黑豚肩肉,肉味香甜又軟嫩,令人回味。

西班牙黑豚五花肉(半份)$98

貴妃蚌(2只)$64
比想像中大只,鮮甜又沒有沙的貴妃蚌,價錢很合理。

千層毛肚(半份)$34
以多層毛肚捲起再切成圓形薄片,賣相有新鮮感。灼熟後一條條幼薄的毛肚分散了出來,毛肚粒粒凸面浮現,有牛肚味香又有點爽脆。

豬肝(半份)$24

粉絲(半份)$14
尾段加入粉絲,吸收了濃又鮮的湯汁,軟軟滑滑,可口!

椒鹽豆腐 $48
豆腐外脆內軟,椒鹽調味出色,有驚喜。

唐生菜(半份)$14

竹蔗茅根(無限量添加)$25
清熱而不會過甜,可無限量添加,爽!

柚子沙冰
奉送的沙冰,既冰涼清爽,又可以清清味蕾!

真想不到在疫情反覆下,可以享受一頓美味而滿足的火煱,也感覺幸福真的不是必然的,感恩!

造訪日期: 2020年9月
感謝 Spfok
該評論乃TripAdvisor會員主觀個人意見,不代表TripAdvisor LLC公司。
發表評論評論 (54)
旅客評等
旅客類型
月份
語言

15 - 19 則評論,共 54

4 週前評論 透過行動裝置


通常夜晚打邊爐都會較多人,同埋又要等位。下午打就會悠閒啲。美滋鍋開業嘅時候已經大有名堂。

佢嘅裝修粉紅色,好有少女風味。入邊環境大,位坐得舒服。坐低之後就用iPad落單,揀咗雪耳椰子鍋。呢個鍋真材實料,啲湯非常清甜,雪耳有好多,打邊爐之前已經每人飲咗兩碗,好滋潤。

佢出邊仲有好多唔同嘅火鍋醬料,多不勝數。花生、麻醬、辣醬、菜莆、辣椒、蒜蓉、沙茶醬等等,比一般嘅多。

佢仲有啲小食:雲耳、青瓜等等;亦有生果西瓜、橙。

叫咗特色肉拼盤:有牛肉、豚肉及羊肉。

▪️安格斯牛三角-牛味幾香,肉質較結實
▪️安格斯牛小排-呢個肥瘦適中,食落有啲入口即溶
▪️田野鄉村燉豬肉-夠肥美
▪️西班牙黑豚香肩-薄身、肉夠林
▪️澳洲羊肉卷-羊味都幾重

叫咗半份韭菜豬肉餃及軟骨爽肉丸。韭菜餃大大隻,餡料豐富,韭菜好香。軟骨爽肉丸要滾耐少少,有咬口。

飲品叫咗水果紅茶及竹蔗茅根,$25有無限添飲。

呢度打邊爐,夠舒服,服務又好,唔錯。

造訪日期: 2020年9月
感謝 starrychow
該評論乃TripAdvisor會員主觀個人意見,不代表TripAdvisor LLC公司。
4 週前評論 透過行動裝置

見喺旺角有個大banner賣緊呢間餐廳嘅廣告 個火鍋湯底好似幾吸引 所以就嚟咗家樂坊嘅呢間美滋鍋試下
一嚟到已經覺得呢度嘅裝修同平時嘅火鍋店好唔同 座位舒適 而且唔會覺逼逼澀澀 周圍都好乾淨 而且這個感覺都好lady粉紅粉紅的
枱上面仲有幾個漏斗方便你煮嘢食嘅時候計時
至於出面嘅醬料部除咗有好多配料選擇之外 亦有一啲譬如係青瓜木耳等嘅前菜 同時亦有蜜瓜 西瓜 橙 火龍果等水果 擺得好整齊
我哋叫咗個四季鍋
裏面有醉雞湯底 - 裏面有幾嚿雞件 而且酒味都算濃 攞嚟當湯飲 感覺好滋補 有藥材味
椰子湯底 - 除咗有椰青水嘅甜之外 裏面仲有啲木耳 幾清潤
麻辣湯底 - 香香辣辣 如果鍾意重口味有食得辣嘅朋友可以試下
招牌膠原蛋白養顏美容鍋 - 似高湯味 幾好飲裏面仲有d雜菇
我哋得兩個人 所以只嗌咗幾款嘢食
美國安格斯牛小排 - 雪花均勻 肉質嫩口 超推介
炸響鈴 - 炸到香香脆脆 吸湯之選
手打什丸 - 裏面有四種丸 尤其以墨魚丸同蝦丸最為好味 超級彈牙 新鮮爽口 好好味
鴨血 - 嫩口 而且放喺辣湯度好吸味
黃金鮮魷 - 炸鮮魷配上濃濃嘅鹹蛋黃味 係我嘅最愛
其餘只係嗌咗啲金菇 蔬菜等 新鮮 乾淨 爽甜不過不失
同時呢度有三款飲品可以任飲 我哋就揀咗竹蔗茅根 $25
埋單嘅時候仲會送上柚子冰 畀你清新嘅感覺
埋單唔使800蚊 幾舒服幾開心嘅一餐

