我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“專為女生而設的火鍋”

Beauty in The Pot
訂位
香港排名第688 (共13,979家餐廳)
價位: US$26 - US$39
周圍地區: 佐敦/油麻地
餐廳詳細資料
周圍地區: 佐敦/油麻地
5 週前評論

聽朋友說旺角有滋補養顏火鍋店, 當然要試試啦。位置係家樂坊8樓,門口一隻大大的啤啤熊,入面粉紅色為主題的裝修,特別吸晴,女生見到已經十分開心。

這裡下單經平板電腦, 電子化方便快捷。湯底款式好多選擇,多是如滋補養顏及香辣鍋,我們選擇了鴛鴦鍋: 膠原蛋白養顏美容鍋$128、清涼解熱雪耳鮮椰子鍋。待應提議打邊爐前先來喝湯,以雞肉、紅棗、雞腳、豆腐和豬骨等熬超過半天時間而製成,入口已感到濃郁的鮮甜,口感豐富。
清涼解熱雪耳鮮椰子鍋($98),待應特別提出這湯底是用新鮮椰子水加入熬製,真的入口清甜,真材實料,好想飲多一碗,但肚子已經開始脹,仲有其他食物要品嚐。

配料款式($20/位)選擇十分多,還有小食及水果以自助形式自取。

火鍋有半份/全份, 我地大多點了半份, 就可以試到更多食物。

嫩肩小羔羊肉 (半份) $49羊味十足夠嫩,薄切易入口又快熟。

日本香肩白豬肉片(半份)$69, 夠薄,拖兩拖一轉色就食得,口感軟滑得帶點嚼口。

美國安格斯牛小排(半份)$139,好香牛味,油脂分佈平均,唔似一般放題肥牛,這個是高檔次牛肉,誠意推介!

珊瑚蚌(半份) $74,口感爽脆。

黃金魚皮($58), 見到隔離檯食,本來已經很飽,但見到實在太吸睛了,忍唔住都要試一試。厚厚的鹹蛋黃醬均勻地舖滿魚皮上, 難得魚皮仍然很脆,究竟是點製作的呢? 真的很想知道。

叫了太多食物,有蝦卷、花膠、丸子盛盒、 綜合滑、珍寶鮮蝦水餃、 油麥菜…………,未能一一盡錄,基本上所有食材都好新鮮,大滿足。

最後贈送柚子沙冰,甜甜酸酸,甜度剛好,有消滯作用。

這裡有漏斗計時器,用來計算烚肉類和海鮮的時間,另外待應的服務也很細心,會幫忙湯底除油,倒飲品, 仲會提有啲食材唔好落太耐,實在不錯,下次要再試試其他湯底。

造訪日期: 2020年6月
    • 划算度
    • 服務
    • 食物
感謝 JJIPMaster
該評論乃TripAdvisor會員主觀個人意見,不代表TripAdvisor LLC公司。
發表評論評論 (30)
旅客評等
旅客類型
月份
語言

8 - 12 則評論,共 30

2020年7月1日

環境,裝潢好適合打卡。被門前的花花啤啤熊所吸引,店內採用粉紅色為主調,女生最愛!
醬料區擺放整齊,食得安心。還有少許小吃和生果。
鍋底清清地,是長生抗癌松茸雜菌,建議先嚐湯底,果然啖啖菇味飄香。
為了想食多款,最終決定了牛肉拼盤,有牛小排,牛舌,安格斯牛,肥牛和黑豚肉粒。
我最喜歡牛小排,味道濃厚,軟腍。
綜合滑共有三款。三款都爽口彈牙。
芝士墨魚丸也不遜色,彈口之餘還有芝士的惹味。
其他配料如鴨血,鴨舌,滑豆腐,炸響鈴....都是用心,新鮮之作。
食物水準不錯,服務也殷勤,環境坐得舒服,值得一來再來。

造訪日期: 2020年6月
    • 划算度
    • 服務
    • 食物
感謝 pcsy
該評論乃TripAdvisor會員主觀個人意見,不代表TripAdvisor LLC公司。
2020年6月30日 透過行動裝置

上次同朋友去家樂坊樓上食泰國菜Morokok,發覺原來隔離有一間同樣少女心滿分嘅餐廳 ── 美滋鍋。以粉紅色為主體嘅火鍋店真係好少見,女孩子們一定好鍾意!

餐廳要求每一位自助吧拎醬料嘅客人都要戴口罩,絕對唔使驚唔衛生感染武肺。除咗各式各樣嘅調味料例如豉油、沙茶醬、炸蒜粒等等,仲有冷盤小食同埋水果任君選擇!

長生抗癌松茸野菌鍋 $128
趁烚下烚下之前試真啲湯底個味。個人比較愛好清淡,呢個相對唔膩嘅野菌鍋啱曬我口味。大量嘅菌類加埋蟲草花,味道鮮甜可口,好似幾滋補咁真係飲極都唔厭。唔夠湯嘅時候好多火鍋店都加水另味道`變淡,呢度會為客人一樽樽嘅湯備用,值得一讚。

菌類綜合拼盤 $68
綜合滑 $128
你諗到嘅菇都有齊曬,秀珍菇、杏鮑菇、針菇等等樣樣都好新鮮唔會霉。
滑類樣樣嘅口感都好彈牙,似係自家製。

精選牛肉拼盤 S288
我打邊爐最鍾意食牛。揀拼盤貪可以試曬各種肉類,樣樣試少少好味先再單點!特別欣賞安格斯牛小排同埋巴西牛舌,前者雖然牛味唔係話特別重,勝在油花均勻,口感嫩滑實在。後者味道濃烈得黎無膻味,而且因為薄切嘅關係入口即溶。

牛舌 (半份) $49
實在太好味所以單點左多半份!

滑豆腐 (半份) $19
芝士墨魚滑 (半份) $49
炸響鈴 (半份) $29
樣樣半份人少少都唔會食唔曬!

柚子冰沙
用餐後店員送上冰涼輕新嘅甜品作結,細細杯解膩一流。

造訪日期: 2020年6月
感謝 Jellylyt
該評論乃TripAdvisor會員主觀個人意見,不代表TripAdvisor LLC公司。
2020年6月4日

今天與女性好友相約,朋友帶同小孩一同外出,晚飯的時候她說吃火鍋。令我想起之前光顧過的美滋鍋,皆因餐廳設有室內兒童遊樂場,可讓小朋友進食同時亦可以玩樂,而且疫情期間做六八折優惠,十分划算。

這間餐廳是來自新加坡的夢幻粉紅主題火鍋店,整體裝潢以粉紅色為主調,而點餐亦是以 iPad 自助形式落單的,餐廳門口位置放有一部扭蛋機作裝飾,以及放有一個玫瑰花熊,可供食客拍照。

四季鍋
我們選擇了膠原蛋白養顏美容鍋、牆身抗癌松茸野菌鍋、養生藥膳醉雞鍋、清涼解熱雪耳鮮椰子鍋。膠原蛋白養顏美容鍋有菇菌、豆腐、杞子等食材,入口香滑清甜。牆身抗癌松茸野菌鍋味道清淡健康,松茸味道香濃,份量充足。 養生藥膳醉雞鍋入口鮮甜,藥膳味道濃郁,而且有滋補養生的功效。清涼解熱雪耳鮮椰子鍋味道清甜濃郁,椰子味道突出。

特色肉拼盤
特色肉拼盤的肉類分別有西班牙黑豚香肩、田野鄉村嫩豬肉、美國頂級牛小排、美國安格斯肥牛丁。西班牙黑豚香肩肉味濃郁,軟滑細嫩,田野鄉村嫩豬肉味道鮮美香嫩,美國頂級牛小排油脂分佈均勻,口感鮮嫩多汁,美國安格斯肥牛丁肉味香濃,柔軟多汁。