造訪日期: 2020年9月
感謝 haileychui
該評論乃TripAdvisor會員主觀個人意見,不代表TripAdvisor LLC公司。
4 週前評論 透過行動裝置

一想起打邊爐一定會去位於旺角的美滋鍋,喜歡它們裝修環境舒服食物質素不錯店鋪採用平板電腦自己落單十分簡單快捷又環保。火鍋配料是自助的,醬料都有二三十款自由配搭,還有小食及水果
維他命C蕃茄玉米鍋(湯底)
蕃茄味濃郁,湯底還有很多的粟米粒喜歡食蕃茄的我們非常喜歡這個湯底,酸酸地非常開胃。
日本香嫩白豬花肉(半份)
豬肉非常鮮嫩,油脂分佈均勻,油脂味道香甜之餘肉味也很濃。
白鱔片(半份)
肉質新鮮嫩滑,爽囗!
豬腰(半份)
一片片切得薄薄的豬腰,新鮮爽脆,健康有益

豬膶
色澤紅潤新鮮,食落爽口,配搭醬汁一齊食,美味可口。
鮮扇貝
扇貝肉質比較厚肉,清潔得很乾淨,而且還起了肉,食起來很方便。
最後店員為我們送上兩杯柚子冰,酸酸地涼浸浸,醒胃

造訪日期: 2020年9月
感謝 GaileLee
該評論乃TripAdvisor會員主觀個人意見,不代表TripAdvisor LLC公司。
2020年9月11日 透過行動裝置

疫情穩定咗,朋友即約我去打邊!

喺旺角家樂坊8樓有呢間“美滋鍋”,一入去見到粉紅色大熊,我哋兩個女仔即係狂影相打卡,笑~ ~ 餐廳感覺好少女feel,但原來係新加坡餐廳。

近門口仲有個寶寶樂園(疫情關係暫停開放)。

醬汁超過20款,冷盤小食有4種,新鮮水果有3種。 至於鍋款有單鍋、鴛鴦、4格,湯底有6種選擇,今次揀“長生抗癌松茸野菌鍋”,先飲吓湯,好清新,好香什菇味道。

牛肉係火鍋嘅靈魂,呢份安格斯牛三角比較肥美,如果鍾意牛肉帶點肥嘅你,就啱晒。

日本香肩白豬肉片真係唔同,一入口就好軟身,一啲都唔肥膩。

花雕甘榜雞(即係走地雞)好入味,煮熟後仍然食到好濃嘅酒香味。

仲有賣相好得意好靚嘅鯉魚豆腐魚餃,口感好軟身。 喺面書做少少分享就可以免費!

叫咗一啲配菜,例如炸魚皮,皇帝菜等。

最令我估唔到食火鍋嘅甜品唔係雪糕,係柚子沙冰,好濃柚子香味道,亦可以清清口腔氣味。

飲品可以揀單杯或無限次添飲,添飲抵好多,梗係叫任飲啦。 我揀咗無粒果茶,最適合消滯,朋友揀咗竹蔗茅根水消熱氣。

難得質量不錯,而且又係旺角,性價比高,讚!

造訪日期: 2020年9月
感謝 Leesouffle
該評論乃TripAdvisor會員主觀個人意見,不代表TripAdvisor LLC公司。

去過Beauty in The Pot嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單