菌類綜合盤
菌類綜合盤有五種茹類,分別是黑白松菌、鮑魚菇、鮮冬菇、雞脾菇、金針菇。黑白松菌鮮嫩清香,爽滑脆嫩。鮑魚菇厚實肥美,味道清爽,嫩滑彈牙。鮮冬菇味道獨特鮮香,口感滑嫩。雞脾菇入口肥厚,帶有一股特有的杏仁清香。金針菇滑嫩爽脆,味道清香。

牛肉丸半份
牛肉丸用料新鮮,牛肉肉質細嫩,口感嫩滑,牛味濃郁,有牛肉的鮮甜味,整體味道與山竹牛肉丸相約。

芝士蝦丸半份
芝士蝦丸內餡有飽滿的芝士醬,入口芝士緩緩流出,佈滿口腔,質感細滑柔軟,味道香濃,而蝦肉新鮮彈牙,甘甜鮮美。

珍寶鮮蝦水餃全份
珍寶鮮蝦水餃大顆飽滿,餃子外皮薄身嫩滑,內餡蝦肉眾多,入口新鮮,口感清脆鮮嫩,飽滿爽口。

其餘還點選了新鮮雞子半份、黑毛肚半份、海參半份、脆肉鯇魚片全份、皇帝菜全份、鮮淮山全份,食材入口均新鮮可口,而且餐廳提供31款醬料以及8款生果作選擇,這間餐廳特別之處是可供食客選擇半份,而不是局限全份,務求讓食客可以品嚐多幾款其他食材。

另外我們又點選了自製水果紅茶無糖無限量添加以及竹蔗茅根無限量添加,皆因飲品價錢亦是十分優惠,只需一杯飲品的單價補加少許金額,即可以無限任飲。
而且現在午市亦推出套餐做三五折優惠,下次可以再與朋友相約於此聚餐呢!

整體而言,食材新鮮美味,環境裝潢夢幻舒適,而且更貼心設有兒童遊樂場,十分適合一家大小以及愛拍照人士,是與家人朋友聚餐的好地方。

造訪日期: 2020年5月
    • 划算度
    • 服務
感謝 PatrickCheung0502
該評論乃TripAdvisor會員主觀個人意見,不代表TripAdvisor LLC公司。
2020年5月25日

今日去了旺角,去試吓朋友介紹嘅美滋鍋,地點非常方便,位置左旺角登打士街26號家樂坊8樓,由旺角地鐵站E2出口,行5分鐘就到,非常方便

上到去餐廳門口,已經有禮貌嘅服務員幫我地量體溫,再問我哋幾多位,好快就可以入餐廳坐低,有店員詳細嘅解釋,再睇過餐牌,今次決定點過鴛鴦鍋,長生抗癌松茸野菌鍋配 滋補養生香辣鍋

餐廳用電腦下單,有相睇,非常方便

開始之前,先裝好配料,見到配料區,真係壯觀,仲有攻略教你點樣調配, 十分周到

美國安格斯牛小排,超好味,絕對係鎮店之寶,一定要試

牛舌,薄薄嘅牛舌,淥幾秒可以上碟,非常爽口

嫩肩小羔羊肉,一啲都唔「蘇」,肉質香嫩,入口嫩滑

鴨血,個人來講,好喜歡吃豬紅,今次試一試鴨血,感覺好新鮮

豬肉卷,因為係豬肉,所以要淥熟一點,淥個五分鐘就食得,又係必食之選

年糕,有出色嘅湯底,唔好浪費,年糕浸入晒美味嘅湯底,非常咁好味

造訪日期: 2020年5月
    • 划算度
    • 服務
    • 食物
感謝 sfc04
該評論乃TripAdvisor會員主觀個人意見,不代表TripAdvisor LLC公司。

去過Beauty in The Pot嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單